Morgunblaðið - 28.11.2001, Blaðsíða 16

AKUREYRI
16 MIÐVIKUDAGUR 28. NÓVEMBER 2001 MORGUNBLAÐIÐ
MENNTASMIÐJAN mun á kom-
andi vorönn bjóða upp á nýjung í
starfsemi sinni en þá verður í fyrsta
sinn í boði Menntasmiðja unga fólks-
ins. Um er að ræða dagskóla sem
stendur frá miðjum janúar næstkom-
andi og fram í maí eða í 14 til 16 vikur
alls.
Þríþætt nám
Þorbjörg Ásgeirsdóttir forstöðu-
freyja Menntasmiðjunnar sagði að
þetta nýja verkefni hefði verið í und-
irbúningi frá því í haust en byggt væri
á sömu hugmyndum og reynslu og hjá
Menntasmiðju kvenna, þ.e. um væri
að ræða nám í lífsleikni. Mennta-
smiðja unga fólksins er ætluð fólki á
aldrinum 17 til 25 ára og er námið þrí-
þætt; sjálfsstyrking, hagnýt og skap-
andi fög.
„Við höfum lengi verið að skoða
þessa hugmynd ásamt fjölskyldudeild
bæjarins og Kompaníinu, sem er fé-
lagsmiðstöð ungs fólks og nú í haust
kom fram vilji félagsmálaráðs að
hrinda þessu verkefni af stað,“ sagði
Þorbjörg. Starfshópur sem skipaður
var til að gera tillögur að náminu hef-
ur nú lokið störfum og verður það
kynnt á næstunni. Skjólstæðingar
Svæðisvinnumiðlunar og fjölskyldu-
deildar hafa forgang að sögn Þor-
bjargar, en að öðru leyti er það öllum
á áðurnefndu aldursbili opið.
Gert er ráð fyrir að 12 til 13 manns
muni verða teknir inn á vorönn, en
Þorbjörg sagði að gert væri ráð fyrir
einhverju brottfalli og því búist við að
í endanlegum hópi yrðu um 10 manns.
Markmiðið að styrkja
sjálfsmynd nemendanna
„Menntasmiðja unga fólksins verð-
ur valmöguleiki fyrir fólk sem ekki
hefur mótað sína framtíð, margt fólk
á þessum aldri er stefnulaust. Eftir
þetta nám vonumst við til að fólk sjái
hvar styrkur þess liggur. Markmið
okkar með námi er að nemendur
styrki sjálfsmynd sína, læri að þekka
sína sögu, lífsgildi og rétt sinn og
skyldur og verði því færara um að
móta sína framtíðarstefnu,“ sagði
Þorbjörg.
Auk þess sem mikið verður lagt
upp úr sjálfsstyrkingu, hagnýtum
fögum og skapandi vinnu verður farið
í kynnisferðir, t.d. á ýmsar stofnanir
bæjarins. Þá verður möguleiki á
starfskynningu í eina viku á tíma-
bilinu og loks má nefna að fengnir
verða gestir til að halda fyrirlestra
um afmarkað efni.
Menntasmiðja
unga fólksins
LIONSKLÚBBURINN Hængur
afhenti nýlega fjóra styrki til góðra
mála og fór afhendingin fram í
Hestavöruverslun K. Jensen á Ak-
ureyri. Styrkþegar að þessu sinni
voru Áslaug Kristjánsdóttir og
Jónsteinn Aðalsteinsson sem hlutu
100 þúsund króna gjafabréf í áð-
urnefndri verslun vegna starfsemi
þeirra að hestamennsku fyrir fatl-
aða. „Áslaug og Jónsteinn hafa síð-
ustu ár starfað með fötluðum að
hestamennsku og þótti okkur um
lofsvert framtak þeirra að ræða
sem vert væri að styðja við,“ sagði
Stefán Vilhjálmsson, formaður
Hængs. Þá styrkti klúbburinn
íþróttafélögin Akur og Eik með 50
þúsund króna framlagi til hvors fé-
lags, en Hængur tengist félögun-
um sterkum böndum og hefur stað-
ið fyrir Hængsmótum. Hið 20. í
röðinni verður haldið næsta vor og
verður veglegt að sögn Stefáns.
Loks afhentu lionsmenn fulltrú-
um Mæðrastyrksnefndar á Akur-
eyri 100 þúsund króna styrk.
„Þetta er sá árstími sem hvað mest
kveður að nefndinni og hennar
góðu störfum, þannig að okkur
langaði að leggja henni lið,“ sagði
Stefán.
Lionsklúbburinn Hængur
Styrkir til góðra mála
FYRIRTÆKIÐ Kraftbílar ehf. á
Akureyri fagnar fimm ára afmæli
um þessar myndir og af því tilefni
var haldin bíla- og vélasýning í
og við starfstöð fyrirtækisins að
Draupnisgötu 6 sl. laugardag.
