Morgunblaðið - 23.06.2004, Síða 19

DAGLEGT LÍF
MORGUNBLAÐIÐ MIÐVIKUDAGUR 23. JÚNÍ 2004 19
www.fylkir.is
Sumarhús á tilboði!
Laugardaginn 3. júlí eigum við til
nokkur sumarhús á leigu.
Á niðursprengdu verði!
Nánari upplýsingar í síma 456 3745
Stökktu til, því Danmörk kallar á þig!
- til Danmerkur í fríið
Hvalaskoðun
með Moby Dick
Sími: 421 7777 & 800 8777
Farsími 896 5598 - Fax 421 3361
Pósthólf 92, 230 Kefl avík
www.dolphin.is - moby.dick@dolphin.is
Daglega frá
Kefl avíkurhöfn
frá apríl til október.
Sjóstangveiði - Skemmtisiglingar.
10 ára
1994 - 2004
Frábærar, fjörugar og fjölbreyttar
ævintýraferðir fyrir fyrirtæki
jafnt sem vinahópa.
Upplýsingar í síma 562-7700
www.travel-2.is
1 4 4 4
w w w. g u l a l i n a n . i s
Ferðalög og tómstundir
Þ
að er ýmislegt hægt að gera um borð í skemmtibátnum
Húna II. sem gerður er út frá Hafnarfirði og býður upp
á reglubundna hvalaskoðun og sérferðir fyrir hópa, sem
til dæmis vilja reyna fyrir sér í sjóstangaveiði og jafnvel
grilla svo aflann um borð. „Þetta er sjöunda árið, sem ég
er hérna með hvalaskoðun frá Hafnarfirði en ég er búinn að eiga bát-
inn í um 10 ár,“ segir eigandi bátsins, Þorvaldur.
„Við byrjum um miðjan marz og siglum út september en þar fyrir
utan kemur stundum sérpöntuð ferð svona ein og ein. Ég fer alltaf
klukkan 10 á morgnana í hvalaskoðum, en aðrar ferðir eru sérpant-
aðar fyrir alls konar hópa og þá er ýmist farið að skoða hvali, veitt á
sjóstöng eða bara siglt um og notið veitinga um borð. Hvalaskoð-
unartúrinn kostar 3.000 krónur
og þá getur fólk bara hoppað um
borð af bryggjunni hérna við
Norðurkantinn, eða pantað fyr-
irfram, en ég má taka hundrað
manns í hverja ferð.
Hópferðirnar eru svo annars
konar, en á sjóstöngina geta allt
að 17 manns veitt í einu. Þá er
boðið upp á veitingar af ýmsu
tagi, sem veitingastaðurinn A.
Hansen útbýr og svo er vínveit-
ingaleyfi um borð. Þá er einnig
nokkuð um það að við grillum á
dekkinu, stundum aflann og svo
þenjum við nikkuna og tökum
upp gítarinn og tökum gömlu
góðu sjómannalögin. Verðið fer
svo bara eftir því hvað boðið er
upp á hverju sinni.“
– Hvernig er aðsóknin?
„Því miður hefur verið fækkun
á ferðamönnum hérna í Hafn-
arfirði undanfarin þrjú ár. Skýr-
ingin á því er sú að fyrst var upp-
lýsingamiðstöð fyrir ferðamenn
einkavædd og þá fór henni strax að hraka og nú hafa þeir hreinlega
lokað henni og fært starfsemina inn á bæjarskrifstofurnar og þar
með má segja að þessi starfsemi hafi endanlega liðið undir lok. Það
er ekkert gert af bæjaryfirvöldum að fá hinn almenna ferðamenn í
bæinn og mjög erfitt að nálgast upplýsingar um það hvað hér er í
boði. Það vantar alla kynningu.“
– Er nóg af hval að skoða?
„Það er þónokkuð af hval hérna skammt fyrir utan, en hann hefur
þó verið að færa sig lengra til norðurs. Við höfum þegar séð tvo
hnúfubaka í vor og það er fremur óvenjulegt og gæti bent til góðs
sumars, en bezti tíminn er venjulega síðsumars. Ég er þrátt fyrir
þessa iðju mína fylgjandi hvalveiðum og er sannfærður um að hval-
veiðar og hvalaskoðun geti átt samleið, enda séu veiðarnar ekki
stundaðar á þeim svæðum sem við erum að skoða hvalina.“
Fræga fólkið hefur skroppið á sjóinn með Þorvaldi. Meðal þeirra
má nefna söngvarann Robbie Williams og leikkonuna Viktoríu Abril.
