Morgunblaðið - 26.04.2004, Blaðsíða 6

FRÉTTIR
6 MÁNUDAGUR 26. APRÍL 2004 MORGUNBLAÐIÐ
RÍKISSTJÓRNIN samþykkti frum-
varp um eignarhald á fjölmiðlum á
fundi sínum fyrir hádegi í gær og
verður það lagt fyrir þingflokka
stjórnarflokkanna í dag.
Kveður frumvarpið m.a. á um að
dagblað og ljósvakamiðill geti ekki
verið á einni og sömu hendi. Þá gerir
frumvarpið einnig ráð fyrir því, að
fyrirtæki sem eru í markaðsráðandi
stöðu í óskyldum rekstri megi ekki
reka ljósvakamiðil, samkvæmt heim-
ildum Morgunblaðsins.
Davíð Oddsson forsætisráðherra
sagði að loknum ríkisstjórnarfundin-
um í gær að það væri viðhorf ríkis-
stjórnarinnar að það gangi ekki upp
fyrir lýðræðislegar umræður að
sami aðili eigi dagblað og ljósvaka-
miðil. „Frumvarpið gerir ráð fyrir að
ljósvakamiðlar og dagblöð geta ekki
verið á einni og sömu hendi,“ sagði
hann.
Framvirkt frumvarp,
ekki afturvirkt
Forsætisráðherra mun flytja
frumvarpið á Alþingi og sagði hann
að ótal fordæmi væru fyrir því að
forsætisráðherra flytti mál sem rík-
isstjórnin stendur öll að.
Davíð sagði að efnislega væri tekið
á því sem nefnd menntamálaráð-
herra um eignarhald á fjölmiðlum
hefði talið nauðsynlegt að gert yrði í
greinargerð sinni og Davíð bætti því
við að það væri nánast skylda ríkis-
stjórnar og þings að taka á þeirri
samþjöppun í fjölmiðlarekstri sem
hér hafi orðið og yrði hvergi liðin
annars staðar í heiminum.
Spurður hvort ákvæði frumvarps-
ins væru afturvirk, svaraði Davíð því
neitandi. „Þetta er framvirkt frum-
varp frumvarp, ekki afturvirkt,“
sagði forsætisráðherra.
Davíð sagði að frumvarpið yrði
kynnt þingflokkum ríkisstjórnar-
flokkanna í dag og vildi hann ekki
fara nánar út í einstök efnisatriði
fyrr en það hefði verið gert. Hann
sagði frumvarpið sérstaklega varða
útvarpsréttarlög og veitingu út-
varpsleyfa, en einnig samkeppnislög
að nokkru leyti.
„Frumvarpið er mjög skýrt og
einfalt og klárt og auðvelt að skilja
það þegar menn sjá það. Ég á því von
á því að það gangi greiðlega í gegn-
um þingið og hljóti þar mikinn stuðn-
ing. Ég á ekki von á öðru,“ sagði for-
sætisráðherra.
Fram kom í máli hans að frum-
varpsdrögin hefðu breyst mjög mik-
ið frá því hann lagði þau fyrst fram
og sagðist hann vera mjög sáttur við
það. Komið hefðu lögfræðingar að
vinnslu málsins, m.a. lögfræðingur
af hálfu menntamálaráðuneytisins.
„Það hefur verið haft fullt samráð við
alla,“ sagði hann.
Byggt á grundvelli skýrslu
fjölmiðlanefndarinnar
Halldór Ásgrímsson utanríkisráð-
herra sagðist ekki vilja ræða efni
frumvarpsins fyrr en eftir fund í
þingflokki Framsóknarflokksins,
sem verður haldinn í dag, en sagði að
frumvarpið varðaði samkeppnislög
og útvarpsréttarlög.
„Það er mjög góð sátt um þetta
frumvarp og það er algjörlega á
grundvelli þeirrar skýrslu sem hefur
verið gefin út og verður birt í kjöflar
þessa fundar,“ sagði Halldór. Hann
sagði einnig mjög mikilvægt að eyða
þeirri óvissu sem skapast hafi vegna
umræðunnar að undanförnu.
Halldór sagðist aðspurður telja að
frumvarpið stæðist fyllilega ákvæði
stjórnarskrárinnar, „og hef engar
áhyggjur af því,“ sagði hann.
