Morgunblaðið - 29.10.2002, Qupperneq 4

FRÉTTIR
4 ÞRIÐJUDAGUR 29. OKTÓBER 2002 MORGUNBLAÐIÐ
Netsalan ehf. Garðatorgi 3, 210 Garðabæ
Sími 565 6241 Fax 5 444 211 Netf.: netsalan@itn.is
Opið mán. - fös. kl. 10:00 - 18:00, lau. 10:00 - 12:00
OVERLAND og LIMITED
2003 ÁRG. ER KOMIN
JEEP GRAND CHEROKEE
NETSALAN
VALGERÐUR Sverrisdóttir, iðn-
aðar- og viðskiptaráðherra, fór í
heimsókn á sunnudag til Lapp-
lands í boði Jari Vilén, utanrík-
isviðskipta- og Evrópumálaráð-
herra Finnlands, og skoðaði þar
landbúnaðarhérað ásamt nokkrum
embættismönnum og formanni
Bændasamtaka Íslands, Ara Teits-
syni. Ferðin var farin í tengslum
við Norðurlandaráðsþing, sem
hefst í Finnlandi í dag, auk þess
sem verið var að endurgjalda
heimsókn Vilén til Íslands frá því í
sumar.
Valgerður sagði við Morg-
unblaðið að markmið ferðarinnar
hefði m.a. verið að skoða stöðu
Lappa í landbúnaðar- og byggða-
málum en Vilén er einmitt frá
Lapplandi. Einnig hefði verið aflað
upplýsinga um reynslu Finna af
því að vera innan Evrópusam-
bandsins. Hún sagði ferðina hafa
verið afar ánægjulega og fróðlega.
„Við sáum að Finnar eru að gera
góða hluti í landbúnaðar- og
byggðamálum. Mér fannst áhuga-
vert að þeim hefur tekist að laga
landbúnaðinn að ferðaþjónustu. Á
hreindýrabúgarð, sem við skoð-
uðum í Lapplandi, koma um 30
þúsund ferðamenn á ári. Finnum
hefur tekist að selja snjóinn, ef svo
má segja, því flestir ferðamenn
koma að vetrarlagi. Boðið er upp á
vélsleðaferðir og margt fleira at-
hyglisvert,“ sagði Valgerður.
Hún sagði finnska bændur eiga
á brattann að sækja líkt og íslensk-
ir starfsbræður þeirra en í Finn-
landi virtist ríkja meiri stöðugleiki
og sátt innan greinarinnar en áð-
ur. Hvort það væri vegna aðildar
að Evrópusambandinu sagðist Val-
gerður ekki geta fullyrt um. Hins
vegar væri sátt um þá landbún-
aðarstefnu sem rekin væri með
töluverðum styrkjum og öðrum
stuðningi.
Valgerður sagði það einnig hafa
verið athyglisvert að sjá hve Finn-
um hefði tekist vel til í ferðaþjón-
ustunni með því að gera út á jóla-
sveininn og norðurheimskautið.
„Sjálfsagt erum við búin að missa
sérstöðuna varðandi jólasveininn
en við gætum áreiðanlega lært
margt annað af Finnum,“ sagði
Valgerður.
Valgerður Sverrisdóttir í heimsókn til Lapplands
„Finnum hefur tekist
að selja snjóinn“
Ljósmynd/Markku Leskinen
„Sem sönn sveitakona verð ég að sjá markið,“ sagði Valgerður Sverrisdóttir er hún skoðaði eitt hreindýranna á
búgarði skammt frá Rovaniemi ásamt finnska ráðherranum Jari Vilén. Ari Teitsson, formaður Bændasamtak-
anna, fylgdist með og hreindýrabóndinn hélt um höfuð skepnunnar.
UMBOÐSMAÐUR Alþingis hefur
komist að þeirri niðurstöðu í nýju áliti
að úrskurðarnefnd atvinnuleysisbóta
hafi brotið stjórnsýslulög á konu sem
kvartaði yfir því að nefndin svaraði
ekki erindi hennar fyrr en eftir fimm
mánuði. Fór hún fram á að fá aðgang
að gögnum tveggja mála sinna fyrir
nefndinni.
