Vísir - 20.12.1976, Blaðsíða 32

VISIR
Mánudagur 20. desember 1976
• DAGARTIL
** JÓU
Verður Þor-
móði goða
breytt í djúp-
rœkjuskip?
Veriö er að kanna möguleik-
ana á þvi að breyta togaran-
um Þormöði goða I djúprækju-
skip.
Hér á landi eru nú staddir
fulltrúar fyrirtækis, sem
framleiðir rækjuflokkunarvél-
ar, suðuvélar og frystivélar,
sem eru þau tæki sem þyrfti
að setja i skipið ef til breyting-
anna kæmi.
Þeir hafa skoðað skipið og
eru nú að semja tilboð til
Bæjarútgerðar Reykjavikur
um sölu á þessum tækjum.
Þegar það liggur fyrir veröur
tekin ákvörðun um það i út-
gerðarráði hvort af breyting-
unum verður. — SJ
Lést
í bílslysi
Fimmtiu og eins árs gamall
maður, Jakob Hansen, lést i
bilslysi viö Hveragerði á
laugardag. Jakob bjó að Lauf-
skógum 39 i Hverageröi. Hann
lætur eftir sig konu og fjögur
börn.
Þetta hörmulega slys varð
við vegamót rétt austan viö
Hveragerði. Jakob sem var á
fólksbil, kom akandi eftir af-
leggjara að Vorsabæ og út á
aðalvegiun, en ók þá i veg
fyrir jeppa sem var á austur-
leið. Skullu bilarnir saman og
var áreksturinn mjög harður.
Þrennt var i jeppanum og
hlutu ökumaður og farþegi i
framsæti litilsháttar meiðsl.
Lögregluþjónar
yfirheyrðir
„Málið er alit farið að skýr-
ast og rannsókn lýkur væntan-
lega fyrir jói,” sagöi Stein-
grimur Gautur Kristjánsson
umboðsdómari i samtali viö
Visi i morgun.
Hann rannsakar meinta
ólöglega handtöku á Karli
Guðmundssyni, bifreiðastjóra
Guðbjarts Pálssonar, og hefur
hann yfirheyrt þá báða og
nokkra lögregluþjóna úr
Keflavik. Yfirheyrslum verð-
ur haldið áfram i dag, en að
rannsókn lokinni verður málið
sent rikissaksóknara.
Jón Eysteinsson, bæjarfó-
geti i Keflavik, hefur vikið
Hauki Guðmundssyni rann-
sóknarlögreglumanni i Kefla-
vik úr starfi þar til öðruvisi
verður ákveðið. Segir i bréfi
bæjarfógeta, að framkvæmd
handtökunnar hafi verið undir
stjórn Hauks og hann telji þvi
rétt að Haukur gegni ekki
störfum við embættið meðan á
rannsókn stendur.
Þegar Visir hafði samband
við Hauk Guðmundsson i
morgun kvaðst hann ekki hafa
verið yfirheyrður i þessu máli
og hann gæti þvi ekki tjáð sig
um hvað þessi rannsókn sner-
ist um. —SG
Gœsluvarðhaldsfangarnir í Geirfinnsmálinu:
Segja misskilning hafa
leitt til dauða Geirfínns
Samantekin ráð um að bendla fjórmenningana sem
settir voru í varðhald í upphafi ársins við málið
Við yfirheyrslur yfir föngun-
um, sem nú sitja i gæsluvarð-
haldi vegna rannsóknar Geir-
finnsmálsins hefur komið fram,
að þeir höfðu komiö sér saman
um aö draga fjórmenningana,
sem hnepptir voru í gæsluvarð-
hald i þrjá mánuði i upphafi
þessa árs inn i málið.
Virðist þvi sem um samsæri
hafiverið að ræða, en rannsókn-
armenn hafa enn ekki getað
sannreynt, hvenær eða að öllu
leyti af hvaða ástæðum ákvörð-
un þessi hafi verið tekin, en þó
er ljóst, að það var áður en hinn
fyrsti þeirra sem nú situr i varö-
varðhald fyrir rúmu ári.
