Morgunblaðið - 30.09.2001, Blaðsíða 12

Í áfangaskýrslu sinni í apríl sl. taldi
danska ráðgjafarstofan ódýrasta
kostinn í framtíðaruppbyggingu
Landspítala – háskólasjúkrahúss að
skipta starfseminni milli Hringbraut-
ar og Fossvogs, en þar með næðist
ekki markmiðið um sameinaðan spít-
ala. Ekki liggja fyrir útreikningar um
hversu hagkvæm eða óhagkvæm slík
skipting yrði til lengri tíma litið, en
ganga má út frá að rekstrarkostnað-
ur yrði hærri en ef meginstarfsemi
spítalans væri öll á sama stað, a.m.k.
gefa tölur um hagræðingu vegna yf-
irvofandi sameiningar sérgreina það
til kynna.
Uppbygging á Hringbraut væri
næstódýrasti kosturinn, að mati
dönsku ráðgjafanna, þar sem ekki
þyrfti að byggja eins mikið og í Foss-
vogi. Þær byggingar sem fyrir eru við
Hringbrautina eru hins vegar marg-
ar og misgóðar, sumar þyrfti að fjar-
lægja og erfiðara væri að athafna sig
þar með nýbyggingar en í Fossvogi.
Inngangar inn á spítalann við Hring-
braut eru margir og erfitt að rata þar
um, auk þess sem sjúklingar á bráða-
deild þurfa að fara um sama inngang
og starfsmenn og þeir sem flytja að-
föng til spítalans. Vegna plássleysis
er erfitt að koma bílum að bráðainn-
gangi og hinum dönsku ráðgjöfum
þykir illt að vita til þess að við bráða-
innganginn er ekki eingöngu aðkoma
sjúkrabíla, heldur og vörumóttaka og
sorpgeymslur. Þá er bent á að erfitt
muni reynast að byggja upp á lóðinni
við Hringbraut án þess að valda trufl-
unum á núverandi starfsemi þar.
Vissulega eru kostir við Hring-
brautina. Þar er að rísa nýr barna-
spítali, í nánum tengslum við kvenna-
deild og fæðingardeild. Geðdeildin er
í tiltölulega nýju húsnæði, sem nægir
í mörg ár. Ágætlega er búið að
krabbameinsdeild, geislalækningum
og blóðmeinadeild. Háskólinn er á
næstu grösum og fyrirhugaður flutn-
ingur Hringbrautarinnar suður fyrir
hús læknadeildar Háskólans stækkar
spítalalóðina verulega.
Nægt landrými í Fossvogi
Í Fossvogi eru kostir þeir helstir,
að þar er nægt landrými og hægt yrði
að byggja án röskunar á núverandi
starfsemi þar. Gjörgæsludeildin er
ný, sem og vöknun. Auðvelt er að
komast akandi að bráðamóttökunni
og spítalinn er aðeins ein bygging í
þokkalegu ástandi, auk viðbygging-
arinnar G-álmu.
Fossvogur er þó ekki gallalaus. G-
álman þykir til dæmis ekki hentug
fyrir spítalastarfsemi, þótt hana
mætti nota fyrir skrifstofur eða há-
skólastarf, auk þess sem bráðamót-
takan, skurðstofur og röntgendeild
eru ekki samkvæmt nútímastöðlum.
Það sama á við þar og við Hring-
brautina, að inngangar fyrir sjúk-
linga eru of margir og eldhúsið tekur
pláss miðsvæðis sem mætti nýta á
hagkvæmari hátt.
Ljóst er að Landspítali – háskóla-
sjúkrahús fer ekki í framtíðarhús-
næði á einni nóttu. Skammtímalausn-
ir, sem gætu dugað til allt að 25 ára,
kalla á ýmsar framkvæmdir. Þær
verða ekki ákveðnar einar og sér,
heldur þarf fyrst að ákveða hvar
framtíðaruppbyggingin verður, svo
framkvæmdum nú verði ekki kastað
á glæ.
Dýrast yrði að sjálfsögðu að
byggja nýjan spítala frá grunni, en
um leið gæti reynst auðveldara að
hafa yfirsýn yfir þann kostnað en með
stórfelldum breytingum og endur-
byggingum.
