Morgunblaðið - 28.07.2002, Blaðsíða 21
um tíma hafi allt gerst í einu. Því
að á sama tíma og til tals kom að
fastráða mig á Íslandi fékk ég ein-
mitt stöðuna í Osnabrück, þá
heyrði umboðsmaður í mér í Hol-
landi sem vildi starfa fyrir mig og
síðast en ekki síst átti ég von á
barni.
Ég þurfti svo sannarlega að velja
og hafna, en þessi nýi umboðs-
maður var mjög mannlegur og
studdi mig í þeirri ákvörðun minni
að koma hingað heim.“
Eftir námið í Englandi hafði um-
boðsmaður samband við Huldu
Björk að fyrra bragði. Hann hafði
heyrt hana syngja í skólanum um
það leyti sem hún var að ljúka
náminu. „Hann vildi heyra betur í
mér og bað mig að syngja fyrir í
óperukompaníi í Englandi sem ég
gerði. Ég hélt ég myndi drepast úr
stressi og hugsaði með mér að ég
væri alls ekki tilbúin. En ég lét
slag standa og var ráðinn sem stað-
gengill í óperu eftir Richard
Strauss. Út frá þessu æxluðust
málin þannig að þessi umboðsmað-
ur útvegaði mér fleiri verkefni,
m.a. hlutverk Súsönnu í Brúðkaupi
Fígarós eftir Mozart hjá sama óp-
eruhúsi. Það var mjög góð reynsla
fyrir mig og þessi umboðsmaður
hefur reynst mér vel og ég er enn í
sambandi við hann.“
Hulda Björk segir að það hafi
glatt sig mjög hversu umboðsmað-
ur hennar tók því vel þegar hún
sagðist ætla að vera heima á Ís-
landi og reyna að halda eins miklu
sambandi út eins og mögulegt
væri. „Það skipti mig miklu máli á
þeim tíma að finna að honum fynd-
ist þetta ekki vonlaust. Þetta hefur
tekist ágætlega hingað til. Ég söng
til dæmis fyrir við Óperuna í Osló,
en þannig vildi til að ég var á ferð í
Noregi og mér datt í hug að athuga
hvort þetta væri ekki mögulegt.
Svo reyndist vera. Í kjölfarið fékk
ég fyrirspurn um hvort ég gæti
sungið í Cosi fan tutti, en þá var ég
því miður upptekin. Það var hálf-
fúlt að missa af því. Á sama tíma
og ég var að reyna að taka öllu sem
hægt var og þétta dagskrána hitti
þetta svona á. Við umboðsmaðurinn
ræddum hvort betra væri að sleppa
hinu, en svo var ekki. Sem betur
fer hringdu þeir aftur í mig og
buðu mér að syngja titilhlutverkið í
Jenufa, tékkneskri óperu eftir
Janáceck sem sett verður upp í
haust. Ég er hálffegin að hún er
sungin á norsku því það flýtir fyrir
mér að læra hlutverkið, þótt ég sé
annars hlynnt því að óperur séu
sungnar á upprunalegu tungumáli.“
Fjölbreytt verkefni á Íslandi
Þær Sesselja og Hulda Björk
hafa komið fram við margskonar
tækifæri hér á landi. Þær segja að
þeir sem starfa sem söngvarar á
Íslandi þurfi yfirleitt að hafa mjög
fjölbreytta tónlist á verkefnalista
sínum.
„Mér finnst kosturinn við að
starfa hér á landi einmitt vera sá
að hér er maður knúinn til að tak-
ast á við mjög fjölbreytt verkefni,“
segir Sesselja. „Ég hef til dæmis
mjög gaman af því að syngja ljóð
og finnst gott að fá tækifæri til
þess jafnhliða óperusöngnum.
Þetta var meðal annars ástæðan
fyrir því að ég ákvað að koma hing-
að heim og starfa hér alla vega í
þessi tvö ár sem ég er fastráðin við
Íslensku óperuna.“
Þær stöllur voru spurðar hvernig
því var tekið þegar þær tóku
ákvörðun um að syngja við Ís-
lensku óperuna.