Mun ekkert hafa komið fram
við rannsókn málsins, sem
bendir til að fjórmenningarnir,
þeir Einar Bollason, Valdimar
Olsen, Magnús Leopoldsson eða
Sigurbjörn Eiriksson hafi á
nokkurn hátt verið viðriðnir
Geirfinnsmálið og mun báts-
ferðin frá dráttarbrautinni, sem
mikið var talað um, aldrei hafa
verið farin.
Eins og fram kom i viðtali
Visis við Karl Schutz, saka-
málasérfræðing, sém verið
hefur islensku rannsóknar-
mönnunum til ráðuneytis við
rannsókn Geirfinnsmálsins, eru
nú öll meginatriði Geirfinns-
málsins orðin ljós. I viðtalinu,
sem birtist á föstudaginn var
kom fram, að nú er unniö að
sannprófunum og tæknilegum
rannsóknum og úrvinnslu
gagna.
Schutz er nú farinn utan i
jólaleyfi en er væntanlegur
aftur hingað til lands 4. janúar
næstkomandi og mun stefnt að
því að kynna niðurstöður
rannsóknarinnar i janúarmán-
uði eða febrúarbyrjun.
Rannsóknarmennirnir munu
enn gera sér vonir um að finna
jarðneskar leifar Geirfinns
Einarssonar samkvæmt ábend-
ingum gæslufanganna og beinist
leit þeirra þessa dagana að
Rauðhólum skammt ofan við
Reykjavik.
Við yfirheyrslur hefur komið
fram, að ætlun gæsluvarðhalds-
fanganna var að eiga viðskipti
við Geirfinn Einarsson i drátt-
arbrautinni i Keflavik, 19_
nóvember 1974, en þegar til kom •
mun það hafa reynst á misskiln-
ingi byggt, að hann hefði nokk-
um varning til sölu. Eftir að
Geirfinnur hafði hent til baka
peningum, sem Sævar Cicielski
hafði rétt honum, mun hafa
komið til átaka, sem leiddu til
dauða Geirfinns. —-SG
Þrátt fyrir bllðskaparveður og lltið frost eru alltaf margir sem eiga f erfiðleikum með að koma bflum
sinum f gang. Sumir hreiniega setjastá vélina meðan reynt er aðkoma henniá stað (Ljósm. Loftur)
Kœrðu bingóið
til lögreglu
Bingó var haldið i Stapa i
gærkvöldi. Stjórn knatt-
spyrnufélagsins i Keflavik
hafði spurnir af þvf að bingóið
væri haldið f nafnifélagsins.
Enginn úr félaginu eða stjórn-
inni kannaðist við að halda
bingóið og var þvi málið kært
til lögreglunnar.
Bingóið var i fullum gangi
þegar á staðinn var komið og
var það ekki stöðvað. Hins
vegar var lagt hald á innkom-
una og verður málið rann-
sakað f dag. Virðast þarna
einhverjir einstaklingar hafa
staðið fyrir bingóinu en hvort
þeir hafa orðið að hafa bingóið
Inafni félags til þess að fá hús-
ið á leigu eða af annarri
ástæðu ætti að koma i ljós i
dag.
—EA
HÆSTIRETTUR KLOFNAÐI I GUÐBJARTSMALINU:
Fátítt að ómerkia
gcesluvarðhaldsúrskurð
Meirihluti Hæstaréttar hefur
ómerkt gæsluvarðhaldsúr-
skurðinn yfir Guöbjarti Þórði
Pálssyni og var honum sleppt úr
haldi á laugardagskvöld. Það er
mjög fátitt ef ekki einsdæmi að
gæsluvarðhaldsúrskurður sé
ómerktur af Hæstarétti, en einn
dómenda skilaði sératkvæði og
vildi staðfesta hinn kærða
úrskurð.
