Morgunblaðið - 09.02.2004, Blaðsíða 13

ERLENT
MORGUNBLAÐIÐ MÁNUDAGUR 9. FEBRÚAR 2004 13
JOHN Kerry, öldungadeildarþing-
maður fyrir Massachusetts, sigraði
keppinauta sína örugglega í forkosn-
ingum demókrata í Michigan og
Washington-ríki á laugardag. Eru
þetta fjölmennustu ríkin þar sem
forkosningar hafa farið fram til
þessa. Í sigurræðu sinni spáði Kerry
því að dagar George W. Bush sem
Bandaríkjaforseta væru senn taldir.
Kerry hefur nú sigrað í níu ríkjum
af ellefu í forkosningum demókrata.
Í sigurræðunni talaði hann lítið um
helstu keppinauta sína í forkosning-
ununum – Howard Dean, John Edw-
ards og Wesley Clark – og beindi
þess í stað spjótum sínum að repú-
blikananum í Hvíta húsinu.
„Í vikunni byrjaði rógsvél George
Bush og repúblikana að spúa gömlu
klisjunum sem þeir hafa notað áður
til að kljúfa þjóðina og sneiða hjá
raunverulegu kosningamálunum,“
sagði Kerry.
Aðstoðarmenn Kerrys sögðu að í
ræðunni hefði hann viljað fullvissa
demókrata um að hann myndi verj-
ast árásum repúblikana af meiri
hörku en Michael Dukakis, fyrrver-
andi ríkisstjóri Massachusetts, sem
tapaði fyrir föður forsetans, George
Bush, í forsetakosningunum 1988.
Kerry fékk um það bil helming at-
kvæðanna í Michigan og Wash-
ington. Dean gekk nokkuð vel miðað
við forkosningar í öðrum ríkjum og
hafnaði í öðru sæti í Washington.
Þegar 97% atkvæða höfðu verið
talin í Washington hafði Kerry feng-
ið 49%, Dean 30%, fulltrúadeildar-
þingmaðurinn Dennis Kucinich frá
Ohio 8%, Edwards 7% og Clark 3%.
Talningu atkvæða var lokið í
Michigan. Kerry fékk þar 52% fylgi,
Dean 17%, Edwards 14%, Sharpton
og Clark 7% og Kucinich 3%.
John Kerry sigraði
með miklum mun
Beinir nú spjót-
um sínum að
Bush forseta
Washington. AP.
Reuters
John Kerry öldungadeildarþingmaður á kosningafundi í Richmond í Virg-
iníu eftir að hafa sigrað í Michigan og Washington-ríki á laugardag.
BANDARÍSKA leyniþjónust-
an CIA fékk afrit af skjölum
dönsku öryggislögreglunnar
um hundruð þúsunda Dana á
dögum kalda stríðsins, að sögn
Politiken í gær.
Blaðið segir að danska ör-
yggislögreglan hafi tekið
myndir af skjölunum á örfilmu
sem send hafi verið CIA. Upp-
lýsingarnar hafi meðal annars
gert bandarískum yfirvöldum
kleift að koma í veg fyrir að
„óæskilegir“ Danir fengju
vegabréfsáritanir.
Sérfræðingur í stjórnmála-
baráttunni í kalda stríðinu,
Poul Villaume prófessor, segir
að vitað hafi verið að danska ör-
yggislögreglan og CIA hafi
skipst á upplýsingum. „En hafi
samstarfið verið með þessum
hætti kemur það á óvart. Ég
get ekki ímyndað mér að þetta
hafi verið löglegt.“
CIA fékk
leyniskjöl
um Dani
HANS Blix, fyrrverandi yfirmaður
vopnaeftirlitsnefndar Sameinuðu
þjóðanna, sagði í sjónvarpsviðtali í
gær að bresk og
bandarísk stjórn-
völd hefðu ýkt
mikilvægi leyni-
þjónustugagna í
því skyni að rétt-
læta innrásina í
Írak.
Blix sagði í
morgunþætti
BBC, „Breakfast
with Frost“, að
þeir sem sömdu leyniþjónustu-
skýrslur um vopn Íraka hefðu verið
eins og sölumenn sem „ýkja mikil-
vægi“ þess sem þeir vilja selja.
Breskir og bandarískir leyniþjónust-
menn hefðu ofmetið þýðingu þess
sem landflótta Írakar sögðu þeim
fyrir stríðið. Stjórnvöldin hefðu
einnig ýkt mikilvægi upplýsinganna í
því skyni að auka stuðninginn við
innrásina.
Blix kvaðst ekki telja að Tony
Blair, forsætisráðherra Bretlands,
hefði „talað gegn betri vitund“.
Hann bætti þó við að Vesturlandabú-
ar byggjust við „meiri hreinskilni“ af
leiðtogum sínum.
Vilja afsögn Blairs
Blix skoraði á bresk og bandarísk
stjórnvöld að sanna að Írakar hefðu
haldið áfram „áætlunum“ um að
framleiða gereyðingarvopn eins og
þau halda nú fram. „Eru til skýrar
vísbendingar um slíkar áætlanir?
Það kann að vera og ég hafna ekki
þeim möguleika,“ sagði hann.
Meirihluti breskra kjósenda telur
nú að Tony Blair forsætisráðherra
eigi að segja af sér vegna vaxandi
efasemda um réttmæti innrásarinn-
ar í Írak.
Í könnun, sem dagblaðið The In-
dependent gekkst fyrir, kvaðst 51%
vera sammála því að Blair segði af
sér, og aðeins 35% voru því alveg
andvíg. Þá töldu 54,5%, að Blair
hefði ekki sagt satt um hættuna, sem
átti að stafa af ætluðum gereyðing-
arvopnum Íraka. Hafa fjölmiðlar
einnig farið háðulegum orðum um þá
játningu hans að hann hafi ekki vitað
að aðeins var átt við vígvallarvopn er
því var haldið fram á sínum tíma að
Írakar gætu beitt gereyðingarvopn-
um með 45 mínútna fyrirvara.
Fylgi Íhaldsflokksins er nú 36%
en Verkamannaflokksins 35%.
Segir mikilvægi gagna
um Írak hafa verið ýkt
London. AFP.
Hans Blix
ÞÁTTASKIL
eru að verða í
viðræðum um
aðild Rússa að
Heimsvið-
skiptastofnun-
inni (WTO),
segir Stefán
Haukur Jó-
hannesson,
fastafulltrúi Ís-
lands hjá stofn-
uninni og formaður samninga-
nefndar hennar. Viðræðufundi
WTO og Rússa undir stjórn Stef-
áns Hauks lauk í Moskvu á
fimmtudag.
Vladimír Pútín Rússlandsfor-
seti hefur látið til sín taka í mál-
inu, og sagt að markmiðið sé, að
Rússar fái aðild um mitt næsta ár.
Þótt rússnesk stjórnvöld eigi mik-
ið verk óunnið hafi þau sett sér
metnaðarfull markmið til að upp-
fylla öll skilyrði sem sett eru fyrir
aðild að WTO.
„Gangi það eftir gæti komist
töluverður skriður á málið á þessu
ári,“ sagði Stefán Haukur í sam-
tali við Morgunblaðið. Hann hefði
lagt til að miðað yrði við að næsti
viðræðufundur fari fram nær vor-
dögum, í lok mars eða byrjun apr-
íl.
Viðræður um aðild Rússa að WTO
Telur að þáttaskil
séu innan seilingar
Stefán Haukur
Jóhannesson