Lesbók Morgunblaðsins - 03.03.2001, Side 6

6 LESBÓK MORGUNBLAÐSINS ˜ MENNING/LISTIR 3. MARS 2001
A
LLS eru til sýnis 74 verk
eftir 45 listamenn en sýn-
ingin er fengin að láni hjá
Borgarlistasafni Parísar,
Petit Palais. Héðan fer
hún svo til Listasafnsins í
Bergen og Ordrupgaard í
Kaupmannahöfn. Um
þessar mundir standa yfir umfangsmiklar
endurbætur á húsnæði safnsins og er það lok-
að meðan á framkvæmdunum stendur. Í stað
þess að loka listina inni í geymslum á meðan
hefur safnið hefur nú sent til útlanda ýmsar
sýningar með franskri list sem settar eru sam-
an í kringum mismunandi þemu. Yfirskrift
þessarar sýningastefnu er „Sendifulltrúar
Petit Palais“.
Gífurlegur kostnaður fylgir því að flytja
slíka sýningu hingað til lands. „Hvert og eitt
verk er flutt í sérsmíðuðum umbúðum í sér-
stökum bílum frá París til Lúxemborgar og
þaðan með flugvél Cargolux. Reynt er að búa
þannig um hnúta að sem minnst röskun verði á
hita- og rakastigi verkanna. Öryggisverðir
fylgja svo sýningunni alla leið,“ segir Ólafur.
Sýningin er tryggð fyrir rúma sex milljarða
króna, enda um þjóðardýrgripi að ræða. Þar af
er eitt verkanna, Sólarlag við Signu hjá Lava-
court að vetrarlagi eftir Claude Monet, tryggt
fyrir einn milljarð. Öryggisgæsla safnsins hef-
ur af þessum sökum verið efld til muna.
Sýningin verður opnuð boðsgestum á morg-
un, sunnudag, kl. 16 og á þriðjudag verður hún
svo opnuð almenningi.
„Heiti sýningarinnar, Náttúrusýnir, skír-
skotar til þess að hún fjallar um franska nítj-
ándu aldar landslagslist. Ennfremur eru á
sýningunni verk eftir hollenska og flæmska
listamenn frá sautjándu öld sem voru um
margt boðberar þess sem átti eftir að setja
svip sinn á þróun landslagsmálverksins í Evr-
ópu á þeirri nítjándu. Sýningin er byggð upp á
ákveðnum þemum, allt frá rómantíkinni í upp-
hafi nítjándu aldar, þar sem menn sjá náttúr-
„SENDIFULLTRÚAR
PETIT PALAIS“
Claude Monet: Sólarlag við Signu hjá Lavacourt að vetrarlagi, 1880. Myndina málaði Monet á
fyrstu mánuðum ársins 1880 eftir að ísinn á Signu fór að þiðna en veturinn sá var einstaklega
harður og lamaðist allt athafnalíf í París og nágrenni vegna kuldans. Um myndina segir í sýning-
arskrá: „Fjárskortur og hvatningarorð Renoirs ollu því að hann sótti um að taka þátt í Salon-
sýningu en hann hafði ekki hirt um það eftir að verkum hans var hafnað 1870 og hafði þess í
stað tekið þátt í sýningum impressjónistanna. Monet sendi tvær myndir inn til Salon-dómnefnd-
arinnar árið 1880; stóra mynd frá Lavacourt sem hann málaði viljandi á nokkuð hefðbundinn
hátt og hlaut náð fyrir augum dómnefndar og aðra, sem er trúlega þessi mynd í eigu Petit Palais,
en henni var hafnað. Þar tók hann sér meira frelsi til myndlistarlegra tilrauna. Þorpið sjálft er
dregið nokkrum grófum dráttum en lit- og ljósaspilið leggur höfuðáherslu á vatnið og loftið.
Kaldri þokunni er komið til skila með fínlegum strokum og mjúkri pensilskrift í efri hluta verks-
ins. Vatnið og árbakkarnir eru málaðir með breiðari strokum og þykkari áferð á köflum. Appels-
ínugul sólin í miðri byggingu myndarinnar og endurskinið í vatninu minnir á hið fræga málverk frá
1872, Hughrif við sólarupprás (Impression, soleil levant), en impressjónisminn dregur nafn sitt
af heiti þeirrar myndar. Málunaraðferðin miðlar hraða, óstöðugleika og hverfulleika sem hæfir
ágætlega stund sólarlagsins.“
Morgunblaðið/Golli
Paul Cézanne: Sumarið, Haustið, Veturinn og Vorið, um 1860. Þetta verk á fjórum flekum sem ætlað var til skreytingar á herbergi í Jas de Bouffan er fyrsta æskuverk Cézannes sem vitað er um, að
því er fram kemur í sýningarskrá. Hann hófst handa við verkið skömmu eftir að faðir hans festi kaup á húsinu árið 1859. Þarna gefur að líta fjórar allegórískar myndir, málaðar fremur stirðlega í
akademískum stíl. Myndirnar eru málaðar beint á veggi svefnherbergisins og eru undir áhrifum ýmissa skreytinga eftir myndlistarmenn fyrri tíðar, svo sem Botticelli. Neðst á myndunum stendur
áletrunin „Ingres 1811“ og minnir hún á hin yfirþyrmandi áhrif sem mynd Ingres, Júpíter og Þetís, hafði á Cézanne á þessum tíma en hún er í listasafninu í Aix og er einmitt merkt 1811. „Togstreit-
unni milli Cézanne og föður hans má eflaust líkja við spennuna milli listrænnar skynjunar byrjandans og hinnar akademísku fullkomnunar meistarans frá Montauban, Ingres. Að mála til heiðurs
fimmtíu ára mynd sem hann hafði óbeit á kann að virðast þverstæðukennt en Cézanne tókst með þessu að telja föður sinn á að leyfa sér að fara til listnáms í París.“
SÝNING FRÁ BORGARLISTASAFNI PARÍSAR Í LISTASAFNI ÍSLANDS
Íslenskum myndlistarunnendum gefst í fyrsta sinn færi
á að sjá verk eftir franska meistara á borð við Monet,
Cézanne, Sisley og Pissarro þegar franska sýningin
Náttúrusýnir verður opnuð í öllum sölum Listasafns
Íslands á morgun. MARGRÉT SVEINBJÖRNSDÓTTIR
slapp í gegnum nálarauga öryggisvörslu
safnsins og gekk um sýninguna í fylgd með
Ólafi Kvaran safnstjóra.