1 dómsatkvæði meirihlutans
kemur fram, að úrskurðurinn
var birtur Guðbjarti klukkan 19
þann 7. desember og var honum
bent á að hann gæti kært
úrskurðinn til Hæstaréttar, en
það sjáist ekki af bókun, að
honum hafi verið leiðbeint um
sólarhringskærufrest. Að beiðni
Guðbjarts var hæstaréttarlög-
maður skipaður v'erjandi hans
daginn eftir en sá baðst sam-
dægurs undan starfanum vegna
anna og var þá Tómas Gunn-
arsson skipaður verjandi. Hann
kærði varðhaldsúrskurðinn með
simskeyti sem barst bæjar-
fógeta um klukkan 10 þann 9.
desember.
Meirihluti Hæstaréttar segir
að eins og atvikum sé háttað
standi þvi ákvæði laga ekki i
vegi að kæran sé tekin til með-
ferðar. Hins vegar séu ýmsir
annmarkar á hinum kærða úr-
skurði. Kæruefnum sé svo laus-
lega lýst, að eigi verði viðhlit-
andi. Kærur ekki tlmasettar og
óglöggt frá hverjum þær stafi.
Þá sé ekki sérgreint nægilega
i hverju hin einstöku brot séu
fólgin og hinn kærði úr-
skurður brjóti svo mjög i bága
við fyrirmæli laga að
óhjákvaémilegt þyki að ómerkja
hann. Tekið er fram að ekki hafi
borist greinargerð frá rikissak-
sóknara.
Sératkvæði Þórs
Þór Vilhjálmsson hæsta-
réttardómari skilaði sératkvæöi
og vildi staðfesta hinn kærða
úrskurð. Hann tekur fram, að
ætla megi, að varnaraðili muni
reyna að torvelda rannsóknina
ef hann hafi óskert frelsi með
þvi að skjóta undan gögnum og
hafa áhrif á vitni og samseka.
Þá segir að kæruefnun sé lýst i
stuttu máli i hinum kærða
úrskurði, en þó með þeim hætti
að ekki orki tvimælis fyrir varn-
araðila og verjanda hans hver
þau eru, enda hafi verjandi gert
þeim itarleg skil I greinargerð
sinni fyrir dómi.
1 sératkvæðinu eru efnisatriði
rakin nokkuð og þar kemur
fram, að maður sem nú er fangi
á Litla Hrauni hefur kært
Guðbjart fyrir að hafa stolið
andvirði vixla að upphæð -
1.200.000 krónur. Kæran er dag-
sett 16. nóvember, en þann dag
kom Haukur Guðmundsson i
heimsókn til fangans.
Þá er Guðbjartur kærður fyrir
aðhafa ekki skilað andvirði víx-
ils sem hann hafi tekið við til
sölu frá kaupmanni i Keflavik.
Kæran kom fram i nóvember
1974 og 28. mai 1976 sendi saka-
dómur Reykjavikur málið til
bæjarfógeta i Keflavik. Beðið
var um að skýrsla yrði tekin af
kaupmanninum og málið sent
saksóknara. Ekki sést af
skjölum málsins að þetta hafi
verið gert.
Þá' hefur Guðbjartur verið
kærður fyrir að eiga hlut að
misferli i viðskiptum við
verslun á Akureyri. 1 kærunni
segir að tilteknir menn, þar á
meðal Guðbjartur, hafi lofað að
veita versluninni lán haustið
1975 að fjarhæð 1,5 milljónir,
fengiðfrá henni vixla að upphæð
tvær milljónir og tryggingar-
bréf, en ekki greitt lánsféð þá
eins og um var samið og aldrei
að fullu.
Visir hefur aflað sér upplýs-
inga um þetta mál og mun
verslunin hafa fengið I hendur
innátæðulausa ávisun fyrir lán-
inu þegar prókúruhafi hennar
var búinn að afhenda vixlana og
tryggingarbréfið. Otgefandi
ávlsunarinnar var ekki Guð-
bjartur.
Loks segir i hinum kærða úr-
skurði að varnaraðili hafi játað
að eiga hlut að kaupum á um 15
litrum af spiritus.
Það skal tekið fram, að Guð-
bjartur neitaði að hafa stolið
andvirði vixla fangans, en fram
kemur að þeir hafi átt viðskipti
saman. Hins vegar viðurkenndi
hann afskipti af Akureyrar-
máiinu. —SG