Morgunblaðið - 30.09.2001, Side 2

FRÉTTIR
2 SUNNUDAGUR 30. SEPTEMBER 2001 MORGUNBLAÐIÐ
ÞAÐ hefur ekki þótt slæmt hingað
til að fá aðstoð við að taka upp kart-
öflurnar en takmörk eru víst fyrir
öllu.
Jón Ísberg, fyrrverandi sýslu-
maður Húnvetninga, var ekki sér-
lega hrifinn af þeirri aðstoð sem
hann fékk í kartöflugarðinum sín-
um því þegar hann kom í garðinn
lágu þónokkrar kartöflur á yf-
irborðinu og hafði verið kroppað
innan úr þeim. Jón, sem hefur ára-
tuga reynslu í löggæslumálum, var
ekki í nokkrum vafa um hverjir hér
höfðu verið að verki og hefur hann
sjaldan séð það svartara í orðsins
fyllstu merkingu.
„Hér hafa hrafnar verið að
verki,“ sagði Jón Ísberg, „öll um-
merki benda til þess.“ Hann bætti
við að hann hefði stundað kart-
öflurækt svo lengi sem elstu menn
myndu en ekki ræki hann minni til
að hrafnar hefðu áður lagt sér lið í
kartöflugarðinum.
Morgunblaðið/Jón Sig.
Jón Ísberg fékk óvænta aðstoð hrafna við kartöfluupptökuna. Tjón var
ekki tilfinnanlegt en þetta uppátæki hrafnanna kom Jóni á óvart.
Óvænt en
lítils metin
aðstoð
JARÐVINNUFRAMKVÆMDIR á
vegum hins opinbera jafnt sem
einkaaðila hafa dregist verulega
saman í haust og eru víða litlar sem
engar. Þetta kom fram á fundi
Félags jarðvinnuverktaka í vikunni.
Árni Jóhannsson, starfsmaður
félagsins, segir að á hverju hausti
dragi eitthvað úr framkvæmdum en
félagið hafi aldrei fyrr fundið fyrir
eins miklum og harkalegum sam-
drætti og nú. „Á fundinum var farið
yfir stöðuna og grein gerð fyrir þeim
framkvæmdum sem eru á döfinni og
það var sama hvert var litið, lítið er
um jarðvinnuframkvæmdir hjá
stofnunum, bæjarfélögum og ein-
staklingum á næstunni. “
Fjórtán jarðvinnuverktakafyrir-
tæki eiga aðild að félaginu og segir
Árni að á fundinum hafi komið fram
að jafnvel þyrfti að grípa til fjölda-
uppsagna á næstunni vegna verk-
efnaskortsins. „Jarðvinnuverktakar
eru þeir sem koma fyrstir að fram-
kvæmdum og ef það er samdráttur
hjá þeim er nokkuð ljóst að aðrir
aðilar sem koma að mannvirkjagerð
munu einnig finna fyrir honum.“
Fækka þarf starfsmönnum
Sigurður Sigurðsson hjá malbik-
unarfyrirtækinu Hlaðbæ Colas, sem
á aðild að Félagi jarðvinnuverktaka,
segir verkefnafjölda fyrirtækisins
ávallt árstíðabundinn en nú sé þeim
að fækka mun fyrr en undanfarin ár.
Hann segir lítið boðið út og stundum
erfitt að fá borgað fyrir þau verkefni
sem ráðist er í.
Starfsmenn fyrirtækisins eru um
40 núna en Sigurður segir að um ára-
mótin megi vænta að þeir verði 18
talsins. „Við fækkum starfsfólki á
hverju hausti en mun fyrr þetta árið
en áður.“
Framkvæmdaáætlun Gatnamála-
stjóra Reykjavíkur fyrir næsta ár
mun liggja fyrir á næstu vikum.
Sigurður Skarphéðinsson gatna-
málastjóri segir að ekki hafi verið
rætt um meiriháttar samdrátt í
framkvæmdum stofnunarinnar en
engar ákvarðanir um áætlun næsta
árs hafi enn verið teknar.
Segir Sigurður að um þessar
mundir sé stofnunin að ljúka við
verkefni sem eru á áætlun yfirstand-
andi árs. „Oft myndast nokkurs
konar eyða í framkvæmdir frá því
verkefnum ársins lýkur og þar til
nýjum verkefnum er ýtt úr vör,“ og
gæti það haft sitt að segja.
Hjá Helga Hallgrímssyni vega-
málastjóra fengust þær upplýsingar
að umsvif Vegagerðarinnar í haust
yrðu að öllum líkindum sambærileg
við það sem verið hefur en verkefni
sem taka yfir nokkur ár séu fleiri en
áður.
