Morgunblaðið - 24.11.2002, Blaðsíða 6

FRÉTTIR
6 SUNNUDAGUR 24. NÓVEMBER 2002 MORGUNBLAÐIÐ
EFASEMDIR komu fram hjá meiri-
hluta borgarstjórnar um að nauð-
synlegt og tímabært væri að skipta
Reykjavík upp í skólahverfi á fundi
borgarstjórnar á fimmtudagskvöld.
Tillögu borgarfulltrúa sjálfstæðis-
flokks þar að lútandi var vísað áfram
til umfjöllunar í stjórnkerfisnefnd.
Einnig var tillögu sjálfstæðismanna
um fíkniefnavarnir vísað áfram til
fræðsluráðs. Miklar áhyggjur komu
fram hjá öllum borgarfulltrúum um
hvernig megi koma í veg fyrir neyslu
og sölu fíkniefna í skólum borgarinn-
ar.
45 grunnskólar og 75 leikskól-
ar í skólahverfinu Reykjavík
Fyrri tillagan, um skiptingu borg-
arinnar í skólahverfi, gengur út á að
4–5 skólaráð með fulltrúum skóla-
stjórnenda, kennara, foreldra og
nemenda í stað fræðslu- og leik-
skólaráða. Rekstrarskrifstofur leik-
og grunnskóla verði sameinaðar og
fagleg ráðgjöf tryggð.
Björn Bjarnason, oddviti sjálf-
stæðismanna, sagði tillöguna byggj-
ast á því að tækifæri til að efla skóla-
starf með virkri þátttöku foreldra og
valddreifingu hafi ekki verið notuð
til hlítar. „Valdið í málefnum 45
grunnskóla borgarinnar er enn á
hendi einnar skólanefndar, fræðslu-
ráðs, þótt í 11. grein grunnskólalag-
anna séu ákvæði, sem heimila fleiri
en eitt skólahverfi í Reykjavík. Eitt
leikskólaráð fer með yfirstjórn 75
leikskóla í borginni,“ sagði Björn
þegar hann mælti fyrir tillögunni.
„Nú eru 45 grunnskólar í skóla-
hverfinu Reykjavík, um 15.600 nem-
endur í skólunum og tæplega 2.200
starfsmenn, en ætla má að forráða-
menn nemenda séu um 30.000.
Fræðsluráði er í raun ókleift að hafa
þá yfirsýn sem því er nauðsynlegt til
að sinna lögbundnu hlutverki sínu,“
sagði hann enn frekar. Það komi
fram í könnunum að stefnumótun
fræðsluráðs og Fræðslumiðstöðvar
skili sér illa í skólana. 82% starfs-
manna skólanna hafi í könnun sagst
mjög eða frekar ánægð með sinn
skóla sem vinnuveitanda, en einung-
is 39,6% hafi sagst ánægð með
Reykjavíkurborg sem vinnuveit-
anda.
Biðja um stöðugleika
og vinnufrið
Stefán Jón Hafstein, formaður
fræðsluráðs, fagnaði tillögunni en
taldi það ekki tímabært að skipta
borginni upp í skólahverfi. „Það er
stutt síðan borgin tók við rekstri
grunnskólans, miklar skipulags-
breytingar hafa orðið og mikið um-
rót í skólamálum á örfáum árum.“
Borgin hafi enn ekki fest í sessi
margar þær breytingar sem taldar
séu nauðsynlegar.
„Það virðist ekki vera mikil eft-
irspurn eftir auknu sjálfstæði, þvert
á móti heyrum við þau skilaboð inn
úr skólakerfinu að menn séu að læra
að notfæra sér það og það sé ekki bú-
ið,“ sagði Stefán Jón. Skólastjórn-
endur biðji um stöðugleika og vinnu-
frið til að laga sig að breytingum.
Sjálfstæði skóla og valddreifing hafi
verið aukið og foreldrar taki aukinn
þátt í skólastarfinu. Foreldrar hafi
mestan áhuga á þeim skóla sem barn
þeirrra sækir.
„Hvert vill foreldri sækja upplýs-
ingar og beita áhrifum? Væntanlega
í skólann sem barnið er í, ekki í stóru
skólahverfi eða skólanefnd sem þar
er og nær yfir marga grunnskóla og
hugsanlega mörg námsstig.“ For-
eldrar geti haft áhrif á skóla barns-
ins í bekkjaráðum, foreldrafélögum
og foreldraráðum. Í tillögunni kæmu
fram áhugaverðar hugmyndir og því
styddi hann að henni yrði vísað í
stjórnkerfisnefnd. „Það er engin eft-
irspurn, engin ástæða og enginn tími
því það er nóg annað að starfa,“
sagði Stefán Jón.
Guðlaugur Þór Þórðarson, borg-
arfulltrúi Sjálfstæðisflokks, hafnaði
því að það skorti eftirspurn eftir því
að skipta borginni upp í skólakerfi og
vísaði í niðurstöður rannsóknar dr.
