Lesbók Morgunblaðsins - 13.07.2002, Blaðsíða 14

14 LESBÓK MORGUNBLAÐSINS ˜ MENNING/LISTIR 13. JÚLÍ 2002
DYR/PORTAL er heiti myndlistarsýn-ingar sem var opnuð um síðustu helgií Listasafni ASÍ. Um er að ræða sam-sýningu tveggja myndlistarkvenna af
ólíku bergi brotinna, Valgerðar Hauksdóttur
og Kate Leonard, sem er frá Colorado-ríki í
Bandaríkjunum. Saman sýna þær fjölbreytileg
verk unnin á pappír og í blandaða tækni, sem
eiga það sameiginlegt að vera unnin út frá
reynslu listakvennanna tveggja í þessum ólíku
og þó um margt líku heimshlutum, Colorado
og Íslandi.
Ferðuðust milli Colorado og Íslands
Valgerður og Kate hafa unnið saman und-
anfarin þrjú ár, á Íslandi sem og í Colorado, við
kennslu og myndlist. „Við upplifðum sterka
tengingu milli landslagsins á þessum stöðum,“
svarar Kate þegar þær eru spurðar um til-
komu samsýningar þeirra. Sýningin í Lista-
safni ASÍ mun standa til 28. júlí, en hún verður
síðan sett upp í Coburn Gallery Colorado-há-
skóla í Colorado Springs haustið 2003. Við-
fangsefnið felst í túlkunum listakvennanna
tveggja á náttúru og menningu þessara land-
svæða, Íslands og Colorado. Valgerður segir
að eftir að þær hafi ákveðið að setja upp sam-
sýningu, hafi þær ferðast mikið á milli þessara
tveggja staða. Þær hafi viljandi ekki ákveðið
fyrirfram hvernig þær myndu nálgast við-
fangsefnið eða rætt aðferðir á meðan á
vinnunni stóð.
„Ég ákvað frá byrjun að nálgast það frá
sjónarhóli ferðarinnar, þar sem ég leitaði eftir,
bæði meðvitað og ómeðvitað, því líka og ólíka á
þessum tveimur stöðum,“ segir Valgerður, en
hún notast við ljósmyndir, stafræna grafík og
stálætingar í verkum sínum á sýningunni.
Kate segist greina nýja nálgun í þessum síð-
ustu verkum Valgerðar, þar sem hún taki vilj-
andi í sundur lögin sem hún hefur oft áður not-
að í „collage“-myndum sínum. Hér séu lögin
aðskilin. Sín verk, ólíkt Valgerðar, séu mörg
hver aftur á móti marglaga, eða „collage“. „Öll
þessi lög eru prentuð á þunnan, gegnsæjan
japanskan pappír eða silki og „collaged“.
Myndirnar eru uppbyggðar af þessum ólíku
lögum, á sama hátt og mér finnst jarðlögin í
Colorado og á Íslandi vera byggð upp,“ segir
hún.
Kate bendir á að sýningargestir sjái ef til vill
í fyrstu einungis hve tækni myndanna á sýn-
ingunni sé ólík, í sumum þeirra sé notast við
ljósmyndir, í öðrum við hefbundnar ætingar og
í enn öðrum við „collage“. Smám saman upp-
götvi fólk þó hið sameiginlega konsept sýning-
arinnar. „Þar kemur heiti sýningarinnar, Dyr/
Portal, inn,“ segir hún. „Í íslenska hugtakinu,
dyr, felst að maður gangi í gegn um eitthvað,
að maður hafi nýja sýn og hafi möguleika á að
kanna með því að fara gegn um dyr,“ bætir
Valgerður við. „Í verkum okkar felst hugtakið
dyr sem inngangur í þessa tvo heima sem við
leitumst við að birta á sýningunni, bæði heimur
staðanna sjálfra í Colorado og Íslandi, en einn-
ig heimar okkar sem ólíkra persóna, á ólíkum
tímabilum lífs okkar og svo framvegis.“
Kate segist halda að margir geti séð í sýn-
ingunni dyr að landslaginu, án þess að verkin á
sýningunni séu myndskreytingar úr nátt-
úrunni. Það sé langt í frá. „Myndir okkar
beggja leiða áhorfandann smátt og smátt inn í
þann stemmningarheim sem við höfum mynd-
að okkur, verandi í þessu umhverfi. Til dæmis
finn ég mikið fyrir sterku rokinu á Íslandi, og
leitast við að láta það koma fram í verkum mín-
um, þar sem ég viljandi geri lögin eins og þau
séu veðruð af vindinum. Rokið er ekki hlut-
bundið, en það er nokkuð sem ég vil engu að
síður gera skil í verkum mínum. En hugtakið
dyr hefur jafnframt fleiri merkingar í
tengslum við sýningu okkar, ekki einungis sem
dyr að ólíkum heimum og náttúru, heldur einn-
ig sem dyr að vinnuferlinu sem myndlist er.“
Sýningin Dyr/Portal stendur opin alla daga
nema mánudaga kl. 14–18 til 28. júlí. Aðgangur
er ókeypis.
