Morgunblaðið - 24.09.2002, Side 10

FRÉTTIR
10 ÞRIÐJUDAGUR 24. SEPTEMBER 2002 MORGUNBLAÐIÐ
MORGUNBLAÐINU hefur bor-
ist eftirfarandi athugasemd frá
Deloitte & Touche hf.
„Í Morgunblaðinu 21. septem-
ber sl. er birt bréf sem lögmaður
Baugs Group hf., Hreinn Lofts-
son, ritaði vegna húsleitar hjá
umbjóðanda sínum og sem hann
hefur sent Ríkislögreglustjóra og
jafnframt kosið að birta opinber-
lega. Í bréfinu setur lögmaðurinn
fram efasemdir um hvort endur-
skoðendur fylgi lögum og verji
starfsheiður sinn í störfum sínum.
Í bréfinu gefur lögmaðurinn í
skyn að trúnaðarupplýsingar um
eitt fyrirtæki sem endurskoðandi/
endurskoðunarfyrirtæki öðlast í
starfi sínu séu notaðar til fram-
dráttar öðru fyrirtæki sem hinn
sami endurskoðandi/endurskoð-
unarfyrirtæki vinni fyrir.
Í 3ja kafla laga um endurskoð-
endur segir m.a. í 7. grein: „End-
urskoðendur eru bundnir þagnar-
skyldu um það sem þeir fá
vitneskju um í starfi sínu og leynt
á að fara.“
Í bréfi lögmannsins segir m.a.:
„Undirrituðum er kunnugt um að
endurskoðunarskrifstofan Del-
oitte & Touche hf., sem mun hafa
verið efnahagsbrotadeild ríkislög-
reglustjóra til aðstoðar í þessu
máli, starfi m.a. einnig fyrir
Kaupás hf., sem er helsti sam-
keppnisaðili Baugs Group hf. á Ís-
landi. Þetta er sérstaklega mik-
ilvægt í ljósi þess að lögregla tók
afrit af öllu bókhaldi Baugs Group
hf. og ýmis önnur gögn er varða
rekstur og áætlanir félagsins.“
Í störfum sínum vinna endur-
skoðendur/endurskoðunarfyrir-
tæki oftsinnis fyrir 2 eða fleiri að-
ila í sömu atvinnugrein, sem eru í
samkeppni við hvorn annan.
Traust viðskiptavina endurskoð-
enda byggir á þeirri þekkingu á
störfum þeirra að endurskoðend-
ur eru bundnir þagnarskyldu og
starfsheiður þeirra byggir á að
þeir fylgi því undantekningar-
laust. Lögmaður Baugs Group hf.
hefur með framangreindu bréfi
gefið í skyn að endurskoðendur
og endurskoðunarfyrirtækið
Deloitte & Touche hf. sérstak-
lega, brjóti þessi grundvallarskil-
yrði í starfi endurskoðenda. Þess-
um ummælum hans andmælum
við harðlega bæði fyrir stétt end-
urskoðenda sem heild og ekki síð-
ur fyrir fyrirtæki okkar sérstak-
lega.
Það er von okkar að lögmað-
urinn geti haft uppi varnir fyrir
umbjóðendur sína án þess að nota
til þess aðferðir sem vega að
starfsheiðri þeirra sérfræðinga
sem kallaðir eru til starfa fyrir
rannsóknaraðila.
Reykjavík 23. september 2002,
f.h. Deloitte & Touche hf.
Guðmundur Kjartansson,
stjórnarformaður
Þorvarður Gunnarsson, fram-
kvæmdastjóri.“
Athugasemd frá
Deloitte & Touche
ÍSLENSKU menntasamtökin, ÍMS,
og Hafnarfjarðarbær hafa náð sam-
komulagi um rekstur Áslandsskóla.
Bærinn mun taka við rekstri grunn-
skólans en samtökin reka áfram
leikskólann í Áslandi. Samkvæmt
samkomulagi, sem náðist á sunnu-
dag, verður samningur um skóla-
starf frá því í maí á síðasta ári felld-
ur niður. Samkomulag náðist einnig
um skilmála og yfirtöku á búnaði
sem samtökin höfðu notað við rekst-
ur á grunnskólanum í Áslandi. Þá
var samið um greiðslu til ÍMS vegna
kostnaðar og vinnuframlags við
uppbyggingu skólastarfsins og taka
greiðslurnar einnig tillit til þess
hluta kostnaðar við uppbyggingu
skólans sem samtökin ráðgerðu að
kæmu til greiðslu á síðari hluta
þriggja ára samningstímans. Samn-
ingurinn var gerður í kjölfar funda
fulltrúa ÍMS, fræðsluyfirvalda og
bæjarstjórnar um helgina.
