Morgunblaðið - 29.10.2002, Blaðsíða 44

KVIKMYNDIR
44 ÞRIÐJUDAGUR 29. OKTÓBER 2002 MORGUNBLAÐIÐ
FRUMRAUN Kínverjans Chen
Kaige í hinum enskumælandi heimi
bendir ekki til að hann eigi að baki
hina tilfinningaríku og ástríðufullu
Farewell My Concubine (’93). Killing
Me Softly virðist eiga að vera erótísk-
ur spennutryllir, Kaige reynir Hitch-
cock-lega tilburði en tekst illa upp.
Skuldinni verður þó ekki eingöngu
skellt á leikstjórann (að því undan-
skildu að hann átti aldrei að taka að
sér jafn dauðadæmt efni), öllu frekar
á handritshöfundinn og leikarana.
Alice (Heather Graham) er ung og
falleg Bandaríkjakona í góðri sambúð
og atvinnu í London. Ekki er langt lið-
ið á myndina er hún rekst af tilviljun á
Adam (Josep Fiennes), bráðókunnug-
an, borubrattan náunga. Hún drífur
sig með honum beint í bólið – og telur
sig aldrei hafa fundið unað slíkan.
Lætur sambýlismanninn róa, segist
hafa fundið mann við hæfi og jafn-
harðan hefst vandræðagangur hand-
ritshöfundar. „Við vorum að skemmta
okkur um síðustu helgi og ég borgaði
bölvaða lestarmiðana,“ er það sem
kærastanum er efst í huga er Alice
tjáir honum tíðindin. Þar með fýkur
skynsemin út í muskuna.
Killing Me Softly gerist síðan villu-
gjarnari en Lundúnaþokan. Þó hún
þekki hvorki á honum haus né sporð,
giftist Alice hinum bólfima Adam,
sem reynist þegar til kemur heims-
frægur fjallgöngumaður (má ég frek-
ar biðja um Scott Glenn sem var mun
sennilegri fjallamaður í Vertical Lim-
it (’00), en ótrúverðugur þó), með
skrautlega fortíð í kvennamálum. Það
er það helsta sem Alice kemst að er
hún fer að róta í plöggum bónda síns
til að geta „elskað þig meira ef ég
þekki þig betur“, bullar hún. Það eru
nokkur dauðsföll í fortíð Adams, Alice
fer að óttast um líf sitt og leitar að lok-
um á náðir Deboruh (Natascha McEl-
hone), mágkonu sinnar, sem reynist
ekkert sérlega vel til fundið.
Sögufléttan er slök og þunnildisleg.
Alice berast nafnlaus hótunarbréf,
fleiri vafasamar konur, dauðar og lif-
andi, koma til skjalanna, Fiennes
(Shakespeare In Love) er dæmalaust
ósannfærandi sem hið dýrslega
kvennagull, fjallgöngukappi, þjóð-
hetja, jafnvel morðingi. Graham
ámóta mélkisuleg sem kona heltekin
frygð! (Berið þau saman við Diane
Lane og Olivier Martinez í hinni
mögnuðu Unfaithful.) Síðast sást hún
í The Guru, annarri ámóta ruslmynd,
og virðist hafa að markmiði að rústa
ferlinum á sem skemmstum tíma.
Aukapersónur eru lítilsigldar og
áhrifalausar, framvindan rökleysa.
Erótíkin geld, spennan tómur vand-
ræðagangur sem aldrei verður fugl
né fiskur. Eina persónan sem hreyfir
við manni er Deborah. Henni er bæri-
lega borgið í höndum Natöschu
McElhone, sem um þessar mundir fer
með eitt aðalhlutverkanna í Solaris
Stevens Soderberghs. Við skulum
vona að þar hafi hún úr bitastæðara
hlutverki að moða.
Ósannfærandi ástarsamband:
Joseph Fiennes og Heather
Graham í Killing Me Softly.