DYR MILLI TVEGGJA HEIMA
Sýning tveggja myndlist-
arkvenna, frá Íslandi og
Colorado, stendur nú yfir í
Listasafni ASÍ við Freyju-
götu. INGA MARÍA LEIFS-
DÓTTIR leit þar inn og
spjallaði við þær um mynd-
listina og hugmyndirnar að
baki sýningunni.
Morgunblaðið/Golli
Myndlistarkonurnar Valgerður Hauksdóttir og Kate Leonard sýna um þessar mundir í Listasafni ASÍ.
ingamaria@mbl.is
LEIKFÉLAGIÐ Fljúgandi fiskar hélt í leik-
ferð til Englands og Finnlands um síðustu
helgi. Í farteskinu er sýning á nýrri leikgerð
fyrir tvo leikara af Medeu eftir Evrípídes
sem frumsýnd var í Iðnó í nóvember 2000. Í
sýningunni renna saman í eina heild sviðs-
listin og kvikmyndaformið, styrkt af tónlist
Bretans Jonathans Cooper, sunginni af
Huldu Björk Garðarsdóttur óperusöngkonu
og Þóreyju Sigþórsdóttur, en Cooper leikur
einnig tónlist af fingrum fram í sýningunni.
Leikstjóri er Hilmar Oddsson og leikarar í
sýningunni eru Þórey Sigþórsdóttir og
Valdimar Örn Flygenring. Sýningin var
hluti af dagskrá Reykjavíkur menning-
arborgar 2000 og var styrkt af Leiklist-
arráði Íslands og menningaráætlun Evrópu-
sambandsins Culture 2000. Leikið verður á
íslensku, en texta sem skýrir aðstæður í
hverri senu fyrir sig verður varpað upp fyrir
áhorfendur.
Markmið að blanda
saman listformum
Þórey Sigþórsdóttir forsvarsmaður Fljúg-
andi fiska segir leiðina að því að samtvinna
leikhús og kvikmyndalist hafa verið spenn-
andi en ekki stutta og að margt hafi gerst á
leiðinni.
„Á endanum varð til þessi gerð verksins
sem er mjög stílhrein í formi. Markmið okk-
ar með þessum hugmyndum um formið var
að listgreinarnar blönduðust, en væru ekki
bara kvikmynd á sviði og svo leikrit. Það eru
þrjú tjöld á sviðinu og kórinn, er til dæmis
settur saman af þremur upptökum – ekki
bara einni sem er þrefölduð; þannig að þetta
þarf allt að vera vandlega samhæft í hljóði.
Svo þarf ég að leika á móti kórnum á svið-
inu, þannig að tímasetningarnar þurfa að
vera mjög nákvæmar. Mér finnst það mjög
spennandi hvernig til hefur tekist og þetta
er mikil glíma. Þegar maður fer að vinna við
svona blöndun miðla, þá skilur maður hvers
vegna fleiri eru ekki að gera þetta sama.
Þetta eru dýrar tilraunir; við vorum til dæm-
is búin að gera eina tilraun sem við hentum
alveg, því hún virkaði bara ekki eins og við
vildum hafa hana. Það hefur verið mjög
spennandi að takast á við þetta og það er
þetta sem er óvenjulegast og kannski mest
spennandi við þessa sýningu.“ Leikferðin er
samvinnuverkefni Fljúgandi fiska, Icelandic
Take Away Theatre, New Perspectives í
Mansfield og leiklistarháskólans í Tampere í
Finnlandi. Fyrsta sýningin var í Nottingham
á þriðjudaginn, fimm sýningar verða í ICA,
The Mall, SW1 í London um helgina, og loks
tvær í Tampere í Finnlandi 6. og 7. ágúst.
LISTFORMIN SAMEINAST Í MEDEU
Morgunblaðið/Þorkell
Nokkrir aðstandenda uppfærslunnar á Medeu hér heima: Þórey Sigþórsdóttir, Jonathan Cooper, höfundur tónlistar, Valdimar Örn Flygenring, Hilm-
ar Oddsson leikstjóri og Sonný Þorbjörnsdóttir útlitshönnuður. Sýningin er nú komin til Englands og verður sýnd í Finnlandi í næsta mánuði.