Til sýnis voru m.a. 57 manna
lúxus hópferðabíll af MAN gerð
og einnig öflugur MAN drátt-
arbíll, traktorsgrafa og smágrafa
frá FIAT-Hitachi, Deutz og John
Deere dráttarvélar, heyvinnu-
vélar og fleira.
Norðurmjólk hefur fest kaup á
nýjum og öflugum mjólkurbílum
af MAN gerð og var annar bíllinn
afhentur fyrirtækinu á sýning-
unni. Við það tækifæri sagði Odd-
geir Sigurjónsson forstöðumaður
tæknisviðs Norðurmjólkur að
nýju mjólkurbílarnir myndu leysa
af hólmi fjóra eldri bíla.
Oddgeir sagði að Norðurmjólk
væri með ódýrustu mjólkurflutn-
inga á landinu og að með kaupum
á nýju bílunum væri ætlunin að
ná enn betri árangri á því sviði.
Fyrirtækið hefur verið með MAN
bíla í sinni þjónustu í tugi ára og
sagði Oddgeir að reynslan af
þeim hafi verið góð.
Tímamót
hjá Kraft-
bílum
Morgunblaðið/Kristján
Þorsteinn Þ. Jósepsson, framkvæmdastjóri Kraftbíla, t.v., afhendir Odd-
geiri Sigurjónssyni, forstöðumanni tæknisviðs Norðurmjólkur, lyklana.
EYFIRSKIR vélsleðamenn stóðu
fyrir sýningunni Vetrarsporti í
Íþróttahöllinni á Akureyri um síð-
ustu helgi. Sýning sem þessi hefur
verið árlegur viðburður síðustu ár en
að þessu sinni sýndu yfir 30 aðilar
hvað þeir hafa upp á að bjóða.
Sýningin hefur vaxið og dafnað
með hverju árinu en að þessu sinni
mátti m.a. sjá þar vélsleða af ýmsum
stærðum og gerðum, stóra fjalla-
jeppa, útivistarfatnað og öryggis- og
fjarskiptabúnað. Þá kynnti Akureyr-
arbær þá góðu aðstöðu sem býðst til
iðkunar vetraríþrótta í bænum, m.a.
hina nýju fjögurra sæta stólalyftu í
Hlíðarfjalli sem tekin verður í notk-
un í næsta mánuði. Að auki voru vél-
sleðakeppnir vetrarins kynntar.
Vélsleði af gerðinni Yamaha Sw
440 árgerð 1975 vakti nokkra athygli
á sýningunni. Sá sleði leit út eins og
nýr en hann fannst á ónefndum
sveitabæ vafinn inn í lak. Sleðinn
sem keyptur var nýr á sínum tíma er
nánast ónotaður og aðeins ekinn 144
km. Er þetta trúlega eini sleðinn
sinnar árgerðar í heiminum sem er
eins lítið notaður og lítur eins vel út
og þessi.
Á þriðja þúsund gestir lögðu leið
sína á sýninguna sem þótti heppnast
með ágætum en veðrið setti þó strik í
reikninginn á sunnudag.
Morgunblaðið/Kristján
Vélsleðar af ýmsum gerðum voru til sýnis á sýningunni Vetrarsporti og
þar á meðal þessi, sem yngsta fólkið sýndi töluverðan áhuga.
Margt að sjá á sýningunni
Vetrarsporti í Höllinni
SKÓLABÖRN í Grímsey notuðu
tækifærið nú á dögunum, milli
rokhrina, að hlaupa norræna
skólahlaupið.
Tólf börn hlupu að þessu sinni.
Byrjaði hlaupið suður við Greni-
víkurfjöru og var hlaupið eftir
eyjunni að sundlauginni og end-
að í Múla þar sem skólinn er.
Allt gekk þetta ljómandi vel fyrir
sig og hlupu skólabörnin samtals
83 kílómetra, þar af hlupu fjórir
drengir sína 10 kílómetrana
hver. Norræna skólahlaupið er
samnorrænt átak og hefur verið
hlaupið á öllum Norðurlöndunum
– nú í 17. skiptið. Ekki er um
beina keppni milli landa að ræða
heldur fyrst og fremst gott, ár-
visst, samræmt haup skólabarna
í hverju landi fyrir sig. Takmark-
ið er að sem allra flest skólabörn
hlaupi og er það vel þekkt að
margir skólar nái 100% þátttöku.
Morgunblaðið/Helga Mattína
Skólabörn í Grímsey í startholunum fyrir norræna skólahlaupið.
Hlupu 83 kíló-
metra samtals
Grímsey
Norrænt skólahlaup í Grímsey