Spurður hvort frumvarpið yrði að
lögum í vor sagði Halldór að það ætti
við um öll mál sem lögð væru fram að
gert væri ráð fyrir að þau yrðu leidd
til lykta. „Ég held að það sé mikil-
vægt að ljúka þessu máli. Það er ekki
eftir neinu að bíða. Þetta frumvarp
er einfalt og auðskilið og þarf ekki
langan umhugsunartíma.“
Halldór svaraði því neitandi er
hann var spurður hvort frumvarpið
hefði valdið titringi í stjórnarsam-
starfi flokkanna.
Hér ríki fjölbreytni á markaði
Davíð var spurður hvort frum-
varpið myndi leiða til breytinga á
fjölmiðlamarkaði og svaraði: „Þegar
gerðar eru breytingar á lagaum-
hverfinu þá laga menn sig að því.
Stundum hafa menn mjög skamman
tíma til þess og stundum lengri, eins
og í þessu tilfelli hafa menn lengri
tíma.“
Hann sagði einnig að frumvarpið
snerist um almennt fyrirkomulag á
fjölmiðlamarkaði. ,,Það er verið að
koma því til leiðar að hér ríki fjöl-
breytni á markaði og að fjölmiðlarnir
séu reknir með þeim hætti hér á
landi eins og annars staðar að það
séu ákveðnar kröfur gerðar um eign-
arhald og þess háttar,“ sagði Davíð.
Verði afgreitt sem
lög fyrir þinglok
Forsætisráðherra sagði að staðan
á fjölmiðlamarkaði væri þannig núna
að ekki væri viðunandi að mati ríkis-
stjórnarinnar, „og ég hygg að það
verði mat stórs hluta þingsins.“ „Það
kunna að vera þingmenn sem vilja
gæta hagsmuna einhverra annarra
en við erum að gæta hagsmuna al-
mennings og þjóðarinnar sem heild-
ar eins og ríkisstjórn og þing eiga að
gera.“
Davíð sagði að góður hópur lög-
fræðinga hefði farið yfir frumvarpið
og reiknaði hann ekki með að fyr-
irtæki gætu farið í skaðabótamál
vegna breytts lagaumhverfis.
Davíð sagðist gera ráð fyrir mikl-
um umræðum um frumvarpið á Al-
þingi, en stefnt er að því að frum-
varpið verði að lögum fyrir þinglok í
vor. Spurður hvenær mætti vænta
þess að breytinga sæi stað eftir að
frumvarpið verður að lögum sagðist
hann gera ráð fyrir að það yrði til-
tölulega fljótlega.
Ríkisstjórnin samþykkir að leggja fram frumvarp um eignarhald á fjölmiðlum
Bann við að dagblað og ljós-
vakamiðill séu á sömu hendi
Markaðsráðandi félagi í óskyldum
rekstri bannað að eiga ljósvakamiðla
Morgunblaðið/Árni Torfason
Fréttamenn leggja spurningar fyrir Davíð Oddsson forsætisráðherra að
loknum ríkisstjórnarfundi í forsætisráðuneytinu í gær.
EINAR G. Baldvinsson
listmálari er látinn, á
áttugasta og fimmta
aldursári. Einar fædd-
ist áttunda desember
1919 í Reykjavík, en
foreldrar hans voru
Baldvin Einarsson,
söðla- og aktygjasmiður
og kona hans Kristine
Karoline frá Heggem.
Einar lærði myndlist
í Handíða- og myndlist-
arskólanum árin 1942–
45 og í Kunstakademiet
í Kaupmannahöfn árin
1946–50. Hann starfaði
sem listmálari í Reykjavík og kenndi
einnig teikningu í skólum. Hann hélt
fjölda málverkasýninga auk þess sem
hann tók þátt í samsýningum Félags
íslenskra myndlistar-
manna. Fyrstu einka-
sýningu sína hélt Einar
í bogasal Þjóðminja-
safnsins árið 1958. Ein-
ar var þekktur fyrir
myndir sínar af íslenska
þorpinu auk þess sem
hann málaði einstakar
landslagsmyndir og
þótti hafa mikið næmi
fyrir stemmningum.
Hann málaði nánast alla
starfsævi sína tilbrigði
um þann veruleik sem
blasti við honum á
þroskaárum hans,
þorpsstemmninguna í Reykjavík,
andrúmsloftið við höfnina og sambýli
þorps og hafs.
Einar var ókvæntur og barnlaus.
Andlát
EINAR G.