Einu sinni pantaði olíufursti frá Oman bátinn eingöngu fyrir sig og
eiginkonurnar þrjár og lét fara vel um sig um borð. „Ég sé mest eftir
því að hafa ekki haft reikninginn hærri, því hann leit ekki einu sinni á
hann þegar hann borgaði,“ segir Þorvaldur, en segir um leið að hann
okri ekki á neinum, verðið sé sanngjarnt.
 SIGLINGAR |Eikarbáturinn Húni II í Hafnarfirði býður upp á hvalaskoðun og sérferðir
Sjóstöng, hvalir og
sjómannalögin
Morgunblaðið/Hjörtur
Á sjóstöng með Húna: Auk hvalaskoðunar er boðið upp á sjóstöng og
skemmtisiglingar og þá mögulegt að grilla aflann um borð.
Morgunblaðið/Ómar
Hnúfubakur: Ein þeirra hvala-
tegunda sem fara í sumarfrí við
Íslandsstrendur en eyða vetr-
inum í Suðurhöfum. Þessi sást
lyfta sér í Faxaflóanum.
hjgi@mbl.is
Nánari upplýsingar um Húna og
ferðapantanir: sími: 854 1388 eða 894 1388
veffang: www.islandia.is/huni
netfang: hunill@simnet.is
HÚNI II er merkilegur bátur, stærsti íslenzki
trébáturinn sem er til. Björn heitinn á Löngu-
mýri lét smíða hann hjá Skipasmíðastöð KEA,
en þar voru menn þekktir fyrir vönduð vinnu-
brögð. Hann er smíðaður ’63 og verður því 41
árs í sumar. Báturinn er búinn að vera á nánast
öllum veiðum nema snurvoð, en hann byrjaði á
síld. Hann var gerður út frá Hornafirði í 20 ár
og var þar á alls konar fiskiskap og var notaður
til að sigla með ísfisk til Bretlands á veturna.
„Báturinn var vægast sagt í slæmu standi,
þegar ég keypti hann,“ segir Þorvaldur. „Það
var búið að rífa úr honum allt sem hægt var að
nýta, meðal annars vélina og kjalsogið var fullt
af olíu, glussa og drullu. Ég vissi alltaf að bát-
urinn var vel byggður og ég hef ekkert þurft að
láta gera neitt við skrokkinn, bara setja niður
nýja vél og tæki. Þetta hefur auðvitað kostað
óhemju pening, en ég segi það oft að ég hafi
keypt bátinn á 10 krónur fyrir 20 milljónum
síðan.
Ég leiddist inn í hvalaskoðun og sjóstöng til
að fjármagna þetta dæmi en draumurinn er
fyrst og fremst að þessi bátur verði varðveittur
einhvers staðar og það þurfi ekki að vera
standa í svona samkeppni til að halda honum
gangandi. Það mætti þá nota hann fyrir skóla-
krakka á hátíðis- eða tyllidögum.
Það er annars merkilegt að þegar talað er
um sjóminjasöfn, er eins og bátar eigi ekkert
heima þar. Það er safnað saman alls konar
verkfærum og dóti en það er eins og það
gleymist að það þarf báta til að sækja fiskinn.
Húni er einstakur bátur og á í raun hvergi
heima nema á safni. Staðan nú er þannig að ég
er búinn að auglýsa hann til sölu erlendis,
vegna þess hve dýrt er að viðhalda bátnum.
Það yrði slæmt að missa svona sögufrægan bát
úr landi, en hann bar á sínum tíma 32.000 tonn
af fiski að landi,“ segir Þorvaldur.
Morgunblaðið/Hjörtur
Eigandi Húna II: Telur mikilvægt að báturinn
verði varðveittur og hann eigi í raun heima á
eins konar sjóminjasafni.
Á heima á
sjóminjasafni