Jarðvinnu-
verktakar
segjast
verkefna-
lausir
ORKUVEITA Reykjavíkur hefur skuldbundið
sig til að halda meirihlutaeign sinni í Línu.Neti
til næstu fimm ára til þess að ábyrgjast 130
milljóna króna verðtryggt lán sem Lína.Net
hyggst taka hjá einum af lífeyrissjóðunum.
Guðlaugur Þór Þórðarson, borgarfulltrúi sjálf-
stæðismanna, segist álíta þessa ráðstöfun ólög-
mæta samkvæmt sveitarstjórnarlögum og ætlar
að leita úrskurðar félagsmálaráðuneytisins um
málið. Hann gagnrýnir jafnframt að slíkar
ákvarðanir skuli teknar án umræðu innan borg-
arkerfisins og segir að Reykvíkingar hafi þegar
þurft að reiða fram 1,1 milljarð í útgjöld og
yfirtekin lán vegna Línu.Nets og ekki sjái
ennþá fyrir endann á þeim útgjöldum.
Guðlaugur segist hafa fengið í hendurnar
afrit af lánsskilmálum 130 milljóna króna láns
til Línu.Nets, þar sem fram kemur að lánstím-
inn er fimm ár með föstum verðtryggðum vöxt-
um upp á 10,5%. Lánið er tekið til fjárfestinga
og í daglegan rekstur og samkvæmt skilmál-
unum skuldbindur Orkuveita Reykjavíkur sig
til þess að minnka ekki eignarhlut sinn í
Línu.Neti niður fyrir 50% á lánstímanum án
heimildar lánveitanda. Morgunblaðið hefur skil-
mála þessa undir höndum.
„R-listinn er búinn að ákveða í einhverjum
bakherbergjum að næstu fimm árin verði Orku-
veitan meirihlutaeigandi Línu.Nets. Þetta er
ákveðið á bak við allar lýðræðislegar stofnanir
borgarinnar og hefur aldrei verið rætt í stjórn
Orkuveitunnar eða í borgarráði og því síður í
borgarstjórn,“ segir Guðlaugur.
Ákvörðunin þvert á fyrri yfirlýsingar
Samkvæmt kvöðum sem fram koma í láns-
skilmálum þarf eiginfjárhlutfall Línu.Nets að
vera a.m.k. 35% í árs- og árshlutauppgjörum
áranna 2003–2005 og bókfært eigið fé að frá-
dregnum óefnislegum eignum má ekki vera
lægra en 350 milljónir króna á lánstímanum.
„Þetta er ekkert annað en ábyrgð borgarinnar
fyrir þetta fjárvana fyrirtæki. Ég veit ekki
hvort það er hægt að bjarga því fyrir horn með
einhverjum hætti, en það kemur skýrt fram í
73. grein sveitarstjórnarlaganna að sveitar-
stjórnir mega ekki veita ábyrgðir fyrir einhver
félög úti í bæ,“ segir Guðlaugur. Í umræddri
lagagrein segir: „Eigi má binda sveitarsjóð í
ábyrgðir vegna skuldbindinga annarra aðila en
stofnana sveitarfélagsins.“
Hann segist ætla að fá úrskurð félagsmála-
ráðuneytisins um það hvort hér sé ekki verið að
brjóta lög.
„Sveitarfélagið er að gangast í ábyrgð fyrir
þetta fjarskiptafyrirtæki, það liggur ljóst fyrir
þegar þessar kvaðir eru skoðaðar. Og að Orku-
veitan ætli að eiga meira en 50% í Línu.Neti
næstu fimm árin er einnig þvert á allar fyrri
yfirlýsingar meirihlutans,“ segir Guðlaugur.
Guðlaugur Þór Þórðarson segir ábyrgð OR vegna lántöku Línu.Nets ólögmæta
Hyggst óska eftir úrskurði
félagsmálaráðuneytisins
FLOKKSSTJÓRNARFUNDUR
Samfylkingarinnar var haldinn á
Hótel Loftleiðum í gær. Össur
Skarphéðinsson, formaður flokksins,
lagði í ræðu sinni áherslu á að lækka
þyrfti skatta á einstaklinga og einnig
fyrirtæki. Til að vega upp á móti
tekjumissi ríkissjóðs ætti að taka
upp auðlindagjöld. Öll fyrirtæki sem
fengju aðgang að takmörkuðum auð-
lindum eins og fiskistofnum, orku-
lindum og fjarskiptarásum ættu að
greiða það verð sem markaðurinn
myndaði.
