Pressan - 06.09.1990, Blaðsíða 10
10
BÝFLUGNADROTTNINGIN Á ÍSLANDI
Lis Petersen, býflugnadrottning Danmerkur, heillaöist af
Islandi af frásögnum íslenskrar vinkonu sinnar í Arósum
Fyrir tæpum þrjátíu árum voru sextán
Danir sendir til Bandaríkjanna í því skyni
að sýna þar fimleika. í þessum hópi voru
meðal annarra Lis og Knud Petersen sem
aldrei höfðu histfyrr. Ari síðar giftustþau
— líkt og sex aðrir aðilar úr þessum hópi.
„Petta var semsagt 50% árangurý segir
Knud.
EFTIR ÖNNU KRISTINE MAGNÚSDÓTTUR MYND EINAR ÓLASON
„Við höfðum sýnt saman í
nokkurn tíma þegar hann
gekk að mér einn daginn og
spurði hvort hann mætti
bjóða mér upp á ís um kvöld-
ið‘‘ segir Lis hlæjandi. „Já —
það var auðvitað ekki við
hæfi að fimleikafólkið neytti
nokkurs annars,“ bætir Knud
við.
Þau hjónin hafa bæði verið
leikfimikennarar í áratugi og
ráku meðal annars eigin
skóla í Árósum í Danmörku.
Á þeim tíma, og reyndar fyrir
aðeins örfáum árum, var fátt
eins fjarri þeim hjónum og að
einbeita sér að heilsuvörum.
Þau lifðu og hrærðust í fim-
leikunum en áður en þau
vissu af voru þau komin á
fullt í atvinnurekstur. Þau eru
nú komin hingað til Islands í
því skyni að markaðssetja
söluvöru sína hér: „Varan
kemur frá Kína, við fáum
hana frá Ítalíu og nú fáið þið
hana frá Danmörku," segir
Lis. „Hún hefur því farið í
kringum hnöttinn ...“
En hvers vegna ísland? Ef
hér er á ferð trygg söluvara,
er þá ekki skynsamlegra að
selja hana í stærri löndum?
Lis brosir að þessari spurn-
ingu: „Reyndar sel ég til Sví-
þjóðar og Noregs og stórt fyr-
irtæki í Bandaríkjunum hefur
óskað eftir viðræðum. Þá sé
ég um útflutning til Spánar og
Hollands en ástæðan fyrir því
að ég vildi koma hingað er sú
að ég á íslenska vinkonu í
Danmörku. Hún heitir Þóra
Óskarsdóttir og okkar
kynni leiddu til þess að ég hef
mikinn áhuga á íslandi."
Þótt Lis hafi lokið verslun-
arprófi segir hún að í raun
hafi það nám aldrei haft
neinn tilgang í sínum huga:
„Ég átti mér alltaf þann
draum að verða leikfimi-
kennari," segir hún. „Foreldr-
ar mínir höfðu hins vegar
ekki ráð á að kosta mig til
náms í íþróttaskóla. Ég hafði
alltaf haft áhuga á fimleikum
og æft þá mikið og þegar ég
gerði mér Ijóst að ég gæti
ekki farið á Iþróttaháskólann
greip ég tækifærið þegar mér
var boðið að vera ein í sýn-
ingarhópi fimleikafólks sem
sýndi í Bandaríkjunum, Kan-
ada og Mexíkó í ársferð
‘61-62.“
Það var í þeirri ferð sem
hún kynntist Knud, sem þar
var einn af sýningarfólkinu.
Þegar þau voru gift fór Lis til
náms í íþróttaskólanum í Ár-
ósum: „Éftir að ég hafði starf-
að sem kennari fyrir aðra
langaði mig að setja upp
minn eigin skóla,“ segir Lis.
„Maðurinn minn og börnin
okkar þrjú studdu mig í þess-
ari ákvörðun minni og dag-
inn sem ég hóf kennslu í skól-
anum var ég þess fullviss að
þetta væri það sem biði mín í
framtíðinni. Ég var mjög
ánægð með þá tilfinningu."
Þetta reyndist hins vegar
ekki rétt tilfinning: „Ég yfir-
keyrði mig á vinnu eins og
margir gera,“ segir hún. „Dag
Heilluð af íslandi, á leið í Bláa lónið, Lis Petersen, Tabita Wulff og Knud Petersen.
