Morgunblaðið - 15.09.2003, Síða 8

FRÉTTIR
8 MÁNUDAGUR 15. SEPTEMBER 2003 MORGUNBLAÐIÐ
www.NIVEA.com
L ASH DESIGNER
Fyrsti tvíhliða maskaraburstinn
sem gefur tvöfalt lengri
og þykkari augnhár.
LENGD
ÞYKKT
Stutta hliðin
fyrir takmarkalausa þykkt.
Langa hliðin
fyrir óendanlega lengd.
NYTT!
LASH DESIGNER
Ég veit að það er seðlabúnt í súpunni þinni, herra. Þetta er nú líka bankakjötsúpa.
Ráðstefna um fjölnýtingu jarðhita
Fjölnýting er
framtíðin
JARÐHITAFÉLAGÍslands gengst, ísamvinnu við marga
aðila, fyrir alþjóðlegri
jarðhitaráðstefnu á Nord-
ica-hótel í Reykjavík dag-
ana 15.–17. september,
eða frá og með deginum í
dag til miðvikudagsins.
Yfirskrift ráðstefnunnar
er Fjölnýting jarðhita og
mikilvægi hennar víða um
heim. Morgunblaðið lagði
að þessu tilefni nokkrar
spurningar fyrir Ingvar
Birgi Friðleifsson for-
mann Jarðhitafélags Ís-
lands og forstöðumann
Jarðhitaskóla Háskóla
Sameinuðu þjóðanna.
Eru Íslendingar manna
fremstir á sviði nýtingar
jarðhita?
„Jarðhitinn er mikilvæg auð-
lind fyrir okkur Íslendinga og við
höfum langa reynslu af nýtingu
hans á ýmsan hátt. Við notum
hann m.a. til að hita upp húsin
okkar, framleiða rafmagn, þurrka
fisk, rækta blóm og grænmeti,
bræða snjó af götum og til að
baða okkur og synda. Við höfum
náð langt á þessu sviði, lengra en
flestir eða allir. Mörg lönd nýta
jarðhita eingöngu til að framleiða
rafmagn, eða eingöngu til að
kynda hús eða stunda heilsuböð.
Íslendingar nota jarðhita hins
vegar til þessa alls og gott betur.
Yfir 50% af frumorku Íslendinga
er framleidd úr jarðhita, níu af
hverjum tíu húsum eru hituð með
jarðhita og 17% af öllu rafmagni
er framleitt með jarðhita. Orku-
veita Reykjavíkur er langstærsta
borgarhitaveita í heiminum og á
sér um sjötíu ára gamla sögu.
Það er því horft til Íslands og
reynslu okkar á þessu sviði og
eftir því tekið hvað þessi fram-
leiðsla er hrein og vistvæn í alla
staði.“
Að hvaða tilefni er þessi ráð-
stefna haldin?
„Síðast var haldin alþjóðleg
ráðstefna á Íslandi um svipað efni
árið 1992. Stjórn Jarðhitafélags
Íslands þótti tímabært að halda
aðra slíka og ákvað að halda ráð-
stefnuna á þessu ári til að fagna
25 ára afmæli Jarðhitaskóla Há-
skóla Sameinuðu þjóðanna.
Markmið ráðstefnunar er að gefa
jarðhitamönnum frá öllum heims-
hornum tækifæri til að skiptast á
skoðunum og ræða fjölnýtingu
jarðhita á víðum grundvelli. Jafn-
framt er þátttakendum gefinn
kostur á að skoða helstu hitaveit-
ur og jarðhitaorkuver landsins.“
Viltu segja okkur eitthvað frá
skólanum og tilurð hans?
