Morgunblaðið - 19.10.2002, Page 23

LANDIÐ
MORGUNBLAÐIÐ LAUGARDAGUR 19. OKTÓBER 2002 23
FYRSTA aflvél Fljótsdalsvirkjunar
hefur verið gangsett. Í kynningarhús-
næði Landsvirkjunar að Skriðu-
klaustri í Fljótsdal var sett af stað vél
sem sýnir hvernig rafmagn verður til
og voru það nemendur í Hallorms-
staðarskóla sem ræstu hana. Við
sama tækifæri var einnig opnuð ný
heimasíða Landsvirkjunar og sérstök
heimasíða Kárahnjúkavirkjunar. Þá
var í gær haldið námskeið eystra á
vegum Landsvirkjunar, ætlað þeim
sem munu vinna við framkvæmdir
vegna Fljótsdalsvirkjunar.
„Aflvélin er til þess ætluð að sýna
hvernig rafmagn verður til“ sagði
Þorsteinn Hilmarsson, upplýsinga-
fulltrúi Landsvirkjunar. „Við höfum
verið með ýmsa fræðslu um rafmagn
fyrir skólabörn og settum til dæmis
svipaða vél upp í Blönduvirkjun fyrir
tveimur árum, en það eru einmitt
starfsmenn þar sem smíða svona
apparöt í frítímum sínum. Við fáum
mikið af gestum í Blöndu og þetta hef-
ur gert mikla lukku þar, ekki síst hjá
skólahópum.“
Vélin er þannig úr garði gerð að
rafmagnsdæla dælir vatni inn á hverf-
ilhjól og við það snýst rafallinn, sem
framleiðir rafmagn fyrir tvær stórar
og miklar ljósaperur sem ýmist dofna
eða verða sterkari eftir vatnsmagninu
sem dælt er. Sjá má hvernig vélin
vinnur gegnum gler. Sérstakir
„stöðvarstjórar í Fljótsdal“ voru vald-
ir úr nemendum Hallormsstaðarskóla
og gangsettu þau þessa „fyrstu aflvél
Fljótsdalsvirkjunar“ auk þess sem
nemendur fengu fyrirlestur um eðli
og nýtingu raforku. Þá var við sama
tækifæri vígð ný heimasíða Lands-
virkjunar, www.landsvirkjun.is og
undirsíða hennar um Kárahnjúka-
virkjun.
Umhverfisfræðsla skilyrt
í útboðsgögnum
Þriðji hluti námskeiðs á vegum
Landsvirkjunar hófst í félagsheimili
Fljótsdælinga, Végarði, á fimmtudag.
Það er ætlað þeim sem vinna að
Fljótsdalsvirkjun og voru það vega-
gerðarmenn sem settust á skólabekk-
inn í gær. „Námskeiðið fjallar um um-
hverfismál og þau markmið sem við
höfum sett okkur í sambandi við
framkvæmdirnar,“ segir Þorsteinn.
„Við gerum kröfu til þess í útboðs-
gögnum að allir fari í svona fræðslu
og umhverfisstjóri Landsvirkjunar,
Ragnheiður Ólafsdóttir, hefur haft
veg og vanda af skipulagningu nám-
skeiðsins. Emil Björnsson hjá
Fræðsluneti Austurlands og hans
fólk voru svo fengin til að annast um
námskeiðshaldið. Meginmarkmiðið er
að tryggja rétt vinnubrögð, öryggi og
að umgengni við landið sé í lagi. Ég
veit ekki til þess að þetta hafi nokkurn
tíma verið gert áður hér á landi. Það
verður heilmikið fræðslustarf í gangi
næstu misserin fyrir alla nýja sem
koma að virkjanaframkvæmdunum.“
Að sögn Ragnheiðar Ólafsdóttur er
námskeiðið fyrst og fremst til að efla
umhverfisvitund. „Við erum að fara
inn á tiltölulega ósnortið svæði og vilj-
um standa okkur eins vel og við
mögulega getum. Við leggjum því
mikið upp úr að allir starfsmenn
framkvæmdanna fái kunnáttu um
svæðið og umhverfisstefnu Lands-
virkjunar og nýti færni sína til að
skemma ekki meira en nauðsynlegt
er. Við förum yfir vinnu á virkjana-
svæðum, umhverfisstefnu fyrirtækis-
ins, landlýsingu og örnefni og sögu.
Þá verður fjallað um náttúrufar, nytj-
ar og umgengni við náttúruna,“ sagði
Ragnheiður.
Sérstakur umhverfisstjóri Lands-
virkjunar verður skipaður með virkj-
unarframkvæmdinni og verður hann
tengiliður við alla framkvæmdaaðila.
Kveikt á perunni í Fljótsdalsvirkjun
Fyrsta aflvélin í
Fljótsdal gangsett
Egilsstaðir
Morgunblaðið/Steinunn Ásmundsdóttir
Urður Inga og Kolbeinn Magnús úr 1. og 3. bekk Hallormsstaðarskóla
gangsetja líkan af rafmagnsvél sem Landsvirkjun hefur komið fyrir í
kynningarhúsnæði sínu á Skriðuklaustri í Fljótsdal.
UM rúmlega eins árs skeið hefur
farið fram rannsókn á atferli minka
á Snæfellsnesi. Það er Náttúrustofa
Vesturlands með aðsetur í Stykk-
ishólmi sem stendur fyrir rann-
sókninni en hún mun standa eitt ár í
viðbót.
Markmiðið með rannsókninni er
að kanna lífshætti, lífslíkur og at-
ferli minkanna til þess að hægt sé
að gera tillögur um raunhæfar ráð-
stafanir til þess að halda stofninum
í skefjum því eins og menn vita er
minkurinn vágestur á varpstöðum
og ógnar fuglalífi ef of mikið er af
honum. Settar eru niður gildrur á
ýmsum stöðum um Nesið og þeirra
vitjað daglega yfir ákveðið tímabil
að hausti. Minkarnir sem koma í
gildrurnar eru örmerktir og frost-
merktir, vegnir og mældir. Komi
merktur minkur í gildru er hann
veginn og mældur og lesið af ör-
merkinu en þar sést hversu langa
vegalengd hann hefur farið frá því
að hann var merktur. Í Fyrrahaust
veiddust 85 minkar í gildrurnar.
Herdís Gróa Tómasdóttir í Grund-
arfirði hefur nú í um mánaðartíma
unnið við að vitja um gildrurnar
hér á norðanverðu Snæfellsnesi en
Sigrún Bjarnadóttir frá Stakk-
hamri séð um nesið sunnanvert.
Svo virðist sem í einhverjum til-
vikum geri menn sér ekki grein fyr-
ir tilgangi þessara rannsókna því
að sögn Herdísar hafa tvisvar sinn-
um á þessum mánuði horfið gildrur
af þeim stað sem þær hafa verið
settar niður. Herdís var með minka
í tveimur gildrum þegar fréttarit-
ari náði mynd af henni um daginn í
Grundarfirði.
Minkarann-
sóknir á
Snæfellsnesi
Grundarfjörður
Morgunblaðið/Gunnar Kristjánsson
Annar minkanna í veiðibúrinu.