RITSTJÓRASKIPTI Á PRESSUNNI
Ritstjóraskipti verða nú á
Pressunni. Jónína Leósdóttir
og Ómar Friðriksson hafa lát-
ið af störfum en nýir ritstjór-
ar, þeir Gunnar Smári Egils-
son og Kristján Þorvaldsson,
taka við um næstu mánaða-
mót.
Jónína Leósdóttir hefur
verið ritstjóri Pressunnar frá
byrjun, eða í rúm tvö ár, og
átti í rauninni stærstan þátt í
að móta hana í upphafi.
Ómar Friðriksson hefur
starfað við Pressuna frá því
síðla árs 1988, fyrst sem
fréttastjóri en var ráðinn rit-
stjóri í janúar 1989.
Pressan þakkar þeim
Ómari og Jónínu fyrir störf
sín á liðnum árum og óskar
þeim alls velfarnaðar.
Jónína Leósdóttir
Ómar Friðriksson
KVEÐJUORÐ TIL FYRRVERANDI RITSTJÓRA PRESSUNNAR
Við undirritaðir blaðamenn á Pressunni viljum koma á framfæri kveðju til ritstjóra okkar,
Jónínu Leósdóttur og Ómars Friðrikssonar.
Við þökkum þeim fyrir sérstaklega ánægjulegt samstarf þar sem manneskjuleg viðhorf og
heiðarleg framkoma réðu ríkjum. Tíminn sem við áttum öll saman hér á Pressunni er eftir-
minnilegur, ekki síst síðustu dagarnir þegar sem mest reyndi á samstöðu okkar allra.
, Það er álit okkar að vikublaðið Pressan hafi orðið fyrir óbætanlegum skaða við brottrekstur
Ómars og Jónínu. Það er við hæfi að minna lesendur á að það var Jónína Leósdóttir sem skapaði
Pressuna í upphafi og gaf henni nafn.
Við öll, ásamt öðrum starfsmönnum Pressunnar, óskum Jónínu og Ómari velfarnaðar í fram-
tíðinni og viljum að síðustu gefa þeim eitt heilræði: Vinnið ekki fyrir hverja sem er!
Anna Kristine Magnúsdóttir
Björg Eoa Erlendsdóttir
Friörik Þór Gudmundsson
Ingibjörg Sólrún Gísladóttir
einn þegar ég var að niðurlot-
um komin rétti norsk vin-
kona mín mér pakka af hylkj-
um sem innihéldu býflugna-
gel. Hún fullyrti að þessar
töflur myndu breyta mér al-
gerlega og ég var svo langt
niðri aó ég hefði tekið inn
hvað sem var!"
Hún segist aldrei hafa trúað
að streita gæti haft jafnmikil
áhrif á hana og raun bar vitni.
„Ég hafði alltaf verið mjög
heilsuhraust og hef alltaf unn-
ið mikið."
Mánuði eftir að hún fór að
taka inn hylkin sem vinkonan
gaf henni segir hún að sér
hafi liðið mun betur. Ég fór
sjálf að flytja þetta inn í litlum
mæli og prófaði á vinum mín-
um í heilt ár. Ég er nefnilega
á því að allt þurfi að prófa og
sjá árangur af hlutunum. Mér
fannst árangurinn það góður
að ég ákvað að veðsetja
heimili okkar og einbeita
mér að sölumálum."
Núna er hún kölluð bý-
flugnadrottningin í Dan-
mörku. Hún segist hafa þurft
að leggja hart að sér til að ná
þeirri stöðu sem hún hefur:
„Leyndardómurinn við að ná
langt er svosem enginn
leyndardómur. Ef maður vill
Fimmtudagur 6. sept. 1990
sinna starfi sínu af heilum
hug þarf varan að vera fyrsta
flokks og maður þarf sjálfur
að vera duglegur og heiðar-
legur.“
Með þeim hjónum í för
hingað til lands er þekkt
dönsk blaðakona, Tabita
Wulff hjá Sondags BT, sem
hún segir að heiti reyndar
ekki því nafni lengur heldur
Sondag „og kemur út á
mánudögum"! Tabita er af-
kastamikill blaðamaður og
ásamt því að halda úti viku-
legri síðu í tímaritinu hefur
hún skrifað fimmtán bækur,
þar af fjórar á þessu ári.
