Morgunblaðið - 19.10.2002, Qupperneq 45

UMRÆÐAN
MORGUNBLAÐIÐ LAUGARDAGUR 19. OKTÓBER 2002 45
FRÉTTABLAÐIÐ er á leið að
verða áhrifamikill fjölmiðill í ís-
lensku þjóðfélagi. Það er sagt vera
prentað í áttatíuþúsund eintökum
og gefið þjóðinni. Á hverjum degi
birtir Fréttablaðið dálk á forsíðu,
þar sem því er haldið fram að það sé
mest lesna blað á Íslandi. Það er
ekkert smáræði. Og Fréttablaðið
fer víðar. Ritstjóri þess, Gunnar
Smári Egilsson, er fastagestur í Ís-
landi í dag, á Stöð 2. Þar kemur
hann einusinni í viku og framlengir
ritstjórnarstefnu Fréttablaðsins.
Oftar en ekki á leiftrandi skemmti-
legan hátt.
En hvað ER Fréttablaðið? Og
miklu mikilvægara, hver Á Frétta-
blaðið? Það fór á hausinn, eða því
sem næst, fyrir einhverjum miss-
erum, en var svo endurreist. Óstað-
festar fregnir herma að margir
starfsmenn blaðsins hafi setið eftir
með ógreidd laun og sárt ennið,
þegar það gerðist. Um það eru þó
engar áreiðanlegar upplýsingar, þar
sem það virðist leyndarmál, eins og
annað sem snertir þetta blað.
Það var ekki upplýst hverjir það
voru sem endurreistu fréttablaðið.
Gunnar Smári var spurður að því
hverjir nýju eigendurnir væru, en
hann neitaði að upplýsa það. Sagði:
„he he“ og fannst engin ástæða til
þess að fólk væri að spekúlera í slík-
um hlutum. Hefði Gunnar Smári lát-
ið sér þau svör nægja, ef um hefði
verið að ræða eitthvert annað
áhrifamikið fyrirtæki í þjóðlífinu ?
Það efast ég um, enda hefði hann þá
stórlega brugðist skyldum sínum
sem blaðamaður. Eins og venjulega,
þegar reynt er að vera með eitthvað
í felum, hafa sögusagnir komist á
kreik. Mér finnst að þetta þurfi að
upplýsa. Það er vægast sagt óeðli-
legt að það skuli vera rekinn sterk-
ur fjölmiðill í landinu, sem enginn
veit hver á. Allir aðrir fjölmiðlar eru
með sitt á hreinu, hvað þetta varðar.
Fólk getur svo dregið sínar álykt-
anir í samræmi við það, þegar að
fréttaflutningi kemur.
Ég er ekki að segja að fréttaflutn-
ingur Fréttablaðsins sé óheiðarleg-
ur.
Ég get ekki einusinni myndað
mér skoðun um það, þar sem eig-
endur blaðsins fara huldu höfði. Mig
langar því til þess að spyrja Gunnar
Smára Egilsson, formlega og opin-
berlega: Hverjir eru eigendur blaðs-
ins? Af hverju eru þeir í felum?
Hvað hafa þeir að fela? Hvernig
réttlætir þú að þjóðinni komi ekki
við hverjir séu eigendur að sterkum
fjölmiðli í lýðræðisríki?
Hver á Fréttablaðið?
Eftir Óla
Tynes
Höfundur er fréttamaður.
„Það er væg-
ast sagt
óeðlilegt að
það skuli
rekinn sterk-
ur fjölmiðill á landinu,
sem enginn veit hver á.“
kerfum sem þeir hafa aðgang að.
NMT-símkerfið er það samskipta-
tæki sem mest er notað af sjó-
mönnum til að hafa samband við
fjölskyldur sínar þar sem það
næst, auk talstöðvarinnar og gervi-
hnattasímanna sem eru að koma í
gagnið núna. En ekki er nóg að
hafa aðgang að hinum ýmsu sam-
skiptaleiðum ef kostnaðurinn við
að nota þjónustuna er of mikill.
Kostnaður sjómanna við að vera í
eðlilegu sambandi við fjölskyldur
sínar er það mikill að menn jafnvel
neita sér um að nota það eins og
þeir vildu. Sama á við um önnur
samskipti við land sem nútímakröf-
ur gera ráð fyrir, t.d. Netið o.fl.
Nú þegar búið er að setja sömu
gjaldskrána hjá Símanum um allt
landið fyrir alla landsmenn kemur
upp sama staðan og með sjónvarp-
ið, að sjómenn á miðunum við land-
ið teljast ekki til allra landsmanna.
Þótt Síminn sé væntanlega löngu
búinn að greiða niður stofnkostn-
aðinn af NMT-kerfinu lækkar
gjaldskráin ekki, því þarna er eng-
in samkeppni. Dagtaxti í almenna
símkerfinu er 1,69 kr. en 16,60 kr. í
NMT-kerfinu.
Það er því mjög hógvær krafa
hjá sjómönnum að þeir séu taldir
með öllum landsmönnum þegar
komið er á sömu gjaldskrá fyrir
allt landið fyrir ýmsa þjónustu, því
það hugtak hlýtur einnig að ná til
þeirra, þar sem þeir búa og borga
sína skatta á Íslandi.
Ríkisvaldið og Alþingi verða að
fara að telja sjómenn á miðunum
við landið með þegar rætt er um
alla landsmenn.
Höfundur er varaformaður
Vélstjórafélags Íslands.
Moggabúðin
Stuttermabolir, aðeins 1.000 kr.
Moggabúðin
Geisladiskahulstur, aðeins 700 kr.