Morgunblaðið - 26.04.2004, Blaðsíða 11

MINNSTAÐUR | VESTURLAND
MORGUNBLAÐIÐ MÁNUDAGUR 26. APRÍL 2004 11
Skeifan 2 - 108 Reykjavík - S. 530 5900
poulsen@poulsen.is - www.poulsen.is
Kerruljós
Kr. 2990,-
TERRANO
Einn stóran
Nýi Terrano jeppinn er einn sá
sprækasti sem Nissan
fjölskyldan hefur alið af sér.
Terrano er ekki aðeins rúmgóður
og kröftugur heldur skipta
smáatriðin líka máli: Hágæða
hljómflutningstæki með tengdri
þjófavörn, þrjú 12 volta
rafmagnsúrtök og ný vörn gegn
útfjólubláum geislum sólarinnar.
Nissan Terrano – stórkostlegur
bíll fyrir stórhuga fólk. Komdu
við hjá Ingvari Helgasyni og
kynntu þér málið nánar.
takk
Sævarhöfða 2 · 525 8000 · ih@ih.is
Verð frá 3.380.000 kr.
F
í
t
o
n
/
S
Í
A
F
I
0
0
9
3
4
6
„ÞAÐ VAR ekkert annað að gera
en að drífa í þessu ef ég ætlaði að
koma diskinum út fyrir sextugt,“
segir Snorri tenórsöngvari, bóndi
og tamningamaður á Syðstu-
Fossum í Andakíl. Hann er vel
þekktur í Borgarfirði og víðar fyr-
ir leik og söng, en hann hefur
sungið með Karlakórnum Söng-
bræðrum um árabil, sungið ein-
söng og einnig hefur hann sungið
víða með Gunnari Erni Gunn-
arssyni dýralækni. Snorri lauk 8.
stigi í söng frá Tónlistarskóla
Borgarfjarðar árið 2000, en kenn-
ari hans var Theodóra Þorsteins-
dóttir. Hann hefur einnig tekið
þátt í nokkrum Master Class nám-
skeiðum t.d hjá Mariu Teresu
Uribe sem haldið hefur nokkur slík
námskeið í Borgarnesi.
Hljómur frá Aðalvík
„Þetta hefði aldrei gengið upp
nema af því að ég hef svo góðan
umboðsmann og framkvæmdar-
stjóra, hann Unnstein son minn,“
segir Snorri. „Auk þess hef ég not-
ið aðstoðar kennarans míns og
fleiri. Síðast en ekki síst er ég með
frábæran meðleikara, Helgu Bryn-
dísi Magnúsdóttur, sem jafnframt
er frænka mín, ættuð úr Aðalvík
eins og ég.“
Nafnið á diskinum, Hljómur frá
Aðalvík, sýnir að þau eru stolt af
upprunanum, en minnir óneit-
anlega einnig á hestnafn. Ekki að
undra því söngvarinn lifir og hrær-
ist í hestamennskunni. Hann hætti
með kýrnar fyrir einu og hálfu ári
og sneri sér alfarið að hrossarækt-
inni.
„Já, ég hef mikla trú á hrossa-
ræktinni á Íslandi,“ segir hann.
„Hrossin eru framtíðin. Og þetta
vissi ég löngu á undan Guðna
Ágústssyni,“ segir Snorri og hlær.
„En það er ekkert grín að þetta
hefur gengið vel hjá mér og mér
gengur vel að selja hrossin. Núna
er ég búinn að selja nánast allt sem
ég á tamið.“
Leikur 16 ára
tamningastrák
Þegar hann er spurður hvort
söngur og hestamennska fari vel
saman svarar hann því til að ekki
sé hægt að ná lengra. „Það er gam-
all draumur að geta unnið við að
syngja og ríða út. Ég réð mig sem
tamningamann hjá Birni Ein-
arssyni frá Neðri-Hrepp og hef
unnið við tamningar frá því í febr-
úar. Svo nú er þessi draumur að
rætast.“
Þeir félagarnir eru með aðstöðu
í hesthúsi á Hvanneyri og húsið er
nánast fullt af kynbótahryssum
sem fyrirhugað er að sýna í vor.
Nóg er að gera en úti var rok og
rigning svo Snorri gaf sér tíma til
að spjalla meðan Björn járnaði.
„Já, ég hef verið leikari í hér-
aðinu í 40 ár og hlutverkið sem ég
leik í dag er sextán ára tamn-
ingastrákur og ég fer létt með
það,“ segir Snorri.
– En hvernig lög eru á diskinum?