Gunnars Helga Kristinssonar þar
sem fram kemur að ánægja með
skólana mælist minnst í Reykjavík,
eða 53%, meðan ánægjan í Garðabæ
mælist 88% og á Seltjarnarnesi 82%.
Þá væri mikilvægt að tryggja eftirlit
með Fræðsluráði og Leikskólum
Reykjavíkur. Það væri einsdæmi að
Leikskólar Reykjavíkur hefðu það
hlutverk að reka leikskóla, ákveða
rekstrarforsendur samkeppnisaðila
og hafa eftirlit með samkeppnisað-
ilum.
Ólafur F. Magnússon, borgar-
fulltrúi F-lista, sagði tillöguna allrar
athygli verða, hún feldi í sér aukna
aðkomu borgarbúa að stjórnkerfinu
og því styddi hann tillöguna.
Tillaga um skiptingu borgarinnar í skólahverfi til nefndar
Meirihluti segir enga
spurn eftir breytingum
BJÖRN Bjarnason, oddviti sjálf-
stæðismanna í borgarstjórn
Reykjavíkur, segir að tölur um
framsal lóða undir 284 íbúðir til
Frjálsa fjárfestingarbankans frá
skuldunautum, 10 verktökum í
Grafarvogi, segi allt um fjárhags-
stöðu byggingaraðila á svæðinu.
Eins segi það mikla sögu um stöðu
mála að það eigi að bjóða aftur upp
og endurúthluta 70% íbúða vegna
þess eftir áramót.
Í samtali við Morgunblaðið í gær
vísaði Kristinn Bjarnason, fram-
kvæmdastjóri Frjálsa fjárfestingar-
bankans hf., á bug yfirlýsingum
borgarfulltrúa Sjálfstæðisflokksins
þess efnis að fjárvana verktakar í
Grafarvogi ynnu að því að reisa
íbúðir í skjóli bankans og bankinn
hafi fengið lóðir þeirra framseldar
til að forða þeim frá gjaldþroti.
Björn segist skilja vel að bankinn
vilji leita allra leiða til að selja um-
ræddar íbúðir, en „framkvæmda-
stjóri sjóðsins auðveldar sér ekki
það verk með því að neita að horf-
ast í augu við staðreyndir og afleið-
ingar hinnar röngu stefnu R-listans
við úthlutun lóða og um íbúða-
stærð. Aldrei fyrr hefur lánardrott-
inn verktaka komið inn í bygging-
arsögu Reykjavíkur með þessum
hætti. Bankinn tekur áhættu, sem
framkvæmdastjóri hans vill auðvit-
að verja en ferst það illa úr hendi.“
Björn segir að dæmi séu um að
menn hafi unnið fyrir verktaka í
Grafarholti í góðri trú um að þeir
væru lóðarhafar, en hafi ekki feng-
ið greitt vegna þrenginga verktak-
ans. „Hinn þinglýsti lóðareigandi,
Frjálsi fjárfestingarbankinn, segist
aðeins greiða kostnað, eftir að hann
fékk lóðina framselda einmitt
vegna fjárhagslegrar stöðu hins
upprunalega lóðarhafa,“ segir
Björn.
Björn Bjarnason um gagnrýni framkvæmdastjóra
Frjálsa fjárfestingarbankans
Tölur um framsal lóða segja
allt um fjárhagsstöðuna
NÝ móttaka fyrir sjúkrabíla var
tekin í notkun við slysa- og bráða-
deild Landspítala – háskóla-
sjúkrahúss í Fossvogi á föstudag,
en um er að ræða fyrsta áfanga í
endurnýjun deildarinnar.
Nýja byggingin kemur í stað
annarrar eldri sem var orðin
mjög léleg. Þröngt var um alla að-
stöðu, auk þess sem dyrnar voru
það litlar að sjúkrabílar af nýrri
gerðum gátu vart komist þar inn.
Byggð var ný móttaka um
190m² að stærð. Hún rúmar fjóra
sjúkrabíla, en auk þess er þar
geymsla og lageraðstaða fyrir
búnað bílanna og fyrir búnað við
flutning sjúklinga frá þyrlupalli.
Einnig hefur verið komið upp
skolaðstöðu fyrir afeitranir vegna
efna- og sýklaeitrana ásamt því
að tenging við sjálfa slysa- og
bráðamóttökuna hefur verið end-
urbætt.
Nýja móttakan bætir mjög alla
aðstöðu sjúkraflutningamanna og
sjúklinga og verður auðveldlega
hægt að taka úr fjórum bílum
samtímis auk þess sem hægt er að
grófskola sjúklinga sem eru með
kemísk efni á sér. Þá verður hægt
að breyta byggingunni í nokkurs
konar móttökustöð í stórslysum
en slíkt var varla hægt vegna
kulda í gömlu móttökunni.
