Morgunblaðið - 02.06.2002, Qupperneq 8

FRÉTTIR
8 SUNNUDAGUR 2. JÚNÍ 2002 MORGUNBLAÐIÐ
SMÁRALIND S. 569 1550
KRINGLUNNI S. 569 1590
AKRANESI S. 430 2500
Þú kau
pir nún
a en bo
rgar ek
ki fyrst
u
afborg
un fyrr
en efti
r
4 mánu
ði, vax
talaust
.
Og þá
er mög
uleiki
á allt a
ð 32 m
ánaða
raðgre
iðslu.
FYRSTA
AFBOR
GUN
Í OKTÓ
BER!
0VEXTIR%
GRÍPTU GÆSINA, HÉR ER
44.995,-
Ver› á›ur 49.995 kr.
Philco kæli- og
frystiskápur
Pho-FR240
240 l með
grænmetisskúffu.
H139 B55 D60.
Það hlýtur að vera kaldhæðni örlaganna að maðurinn sem leiddi kvótakerfið yfir þjóðina
skuli nú telja það sína æðstu skyldu að leiða sjómenn til endanlegrar útrýmingar.
Ráðstefna um bráðalækningar
Fá færustu sér-
fræðinga
Í NÆSTU viku er ráð-stefna í bráðalækn-ingum hér á landi.
Mary Palmer, læknir á
Landspítala – háskóla-
sjúkrahúsi, er í undirbún-
ingsnefnd ráðstefnunnar
og svaraði hún nokkrum
spurningum Morgunblaðs-
ins.
Hvert er inntak ráð-
stefnunnar?
„Umfjöllunarefnið er
bráðalækningar, sem er
fyrsta meðferð og sú þekk-
ing sem felst í því að leysa
vandamál sem þola enga
bið. Þær ná yfir ferli og
innígrip sem bjarga lífi og
limum. Þessi þriggja daga
ráðstefna mun ekki aðeins
hressa upp á þekkingu
reyndra sérfræðinga í
bráðalækningum sem hingað
koma frá Ástralíu, Evrópu, Kan-
ada og Bandaríkjunum heldur
einnig alla þá sem koma að fyrstu
hjálp, allt frá læknanemunum sem
takast á við sín fyrstu vandamál
og til heimilislækna sem vilja auka
við þekkingu sína. Á ráðstefnunni
munum við einnig taka fyrir nýja
tækni sem gæti hugsanlega átt vel
við á Íslandi, svo sem fjarlækn-
ingar sem hafa náð fótfestu og
skilað árangri á afskekktum svæð-
um í öðrum löndum. Einnig verð-
ur komið inn á forvarnarmál í
tengslum við umferðaröryggi,
nauðganir og heimilisofbeldi. Í
stuttu máli fá þátttakendur á ráð-
stefnunni ótrúlega mikið fyrir eyr-
inn með setu á ráðstefnunni, enda
spannar hún furðumörg svið.“
Segðu okkur eitthvað frá fyrir-
lesurunum.
„Fyrirlesarahópurinn er í einu
orði sagt stórkostlegur. Þetta eru
bestu og hæfustu sérfræðingarnir
á þessum sviðum. Ég fletti upp á
höfundum allra helstu þekkingar-
rita sem ég hef á skrifstofu minni
og það er einmitt fólkið sem er á
leiðinni hingað eftir tæpa viku.
Bandarískir kollegar mínir í
bráðalækningum hafa spurt mig
hvernig í veröldinni mér hafi tek-
ist að setja saman þvílíkt einvala-
lið. Þetta er einstakt tækifæri til
að hitta og hlýða á helstu sérfræð-
ingana á þessu sviði.“
Hvers vegna eru bráðalækning-
ar ekki komnar lengra á veg á Ís-
landi en raun ber vitni?
„Reyndar var Ísland fyrst
Norðurlandanna til að taka upp
bráðalækningar sem sérgrein og
við erum stolt af því. Hins vegar
hefur þróunin verið hæg. Þetta
eru orðin tíu ár og framgangur
greinarinnar er á mjög viðkvæmu
stigi. Greinin nær þó alls staðar
fótfestu vegna þess að hún eykur
ánægju fólks í heilbrigðisstéttum.
Sjúklingar kunna að meta hæfni
og þjónustu þá sem sérfræðingar í
bráðalækningum hafa yfir að
ráða. Stjórnvöld kunna að meta
framlag greinarinnar vegna for-
varnargildis hennar og samstarfs-
aðilar í heilbrigðisgeiranum
kunna því vel að hafa
reynda sérfræðinga til
að sjá um afgreiðslu
mála í bráðamóttökum,
jafnvel að nóttu til, um
helgar og á frídögum.
Þegar fólk venst okkur, getur það
ekki hugsað sér heildarþjón-
ustuna án okkar. Eini vandinn er
að það tekur vissan tíma að aðlag-
ast breytingunni.“
Mun þetta ganga upp á Íslandi?
„Í löndum þar sem ríkis- og há-
skólastofnanir standa að baki
bráðalækningum eru vöxtur og
þróun þeirra gríðarleg. Við sjáum
það best í Póllandi þar sem bráða-
lækningar hófust um líkt leyti og á
Íslandi. Þar eru bráðalækningar
hins vegar undir menntastofnun
og lúta heilbrigðisreglugerðum.
Svíar, Eistar og Litháar eru á
sömu leið með sínar bráðalækn-
ingar og Pólverjar.