BALDVINSSON
ÞAU voru skemmtileg tilþrifin og
líflegar tilraunirnar hjá hinum
ungu keppendum sem tóku þátt í
úrslitakeppni Íslandsmeistaramóts-
ins í kassaklifri sem Slysavarna-
félagið Landsbjörg, ýmsar björg-
unarsveitir og Bandalag íslenskra
skáta stóðu fyrir á laugardag. Mót-
ið var haldið í húsi Orkuveitu
Reykjavíkur við Bæjarháls og
kepptu alls sautján ungir ofur-
hugar í fjórum flokkum, drengja og
stúlknaflokkum, 13–15 ára og 16–
18 ára. Íslandsmeistari í kassaklifri
í ár er Andri Buchhloz úr Grinda-
vík, en hann fór hæst upp í þrjátíu
og þrjá kassa, sem er ellefu metra
hæð. Andri er á átjánda ári. Efst
stúlkna var Kristín Ósk Jónsdóttir
frá Suðureyri, en hún fór þrjátíu og
einn kassa upp í loftið, rúma tíu
metra. Kristín er á sextánda ári.
Í yngri flokki stráka sigraði hinn
fimmtán ára Hákon Valdimarsson
frá Ísafirði, en hann kleif þrjátíu og
tvo kassa. Í yngri flokki stúlkna
sigraði hin fimmtán ára Halldóra
Auður Jónsdóttir frá Neskaupstað,
en hún fór upp tuttugu og einn
kassa eða sjö metra.
Kassaklifur er ný jaðaríþrótta-
grein sem hefur verið að þróast
innan björgunarsveitanna og skáta-
hreyfingarinnar síðustu ár en hún á
rætur sínar að rekja til Þýskalands.
Útbreiðsla þessarar nýju íþróttar
er orðin talsverð meðal félags-
manna hreyfinganna og töldu þær
nú orðið tímabært að kynna hana
fyrir landsmönnum. Íþróttin snýst
um það að klifra upp á turn af öl-
kössum, sem raðað er upp í beinan
turn og bæta sífellt við hæð turns-
ins, en nýir ölkassar eru hífðir til
keppenda þar sem þeir standa á
turnunum. Keppendur eru festir í
öryggislínu enda aðeins tímaspurs-
mál hvenær jafnvægið gefur sig. Ís-
landsmetið í kassaklifri er þrjátíu
og sex kassar, um 12 metrar og var
Andri ekki langt frá því. Íþróttin
sameinar afl og jafnvægi, sem einn-
ig er undirstaða góðs kletta- og ís-
klifrara, svo hún þykir henta vel
sem undirbúningur fyrir slíka iðju.
Morgunblaðið/Sverrir
Hátt er fallið, en sem betur fer
njóta keppendur öryggislínunnar.
Liprir
klifur-
kettir á
ölkössum
ÞORGERÐUR Katrín Gunnars-
dóttir menntamálaráðherra segir
stefnt að því að afgreiða frum-
varpið um eignarhald fjölmiðla nú
á vorþinginu. „Ég tek undir það
sem utanríkisráðherra hefur sagt,
að það er ekki gott þegar mál eru í
einhverri óvissu. Það á að klára
svona mál og ég held að við höfum
náð mjög góðri lendingu með þeirri
afgreiðslu sem við náðum í morgun
í ríkisstjórninni. Það var mikill ein-
hugur og sátt um þetta frumvarp,“
sagði menntamálaráðherra í sam-
tali við Morgunblaðið í gær.
Hún segir að frumvarpið kunni
að hafa nokkur áhrif á fjölmiðlaum-
hverfið hér á landi. „Meginmálið er
að við megum ekki horfa á skamm-
tímasjónarmið heldur þau sjónar-
mið sem eru okkur svo mikilvæg,
sem eru að varðveita frjálsa og
óháða fjölmiðlun þannig að hér fái
þrifist fjölmiðlar sem gegna því
hlutverki sem við ætlumst til af
þeim, þ.e. að standa undir þeirri
ábyrgð að vera fjórða valdið.
Það sem við erum að gera með
þessu frumvarpi er í fullu samræmi
við það sem gengur og gerist ann-
ars staðar,“ segir Þorgerður.
Hún sagði það rétt sem komið
hefði fram að meginsjónarhornið í
frumvarpinu væri á úthlutun út-
varpsleyfa og þar af leiðandi yrði
óbreytt ástand á markaði prent-
miðlanna. Það byggðist fyrst og
fremst á því, að í dag þyrfti ekki
leyfi til að reka prentmiðla en út-
varpsrekstur væri háður leyfum og
þau væru veitt að ákveðnum skil-
yrðum uppfylltum.
Þorgerður Katrín Gunnarsdóttir
Mikill einhugur og
sátt um frumvarpið