Morgunblaðið - 29.10.2002, Page 6

FRÉTTIR
6 ÞRIÐJUDAGUR 29. OKTÓBER 2002 MORGUNBLAÐIÐ
ÁTTA ÁRA drengur meiddist á fæti
er hann hrapaði í hlíðum Úlfarsfells
á sunnudag. Hann var fluttur með
sjúkrabíl á slysadeild Landspítalans.
Lögreglumenn frá lögreglunni í
Reykjavík komu fyrstir á vettvang
ásamt Neyðarsveit Slökkviliðs höf-
uðborgarsvæðisins. Björgunarsveit-
ir Slysavarnafélagsins Landsbjargar
voru í kjölfarið kallaðar út og sigu
björgunarsveitarmenn með hinn
slasaða á sjúkrabörum niður úr hlíð-
um fjallsins. Drengurinn var á ferð
með fjölskyldu sinni þegar óhappið
varð um klukkan 15. Hann rann til
og lenti í framhaldi af því í sjálfheldu
í gili norðvestanmegin í Úlfarsfelli,
fyrir ofan skógræktina.
Lögreglan kallaði til undanfara-
sveitir Landsbjargar og tók félagið
ákvörðun um að senda 15 björgunar-
sveitarmenn upp í fjallshlíðarnar og
hafa aðra 15 í viðbragðsstöðu. Komið
var með drenginn á spítala kl. 16.27.
Morgunblaðið/Kristinn
Bjargað af Úlfarsfelli
IÐULEGA koma upp margskonar ísmyndanir þegar
vatnsúði fellur í frostum svo sem verið hefur inn til
landsins undanfarið. Systurnar Sólveig Arna og Ragn-
heiður Björk Einarsdætur sem eiga heima í Miðfells-
hverfi í Hreppum tylltu sér á vatnsker sem ætlað er
hrossum ásamt tíkinni Töru í bjartviðrinu á sunnudag-
inn. Nú eru komnar veðurbreytingar og fer að hlýna á
landinu.
Morgunblaðið/Sigurður Sigmundsson
Sóla sig í frostblíðunni
EMBÆTTIÐ landlæknis hefur ný-
lega hafið úttekt á starfi fjögurra heil-
brigðisstofnana á landsbyggðinni, þ.e.
heilbrigðisstofnana þar sem heilsu-
gæslustöð og sjúkrahús eru starfrækt
sem ein stofnun. Þetta eru stofnan-
irnar á Akranesi og í Vestmannaeyj-
um, Heilbrigðisstofnun Þingeyinga
og Heilbrigðisstofnun Austurlands.
Úttektin er þáttur í framkvæmd
nýrra og bættra aðferða við lögbund-
ið eftirlit embættisins með heilbrigð-
isstofnunum, að því er fram kemur á
heimasíðu þess. Í kjölfarið verður
gerð úttekt á fleiri heilbrigðisstofn-
unum. Hún fer m.a. þannig fram að
stjórnendum stofnananna fjögurra
ber að svara spurningalistum um ým-
is starfsmannamál, starfsaðstöðu og
starfsleyfi auk þess sem spurt er um
ýmsa faglega þætti og öryggisþætti.
„Innan tíðar verða sendir út listar til
starfsfólks til þess að kortleggja þætti
sem varða vinnuumhverfi, stjórnun,
gæði þjónustunnar, kennslu og rann-
sóknir, starfsánægju og aðbúnað á
vinnustað,“ segir ennfremur á heima-
síðu embættisins.
Niðurstöðum verður safnað saman
í skýrslu og eftir heimsókn landlækn-
is og yfirhjúkrunarfræðings eða full-
trúa þeirra fá stofnanirnar skriflega
umsögn frá embættinu.
Samkvæmt lögum ber Landlækn-
isembættinu að hafa faglegt eftirlit
með heilbrigðisstofnunum og heil-
brigðisstéttum annars vegar og starfi
og starfsaðstöðu þeirra hins vegar.
Úttekt á starfi
heilbrigðisstofnana
SÍMINN hefur fargað könnun sem
lögð var fyrir um 200 nemendur í
fjórum grunnskólum í Reykjavík í
kjölfar kvörtunar sem barst frá for-
eldri eins nemandans. Könnunin
var lögð fyrir í lok heimsóknar
nemenda í 9. bekk í fyrirtækið. Í
könnuninni var meðal annars spurt
við hvaða farsímafyrirtæki nem-
endurnir skiptu ef þeir ættu far-
síma, hvaða sjónvarpsþáttur væri í
uppáhaldi hjá þeim og hvaða vefsíð-
ur þeir heimsæktu oftast.
Pétur Orri Þórðarson, skólastjóri
Hvassaleitisskóla, segir að
Fræðslumiðstöð þurfi að sam-
þykkja allar kannanir sem lagðar
séu fyrir grunnskólanemendur auk
Persónuverndar. „Mér finnst þetta
ekki nógu gott, það verður að fara
þessa leið og fá leyfi,“ segir Pétur
Orri. Hann segir að hann hafi ekki
vitað af þessari könnun þegar Sím-
inn bauð nemendunum í heimsókn
en hann hafi fengið þær upplýs-
ingar að búið væri að henda úr-
lausnarblöðunum.
