Morgunblaðið - 23.11.2003, Blaðsíða 34
34 | 23.11.2003
HAFIÐ GEYMIR GULLIN
Sigrún Úlfarsdóttir tískuhönnuður í París; fiskroð og galdrastafir á Signubökkum
S igrún Úlfarsdóttir hannar töskur og skart úr fiskroði undir merkinu SIG-RÚN. Hún steig fyrstu sporin í tískuheiminum undir handleiðslu KarlLagerfeld, Swarovski og Hervé Léger. Sigrún sækir gullin sín í hyldýpi
sjávar, sveipar þau kristöllum og rússneskum ævintýraljóma. Mögnuð hönnunin
hefur vakið heimsathygli, prýðir síður tískublaða og skipar sér í hóp fremstu
tískumerkja í heimi. Dior, Prada, Versace og Gucci eru aðeins örfáir þeirra sem
reyna að ná sambandi við Sigrúnu þennan dag. Hún hefur um árabil verið um-
boðsmaður Sjávarleðurs í Evrópu og eft-
irspurn stóru tískuhúsanna er sífellt að
aukast. Við drekkum rjúkandi heitt, rúss-
neskt te í bjartri Parísaríbúð í Latínu-
hverfinu. Þar koma saman ólíkir menn-
ingarheimar austurs og vesturs en eftir
stúdentspróf lagði Sigrún stund á rúss-
nesku og leikhúshönnun í Rússlandi. Að
námi loknu starfaði hún lengi við mörg
þekktustu leikhús Moskvubogar. Ástin
rataði inn í líf Sigrúnar á þessum árum en
hún kynntist rússneskum ævintýraprinsi.
„Sigríður Snævarr, þáverandi sendiráðs-
ritari í Moskvu og núverandi sendiherra
Íslands í París, kynnti okkur Dimitri. Við
giftum okkur í giftingarhöll númer eitt í
Moskvu og eigum í dag saman ungan
prins, Atla Vassili,“ segir Sigrún bros-
andi. Það var eilíf gyðja tísku og ástin
sjálf sem lokkuðu Sigrúnu og prinsinn
hennar til Parísar. Þar lærði Sigrún tísku-
hönnun við Esmod-skólann og hefur
starfað í borginni allt frá því að hún útskrifaðist árið
1988.
Karl Lagerfeld og Swarovski Fyrstu skref Sigrúnar í
franska tískuheiminum voru undir handleiðslu
þekktra tískufrömuða. Karl Lagerfeld, Hervé Léger
og Swarovski eru meðal þeirra sem Sigrún hefur unn-
ið fyrir í ljósaborginni. „Ég var aðstoðarmaður tísku-
hönnuðarins Hervé Léger um nokkuð langt skeið.
Hervé hafði unnið mikið með Lagerfeld og Swarovski
og þess vegna leiddist ég inn í það samstarf,“ segir Sigrún
hæversk. Meðal viðskiptavina Hervé voru heimsfræg nöfn úr
skemmtanaheiminum, fyrirsætur og stórstjörnur. Til dæmis
hannaði Sigrún brúðarkjól fyrir frægt brúðkaup sómalísku
fyrirsætunnar Iman og rokkarans David Bowie.
Sigrún segir reynsluna hjá Lagerfeld hafa verið afar dýr-
mæta. Norrænn uppruni hennar fór vel við þýskar ættir
tískukóngsins og úr varð skemmtilegur kokkteill. Innst inni
langaði Sigrúnu þó alltaf til að vinna sjálfstætt og undir eig-
in merki. „Hönnuðum hjá stórum tískufyrirtækjum á borð
við Lagerfeld eru settar nokkuð þröngar skorður. Þessi fyr-
irtæki hafa afmarkaðan kúnnahóp og hönnunin er hvorki
hrein sköpun né útrás heldur svarar hún eftirspurn markaðarins
og miðast við söluna. Vissulega má gera frábæra hluti innan
þessa ramma. Ég hrífst til dæmis alltaf af hönnun Lagerfeld,
hann er agaður en líka örlítið villtur.“
Eftir langa starfsreynslu í tískuheiminum þekkir Sigrún
bæði hans bestu og verstu hliðar. „Kostirnir við tískuna eru
sköpunin og frelsið sem hún veitir mér. Gallarnir eru flest-
um ljósir, starfsgreinin þykir yfirborðskennd og óvægin.
Sölutakmörk eru sett ofar mannlegum gildum og enginn veit
hvort hann lifir eða deyr. Duttlungar tískunnar ráða leikslokum.