Verkið var boðið út í lok júní og
hófust framkvæmdir í byrjun
ágúst. Verktaki við bygginguna
var Markhús ehf. og hönnuðir
Teiknistofa Halldórs Guðmunds-
sonar, Almenna verkfræðistofan
hf., Fjarhitun hf. og Rafteikning
hf. Heildarkostnaður við bygg-
inguna er um 43 milljónir króna.
Ný móttaka fyrir
sjúkrabíla í Fossvogi
Morgunblaðið/Kristinn
Gott rými er í nýju móttökunni við slysa- og bráðadeild Landspítala – háskólasjúkrahúss í Fossvogi.
BRÆÐURNIR og verkfræðing-
arnir Sveinn og Ágúst Valfells af-
hentu á föstudag Stjörnuskoð-
unarfélagi Seltjarnarness stærsta
stjörnusjónauka landsins. Sjónauk-
ann gáfu þeir Valfells-bræður til
minningar um systur sína, dr. Sig-
ríði Valfells málfræðing, sem lést
hausið 1998, sextug að aldri, en til-
gangurinn er einnig að efla áhuga
almennings á raunvísindum.
Ágúst H. Bjarnason, gjaldkeri
Stjörnuskoðunarfélagsins, segir að
formlega afhending sjónaukans
hafi dregist nokkuð þar sem nauð-
synlegt hafi verið að gera breyt-
ingar á turninum á Valhúsaskóla
þar sem aðsetur félagsins er. Þar
hefur félagið lítið herbergi til af-
nota en uppi á þaki skólans er síðan
hvolfþak, sem gengur á teinum,
þar sem nýi sjónaukinn er. Auk
hans á félagið tvo aðra minni sjón-
auka.
„Þetta er nokkuð góður kíkir og
mikil bót fyrir okkur að fá hann.
Kíkirinn ræður við nokkuð mikla
stækkun, spegillinn er 46 sentmetr-
ar, en það sem menn eru kannski
frekar að sækjast eftir er að geta
séð dauf fyrirbæri og magnað þau
upp. Þessi hefur líka það fram yfir
þá sem við áttum fyrir að hann er
með tölvu sem hægt er að láta leita
uppi tilteknar stjörnur, m.ö.o. þeg-
ar búið er að stilla sjónaukann af
getur maður svo að segja slegið inn
hnitin og þannig fundið stjörnuna
sem maður er að leita að. Þannig
að það er mikill munur að hafa
fengið þennan kíki.“
Ágúst segir að Sveinn Valfells
eigi sjálfur nokkuð stóran sjónauka
og sé mikill áhugamaður um
stjörnuskoðun og Ágúst Valfells,
kjarnorkuverkfræðingur og fyrr-
verandi prófessor í Bandaríkj-
unum, sé væntanlega áhugamaður
líka, en báðir séu þeir áhugamenn
um að efla áhuga manna á raunvís-
indum.
Dr. Sigríður Valfells var doktor í
málvísindum frá Harvard-háskóla
og kenndi m.a. við Washington-
háskóla í Seattle og við Columbia-
háskólann í New York. Auk fræði-
legra greina skrifaði Sigríður m.a.
kennslubók í forníslensku sem gef-
in var út af Oxford University
Press.
Morgunblaðið/Kristinn
Bræðurnir Ágúst og Sveinn Valfells afhenda Snævari Guðmundssyni
stjörnukíkinn í Valhúsaskóla á Seltjarnarnesi.
Stærsti stjörnu-
kíkir landsins
MORGUNBLAÐINU hefur borist
eftirfarandi yfirlýsing frá Birni
Bjarnasyni, borgarfulltrúa Sjálf-
stæðisflokksins, vegna yfirlýsingar
borgarstjóra í Morgunblaðinu 23.
nóvember:
„Borgarstjóri sakar mig um að
vega að starfsfólki leikskóla vegna
gagnrýni á hækkun gjaldskrár
þeirra um 8% – á að skilja það svo,
að starfsfólkið hafi tekið ákvörðun
um þessa hækkun? Raunar segir
borgarstjóri í hinu orðinu, að leik-
skólarnir séu svo vel reknir, að
draga má þá ályktun, að hækkunin
sé ekki nauðsynleg. Það er R-list-
inn sem ber ábyrgð á stjórn leik-
skóla og ákveður hækkun á gjald-
skrá þeirra. Hann fylgir rangri
stefnu í málefnum skólanna og sí-
felldar gjaldskrárhækkanir eru
sjúkdómseinkenni hennar.
Það er lítilmannlegt af borgar-
stjóra að nota starfsfólk skólanna
sem skálkaskjól fyrir þessari hækk-
un og beina óánægju foreldra gegn
þeim, sem sinna börnunum innan
veggja leikskólanna.“
R-listinn ber ábyrgð
á stjórn leikskóla