Morgunblaðið - 22.04.2003, Blaðsíða 22
fjölbýlishúsa með tilheyrandi bíla-
geymslum, bílastæðum og útivistar-
svæðum.“ „Síðan var tekið til við að
deiliskipuleggja einstaka klasa innan
Flatahverfis og úthluta þeim og nú
er farið að byggja í nokkrum þeirra,“
heldur Ólöf Guðný áfram. „Klasi 4 er
að verða fullbyggður og í klasa 3 er
verið að byggja tuttugu íbúðir í fjöl-
býli, sem verða teknar í notkun mjög
fljótlega. Til viðbótar kemur þar 35
íbúða blokk og allt er nú tilbúið til
þess að hefja framkvæmdir við hana.
Sama er að segja um klasa 9, en þar
eru framkvæmdir einnig hafnar.
Auk einbýlishúsa og raðhúsa verða
þar þrjú fjölbýlishús með samtals 20
íbúðum.“ Lóðaúthlutunin, sem fram
fór fyrir skömmu, var hins vegar í
klösum nr. 1 og 2, en Kanon arkitekt-
ar ehf. eru höfundar deiliskipulags-
ins þar. Í þessum tveimur klösum
verða í fyrsta lagi byggð fimmtán
einbýlishús, um 200 ferm. að stærð
en einnig er ráðgert að byggja þar
fimm fjölbýlishús á tveimur hæðum
með sex íbúðum hvert og síðan eitt
stórt fjölbýlishús á þremur hæðum
með 10–18 íbúðum. Til viðbótar
koma þrjú parhús upp á tvær hæðir
og svo einbýlishús, sem verða ýmist
ein eða tvær hæðir. Á þessu svæði er
einnig gamli bærinn Steinsstaðir, en
það var bújörð og rekinn búskapur.
Þar eru að auki tvö hús, sem verða
felld inn í skipulagið.“ Að sögn Ólaf-
ar Guðnýjar er búið að úthluta að
kalla öllum lóðum í þessum tveimur
klösum. Nú er unnið að gatna- og
holræsagerð og að hönnun húsanna,
en ætlunin er að 1. júlí nk. verði hægt
að fara að byggja á þessum lóðum.
Fyrstu húsin gætu því farið að rísa í
sumar. Í klösum 7–8 er þegar búið að
deiliskipuleggja lóðir fyrir 70 íbúðir
og með þeim lóðum, sem getið var
hér að framan, er því fyrir hendi
deiliskipulag fyrir um 200 óbyggðar
íbúðir og einbýlishús á Akranesi nú.
Arkitektarnir Hjördís & Dennis ehf.
hafa deiliskipulagt klasa 7–8.
„Þá má ekki gleyma því, að það er
töluvert af auðum lóðum inni í gamla
bænum á Akranesi,“ bætir Ólöf
Guðný við. „Nú er meiri áhugi á með-
al bæjarbúa á að byggja á þeim, en
það hamlar svolítið þeim áformum,
að margar þessara lóða eru í einka-
eign. En það er byrjað að taka að-
alskipulag Akraness til endurskoð-
unar og í tengslum við það hafa verið
ræddar hugmyndir um að þétta
byggðina í bænum og líka að leita að
svæðum innan bæjarins, sem hægt
væri að þétta.“
Ólöf Guðný telur ekki skort á góð-
um byggingarfyrirtækjum til þess
að ráða við vaxandi verkefni á Akra-
nesi og segir: „Í bænum eru öflug,
rótgróin byggingarfyrirtæki og enn-
fremur eru byggingaraðilar á höfuð-
borgarsvæðinu farnir að sækja í
auknum mæli upp á Akranes.“
Herragarðslóðir í Vogahverfi
Í svonefndu Vogahverfi fyrir norð-
vestan Akranesbæ á að rísa óvenju-
legt hverfi. Lóðir þar verða um
10.000 ferm. og því afar stórar miðað
við venjulegar byggingarlóðir í íbúð-
arhverfum. Þetta svæði er skipulagt
af Magnúsi H. Ólafssyni arkitekt og
er fyrir utan önnur íbúðarsvæði á
Akranesi. Fyrir norðan það er fólk-
vangur og fyrir sunnan það annað
svæði, þar sem ekki er gert ráð fyrir
byggð.
„Þetta svæði er eingöngu ætlað
fyrir íbúðarbyggð í tengslum við
heimilisbúskap, smáiðnað, listiðnað
og aðra starfsemi, sem hægt er að
reka í tengslum við heimili svo og
skógrækt og garðrækt,“ segir Ólöf
Guðný. „Allar byggingar á hverri lóð
skulu jafnframt vera í eigu sama að-
ila.“ Á hverri lóð má byggja íbúðar-
hús ásamt bílageymslu, sem er að
lágmarki 180 ferm. á einni eða tveim-
ur hæðum og hús fyrir skepnuhald,
húsdýr, smáiðnað eða heimilisiðnað
Ljósmynd/Friðþjófur Helgason
Horft yfir klasa 4 í Flatahverfi, en hann er næstum fullbyggður.