Þótt tískan geti verið yfirborðskennd er sköpunin sjálf það ekki.
Hönnuðir eru misfrjóir í nálgun sinni á viðfangsefninu. Tískan lýtur
ákveðnum lögmálum sem höfða til langana og drauma neytandans. Hann
kaupir ekki tísku heldur útlit, sjálfsímynd og draum. Snjallir tískuhönnuðir not-
færa sér þetta. Tom Ford er gott dæmi um hönnuð sem skyggnist inn í drauma-
löndin og uppfyllir leyndustu óskir okkar.“
Íslenskt roð hjá Dior, Prada, Gucci og Versace Enn og aftur var það tískan sem
kastaði teningnum þegar íslenska fyrirtækið Sjávarleður setti sig í samband við
Sigrúnu árið 1999. Aldagömul hefð forfeðra okkar sem notuðu fiskroð í fatnað
hafði spurst til Signubakka. Dior, Prada, Montana, Gucci og Versace voru meðal
þeirra fyrstu sem sýndu roðinu áhuga og
innan skamms mátti sjá litríkt karfa- og
laxaroð á tískusýningum í París. Sigrún
hefur unnið markvisst að kynningu á roð-
inu í Evrópu og byggt upp viðskipta-
sambönd og ímynd Sjávarleðurs. Hún
segir að verkefnið hafi verið erfitt því á
sínum tíma hafi varan verið nær óþekkt
og eftirspurnin því takmörkuð. Í árs-
byrjun 2000 fóru hjólin að snúast og ekki
sér fyrir endann á ævintýrinu. „Roðið
fellur í ótrúlega góðan jarðveg í Frakk-
landi og á Ítalíu. Vöruþróuninni er lokið
og varan er sú albesta í heiminum. Fjár-
skortur hamlar eðlilegum vexti fyrirtæk-
isins, en markaðssetning í Frakklandi er
óhemju dýr og flókin. Við leitum enn
fjárfesta.“ Sjávarleður hefur engu að síð-
ur fengið afar mikla blaðaumfjöllun í
Frakklandi, símalínurnar og faxtækið hjá
Sigrúnu Úlfarsdóttur bera þess glöggt
merki. Þær eru rauðglóandi og inn
streyma stöðugar fyrirspurnir og pantanir. Það sem vekur
mesta eftirtekt varðandi roðið er gífurlegur styrkleiki þess
og óendanleg litadýrðin. „Um daginn hitti ég aðila frá
Dior og sýndi þeim nýjasta roðið okkar sem er fjólu-
blátt. Augu þeirra stóðu á stilkum,“ segir Sigrún
brosandi.
Sigrún hefur um tíma hannað undir eigin
nafni, töskur og skart úr fiskroði og hreistri.
Undurfallegt handverk þar sem marglitt roðið
er í aðalhlutverki. Í roðtöskunum glóa fín-
gerðir Swarovski-kristallar og smágerð gyllt
dýr sem gefa hönnuninni ævintýralegt og ei-
lítið rússneskt yfirbragð. Sigrún ber sterkar
taugar til Rússlands. Íslenskir galdrastafir og
rúnir á öðrum hlutum sýna greinilega víkinga-
arfinn og kraft hans. Hönnunin hefur vakið
töluverða athygli víða um heim, meðal
annars í Japan, Bandaríkjunum, Frakk-
landi og á Ítalíu. Markaður með tísku-
vörur er erfiður, samkeppnin er hörð og
því er sérstakt hversu vel hefur gengið
að koma hönnuninni á kortið. SIG-
RÚN prýðir síður tímarita í ekki lakari
félagsskap en Dior og Montana sem
báðir eru dyggir kaupendur roðs frá
Sjávarleðri. Sigrún segir umfjöllunina
vera ómetanlega. Samböndin sem hún hefur afl-
að í gegnum markaðssetningu á íslensku roði gefa henni
sterkan meðbyr í markaðssetningu á eigin hönnun.
Hlýleg íbúð hönnuðarins í fimmta hverfi Parísar er hvort
tveggja, vinnustofa og heimili eins og hefð er fyrir í ljósaborginni
við Signubakka. Íslenskt fiskroð í öllum litum meistarans hangir í
hundraðavís á fataslám. Inn á milli glampar á tæra Swarovski-
kristalla og annað smáskart sem viðkemur hönnuninni. Árlega koma
HÖNNUN | GUÐRÚN GUNNARSDÓTIR