Urð og
grjót
KVIKMYNDIR
Regnboginn
Leikstjóri: Chen Kaige. Handrit: Kara
Lindstrom, byggt á skáldsögu Nicci
French. Kvikmyndatökustjóri: Michael
Coulter. Tónlist: Patrick Doyle. Aðalleik-
endur: Heather Graham, Joseph Fiennes,
Natascha McElhone, Ulrich Thomsen,
Ian Hart, Jason Hughes. 100 mín. MGM.
Bandaríkin 2002.
KILLING ME SOFTLY

Sæbjörn Valdimarsson
MIKIÐ umstang hefur verið und-
anfarna daga í kringum frumsýningu
heimildarmyndarinnar Porn Star:
The Legend of Ron Jeremy sem
fjallar um gamalreyndan klám-
myndaleikara, Ron Jeremy að nafni.
Kom sá ágæti maður hingað til lands
til að fylgja frumsýningunni úr hlaði
og skemmta forvitnum gestum, en
Jeremy starfar sem skemmtikraftur
og uppstandari samhliða klámmynda-
leiknum. Það verður að viðurkennast
að það kom mér á óvart að sjá mynd
af manninum í blöðum, enda er hann
allt öðru vísi í útliti en ég hefði ímynd-
að mér mann sem leikið hefur í á ann-
að þúsund klámmynda á sínum ára-
tuga ferli og þykir, að því er fram
kemur í myndinni, „einn sá besti í
bransanum“. Þetta er enginn stera-
eða sílíkongaur, frekar mannlegur að
sjá og greindarlegri en margur koll-
egi hans kvenkyns eða karlkyns sem
maður hefur séð viðtöl við. Þessi per-
sónuleiki Ron Jeremys gerir hann
fyrir vikið að verðugu umfjöllunarefni
nær áttatíu mínútna langrar heimild-
armyndar.
Ron Jeremy er að því er virðist, og
þegar upp er staðið að myndinni lok-
inni, maður sem ekki tókst að láta
drauma sína um að verða leikari ræt-
ast. Hann er af gyðingaættum og
kemur úr menntafjölskyldu. Sjálfur
er hann kennari að mennt og lýsir
hann því hvernig hann hélst ekki við í
kennslustarfinu því draumurinn um
að verða leikari sótti svo fast að hon-
um. Svo virðist sem sköpulag Rons,
sem er óvenjuvel vaxinn niður eins og
sagt er, hafi opnað honum dyr inn í
klámmyndabransann. Hann sá að
leikhúsheimurinn var harður heimur,
og ákvað því að leika í nokkrum klám-
myndum í von um að geta fært sig yfir
í alvarlegri kvikmyndir. Þennan
draum heldur Ron Jeremy enn í rúm-
lega tuttugu árum síðar og verður
hann því að teljast dálítið blindur á
eigin hæfileika, eða að minnsta kosti
framtíðarmöguleika sína sem leikari.
Því líkt og sést m.a. í gegnum brot úr
eldri og nýrri klámmyndum í heimild-
armyndinni, hefur klámmyndabrans-
inn breyst talsvert frá því sem var á
sjöunda og áttunda áratugnum. Þá
voru klámmyndir oft litlar bíómyndir
með bláu ívafi og oft gerð krafa um að
leikararnir gætu virkilega leikið. Nú
er klámmyndagerð orðin heimur og
iðnaður út af fyrir sig þar sem stöðlun
og afbakaðar ímyndir kynlífs og lík-
ama eru allsráðandi.