„Við stofnun Háskóla SÞ 1975
voru aðildarlönd SÞ beðin að taka
að sér deildir innan háskólans til
að efla sérmenntun fólks í þróun-
arlöndunum. Íslendingar buðust
til að taka að sér eina deild. Jarð-
hitaskólinn var stofnaður vegna
sérþekkingar Íslendinga á því
sviði. Ríkisstjórnin fól Orkustofn-
un rekstur skólans, en kennarar
koma einnig frá Há-
skóla Íslands, orkufyr-
irtækjum og ráðgjafa-
stofum. Á 25 árum
höfum við útskrifað
300 raunvísindamenn
og verkfræðinga frá 39 löndum
sem starfa við jarðhita heima fyr-
ir. Nemendur skólans koma frá
þróunarlöndunum og Mið- og
Austur-Evrópu. Margir þeirra
leiða jarðhitastarfsemina í sínum
löndum.“
Hvað með dagskrá ráðstefn-
unnar?
„Hún hefst klukkan 8.30 með
ávarpi Ólafs Ragnars Grímssonar
forseta Íslands og síðan flytja
ræður þeir Hans van Ginkel rekt-
or Háskóla Sameinuðu þjóðanna í
Tókýó og Gunnar Snorri Gunn-
arsson ráðuneytisstjóri í utanrík-
isráðuneytinu. Þá fer ég sjálfur í
pontu og rek 25 ára sögu Jarð-
hitaskólans.“
En síðan tekur við fjöldi fyrir-
lestra, ekki satt?
„Jú, það verða um áttatíu fyr-
irlestrar fluttir í þremur sölum
dagana þrjá sem ráðstefnan
stendur. Meðal þess sem fjallað
verður um má nefna raforku-
framleiðslu með tvívökvakerfum,
hitaveitur og heilsuböð, notkun
jarðhita í iðnaði og landbúnaði,
rekstur á jarðhitaorkuverum og
umhverfisáhrif jarðhita. Fimm
fyrrum nemendur Jarðhitaskól-
ans flytja fyrirlestra um áhrif
starfsemi Jarðhitaskólans á
framþróun jarðhitamála í Afríku,
Asíu utan Kína, Kína, Mið-Am-
eríku og Mið- og Austur-Evr-
ópu.“
Hvað með þátttöku, liggur hún
fyrir?
„Við eigum von á um 200 þátt-
takendum frá alls 29 löndum. Þá
má geta þess að fyrir ráðstefnuna
var haldið þriggja daga alþjóðlegt
námskeið um sjálfbæra nýtingu
jarðhita. Fyrirlestrarnir voru
gefnir út í kennslubók upp á 250
blaðsíður. “
Þetta virðist vera metnaðarfull
dagskrá hjá ykkur…
„Hún er það og það hefur mikil
vinna verið lögð í dagskrána. Það
er stórhugur á ferð, en
þetta hefði þó tæplega
verið gerlegt nema fyr-
ir tilstilli nokkurra fyr-
irtækja og stofnana
sem hafa styrkt ráð-
stefnuna með ráðum og dáð. Er
rétt að nefna í því sambandi Hita-
veitu Suðurnesja, Jarðboranir hf.,
Landsvirkjun, Orkuveitu Reykja-
víkur og Enex sem koma að ráð-
stefnunni með fjárstuðningi og
einnig Orkustofnun og Samorku
sem aðstoðuðu ómetanlega á ann-
an hátt. Dagskráin er stór og
mikil, en hana má skoða á
www.jardhitafelag.is.“
Ingvar Birgir Friðleifsson
 Ingvar Birgir Friðleifsson er
fæddur 1946. Stúdent frá MR
1966 og lauk BSc-prófi í jarð-
fræði frá St. Andrews-háskóla í
Skotlandi 1970. D.Phil. í jarð-
fræði frá Oxford-háskóla 1973.
Starfaði við jarðhitadeild Orku-
stofnunar 1973–78, en hefur
veitt Jarðhitaháskóla Sameinuðu
þjóðanna forystu frá stofnun
1979. Er ennfremur formaður
Jarðhitafélags Íslands. Eigin-
kona hans er Þórdís Árnadóttir
skrifstofustjóri Rótaryumdæm-
isins á Íslandi og eiga þau þrjár
uppkomnar dætur.
Menntað um
300 raunvís-
indamenn
AUGLÝSINGADEILD netfang: augl@mbl.is, sími 569 1111