Hulda Björk segist hafa rætt
þessa ráðningu fram og til baka við
umboðsmann sinn. „Við töldum að
það að fastráða sig útvíkkaði ýmsa
möguleika og þetta gæti verið gott
fyrir mig. Kosturinn við að ráða sig
hingað er sá að við eigum mögu-
leika á að taka að okkur önnur
verkefni sem gætu skipt sköpum á
okkar ferli. Tónlistarheimurinn er
allur að sameinast og við þurfum
að geta litið á okkur sem hluta af
honum, en ekki einangra okkur eða
velja annaðhvort að syngja á Ís-
landi eða úti í heimi. Mjög margir
söngvarar hafa bækistöð í einni
borg og ferðast svo þaðan til ým-
issa staða víða um heim til að
syngja. Reyndar oftast í borg sem
er miðsvæðis.“
Sesselja segir að sér hafi fundist
það mikið framfaraspor þegar
ákveðið var að fastráða söngvara
við Íslensku óperuna. „Ég sá þetta
auglýst og sótti þegar um að fá að
syngja fyrir. Ég var einmitt stödd
hér á landi svo þetta hentaði mjög
vel. Ég hafði þó ekki hugsað það til
enda yrði ég ráðin. Ég fékk svo
upphringingu á sama tíma og frá
Osnabrück. Ég held að þeim í
Osnabrück hafi fundist ég svolítið
hrokafull að hafna stöðunni hjá
þeim til að fara að syngja á Íslandi,
því í Þýskalandi eru ótrúlega marg-
ir söngvarar sem bítast um hverja
stöðu. Þeir voru búnir að skipu-
leggja veturinn með það í huga að
ég kæmi og þar voru fín verkefni í
boði. Þetta voru þeir þó búnir að
gera áður en kom að því að ég
svaraði af eða á.“
Íslendingar vilja eiga fjölskyldu
Talið berst að því hvernig þeim
gangi að sameina sönginn og fjöl-
skyldulífið. Lengi vel þótti þetta
tvennt ekki eiga vel saman og
ímynd óperusöngvarans er ef til vill
enn í þá veru að hann ferðast einn
á milli borga og dvelur aðallega á
hótelherbergjum.
„Ég get ekki fullyrt hvernig
þetta er yfirleitt en ég held að Ís-
lendingar sem starfa sem söngv-
arar neiti sér ekki um að lifa fjöl-
skyldulífi,“ segir Hulda. „Fólk sér
að það er vel mögulegt að sameina
þetta tvennt. Fyrir mér hefur þetta
aldrei verið spurning. Smám saman
hafa bara málin þróast í þá átt að
ég á mér fjölskyldu og ætla jafn-
framt að starfa við söng. Fjölskyld-
an er mér mjög mikilvæg og það
hefur aldrei komið til tals að velja
annað hvort.“
Sesselja telur að sú þörf að eiga
fjölskyldu sé mjög útbreidd meðal
Íslendinga. „Fjölskyldulíf, eins og
annað sem snýr að manni og skipt-
ir mann máli, hefur áhrif á sönginn.
Það eru þó ekki allir á þeirri skoð-
un að þetta fari saman og minnist
ég orða kennara míns sem sagði
þegar ég byrjaði í tímum hjá henni
að á meðan ég væri nemandi henn-
ar yrði ég ekki ólétt! Ég held að
þegar þessi þörf er fyrir hendi og
henni er ekki sinnt, nákvæmlega
eins og með aðrar þarfir manneskj-
unnar, þá fari það að trufla sönginn
og bitna á manni sem listamanni.
Maður er einhvern veginn ófull-
nægður. Það var því bara léttir fyr-
ir mig þegar ég svo varð ófrísk að
syni mínum og þurfti ekki lengur
að velta því fyrir mér hvenær yrði
heppilegasti tíminn til að stofna
fjölskyldu. Þetta kom af sjálfu sér
og á góðum tíma að mér finnst.
Óperusöngkona, sem talaði af
reynslu því hún hafði ætlað að bíða
með að eiga börn sem aldrei komu
þegar henni fannst hún tilbúin,
sagði eitt sinn við mig: „Ekki hika.
