Morgunblaðið - 13.07.2001, Síða 23

LISTIR
MORGUNBLAÐIÐ FÖSTUDAGUR 13. JÚLÍ 2001 23
HELGA Birgisdóttir og Olga Páls-
dóttir opna sýninguna Líf og dauði í
listasalnum MAN, Skólavörðustíg
14, á laugardag kl. 17. Listakonurnar
hafa nýlokið námi frá Listaháskóla
Íslands og er yfirskrift sýningarinn-
ar í tengslum við þema sem þær
unnu að við útskriftaverkefni sín.
Sýndir verða leikskúlptúrar og graf-
ísk verk.
Sýningin verður opin virka daga
kl. 10:00–18:00 og um helgar 14:00–
18:00. Henni mun ljúka 3. ágúst
2001.
Líf og dauði
Á SJÖUNDU tónleikum sumartón-
leikaraðar veitingahússins Jómfrú-
arinnar við Lækjargötu á laugardag
kemur fram kvartett saxófónleikar-
ans Hauks Gröndal. Með Hauki leika
Björn Thoroddsen á gítar, Gunnar
Hrafnsson á kontrabassa og Matth-
ías Hemstock á trommur. Tónleik-
arnir hefjast kl. 16 og standa til kl.
18. Tónleikarnir fara fram utandyra
á Jómfrúrtorginu ef veður leyfir, en
annars inni á Jómfrúnni. Aðgangur
er ókeypis.
Kvartett
Hauks Gröndal
á Jómfrúnni
♦ ♦ ♦
SAGAN segir að hollensk-banda-
ríski listmálarinn Willem de Koon-
ing – sem þekktur var fyrir sína
hömlulitlu expressjónísku abstrakt-
list – hafi staðið frammi fyrir mál-
verki eftir landa sinn Piet Mondrian
– föður geómetrískrar abstraktlistar
– og látið í ljós öfund yfir frelsinu
sem hann taldi sig sjá í nákvæmum
vinnubrögðum hans.
Nærstaddir tóku þessu hneyksl-
aðir sem heldur gráu gamni, einkum
þar sem ekki var langt um liðið frá
andláti strangflatameistarans.
Fæstir skildu að de Kooning var fúl-
asta alvara.
Það vill oft gleymast að tjáning-
arfrelsi listamannsins er afstætt líkt
og annað frelsi. Ástæðan fyrir því
hve auðveldlega de Kooning gat sett
sig í spor Mondrian var sú að hann
vissi vel hvaða verði frelsið var
keypt. Því óheftar sem maðurinn
tjáir sig því sterkara taumhald verð-
ur hann að hafa á umsvifum sínum.
Eggert Pétursson ætti því að geta
sett sig í spor beggja.
Þegar málverk Eggerts eru farin
að nálgast það sem sjá má á sýningu
hans í Gallerí i8 má segja að hann sé
búinn með frelsiskvótann, eða taum-
lausa óreiðuna sem býr í undirlag-
inu. Á móti er yfirborðið allt hið ná-
kvæmasta. Með stækkun flatarins
koma í ljós tengsl hans við arfleifð-
ina eins og hún artaði sig frá Monet
til Pollock.
Verk Eggerts eru vissulega mál-
uð með yfir-allt-tækni – all over ef-
fect – eins og vatnaliljumyndir Mon-
et. Í þeim er enginn einn brenni-
punktur heldur flæðir myndefnið
eftir yfirborðinu eins og endalaust
rósmynstrað veggfóður. Fífubreiðan
er til marks um hlutbundna og
óhlutbundna túlkun saman komna í
einu og sama verkinu. Takist áhorf-
endum að skoða bakgrunninn milli
hvítra fífuhnoðranna taka þeir sjálf-
sagt eftir því að hann er svo til allur
úr óhlutbundnum og óræðum lit-
böndum.
Það eru einstæðir hæfileikar Egg-
erts að geta fangað þessa óreiðu alla
og kynnt hana líkt og hverri jurt
hefði verið fundinn staður eftir ná-
kvæmu skipulagi. Eitt stendur gest-
um þó ljóslifandi fyrir hugskotssjón-
um þegar þeir horfa á myndir hans.
Það er gróðurinn við fætur okkar –
lyngkápan og ylmandi grassvörður-
inn – þessi viðkvæmu og hversdags-
legu jarðarklæði sem þó eru svo
nærtæk að fáir geta látið það vera
að hnoðast í þeim eins og dúnmjúkri
sæng. Er það ef til vill minnið um
dýpstu og mikilvægustu snertingu
okkar lifandi rótleysingja við alla
hina bjargföstu hlýju sem dregur
okkur að þessum ómótstæðilegu
myndum?
Að fanga
óreiðuna
MYNDLIST
G a l l e r í i 8
Til 28. júlí. Opið þriðjudaga
til laugardaga frá kl. 13–17.
MÁLVERK
EGGERT PÉTURSSON
Halldór Björn Runólfsson
Eitt af blómamálverkum Egg-
erts Péturssonar á sýningu hans
í Galleríi i8, við Klapparstíg.
Sýningarsalur
Íslenskrar grafíkur
Einkasýningu Stellu Sigur-
geirsdóttur, „Portrett landslag
– tuttugu orð“, lýkur sunnu-
daginn 15. júlí.
Sýningu lýkur