Pressan - 06.09.1990, Blaðsíða 8

8
Fimmtudagur 6. sept. 1990
VIKUBLAÐ A FIMMTUDÖGUM
Útgefandi:
Framkvæmdastjóri:
Blað hf.
Hákon Hákonarson
Blaöamenn:
Ljósmyndari:
Útlit:
Prófarkalestur:
Auglýsingastjóri:
Anna Kristine Magnúsdóttir
Björg Eva Erlendsdóttir
Friörik Pór Guðmundsson
Ingibjörg Sólrún Gísladóttir
Jön Danielsson (ábm.)
Einar Olason
Anna Th. Rögnvaldsdóttir
Sigríður H. Gunnarsdóttir
Hinrik Gunnar Hilmarsson
Ritstjórn og skrifstqfur: Ármúla 36, simh 68 18 66. Auglýsingasími: 68 18 66.
Áskrift og dreifing: Ármúla 36, sími 68 1866. Setning og umbrot: Leturval sf.
Prentun: Oddi hf.
Áskriftargjald 500 kr. á mánuði. Áskriftargjald: Pressan og Alþýðublaðið:
1000 kr. á mánuði. Verð í lausasölu: 150 kr. eintakið.
VINNUBRÖGÐ SEM
KOSTA MANNSLÍF
Umferðin á íslandi og þó einkum á höfuðborgarsvæðinu
hefur þyngst óskaplega á síðustu árum samfara aukinni
bílaeign. Þessi breyting kallar auðvitað á aðgerðir stjórn-
valda til að auka öryggi í umferðinni og draga úr slysatíðni.
Ahugi stjórnvalda virðist hins vegar takmarkaður.
PRESSAN fjallar í dag um unga ökumenn og bílpróf, sem
raunar virðist vera talsvert auðveldara að ná hérlendis en
víðast annars staðar í nálægum löndum, auk þess sem bíl-
prófsaldur er hér ári lægri en víða erlendis. í Ijós kemur í
þessari umfjöllun, að rúmur fjórðungur þeirra sem slösuð-
ust í umferðinni fyrstu sjö mánuði ársins er á aldrinum
17—20 ára. Þetta er milli þrisvar og fjórum sinnum hærri
tala en vera ætti miðað við hlutfall þessaraárganga af fólks-
fjölda í landinu.
Það þarf reyndar enga tölfræði til að sannfærast um að á
fyrstu árunum eftir bílpróf aka menn ekki af þeirri varkárni
sem umferðin krefst. Nú síðast var 17 ára unglingur stöðv-
aður á Hafnarfjarðarvegi á tvöföldum hámarkshraða. Ungl-
ingar með nýfengið ökuskírteini í vasanum ímynda sér
gjarna að þeir séu „klárari“ bilstjórar en þeir eru í raun og
veru. Hluti af ástæðunni er vafalaust ónógur undirbúningur
fyrir bílpróf. Minna má á lítið en þó afar mikilsvert atriði.
Að kunna að keyra í hálku er hverjum bílstjóra lífsnauðsyn
við íslenskar aðstæður. Undirbúningur unglinga fyrir
þennan akstursþátt fer þó einkum eftir því á hvaða árstíma
þeir taka ökutíma.
Ymsir aðilar sem láta sig þessi mál einhverju skipta hafa
margítrekað krafist aðgerða. Nefndarálit um úrbætur hefur
nú rykfallið í skúffu dómsmálaráðherra á annað ár. Hann
hefur aftur á móti skipað nýja nefnd, vafalaust með fólki
sem hann treystir betur en fyrri nefndarmönnum. Ætli sú
nefnd skili ekki áliti um það leyti sem núverandi ráðherra
lætur af störfum. Nýr ráðherra skipar þá kannski nýja
nefnd. Þannig er auðvitað hægt að halda áfram endalaust.
Slík vinnubrögð kosta hins vegar mannslíf.
Ný sýn
EINAR OLASON
hfn pressan
„Óléttar konur frá Hong Kong
streyma nú til Kanada og
dvelja þar þangað til þær hafa
orðið léttari."
— 'Tíminn
„Þjónar guðsríkis snúi sér að
Himnaríkissjóði"
— í Velvakanda Morgunblaðsins
um launakröfur presta.
„Nýtt fólk á Heimsmynd"
— Fyrirsögn á frétt i Morgunblað-
inu.
„Kaupfélag er ekki óhaggan-
leg stofnun."
— Fyrirsögn i Morgunblaðinu.
„Sannleikurinn er sá að það
sem formaður Sjálfstæðis-
flokksins leggur til er bull og
sýnir að hann hefur ekki nennt
að hugsa um máliö."
— Jón Baldvin utanrikisráðherra
um Þorstein Pálsson í Alþýðublað-
„1.500 skemmtu sér
til óbóta í fyrra“
— Fyrirsögn í Timanum um of-
beldi á skemmtistöðum.
„Slegist um fóstrurnar."
— Fyrirsögn í DV.
... allar likur eru til að Arnar-
flug muni spara mikil oliukaup
áður en langt um liður.##
- Tlminn
„Það furðulega var, að þegar
ég áði á leiðinni, til dæmis i
veitingabúðum, þá voru allir
mjög elskulegir og vildu allt
fyrir mig gera. Svo settist
þetta sama fólk undir stýri og
jós yfir mig mölinni þegar
bensíngjöfin var stigin i botn."
— Víkverji Morgunblaðsins vitnar í
franskan hjólreiðamann.
... lýsir forsætisráðherra því
yfir, að þetta sé ánægjuleg-
asta ríkisstjórn, sem hann hafi
setið í. Hann talar að vísu um
þröskulda og ósamkomulag
og hvað það hafi einlægt kost-
aö sig mikia vinnu og langar
fundasetur að sætta ráðherr-
ana."
— Morgunblaðið. Halldór Blöndal
um Steingrim.
„Það bætist við nýtt fólk víðar
en á Heimsmynd. Ragnhildur
Erla eignaðist 14 marka dreng
í maimánuði, og er nú í barn-
eignarfríi."
— Frétt í Morgunblaðinu.
„Vildi að ég
gœti gifst syni
mínum“
— DV. Einstaeð móðr í viðtali.
„Hann gerir mikiö úr því, aö
embætti forsætisráðherra sé
annasamt, kvartar undan þvi
að hafa orðið „að stytta veiði-
ferð sína í Laxá í Aðaldal" þar
sem hann missti raunar „þann
stóra" og hikar ekki við að
snupra meðráðherra sína, þar
sem þeim kemur illa."
— Morgunblaðið. Halldór Blöndal
um Steingrím Hermannsson.