Á morgun hefur enginn áhuga á því
hvernig þú söngst í gær.““
„Það er mikilvægt að læra að
njóta þess sem við höfum á hverj-
um tíma,“ segir Hulda. „Við höfum
svolitla tilhneigingu til þess að
halda að þegar þetta og hitt er yfir-
staðið þá verði allt auðveldara. Líf-
ið verði auðveldara þegar börnin
verða stærri svo dæmi sé tekið.“
„Við megum heldur ekki gleyma
því að aðeins brotabrot af öllum
söngvurum verður stórstjörnur.
Þessar gömlu mýtur um líf óp-
erusöngvara eiga kannski helst við
um þær,“ segir Sesselja. „Allir hin-
ir eru bara venjulegt fólk og auð-
vitað er misjafnt hvaða leið fólk
fer.“
Stöðug framleiðsla á góðum
söngvurum á Íslandi
Samningur Sesselju hjá Íslensku
óperunni tekur gildi 1. ágúst næst-
komandi og Huldu Bjarkar um
næstu áramót. Þær eru sammála
um að fastráðningin og starfið
framundan hjá Íslensku óperunni
leggist mjög vel í þær. „Mér finnst
þetta hafa marga góða kosti,“ segir
Hulda. „Upp á framtíðina að gera
held ég að þetta séu einhvers kon-
ar þáttaskil. Íslenska óperan hefur
fengið mikla umfjöllun að undan-
förnu og vekur það áhuga fólks
sem hefur ef til vill ekki haft mik-
inn áhuga fyrir.“
Sesselja telur að ráðning Ólafs
Kjartans Sigurðarsonar, eða Ólafs
fyrsta, eins og hann er stundum
kallaður, hafi haft ótrúlega mikil
áhrif á kynningarstarf óperunnar.
„Ég held að ekki hefði verið hægt
að fá betri mann í þetta starf.“
Hulda bætir því við að starf hans
hafi verið viðamikið hingað til þar
sem hinir fjórir fastráðnu séu ekki
enn komnir til starfa.
Þær eru sammála um að starfið í
Óperunni að undanförnu hafi verið
mjög gott og ýmsar nýjungar litið
dagsins ljós. Til að mynda hádegis-
tónleikarnir í vetur, sem hreinlega
slógu í gegn.
„Ég er mikil félagsvera og það á
illa við mig að vinna ein,“ segir
Sesselja. „Þess vegna hlakka ég
mjög mikið til að tilheyra hópi
söngvara og annars starfsfólks hér
í húsinu. Að sjá fram á að vinna
með sama fólkinu í nokkuð langan
tíma er mjög jákvætt fyrir mig.
Það er ólíkt því að koma inn í hóp í
nokkrar vikur og vinna með fólki
sem þú átt ekki von á að hitta
nokkru sinni aftur.“
„Eftir þessi tvö ár verður spenn-
andi að sjá hvað tekur við,“ segir
Hulda. „Að fastráða sig í tvö ár er
bara ákveðið tímabundið verkefni í
sjálfu sér. Það er algengt að slíkir
ráðningarsamningar séu af þessari
tímalengd. Það er alls ekki svo að
maður sé að setjast í helgan stein.
Öðru nær. Frekar má líta á þetta
sem stökkpall út í lífið.“
Í samningnum felst að markmið-
ið er að fastráðnir söngvarar taki
þátt í 2–3 stórum sýningum á ári
sem fyrirhugað er að sýna jafnt og
þétt yfir árið. Auk þess eru fyr-
irhugaðar smærri óperur og tón-
leikar. Markmiðið er að í Íslensku
óperunni verði lifandi samfelld
starfsemi.
Þær Hulda og Sesselja telja
mjög mikilvægt að jafnframt óp-
erunni fái þær einnig að spreyta
sig á öðrum verkefnum svo sem
ljóðasöng og kirkjutónlist. Þær eru
sammála um að ljóðasöngur og
ópera séu svo gjörólík form að það
hljóti að þroska söngvara að fá að
sinna þeim báðum. Óperutónlistin
verður þó alltaf í fyrsta sæti og
markmiðið að styrkja fremur fram-
gang hennar.