Kvikmyndagerðarmennirnir nálg-
ast efnið á hispurslausan máta og er
kynlíf ekkert feimnismál af þeirra
hálfu eða annarra er fram koma í
myndinni. Þessi jákvæðari hlið klám-
myndabransans er líka sú sem helst á
upp á pallborðið í myndinni og er ekk-
ert út á þá nálgun að setja. Ólíkt
heimildarmyndum á borð við The
Annabel Chong Story eða The Girl
Next Door, þar sem leitast er við að
rýna dálítið í klámmyndaheiminn og
aðbúnað þeirra kvenna sem þar
starfa, fjallar þessi heimildarmynd
fyrst og fremst um manneskjuna Ron
Jeremy og viðhorf hans til tilverunn-
ar eins og hún hefur þróast fyrir hon-
um. Þar ná stjórnendur að feta hinn
gullna meðalveg í því að birta marg-
hliða mynd af persónunni (með kost-
um og löstum) án þess að gera grín að
henni eða notfæra sér hana á nokkurn
hátt. Fjallað er um þá hæfileika sem
gert hafa Ron Jeremy að einum fræg-
asta klámmyndaleikara heimsins –
allt frá sérlegum hæfileikum hans á
sviði „tungutækni“ eða ótrúlegrar
sjálfsstjórnar, til þess að vera einfald-
lega venjulegur og dálítið ólánlega út-
lítandi karlmaður sem kynbræður
hans (og markhópur framleiðsluvör-
unnar) geta samsamað sig við. Þá er
ekkert hikað við að láta hina ýmsu
vini, samstarfsfólk og vandamenn tala
hreinskilnislega um kosti og galla
Jeremys, t.d. hversu ömurlegur gam-
anleikari hann er.
Þetta er vel heppnuð heimildar-
mynd þar sem margar hliðar þess
veruleika sem fjallað er um koma
fram. Fyrir vikið er hvorki hægt að
gagnrýna myndina fyrir of ákveðna
afstöðu né afstöðuleysi. Það segir þó
talsvert um þau ólíku viðhorf sem
ríkjandi eru í garð karla og kvenna í
menningunni að hægt sé að gera
svona létta og afslappaða heimildar-
mynd um karlleikara á meðan það
kveður við allt annan tón í sambæri-
legum heimildarmyndum um konur.
Brostnir leikaradraumar
KVIKMYNDIR
Háskólabíó, Sambíóin, Álfa-
bakka
Leikstjórn, handrit og klipping: Scott J.
Gill. Kvikmyndataka: Ralph King. Lengd:
75 mín. Heimildarmynd. Bandaríkin,
2001.
PORN STAR: THE LEGEND OF RON
JEREMY (KLÁMSTJARNA: GOÐSÖGNIN
UM RON JEREMY)
Heiða Jóhannsdóttir
Íslandsvinurinn Ron Jeremy fær
heiðarlega meðferð í Porn Star.
Kvöldverður fyrir og eftir sýningar
Miðasala er opin frá kl. 10-16 virka daga,
kl. 14-17 um helgar, frá kl. 19 sýnd.
Ósóttar pantanir seldar 4 dögum fyrir
sýningar. Sími 562 9700
Fös 1/11 kl. 21 Uppselt
Fös 1/11 kl. 23 Uppselt
Lau 2/11 kl. 21 Uppselt
Lau 2/11 kl. 23 Aukasýning Uppselt
Fös 8/11 kl. 21 Uppselt
Fös 8/11 kl. 23 Aukasýning Örfá sæti
Lau 9/11 kl. 21 Uppselt
Lau 9/11 kl. 23 Aukasýning Örfá sæti
Fim 14/11 kl. 21 Örfá sæti
Fös 15/11 kl. 21 Uppselt