Minnst röskun í Fossvogi
Endanlegar tillögur Ementor um
langtímalausn á húsnæðisvanda
Landspítala, háskólasjúkrahúss, eru
að byggt verði upp í Fossvogi, ef
ákveðið verður að byggja ekki nýjan
spítala frá grunni. Ementor segir að í
Fossvogi verði komist næst því, því
eins og fram hefur komið yrði að-
koma að spítalanum góð og rífa þyrfti
fáar byggingar, ef nokkrar.
Eins og áður sagði er það galli á
uppbyggingu í Fossvogi, að mati
Dananna, að byggja þarf fleiri ný-
byggingar þar en ef starfsemin yrði
við Hringbraut, en á móti kæmi að
breytingum á eldra húsnæði væri
hægt að halda í lágmarki.
Þá nefndir Ementor það einnig
sem galla við Fossvoginn að þaðan er
lengra til Háskóla Íslands, en þar
sem meginháskólastarfsemin tengd
spítalanum verði rekin innan hans
ætti það ekki að skipta sköpum.
 Í framhaldsgrein verður greint
frá hugmyndum sænskra arki-
tekta, White Arkitekter, um nýt-
ingu á lóðunum við Hringbraut, í
Fossvogi og á Vífilsstöðum.
Morgunblaðið/Ásdís
Við Landspítala Fossvogi hefur þessum gámum verið komið fyrir undir vegg bráðamóttökunnar. Í gámunum eru skrifstofur lækna.
Ársþing SAMFOK 2001
þriðjudaginn 2. október kl. 18:00-22:00
í Borgaskóla, Vættaborgum 9, Grafarvogi
Þema þingsins er: Einstaklingsmiðað nám
Nám við hæfi - hvað þýðir það? Skóli án aðgreiningar - skóli þar sem öll börn, afburðagreind,
fötluð eða þroskaskert, hafa sömu möguleika á námi við hæfi? Hefur grunnskólanum verið
gert kleift að sinna hlutverki sínu eins og það er skilgreint í grunnskólalögunum?
Hver er staðan í matarmálum grunnskólanema í Reykjavík?
Þessum spurningum, ásamt fjölmörgum öðrum, munum við velta fyrir okkur
á Ársþingi SAMFOKs sem haldið verður í Borgaskóla, Vættaborgum 9,
þriðjudaginn 2. október kl. 18:00-22:00. Þingið er opið öllum foreldrum
grunnskólabarna og er aðgangur ókeypis.
Dagskrá:
18:00-18:05 Setning Ársþings SAMFOKs 2001 - Óskar Ísfeld Sigurðsson, formaður SAMFOKs
18:05-18:45 ,,Einstaklingsmiðað nám - veruleiki eða tálsýn?“ - Kristín Jónsdóttir,
kennslu- kona, flytur erindi og svarar fyrirspurnum.
18:45-19:05 Einstaklingsmiðað nám í Ingunnarskóla í Grafarholti -
Guðlaug Sturlaugsdóttir, skólastjóri, flytur erindi og svarar fyrirspurnum.
19:05-19:15 ,,Frá gellufötum til skólabúninga?“ - Bergþóra Valsdóttir, framkvæmdastjóri
SAMFOKs, veltir vöngum.
19:15-19:30 Niðurstöður óformlegrar könnunar SAMFOKs á matarmálum í grunnskólum
Reykjavíkur - Óskar Ísfeld Sigurðsson.
19:30-20:00 Hressing.
20:00-21:15 Hópastarf.
21:15-21:35 Niðurstöður hópastarfs.
21:35-21:55 Samantekt og ályktanir.
21:55-22:00 Ársþingi SAMFOKs 2001 slitið.
Foreldrar! Fjölmennum á Ársþing SAMFOKs og látum rödd okkar hljóma!
Vinsamlega tilkynnið þátttöku fyrir þriðjudag 2. október
í síma 562 7720 eða netfang samfok@samfok.is
12 SUNNUDAGUR 30. SEPTEMBER 2001 MORGUNBLAÐIÐ