Kennarar voru
viðstaddir könnunina
Heiðrún Jónsdóttir, upplýsinga-
fulltrúi Símans, segir það hafa verið
mistök að leggja þessa könnun fyrir
nemendurna, það hafi upphaflega
ekki staðið til. Kennarar hafi verið
viðstaddir þegar könnunin var lögð
fyrir og aldrei hafi neinn gert at-
hugasemd fyrr en eitt foreldranna
hafði samband í vikunni sem leið. Í
kjölfarið hafi verið ákveðið að
henda úrlausnarblöðunum, en ekki
hafi verið byrjað að vinna úr könn-
uninni. Heimsóknin hafi verið und-
irbúin í samvinnu við fræðsluyfir-
völd sem hafi þó ekki vitað af
könnuninni enda hafi hún ekki ver-
ið samþykkt innan fyrirtækisins.
Heiðrún leggur áherslu á að ekki
hafi verið beðið um neinar bak-
grunnsupplýsingar eins og aldur
eða kyn og því hafi ekki verið hægt
að rekja upplýsingarnar til ákveð-
inna einstaklinga.
„Við hörmum þessi mistök, það
hefur ekkert verið notað úr þessu
og verður ekki gert,“ segir Heið-
rún.
Síminn lagði könnun fyrir nema án leyfis fræðsluyfirvalda
Könnuninni fargað eftir
athugasemd foreldris
EDDA miðlun og útgáfa kynnti í
gær fyrra bindi ævisögu Jóns Sig-
urðssonar forseta eftir Guðjón
Friðriksson sagnfræðing sem nú er
að koma út.
Í kynningu útgefanda segir m.a.:
„Engan mann hefur íslenska þjóðin
dýrkað jafnmikið og Jón Sigurðs-
son. Hún hefur kallað hann þjóð-
hetju, forseta, sagt hann vera sóma
Íslands, sverð þess og skjöld, og
fæðingardagur hans 17. júní er
þjóðhátíðardagur Íslendinga.“
Bók Guðjóns er fyrsta ítarlega
ævisaga Jóns Sigurðssonar í ríf-
lega 70 ár. Síðan þá hafa marg-
víslegar nýjar heimildir komið
fram og viðhorf manna til ævi-
sagnaritunar breyst mikið, auk
þess sem pólitískt umhverfi er ann-
að. Þannig leggur Guðjón miklu
meiri áherslu á manninn Jón Sig-
urðsson, persónu hans, skoðanir og
einkahagi. Þá er í bókinni mikil
Kaupmannahafnarsaga, þar sem
Jón býr lungann úr ævi sinni, bæði
hvað varðar lýsingar á daglegu lífi
og samfélagi danskra og íslenskra
stúdenta og menntamanna í borg-
inni. „Þá er Jón settur í samhengi
við stefnur og strauma í dönskum
og alþjóðlegum stjórnmálum, sem
Guðjón leiðir sterk rök að hafi
skipt miklu máli fyrir hugmyndir
Jóns, enda er það ekki lengur
feimnismál að íslensk sjálfstæðis-
barátta hafi verið nátengd hrær-
ingum í dönsku stjórnmálalífi og
jafnvel þegið hugmyndir þaðan.“
„Dýrasti þingmaður
landsins“
Í bókinni kemur ma. fram að
mikill mótblástur var gegn Jóni
fyrir kosningarnar til þjóðfundar-
ins 1851 og að hann stóð mjög tæpt
í kjördæmi sínu. Hin harða gagn-
rýni á Jón fólst ekki síst í því að
hann þótti dýr á fóðrum og var
meðal annars kallaður „Dýrasti
þingmaður landsins“. Í bókinni
kemur fram að stuðningur við Jón
er langminnstur í hans eigin
heimahögum, og jafnvel hans nán-
asta fjölskylda ómakar sig ekki á
kjörstað til þess að styðja hann.
Þegar Jón er kjörinn þjóðfundar-
maður fyrir Ísafjarðarsýslu var
kjörsókn ein sú lakasta á landinu,
aðeins rúmlega 14 prósent. Guðjón
lýsir því líka í hinni nýju ævisögu
að Jón Sigurðsson íhugaði alvar-
lega að hætta öllum afskiptum af
stjórnmálum í kjölfar gagnrýninn-
ar, en helstu stuðningsmenn hans
veltu því fyrir sér að hvetja hann
til framboðs í öðru kjördæmi.
Morgunblaðið/Jim Smart
Guðjón Friðriksson með fyrra bindi
ævisögu Jóns Sigurðssonar.
Fyrra bindi ævisögu Jóns Sigurðssonar komið út
Áhersla lögð á persónuna