Í sameiginlegri tilkynningu sem
Hafnarfjarðarbær og ÍMS sendu frá
sér segir að fullt samkomulag sé
orðið um skilmála yfirtöku á búnaði
sem ÍMS hafa notað til reksturs
grunnskólans. Þá hafi aðilar náð
fullu samkomulagi um yfirtöku
Hafnarfjarðarbæjar á leigusamn-
ingum vegna tölvubúnaðar og ann-
ars nauðsynlegs búnaðar, um yfir-
töku áfallandi rekstrarkostnaðar og
réttinda og skyldna gagnvart starfs-
fólki.
Í tilkynningunni segir, að aðilar
séu sáttir við niðurstöðu samkomu-
lagsins, hún þjóni best hagsmunum
þeirra og ekki hvað síst barnanna í
Áslandsskóla.
Samningurinn verður lagður fyrir
bæjarráð Hafnarfjarðar í dag og
vildi Guðmundur Benediktsson bæj-
arlögmaður ekki tjá sig um einstök
atriði samningsins fyrr en að honum
loknum.
Samkomulag um
rekstur Áslandsskóla
ÍMS reka áfram
leikskólann
Tjarnarás
GÖMUL fjögurra hreyfla flugvél
með þreföldu stéli, Lockheed Super
Constellation, kom við á Keflavík-
urflugvelli í gær á leið sinni frá Am-
eríku til Evrópu. Átti vélin að halda
frá landinu í morgun til Hollands
þar sem hún verður einn af gripum
á flugsafni þar í landi.
Suðurflug sá um afgreiðslu vél-
arinnar sem hafði hér viðdvöl til
eldsneytistöku en hingað kom hún
frá Kanada. Aðeins fjórar slíkar
vélar eru nothæfar í dag. Vélarnar
voru smíðaðar fyrir bandaríska
herinn en árið 1946 kom á markað
gerð sem notuð var í farþegaflug.
Flugu vélar af þessari gerð milli
Washington og Parísar og New
York og London og var mikið notuð
til flugs milli stranda í Bandaríkj-
unum. Smíðaðar voru tæplega 900
vélar af þessum gerðum.
Constellation-
vél á leið á
flugminjasafn
Morgunblaðið/Hilmar Bragi
HLAUPIÐ í Skaftá rýrnar nú dag
frá degi og rennsli ánnar verður
brátt með eðlilegum hætti. Þetta
virðist vera minnsta hlaup sem
komið hefur úr svonefndum eystri
katli frá því mælingar hófust.
Samkvæmt mælingum Orku-
stofnunar var heildarrúmmál
hlaupsins um 140 gígalítrar (Gl)
sem jafngildir því að vatnsyfirborð
10 km² stöðuvatns lækki um 14
metra.
Oddur Sigurðsson, jarðfræðingur
hjá Orkustofnun, segir að hlaupið,
sem hófst fyrir viku, virðist vera
jafnstórt hlaupinu sem kom úr vest-
ari katlinum í júlí sl. Þetta er
óvenjulegt því hlaup úr eystri katl-
inum hafa ávallt verið mun stærri.
Þó er vitað um eitt tiltölulega lítið
hlaup en Oddur telur að hlaupið sé
hið minnsta sem hefur komið úr
eystri katlinum. Vísindamenn séu
nú að leita skýringa á þessu en hafi
ekki komist að niðurstöðu. „Við er-
um að leita að skýringu í samráði
við Raunvísindastofnun sem fylgist
með kötlunum í Vatnajökli. Það var
mjög forvitnilegt að fylgjast með
efnunum sem komu fram með
þessu hlaupi, bæði gasinu sem var
að hrella okkur og einnig ýmsum
uppleystum efnum í vatninu. Það
kom alveg feiknaleg gusa af þessum
efnum í kjölfar skjálftaóróans í
eystri katlinum,“ sagði Oddur.
Jarðefnafræðingur Raunvísinda-
stofnunar hafi tekið heilmikið af
sýnum við upptök Skaftár þegar
uppleystu efnin voru í hámarki.