Uppdráttur af klasa 7—8, en þar er gert ráð fyrir 70 íbúðum í parhúsum, raðhúsum og fjölbýlishúsum. Arkitektarnir Hjör-
dís & Dennis ehf. hönnuðu deiliskipulagið.
Mikil eftirspurn eftir
lóðum á Akranesi
Nýbyggingar á Akranesi
tóku mikinn kipp í fyrra,
en þá voru fullkláraðar
þar 52 nýjar íbúðir en að-
eins 5 árið þar á undan.
Magnús Sigurðsson
ræddi við Ólöfu Guðnýju
Valdimarsdóttur, arkitekt
og skipulagsfulltrúa á
Akranesi, sem segir ekk-
ert lát á þessu ári á upp-
byggingunni.
Í
LOK marz sl. rann út frestur til
að sækja um lausar bygging-
arlóðir í Flatahverfi á Akra-
nesi. Allt að átta umsóknir
voru um hverja lóð og við úthlutun,
sem fram fór í vikunni á eftir, var
viðhafður útdráttur að viðstöddum
sýslumanni til þess að réttlætinu
væri fullnægt, en ljóst var, að færri
myndu fá en vildu.
Þetta sýnir glöggt þá miklu eft-
irspurn, sem nú er eftir lóðum á
Akranesi. Um leið er þetta skýr vitn-
isburður um þær miklu væntingar,
sem byggingaraðilarnir og aðrir
hafa um framtíð og viðgang bæjar-
ins.
Þróunin hefur verið Akranesi hag-
stæð og íbúunum hefur farið fjölg-
andi, en þeir eru nú um 5.700.
Atvinnulíf í bænum er stöðugt.
Starfsemi Norðuráls og miklar
framkvæmdir á þess vegum hafa
orðið til þess að styrkja atvinnulíf í
bænum. Þessi áhrif eru mikil og var-
anleg og fram undan eru enn meiri
framkvæmdir og umsvif með stækk-
un álversins við Grundartanga.
Fleiri stórfyrirtæki eru líka til stað-
ar eins og Járnblendiverksmiðjan og
Sementsverksmiðjan, bæði með
fjölda starfsmanna.
Lóðaskortur og hátt fasteignaverð
á höfuðborgarsvæðinu kunna líka að
hafa beint augum margra til Akra-
ness, en lóðir þar eru t.d. mun ódýr-
ari en hjá borginni.
Akranes er heldur ekki eins langt í
burtu frá höfuðborgarsvæðinu og
eitt sinn var, hvorki í vitund fólks eða
í reynd. Eftir að Hvalfjarðargöngin
voru tekin í notkun, eru ekki nema
tæplega 50 km frá Elliðaárbrú til
Akraness, en það er styttra en til
Keflavíkur.
Sumum finnst því ekkert tiltöku-
mál að búa á Akranesi og sækja
vinnu þaðan á höfuðborgarsvæðið og
svo öfugt, sér í lagi ef hægt er að
koma kostnaði við að aka um Hval-
fjarðargöngin yfir á vinnuveitand-
ann.
Bættar samgöngur hafa mikil
áhrif á viðhorf fólks til búsetu og
fjarlægðir skipta ekki eins miklu
máli og áður. Þetta á ekki bara við
um Akranes. Aukin ásókn fólks á
höfuðborgarsvæðinu í byggðarlög
eins og Hveragerði og Selfoss eru
einnig skýr vísbending um þetta.
Klasaskipulag í Flatahverfi
En hvernig er lóðaframboði og ný-
byggingum háttað á Akranesi nú?
Fyrir svörum verður Ólöf Guðný
Valdimarsdóttir, arkitekt og skipu-
lagsfulltrúi á Akranesi.
„Lóðaframboð er hér allgott og fer
vaxandi,“ segir hún. „Nýjar lóðir
eru fyrst og fremst í Flata-
hverfi, en svo nefnist aðal ný-
byggingarsvæði Akraness nú.
Þetta er ónumið byggingarsvæði, en
þar teygir bærinn sig í norður.
Fyrir nokkrum árum var gert svo-
kallað rammaskipulag að Flata-
hverfi, en það verk önnuðust arki-
tektarnir Ævar Harðarson og
Albina Thordarson og samstarfs-
menn þeirra. Samkvæmt þessu
rammaskipulagi var Flatahverfi
áfangaskipt í svokallaða klasa og
gert ráð fyrir að teknir yrðu fyrir
litlir afmarkaðir reitir, um einn til
tveir hektarar að stærð, og þeir
skipulagðir sem sjálfstæðar eining-
ar. Á milli þeirra komi græn svæði
með trjágróðri og göngustígum.
Byggðin í hverjum klasa skyldi
vera mismunandi að umfangi, 15–90
íbúðir í blandaðri byggð sérbýlis- og
Tölvuteikning af klasa 1 og 2 í Flatahverfi. Nýbúið er
að úthluta lóðum þar og svæðið verður væntanlega
tilbúið til byggingarframkvæmda í júlí nk. Kanon-
arkitektar ehf. hönnuðu deiliskipulagið.
22 B ÞRIÐJUDAGUR 22. APRÍL 2003 MORGUNBLAÐIÐHeimiliFasteignir