KNATTSPYRNAN
ÍSLANDSMÓTIÐ f KNATTSPYRNU
Leikir í 1. deild karla: Möguleikar liðanna: Athyglisverðir leikmenn:
STJARNAN FRAM GARÐABÆ laugardaginn 8. sepl. kl. 14 Stjörnuliðið hefur komið á óvart, er í fimmta saeti og má kallast meistarabani sumarsins eftir tvo sigra á Val og einn á Fram. Fram hefur helst sýnt styrk sinn gegn Val og KR en oft valdið vonbrigðum í leikj- um gegn slakari liðum. Framm- arar eiga að sigra nái þeir sín- um besta leik en það er spurn- ing hve mikla mótspyrnu þeir fá frá Stjörnuliðinu, sem hefur að engu að keppa í leiknum. Jón Erling Ragnarsson er stjarna sumarsins hjá Framlið- inu. Máttarstólparnir Pétur Ormslev, Guðmundur Steins- son og Birkir Kristinsson lands- liðsmarkvörður vekja ávallt eft- irtekt. Varnarmaðurinn Bjarni Benediktsson og Ingólfur Ing- ólfsson á kantinum voru bestu menn Stjörnunnar í síðasta leik, sem annars hefur á jöfnu liði að skipa.
VÍKINGUR ÍBV VÍKINGSVELLI laugardaginn 8. sepl. kl. 14 Það eru Vestmanneyingar sem hafa að einhverju að keppa í þessum leik á meðan hann skiptir Víkinga litlu máli. Ef Vestmanneyingar verða í sama ham og gegn KA um síð- ustu helgi má búast við sigri þeirra. Jón Bragi Arnarson í vörninni, Hlynur Stefánsson á miðjunni, Sigurlás Þorleifsson og Tómas Ingi Tómasson í framlínunni; þetta eru nokkrar af astæðun- um fyrir góðu gengi ÍBV í sum- ar. Júgóslavinn Goran Micic hefur líklega verið besti maður Víkinga í sumar.
KA ÞÓR AKUREYRI laugardaginn 8. sept. kl. 14 KA í fallhættu en Þór fallinn í aðra deild. KA-menn hljóta að sigra hér því Þórsarar hafa ekki að neinu að keppa. Leikmenn í hvorugu liði hafa sýnt neina snilldartakta í sum- ar. Eftir að Lúka Kostic meidd- ist er það helst Bjarni Svein- björnsson sem stendur upp úr í liði Þórsara. Kjartan Einarsson hefur verið skæður í framlínu KA og skorar af og til.
ÍA KR AKRANESI laugardaginn 8. sept. kl. 14 Skagamenn eiga enn fræði- lega möguleika á að halda sér í deildinni og því eiga margir von á því að þeir standi í KR- ingum. Tilhugsunin um það að KA má ekki fá stig úr leiknum við Þór hlýtur samt að draga máttinn úr ÍA. Fátt getur stöðv- að KR-liðið ef það leikur eins nú og í leikjunum gegn Val und- anfarið. Ragnar Margeirsson, Rúnar Kristinsson og Ólafur Gott- skálksson hafa líklega verið bestir í sterku liði KR undanfar- ið. Haraldur Ingólfsson tryggði ÍA sigur gegn Þór á dögunum með marki en Karl Þórðarson hefur verið besti maður liðsins í sumar, 35 ára gamall.
VALUR FH laugardaginn 8. sept. kl. 14 Það eru Valsmenn sem hafa hér að einhverju að keppa en hugsanlega eru þeir orðnir værukærir og ánægðir eftir sig- ur í Mjólkurbikarkeppninni. FH- liðið hefur sýnt baráttu undan- farið þrátt fyrir að liðið sé hvorkf í fallhættu né toppbar- áttu. FH-sigur í þessum leik kæmi alls ekki á óvart. Bjarni Sigurðsson, mark- vörður Vals, var maðurinn á bak við sigur liðsins i Mjólkur- bikarkeppninni. Sævar Jóns- son, Þorgrímur Þráinsson, Ant- hony Karl Gregory og margir fleiri hafa einnig staðið sig vel i sumar. Hjá FH er mest spenn- andi að fylgjast með marka- kónginum Herði Magnússyni og Andra Marteinssyni, sem hefur verið drífandi og útsjón- arsamur undanfarið.
STAÐAN í FYRSTU DEILD:
leikir u j t mörk stig
Fram 16 10 2 4 30:13 32
KR 16 10 2 4 26:16 32
ÍBV 16 9 4 3 31:29 31
Valur 16 9 3 4 25:18 30
Stjarnan 16 8 2 6 21:17 26
FH 16 6 2 8 22:26 20
Víkingur 16 4 7 5 16:16 19
KA 16 5 1 10 17:24 16
ÍA 16 3 2 11 17:31 11
Þór 16 2 3 11 7:22 9