Alþýðublaðið - 09.06.1990, Blaðsíða 22
HVÍTA HÚSIÐ / SÍA
22
Laugardagur 9. júní 1990
Öryggi í viðskiptum
- heiðarleg skattskil!
Það er allra hagur að peningakassar (sjóðvélar) verslana séu í lagi. Staða
viðskiptavinarins er þá örugg og tryggt er að skatturinn sem hann greiðir í
vöruverðinu kemst til skila. Verslunin hefur öll bókhaldsgögn á hreinu
og báðir aðilar standa skil á sínu í sameiginlegan sjóð okkar allra.
Það er því mikilvægt að vita hvemig löglegir peningakassar eiga að vera.
Réttir viðskiptahættir tryggja heiðarleg skattskil.
Þau eru undirstaða þeirra sameiginlegu verkefna í
Glugginn á að vera sýnilegur til
þess að viðskiptavinurinn geti
gengið úr skugga um að
viðskipti hans séu rétt skráð.
Innri strimill verður að vera í
kassanum sem sýnir hverja
innstimplun og fer hann inn í
bókhaldsgögn verslunarinnar.
Ytri strimil - kassakvittunina -
á hver viðskiptavinur að fá í
hendur.
Kassinn á að vera lokaður
þegar afgreiðsla hefst og
honum á að loka þegar
afgreiðslu lýkur.
landinu sem við njótum öll góðs af. fjármálaráðuneytið
Reglur fyrir heimsmeist-
arakeppnina í knattspyrnu
Þaðmáekki
yrða á
starís-
mann/hús-
bónda
meðan á
leik slendur
Vegna Heimsmeistarakeppn-
innar í knattspyrnu sem fram fer
flesta daga næstu þrjár vikurnar
hefur það verið talið nauðsyn-
legt að setja vissar reglur, sem
atvinnurekendur og húsmæður
verða að fara eftir í einu og öllu:
1 Ekki má yrða á starfsmann/hús-
bónda meðan á leik stendur. Hins
vegar má gjarnan hlusta á sérfræði-
legar athugasemdir hans og fúkyrði
út í dómara og leikmenn. Lokið
munninum — hlustið!
2 RÚV-sjónvarpið má ekki undir
neinum kringumstæðum viðhafa
neins konar truflanir á útsendingum
sínum meðan á knattspyrnukeppn-
inni stendur. Slíkt er refsivert athæfi
og skyldu starfsmenn RÚV hafa það
í huga.
3 Fimmtán mínútum áður en leik-
ur hefst skal vera komin á algjör ró
á vinnustað/heimili. Smábörn á
heimilinu og húsdýr skulu þá hafa
verið fóðruð og þau lögð í hvílu.
4 Fimm mínútum fyrir leik skal
framreiða þrjá kalda bjóra eða léttar
vínblöndur til að sljákka á tauga-
álagi áhorfandans. í hálfleik skal
endurnýja þessar birgðir og losa
öskubakka.
5 Sérstaklega skal húsmæðrum
bent á að ekki er heimilt að yfirgefa
húsið meðan á leik stendur. Þurfi að
framlengja leik þarf húsbóndinn á
sérstakri aðhlynningu að halda,
ekki síst ef vítaspyrnukeppni bætist
við framlenginguna.
6 Ekki má girnast húsbónda eða
gerast ástleitin við hann meðan á
leikjum í HM stendur. Gæta skal
klæðaburðar, hann má ekki vera of
ögrandi á neinn hátt, þannig að
áhorfandinn freistist til að hætta að
líta á skjáinn.
7 Heimsóknir eru bannaðar með-
an á útsendingu stendur. Hjá fyrir-
tækjum gildir hið sama, enga við-
skiptavini takk! Hringingar með
öllu bannaðar. Lokið skiptiborðinu.
8 Samræður um aðra hluti en
knattspyrnu eru með öllu bannaðar
meðan á leikjum HM í sjónvarpinu
stendur.
9 Verði leikur endursýndur sam-
dægurs eða seinna gilda sömu regl-
ur og að ofan eru skráðar.
10 Atvinnuveitendur skulu ekki
vera með neitt múður, enda þótt
starfsmenn af sterka kyninu sitji yfir
sjónvarpinu um miðjan dag. Það er
ekki þeim að kenna að leikirnir fara
fram á svona fáránlegum tíma suður
á Ítalíu. Það er ekki heldur þeim að
kenna að þeir eru ekki í sumarfríi á
þessum tíma.
Ofangreint verði tekið til vinsam-
legrar athugunar.