„Þetta auðlindagjald á að nota til
að draga úr tekjusköttum einstak-
linga en ekki til að blása út rekstur
ríkisins. Þannig vill Samfylkingin
lækka skatta,“ sagði Össur og benti
á að í stjórnartíð Sjálfstæðisflokks-
ins hefði orðið útgjaldasprenging hjá
ríkinu. Auk útgjaldaaukningar sagði
hann ástæðu til að óska Sjálfstæðis-
flokknum til hamingju með að hafa
sett Norðurlandamet í verðbólgu,
met innan OECD í skattahækkunum
á einstaklinga, sett Evrópumet í við-
skiptahalla og heimsmet í háum
vöxtum. „Það er ekki nema hægt að
taka undir með ungum sjálfstæðis-
mönnum sem fordæmdu nýlega
óráðsíu ríkisstjórnarinnar og sáu sig
knúna til að skora á Geir H. Haarde
fjármálaráðherra að „tryggja
ábyrga fjármálastjórn“. Bragð er að
þá barnið finnur. Einhvern tíma
hefði það þótt saga til næsta bæjar
að ungir sjálfstæðismenn teldu
fjármálastjórn Sjálfstæðisflokksins
óábyrga.“
Össur sagði að Samfylkingin vildi
lækka skatta á litlum og meðalstór-
um fyrirtækjum og afnema stimpil-
gjöld. Það kæmi einnig til greina að
veita sérstakar tímabundnar skatta-
ívilnanir til atvinnugreina eins og
þekkingariðnaðarins sem ætti nú í
vök að verjast. „Ég segi skýrt og
skorinort að eigi að ráðast í skatta-
lækkanir á fyrirtæki verður líka að
lækka skatta á verst settu einstak-
lingana með því að afnema skatta á
húsaleigubætur og félagslega að-
stoð.“
Verðmæti aflans má tvöfalda
á næstu 10–15 árum
Össur vék einnig stuttlega að
umhverfismálum í ræðu sinni. Hann
sagði að Samfylkingin myndi ekki
taka endanlega afstöðu til Kára-
hnjúkavirkjunar fyrr en matsferlinu
hjá Skipulagsstofnun væri lokið og
umhverfisráðherra væri búinn að
fella sinn úrskurð. Um sjávarútvegs-
mál sagði Össur m.a. að Samfylking-
in myndi leggja fram stefnu á þingi í
vetur í formi tillagna um nýja sókn í
atvinnugreininni og hvernig auka
mætti verðmætasköpunina. Niður-
staða flokksins benti til að „með
strategískum fjárfestingum í rann-
sóknum væri hægt á næstu 10-15
árum að tvöfalda þau verðmæti sem
afla má úr hafinu kringum Ísland“.
Á flokksstjórnarfundinum í gær
var einnig rætt um undirbúning
landsfundar Samfylkingarinnar 16.
til 18. nóvember nk. og sveitar-
stjórnarkosninga næsta vor.
Össur Skarphéðinsson á flokksstjórnarfundi Samfylkingarinnar í gær
Auðlindagjöld verði notuð
til að lækka tekjuskatta
Morgunblaðið/Kristinn
Varaformaður Samfylkingar, Margrét Frímannsdóttir, smellti kossi á
kinn Össurar Skarphéðinssonar við upphaf flokksstjórnarfundar.
SAMKEPPNISRÁÐ hefur
fallist á þá niðurstöðu Sam-
keppnisstofnunar að slátrun
kjúklinga Reykjagarðs geti að
mestu farið fram hjá Ferskum
kjúklingum, sem er dótturfyr-
irtæki Móa-kjúklinga, en ráðið
setti þau skilyrði að fyrirtækin
sameinuðust ekki. Forráða-
menn Móa hafa lýst áhuga á að
kaupa Reykjagarð.
Samkvæmt heimildum
Morgunblaðsins ráðgera for-
ráðamenn fyrirtækjanna að
undirrita yfirlýsingu eftir helgi
um að hlíta skilyrðum Sam-
keppnisstofnunar en niður-
staða stofnunarinnar verður
ekki birt og formlega afgreidd
fyrr en að lokinni þeirri undir-
skrift.
Samkeppn-
isstofnun
setur skilyrði
Slátrun Ferskra
kjúklinga og
Reykjagarðs
MIKIÐ hefur verið að gera í
fiskvinnsluhúsum á Austfjörð-
um síðustu daga og unnið nán-
ast allan sólarhringinn. Mjög
góð veiði á síld og rækju hefur
verið á miðunum undan Aust-
fjörðum en vegna brælu fá sjó-
menn og fiskvinnslufólk kær-
komna hvíld um helgina áður
en næsta törn getur hafist.
Aðalsteinn Ingólfsson, fram-
kvæmdastjóri Skinneyjar-
Þinganess á Höfn, sagði að
fyrirtækið væri á síðustu tíu
dögum búið að frysta og pakka
um eitt þúsund tonnum af síld
sem farið hafa beint á markað í
Póllandi, Eystrasaltslöndunum
og Rússlandi.
Góð síldveiði
fyrir austan