Morgunblaðið - 08.06.2003, Blaðsíða 18

AKUREYRI
18 SUNNUDAGUR 8. JÚNÍ 2003 MORGUNBLAÐIÐ
VERIÐ er að ganga frá endurnýj-
un á samningi um framkvæmd
Listasumars, umsjón með rekstri
og útlánum vinnustofu og afnot af
húsnæði í eigu Akureyrarbæjar í
Kaupvangsstræti á milli Akureyr-
arbæjar og Gilfélagsins. Að sögn
Þórgnýs Dýrfjörðs, menningarfull-
trúa Akureyrar, er helsta breyting
frá síðasta samningi, sú að samn-
ingurinn gildir aðeins til 30. sept-
ember n.k.
„Það eru fyrirhugaðar breyting-
ar á skipulagi verkefna og hlut-
verk Gilfélagsins breytist því Ak-
ureyrarbær mun taka yfir
húsnæðisverkefnin í gilinu. Samn-
ingurinn er því hagstæðari fyrir
Gilfélagið, því hann er til styttri
tíma en um sömu fjárhæðir er að
ræða. Meginverkefni samningsins
er sama og áður eða framkvæmd
Listasumars,“ sagði Þórgnýr.
Áður en gildistími samningsins
er á enda mun menningarmála-
nefnd Akureyrarbæjar vinna að
stefnumótun fyrir starfsemi Lista-
miðstöðvar í Listagilinu og Gil-
félagið móta hugmyndir um hlut-
verk þess til framtíðar sem
innlegg í þá vinnu. „Stefnt er á
áframhaldandi samvinnu Gilfélags-
ins og Akureyrarbæjar um öfluga
menningarstarfsemi í Listagilinu
og gera skal samning sem taka
skal gildi eigi síðar en 1. október
2003. Með þeim samningi er stefnt
að því að Gilfélaginu verði áfram
tryggð vinnuaðstaða og fastur að-
gangur að húsnæði fyrir menning-
arviðburði á þess vegum. Þá er
einnig gert ráð fyrir að félagið hafi
umsjón með Gestavinnustofu, út-
hlutun og leigu,“ sagði Þórgnýr.
Samningur
um Lista-
sumar end-
urnýjaður
FYRSTU skóflustungurnar að við-
byggingu við Brekkuskóla voru
teknar á föstudaginn að viðstöddu
fjölmenni. Fulltrúar allra bekkj-
ardeilda skólans unnu verkið undir
öruggri verkstjórn Kristjáns Þórs
Júlíussonar bæjarstjóra. Strax á
eftir var haldið í Íþróttahöllina þar
sem skólaslit Brekkuskóla fóru
fram.
Framkvæmdir við 1. áfanga
verksins hefjast um miðja næstu
viku en um er að ræða jarðvinnu,
sökkla, plötu og lagnir í grunn og
skal verkinu lokið 1. september nk.
SS Byggir átti lægsta tilboð í þenn-
an fyrsta áfanga, sem hljóðaði upp
á 39 milljónir króna, eða 78,8% af
kostnaðaráætlun.
Seinni áfangi verksins, sem lýtur
að viðbyggingu og endurbótum á
eldra skólahúsnæði, er mun stærri
og verður boðinn út í lok þessa
mánaðar. Það er jafnframt stærsta
verkið sem boðið verður út á veg-
um Fasteigna Akureyrarbæjar á
árinu. Ráðgert er að verkinu verði
að lokið fyrir skólasetningu haust-
ið 2005. Áætlaður byggingarkostn-
aður er um 530 milljónir króna og
heildarkostnaður verksins um 700
milljónir króna.
Framkvæmdir við
Brekkuskóla að hefjast
Fulltrúar allra bekkjardeilda Brekkuskóla taka fyrstu skóflustungurnar
að nýrri viðbyggingu skólans.
Morgunblaðið/Kristján
Á AKUREYRI verður í fyrsta
skipti á Íslandi haldin alþjóðleg
brúðuleikhúshátið dagana 20.–23.
júní. Það verða aðilar frá Svíþjóð,
Danmörku, Reykjavík og úr Eyja-
firði sem munu sýna brúðuleik og
halda námskeið í brúðugerð.
„Markmiðið er að koma á fastri
leiklistarhátið á Akureyri og efla
brúðuleikhús á Íslandi með því að
skapa henni hátíðarvettvang. Há-
tíðin beinist ekki síst að leikhús-
áhuga barna og gæti orðið mik-
ilvægur liður í þroskaleiklistar-
uppeldi barna á svæðinu,“ segir
Valdís Viðarsdóttir, framkvæmda-
stjóri Listasumars 2003 og Gil-
félagsins á Akureyri.
Formleg byrjun Listasumarsins
verður þann 19. júní en þá verður
brúðuleikhúshátíðin sett í Ketilhús-
inu.
Fimm brúðuleikhússýningar
verða sýndar yfir helgina og einnig
verða haldin tvö námskeið í brúðu-
gerð, annars vegar fyrir foreldra
og yngri börn og hins vegar fyrir
hin eldri. Þema námskeiðanna er
íslensk skrímsli og ævintýri, en
þau verða haldin í Punktinum.
Á sunnudeginum verður upp-
skeruhátíð í Minjasafnsgarðinum,
þar verður brúðusýning og leikir
fyrir börnin undir stjórn áhuga-
leikhóps ungs fólks úr Kompaníinu.
Á mánudagskvöldinu verður
Jónsmessuganga eða svokölluð
draugaganga í Kjarnaskógi en þá
munu öll skrímslin sem búin hafa
verið til á námskeiðunum dúkka
upp til skemmtunar. „Það verða
stöðvar út um allan skóg. Þar
verða meðal annars sagðar drauga-
sögur, sagt frá fornminjum, skóg-
arverðir munu segja sniðugar sög-
ur úr skóginum og margt fleira.
Þegar fólk mætir í skóginn þá fær
það kort sem vísar á ýmsa staði í
skóginum þar sem eitthvað
skemmtilegt og fróðlegt verður um
að vera. Þetta er gert til að dreifa
fólkinu, en kl. 23 safnast allir sam-
an á einn stað þar sem fluttur
verður fróðleikur um Jónsmessuna,
dansað, sungið og velt sér upp úr
dögginni. Í fyrra var haldin hátið
áhugaleikhópa sem tókst mjög vel
en þá mættu 500 manns í gönguna
sem var í Kjarnaskógi,“ segir Val-
dís.
Halda fyrstu alþjóð-
legu brúðuleikhús-
hátíðina á Íslandi
Námskeið um einhverfu og skyldar
þroskaraskanir verður haldið á veg-
um Símenntunar Háskólans á Ak-
ureyri í samstarfi við Greiningar-
og ráðgjafarstöð ríkisins dagana 11.
og 12. júní.
Fjallað verður um gagntækar
þroskaraskanir, greiningu á ein-
hverfu, helstu leiðir í meðferð,
þjálfun og kennslu barna með ein-
hverfu, eins og það er orðað í til-
kynningu. Einnig verður Umsjón-
arfélag einhverfra kynnt og fjallað
um breytingar og álag sem fjöl-
skyldur þurfa að takast á við.
Bára Ingjaldsdóttir verður með út-
skriftarsýningu frá Myndlistarskóla
Arnar Inga að Klettagerði 6 mánu-
daginn 9. júní, annan í hvítasunnu,
frá kl. 14-18. Allir eru velkomnir.
Skákfélag Akureyrar verður með
hraðskákmót mánudagskvöldið 9.
júní og hefst það kl. 20.00 í Íþrótta-
höllinni.
Á NÆSTUNNI