Telur umboðsmaður að það hafi
dregist lengur en samrýmist reglum
stjórnsýsluréttar um málshraða að
nefndin svaraði beiðni konunnar, sem
er sjálfstætt starfandi atvinnurek-
andi á Norðurlandi vestra. Fimm
mánuðir hafi liðið frá því að konan rit-
aði nefndinni bréf þar til að hún fékk
aðgang að umræddum gögnum.
Þá gerir umboðsmaður einnig at-
hugasemd við það að nefndin dró
hann á svörum við beiðnum sínum en
fimm mánuðir liðu frá því að umboðs-
maður sendi nefndinni bréf og þar til
að honum var svarað. Er þeim tilmæl-
um beint til hennar að hún hagi máls-
meðferð sinni framvegis í samræmi
við sjónarmið álitsins. Um þetta segir
umboðsmaður m.a. í áliti sínu:
„Eigi úrlausnir umboðsmanns Al-
þingis í einstökum málum að hafa
eðlilegan framgang er nauðsynlegt að
stjórnvöld láti umbeðnar upplýsingar
í té sem fyrst eða skýri að öðrum kosti
tafir á upplýsingagjöf. Ég tel að í
þessu máli hafi það dregist úr hófi að
úrskurðarnefnd atvinnuleysisbóta
svaraði fyrirspurnum mínum. Eru
það tilmæli mín að slíkt endurtaki sig
ekki og svörum við erindum umboðs-
manns Alþingis í tilefni af kvörtunum
sem honum berast sé svarað innan
hæfilegs tíma.“
Úrskurðarnefnd atvinnuleysisbóta
Braut stjórn-
sýslulög að mati
umboðsmanns
FYRRVERANDI stýrimaður á
Mánafossi, sem ákærður er fyrir
hlutdeild í innflutningi á tæplega 20
kílóum af kannabisefnum sagðist við
þingfestingu málsins í gær ekki hafa
vitað hvað var í pakka sem hann tók
við í Rotterdam, geymdi um borð í
skipinu og varpaði fyrir borð þegar
skipið var statt við Engey.
Í ákæru kemur fram að maðurinn
og aðrir sakborningar í málinu gerðu
mikla leit að pakkanum, köfuðu
ítrekað eftir honum og notuðu jafn-
vel neðansjávarmyndavél en án ár-
angurs. Rúmlega mánuði eftir að
pakkinn týndist var stýrimaðurinn
handtekinn í bifreið sinni með um 10
kíló af hassi sem hann hafði skömmu
áður sótt um borð í Goðafoss.
Alls þrjár tilraunir
en aðild misjöfn
Stýrimaðurinn var einn af sjö
mönnum sem komu fyrir Héraðs-
dóm Reykjavíkur í gær þegar þing-
festar voru ákærur gegn þeim í
tengslum við innflutning á samtals
um 25 kílóum af kannabisefnum til
landsins. Um er að ræða þrjár
smygltilraunir, í júní árið 2000 var
maður stöðvaður með tæplega fimm
kíló af hassi á Keflavíkurflugvelli, í
júlí var pakkanum kastað í sjóinn við
Engey og í september var stýrimað-
urinn handtekinn með 10 kíló af
kannabis. Í ákæru kemur fram að
aðild sjömenninganna að málunum
hafi verið afar misjöfn og aðeins einn
þeirra tengist þeim öllum, maðurinn
sem sakaður er um að hafa útvegað
efnin í Rotterdam. Hann var fram-
seldur frá Hollandi á þessu ári og
fyrir dómi í gær játaði hann að hafa
útvegað 15 kíló af kannabisefni en
neitaði að öðru leyti sök. Einn sak-
borninga er aðeins sakaður um að
hafa lánað bifreið sem notuð var til
að sækja fíkniefnin en aðrir um að
hafa aðstoðað við leit að týnda pakk-
anum, haft milligöngu um að koma
mönnum í samband við manninn í
Rotterdam eða lagt á ráðin um fjár-
mögnun á fíkniefnakaupunum.