„Við eigum von á að þetta gefi ýms-
ar upplýsingar sem við höfum ekki
haft áður. Þetta eru áreiðanlega
bestu gögn sem við höfum fengið
um efnafræðina í þessum hlaup-
um,“ sagði hann. Eftir sé að vinna
úr gögnunum og þangað til vill
hann ekki segja til um ástæður
þess að hlaupið varð ekki stærra en
raun ber vitni en telur afar ólíklegt
að skýringanna sé að leita í minni
virkni í jarðhitasvæðum undir jökl-
inum.
Hlaupið í Skaftá
er að fjara hægt út
Ljósmynd/Reynir Ragnarsson
Snjóþekjan yfir eystri katlinum fellur saman þegar vatnið rennur úr
katlinum, undir jökulinn og út í Skaftá. Miklar sprungur myndast.
SVEINN Ingi Þórarinsson skipa-
miðlari segir að hægt sé að fá heppi-
lega Vestmannaeyjaferju fyrir um
milljarð króna og um sé að ræða skip
sem hann kynnti á fjölmennum borg-
arafundi í Vestmannaeyjum fyrir
helgi.
Á fundinum greindi Sveinn Ingi
Þórarinsson frá tveimur systurskip-
um, smíðuðum á Ítalíu, sem væru til
sölu, en annað væri á Gíbraltar og hitt
í Grikklandi. Ganghraði þeirra væri
upp í 40 mílur eða þrefaldur gang-
hraði Herjólfs.
Sveinn Ingi segir að sé ölduhæð
meiri en fimm metrar þurfi að slá
verulega af hraða þessara skipa eins
og annarra, en ekki sé rétt að skipin
henti ekki á leiðinni milli Vestmanna-
eyja og Þorlákshafnar vegna of mik-
illar ölduhæðar, eins og komið hafi
fram í fréttum um helgina. Herjólfur
yrði líka að slá af við sömu aðstæður,
en ljóst væri að þessi samgöngubót
myndi henta best á sumrin, þegar
veður væri gott og ná þyrfti til
margra ferðamanna. Hins vegar væri
aldrei hægt að ráða við veðrið.
Áhugahópur um bættar sam-
göngur við Vestmannaeyjar hvetur
þingmenn, sem sátu borgarafundinn í
Vestmannaeyjum sl. föstudagskvöld,
til að leggja fram tillögu á fyrstu dög-
um haustþings um fjárveitingu til
Vegagerðarinnar svo Herjólfur hefji
tafarlaust siglingar tvisvar á dag milli
lands og Eyja, en „með því yrði stigið
fyrsta skrefið í átt til verulegra sam-
göngubóta“, eins og segir í yfirlýsingu
frá hópnum.
Herjólfur er í slipp í Friðrikshöfn í
Danmörku, ekkert óvænt hefur kom-
ið í ljós við yfirferð á skipinu og geng-
ur vinnan samkvæmt áætlun. Verið
er að mála skipið og er gert ráð fyrir
að það haldi af stað áleiðis til Vest-
mannaeyja næstkomandi fimmtu-
dagskvöld, en verði í Eyjum á sunnu-
dag. Skipið siglir samkvæmt áætlun
frá og með næsta mánudegi.
Hægt að fá
skip fyrir
um milljarð
Sveinn Ingi Þórarins-
son um nýja Vest-
mannaeyjaferju
LÖGREGLAN í Hafnarfirði hand-
tók um helgina 17 ára pilt vegna
innbrots í úra- og skartgripaversl-
un við Strandgötu í Hafnarfirði.
Honum hafði verið veitt eftirför
inn í Kópavog þar sem bifreið hans
var stöðvuð. Pilturinn var undir
áhrifum fíkniefna og í fórum hans
fundust skartgripir úr versluninni.
Á föstudagskvöld voru tveir pilt-
ar á tvítugsaldri handteknir í
Garðabæ eftir að í fórum þeirra
fundust um 100 grömm af hassi og
um 100 e-töflur. Þeir sögðu fíkni-
efnin hafa verið ætluð til sölu og
var sleppt að loknum yfir-
heyrslum. Málið er í rannsókn.
Tveir drengir, 13 og 14 ára, voru í
bifreið sem var stöðvuð á Breið-
holtsbraut á laugardagskvöld, en
henni hafði verið stolið í Hafn-
arfirði fyrr um daginn.
Skartgripa-
þjófnaður
og fíkni-
efnasala