Það er ekki nokkur vafi á því, að
Ísland gæti orðið, og ætti að vera,
leiðandi þjóð í bráðalækningum í
Evrópu, án þess þó að glata sér-
íslenskum einkennum sínum. Nú
þegar er umönnun utan spítala vel
þróuð og í landinu er lítill hópur
einbeitts og vel þjálfaðs starfs-
fólks á bráðamóttökum. Þessu
þarf að fylgja eftir með því að
stækka þennan kjarna með þjálf-
un og ráðningum á fleira starfs-
fólki. Til að slíkt gerist þurfa
stofnanir, ríki, háskólar og spítal-
ar, að leggjast á eitt. Þetta þokast
allt í áttina, endurskipulagning
bráðamóttöku Landspítalans er til
marks um það.
Því miður sér unga fólkið síður
þessa þróun. Það sér öllu frekar
að við erum upp við vegg og höfum
ekki þann munað að geta gefið
okkur tíma til að kenna lærling-
unum samhliða því að sinna bráða-
lækningunum vegna hins mikla
vaxandi fjölda þeirra sem sækja í
bráðamóttökuna. Þess vegna eru
þessir fáu krakkar, sem vinna með
okkur þrátt fyrir erfiðleikana,
gulls ígildi því þeir sjá hvert stefn-
ir, hvað þarf að gera og eru þess
vegna leiðtogar framtíðarinnar.
En það þarf að hlúa að þeim.“
Telurðu að ráðstefnan muni
flýta fyrir gangi mála hér á landi?
„Það vona ég svo sannarlega.
Hefurðu einhvern tímann lent í
brjálaðri vinnu, fjar-
stæðukenndum hug-
myndum og stöðugum
fórnum fyrir lítinn eða
engan ávinning og það
eina sem rekur þig
áfram er tilhugsunin að eitthvað
merkilegt kunni að skila sér og sé
bara rétt handan við hornið?
Þannig er þetta mál. Þessi ráð-
stefna virtist hreinlega velja mig.
Ég hef frá upphafi aldrei litið svo á
að hér sé aðeins um þrjá daga í
júní að ræða. Við erum að tala um
stefnu sem fer nú um alla Evrópu
og Ísland er með fyrstu löndunum
til að tileinka sér hana.“
Mary Palmer

Mary Palmer er fædd í Alex-
andriu í Virginiu 1955. Hún er
með gráðu í bráðalækningum og
jafnframt menntuð í klínískri eit-
urefnafræði. Vann sem sérfræð-
ingur á því sviði við NYC Poison
Control Center. Maki er Edwin
Brown yngri, starfsmaður við
bandaríska sendiráðið í
Reykjavík. Þau eiga tvö börn,
Christopher Palmer 7 ára og
Matthew Emery 3 ára.
Ísland ætti
að vera leið-
andi þjóð
HEILDARKJÖRSÓKN í sveitar-
stjórnarkosningunum um síðustu
helgi liggur ekki formlega fyrir þar
sem félagsmálaráðuneytið bíður enn
eftir staðfestum tölum frá kjör-
stjórnum í tveimur sveitarfélögum;
Reykjavík og Akureyri, auk þess
sem von er á tölum frá Árneshreppi
eftir helgi.
Kjörstjórnin á Akureyri ætlar að
láta þann vikufrest líða sem lögboð-
inn er til að leggja fram kæru á fram-
kvæmd kosninganna og samkvæmt
upplýsingum frá ráðuneytinu ætlar
kjörstjórnin í Reykjavík að láta tíu
daga líða frá kosningum þar til að
staðfestum tölum verður skilað.
Á kjörskrá í kosningunum voru
alls 204.923 manns, þar af 101.837
karlar og 103.086 konur. Þess má
geta að í kosningunum fyrir fjórum
árum voru 193.632 einstaklingar á
kjörskrá og af þeim greiddu atkvæði
159.187. Kjörsókn var því 82,2% í
heild. Hjá körlum var kjörsóknin
81,5% en 82,8% hjá konum.
100% kjörsókn í Mjóafirði
Fyrir liggur í þeim staðfestu töl-
um sem félagsmálaráðuneytinu hef-
ur borist um kjörsókn, að í einu
sveitarfélagi kusu allir sem á kjör-
skrá voru, þ.e. í Mjóafjarðarhreppi.
Þar voru 25 manns á kjörskrá, 24
komu á kjörstað og einn hreppsbúi
skilaði utankjörfundaratkvæði. Eng-
inn seðill var auður eða ógildur, en
kosning í hreppnum var óbundin þar
sem enginn listi kom fram.
Heildarkjörsókn í sveitarstjórnarkosningunum
Beðið eftir staðfestum tölum
frá Reykjavík og Akureyri
FORSETI Íslands, Ólafur Ragnar
Grímsson, hefur boðið Jiang Zemin,
forseta Alþýðulýðveldisins Kína, í op-
inbera heimsókn til Íslands um miðj-
an júnímánuð. Í för með forseta Kína
verða meðal annarra Qian Qichen
varaforsætisráðherra og Tang Jia
Xuan utanríkisráðherra og fjölmarg-
ir aðrir forystumenn úr stjórnkerfi
landsins.
Auk funda með Ólafi Ragnari
Grímssyni, forseta Íslands, mun Ji-
ang Zemin, forseti Alþýðulýðveldis-
ins Kína, eiga viðræður við Davíð
Oddsson forsætisráðherra og Hall-
dór Ásgrímsson utanríkisráðherra.
Jiang Zemin forseti og fylgdarlið
munu jafnframt kynna sér íslenska
avinnuhætti, sögu og menningu, seg-
ir í frétt frá skrifstofu forseta Íslands.
Forseti Kína í
opinbera heim-
sókn til Íslands
♦ ♦ ♦