Símtöl milli hinna grunuðu voru
hleruð og fylgst var með þeim þegar
þeir gerðu árangurslausar tilraunir
til að finna pakkann sem kastað var
fyrir borð.
Aðalmeðferð málsins fer fram í
byrjun desember og er þá gert ráð
fyrir að spila hluta af upptökunum
fyrir dóminn.
Ákært fyrir inn-
flutning á 25
kílóum af hassi
ÁRNI Þór Sigurðsson, forseti borg-
arstjórnar og Vilhjálmur Þ. Vil-
hjálmsson borgarfulltrúi áttu í gær
fund í Peking með Meng Xuenong,
staðgengli borgarstjórans í Peking.
Á fundinum var einkum rætt um
samstarf til að flýta nýtingu jarðhita
í Peking á grundvelli þeirrar reynslu
sem fengist hefur á Íslandi, að því er
fram kemur í fréttatilkynningu frá
skrifstofu borgarstjóra.
Auk Árna Þórs og Vilhjálms sátu
fundinn Vignir Albertsson, skipu-
lagsfulltrúi Reykjavíkurhafnar,
Ólafur Egilsson, sendiherra Íslands í
Peking og Auður Edda Jökulsdóttir
sendiráðunautur.
Í fréttatilkynningunni kemur
fram að báðir aðilar hafi á fundinum
fagnað samkomulagi milli Orkuveitu
Reykjavíkur og fyrirtækisins Enex
annars vegar og fyrirtækja á vegum
borgaryfirvalda í Peking hins vegar
um tækniráðgjöf og hönnun hita-
veitu í norðurhluta borgarinnar.
„Fram kom áhugi á að þróa sam-
starfið enn frekar og lýsti Meng yfir
því að borgaryfirvöld í Peking
myndu fyrir sitt leyti búa í haginn
fyrir önnur samstarfsverkefni, þ. á
m. í tengslum við uppbyggingu Ól-
ympíuþorps fyrir Ólympíuleikana í
Peking 2008,“ segir í fréttatilkynn-
ingunni.
Þá segir að sendinefnd Reykjavík-
urborgar hafi í síðustu viku tekið
þátt í alþjóðaráðstefnu hafnarborga í
Norður-Kína þar sem fulltrúar frá
80 löndum fjölluðu um sambýli hafn-
ar og borgar.
Sendinefnd Reykjavíkurborgar í Peking
Rætt um frekara sam-
starf til að nýta jarðhita
ÓLAFUR Ragnar Grímsson,
forseti Íslands, flutti í gær
erindi um samstarf á norð-
urslóðum í Háskólanum í
Oulu í Finnlandi. Samkvæmt
upplýsingum frá skrifstofu
forseta Íslands var Ólafi
Ragnari boðið að kynna sér
starfsemi háskólans og halda
þar fyrirlestur. Forsetinn
mun einnig sitja 54. þing
Norðurlandaráðs, en það
verður sett í Helsinki í dag.
Í erindi sínu hvatti Ólafur
Ragnar Grímsson m.a. há-
skóla og rannsóknarstofnanir
til að leggja aukna áherslu á
málefni norðurslóða. Nefndi
hann m.a. málefni á borð við
stjórnun og nýtingu náttúru-
auðlinda sem og samstarf á
sviði menningar og lista. Þá
hvatti hann m.a. til þess að
háskólar og rannsóknarstofn-
anir legðu aukna áherslu á
þróun stjórnmálastofnana á
norðurslóðum, m.a. með því
að styrkja starfsemi alþjóð-
legra nefnda, ráða og svæð-
isbundinna stofnana.
Forseti Íslands í
Háskólanum í Oulu
Aukin
áhersla á
málefni
norðurslóða