„Þetta eru aðallega íslensk söng-
lög, en þar er einnig að finna aríu,
kirkjuleg verk og erlend sönglög.
Titillagið heitir Aðalvík og hefur
ekki heyrst mikið, en er eiginlega
þjóðsöngur Aðalvíkinga frá Horn-
ströndum.“
Í tilefni af útgáfu disksins verða
haldnir tónleikar í Logalandi í
Reykholtsdal á afmælisdegi
Snorra, miðvikudaginn 28. apríl.
Tónleikarnir hefjast kl. 20.30 og
hægt verður að kaupa diskinn í
Logalandi.
Að syngja og ríða út –
það er toppurinn
Hugmyndin um að
gefa út geisladisk kom
upp fyrir einu ári og
nú hefur Snorri
Hjálmarsson á
Syðstu-Fossum í
Andakíl látið draum-
inn rætast. Diskurinn
kemur út í vikunni og
þá verða einnig haldn-
ir útgáfutónleikar. Ás-
dís Haraldsdóttir hitti
hann í hesthúsinu.
Morgunblaðið/Ásdís Haraldsdóttir
Snorri Hjálmarsson í hesthúsinu og heldur í hina fríðu Snæju.
asdish@mbl.is
EINS og mörg hótel á landsbyggð-
inni hefur Hótel Reykholt í Borg-
arfirði átt í fjárhagserfiðleikum að
undanförnu, og
hafa eignir þess
nú verið seldar
fjárfesti úr
Reykjavík, Sverri
Hermannssyni.
Sömu rekstrarað-
ilar munu þó
halda rekstrinum
áfram eins og
verið hefur. Það
eru hjónin Óli Jón Ólason og Stein-
unn Hansdóttir sem rekið hafa hót-
elið sem heilsárshótel frá því í árs-
byrjun 1998. Fyrstu árin leigðu þau
húsnæðið af ríkinu, en réðust síðan í
kaup á eignum Héraðsskólans, þ.e.
heimavist og matsal. Áður var í
Reykholti rekið Edduhótel á sumrin
í byggingum Héraðsskólans sem
þar var rekinn til þess tíma.
Óli Jón og Steinunn fóru þá út í
talsverðar lagfæringar á heimavist-
inni og hafa boðið upp á 63 herbergi
án baðs og 17 með baði auk góðrar
aðstöðu til funda- veislu- og ráð-
stefnuhalds. Nýr eigandi hyggst nú
fara út í margs konar framkvæmdir
við húsnæðið og umhverfið. Fram-
kvæmdir sem uppfylla betur óskir
og væntingar ferðamanna eins og
t.d. að fjölga herbergjum með baði
til muna.
Að sögn Óla Jóns eru vandamál
ferðaþjónustunnar á landsbyggðinni
þau að erfitt er að fá hagstæð lán til
uppbyggingar. Þau lán sem í boði
eru séu allt of stutt og óhagstæð. Án
efa séu mörg hótel til sölu á lands-
byggðinni af þessum sökum. Hann
telur það vissan sigur að fjárfestir
eins og Sverrir Hermannsson skuli
sjá framtíð í að leggja fé í ferðaþjón-
ustuna og mættu aðrir fjárfestar
taka hann sér til fyrirmyndar.
Ferðaþjónustan á mikla framtíð fyr-
ir sér ef hún fær aukið eigið fé inn í
reksturinn og hún fær að sitja við
sama borð og aðrar útflutnings-
greinar.
Óli Jón segist bjartsýnn á rekst-
urinn framundan, enda hafi aldrei
verið meira bókað fyrir sumarið en
nú og þegar farið að panta mikið
fyrir árið 2005. En þó að ferðamönn-
um hafi fjölgað mikið utan háanna-
tímans, þá skilar það sér hægt út á
landsbyggðina og það er dýrt að
vera með opið allt árið þó að það sé
nauðsynlegt fórnarstarf til að sinna
þessari uppbyggingu. Gott samstarf
er á milli Hótel Reykholts og hót-
elanna í Ólafsvík og Stykkishólmi,
sem eru rekin af sömu fjölskyld-
unni. Þá er einnig mikil samvinna
við aðra rekstaraðila í Reykholti,
þ.e. Snorrastofu, Heimskringlu og
Reykholtskirkju og styðji þar hver
við annan, en uppbygging í Reyk-
holti hefur verið mikil á undanförn-
um árum.
Eignir Hótels Reykholts seldar
Sömu rekstraraðilar halda rekstri hótelsins áfram
Óli Jón Ólason