Þær eru einnig vissar um að þeg-
ar samningi þeirra lýkur verði af
nógu að taka því svo virðist sem
endalaus framleiðsla sé á góðum
söngvurum hér á landi. „Efniviður-
inn er fyrir hendi og því ætti fram-
tíð Íslensku óperunnar að vera
björt.“
Morgunblaðið/Ásdís
asdísh@mbl.is
MORGUNBLAÐIÐ SUNNUDAGUR 28. JÚLÍ 2002 21
! " ""# $%&'(% ( )"" ""** + )"" ""*,
! "# $ % "&# ' (
)*+
, ,
-
, ,
/ .
0
1##1 ' (
2 '( &31 4
#" ' (
5 6633" 5
177#3 ' (
/+
8 0 9
0
:);*
0
0
<
8
:/; 8 !8 0!8
$
8 8 < 8 < ,
0. 8
61
&37 6131#
.
/0
!1
2
%%
3
!
'
.
' (
Heimsferðir bjóða ómótstæðilegt tækifæri til að upplifa haustdýrðina á
fallegum og sögulegum stöðum Mið-Evrópu. Náttúrufegurðin er einstök
við Gardavatnið og Dólomítafjöllin á Ítalíu, í Týról í Austurríki og
við Rómantísku leiðina í Þýskalandi, og sögulegu borgirnar Nürnberg
og Prag láta engan ósnortinn. Undir leiðsögn þaulreynds fararstjóra
kynnumst við náttúru, menningu, sögu og lífsháttum. Gist á góðum 3ja-
4ra* hótelum og eknar hæfilegar dagleiðir með hvíld á milli.
Fararstjóri: Ása María Valdimarsdóttir
Skógarhlíð 18, sími 595 1000.
www.heimsferdir.is
Haustævintýri Heimsferða
Mið-Evrópa
Vesturrútan
3.-10. október
frá kr. 69.950
3. okt. Flogið að morgni til Verona á Ítalíu í beinu leiguflugi Heimsferða. Ekið meðfram
Gardavatni og staldrað við þar. Kvöldverður og gisting í smábænum Pietramurata í
fjöllunum rétt norðan við Gardavatn.
4. okt. Ekið um Brennerskarðið til Týról í Austurríki. Kvöldverður og gisting í tvær nætur
í hinum undurfagra fjallabæ Seefeld.
5. okt. Dvöl í Seefeld. Boðið upp á létta gönguferð um fjöllin fyrir þá sem þess óska.
Frábær sundlaug, golfvöllur, minigolf og alls kyns afþreying, kaffihús og dekurtilboð í
boði í þessum fallega bæ.
6. okt. Ekið frá Seefeld um hina frægu „Rómantísku leið” til Nürnberg í Þýskalandi.
Staldrað við hjá frægum ævintýrahöllum og í rómantískum miðaldabæ. Kvöldmatur í
Nürnberg og gisting í tvær nætur á góðu hóteli miðsvæðis í borginni.
7. okt. Kynnisferð um Nürnberg. Hunangskökur og pylsur, leikföng og meistarasöngv-
arar, jólamarkaður og gotnesk listaverk, þriðja ríkið og stríðsréttarhöld. Þetta er fátt eitt af
því sem kemur upp í hugann við að heyra nafnið Nürnberg. Frjáls tími síðdegis.
8. okt. Ekið frá Nürnberg til Prag í Tékklandi. Kynnisferð um þessa stórkostlegu og eina
vinsælustu borg Evrópu áður en haldið er á hótel þar sem gist er síðustu tvær næturnar.
9. okt. Frjáls dagur í Prag.
10. okt. Flogið heim frá Prag að morgni í beinu leiguflugi Heimsferða.
Verð kr. 69.950
M.v. 2 í herbergi. Aukagjald fyrir einbýli
kr. 9.800.
Innifalið: Flug, 7 gistinætur á góðum
3ja-4ra* hótelum með morgunmat,
4 kvöldverðir (3., 4., 5. og 6. október),
rútuferðir eins og í áætlun og íslensk far-
arstjórn. Flugvallarskattur kr. 3.550.
Ekki innifalið: Allur aðgangseyrir og for-
fallagjald kr. 1.800 (valkvætt).
Ítalía - Austurríki - Þýskaland - Tékkland