Lau 16/11 kl. 21 Uppselt
Lau 16/11 kl. 23 Aukasýning Örfá sæti
Fim 21/11 kl. 21
Fös 22/11 kl. 21 Uppselt
Lau 23/11 kl. 21 Nokkur sæti
Lau 23/11 kl. 23 Aukasýning Örfá sæti
Fös 29/11 kl. 21 Örfá sæti
Lau 30/11 kl. 21
Lau 30/11 kl. 23
Stóra svið
SÖLUMAÐUR DEYR e. Arthur Miller
3. sýn Rauð kort - fö 1/11 kl 20
4. sýn Græn kort - su 3/11 kl 20
5. sýn Blá kort - fö 8/11 kl 20
HONK! LJÓTI ANDARUNGINN
e. George Stiles og Anthony Drewe
Gamansöngleikur fyrir alla fjölskylduna
Su 3/11 kl. 14, Su 10. nóv kl 14
MEÐ VÍFIÐ Í LÚKUNUM e. Ray Cooney
Fi 31. okt kl 20 - UPPSELT
Lau 9. nóv kl 20 - 60. sýning - AUKASÝNING
Lau 16. nóv kl 20 - AUKASÝNING
Fim 21. nóv kl 20 - AUKASÝNING
KRYDDLEGIN HJÖRTU e. Laura Esquivel
Lau 2/11 kl 20, Fi 7/11 kl 20, Fö 15/11 kl 20,
Lau 30/11 kl 20 Síðustu sýningar
JÓN OG HÓLMFRÍÐUR e. Gabor Rassov
frekar erótískt leikrit í þrem þáttum
Fö 1/11 kl 20 UPPSELT, Lau 2/11 kl 20 Fi 7/11 kl 20
Lau 9/11 kl 20
AND BJÖRK, OF COURSE ..
e. Þorvald Þorsteinsson
Fi 31. okt kl 20 - AUKASÝNING
Allra síðasta sýning
15:15 TÓNLEIKAR
Lau 2. nóv. Eþos-Þórður Magnússon CAPUT
Sushi námskeið. Sigurður og Snorri Birgir.
Í kvöld kl 20
Herpingur eftir Auði Haralds
og Hinn fullkomni maður e.Mikael Torfason
Frumsýn. Fö 1/11 kl 20 UPPSELT, Su 3/11 kl. 20,
Fi 7/11 kl 20 , Lau. 9/11 kl. 20
Nýja sviðið
Þriðja hæðin
Miðasalan er opin kl. 13-18 og fram að sýningu sýningardaga. Sími miðasölu opnar kl. 10 virka daga.
Fax 5680383 midasala@borgarleikhus.is
Miðasala: 568 8000
"Grettissaga er stórkostleg leikhúsupplifun."
S.S og L.P. Rás 2
Grettissaga saga Grettis
leikrit eftir Hilmar Jónsson byggt á Grettissögu
fim 31. nóv kl. 20, uppselt, fös 1. nóv. kl. 20, nokkur sæti, lau 2. nóv kl. 20, nokkur sæti,
föst 8.nóv. kl. 20, lau 9. nóv kl. 20, lau 16. nóv kl. 20
Sellófon eftir Björk Jakobsdóttur
þri 29. okt, uppselt, mið 30. okt, örfá sæti, sun. 3. nóv, uppselt, mið 6. nóv, uppselt,
sun 10. nóv, uppselt, þri 12. nóv, uppselt, mið 13, nóv, uppselt, sun 17. nóv, uppselt,
þri. 19. nóv, uppselt, mið 20. nóv, uppselt, sun 24. nóv, uppselt, þri 26. nóv, nokkur sæti
Sýningarnar á Sellófon hefjast kl 21.00
SKÝFALL
eftir Sergi Belbel
Fim. 31. okt. kl. 20
Fös. 1. nóv. kl. 20
Lau. 2. nóv. kl. 20
Takmarkaður sýningafjöldi!
552 1971, nemendaleikhus@lhi.is
5. sýn. sun. 3. nóv. kl. 14 örfá sæti
6. sýn. sun 10. nóv. kl. 14 örfá sæti
7. sýn. sun 17. nóv kl. 14 laus sæti
8. sýn. sun 24. nóv. kl. 14 laus sæti
Restaurant
Pizzeria
Gallerí - Café
Bjóðum einnig upp á
notalega aðstöðu,
fyrir 15 til 30 manna hópa,
í Djúpinu og Galleríinu.
Hafnarstræti 15, sími 551 3340