NT - 25.04.1984, Blaðsíða 14

NT - 25.04.1984, Blaðsíða 14
Miðvikudagur 25. apríi 1984 14 Fermingarnar kosta tæpan fjórðung fjárlagagatsins - næstum öll þjóðin fer í fermingarveislur sem kosta að meðaltali 90 þúsund með öllu „Ég gæti trúað að á landinu öllu fermdust rétt innan við 4.500 börn á þessu ári. Þá tek ég mið aff því hvað mörg börn ffæddust á árinu 1970, en þau fermast næstum öll, sennilega um eða yffir 99%", sagði séra Bemharður Guðmundsson, blaðafulltrúi þjóðkirkjunnar, í samtali við NT. Á fimmta þúsund fermingar kalla á jafnmargar fermingarveislur með gjöffum og Öðru tilstandi. I þessari grein verður leitast við að svara þeirri spurningu hvað þetta allt saman kostar - finna eitthvert meðaltal. Blaðið ræddi við fjölda fólks, grunnskólakennara, presta, fermingarbörn, kaupmenn, móður sem nýlega hélt ffermingarveislu og ffleiri. Af samtölunum má ráða að mjög misjafnt er hverju til er kostað, enda misjaffnt hvað fólk hefur mikil ffjárráð. Byrjum á gjöfunum: „Einn hafi fengið íbúð" „Ég get alls ekki giskað á neitt meðaltal í þessu sam- bandi", sagði grunnskólakenn- ari, sem umgengst börn á fermingaraldri daglega. „Því er þó ekki að neita að menn velta þessu nokkuð fyrir sér og ræða ýmis dæmi, sérstaklega þau öfgafullu. Á kennarastof- unni hjá okkur hefur gengið sú saga að einn hafi fengið íbúð, en hvort það er satt treysti ég mér ekki til að full- yrða. Hitt veit ég fyrir víst að utanlandsferðir, hestar og reiðtygi, góð hljómflutnings- tæki og heimilistölvur eru fermingargjafir sem eru nokkuð algengar hjá krökkum af efnafólki. Um hitt, sem sennilega er vcnjulegast, er minna talað," sagði kennarinn. „Ég gæti trúað að meðal- verðmæti fermingargjafa væri á milli 50 og 60 þúsund krónur," sagði sóknarprestur í Reykjavík. „Ofan á það bætist veisla, sem líka kostar sitt," bætti hann við. Hann sagði að auðvitað yrði það að játast að frá sjónarhóli kristindómsins væri oft á tíðum alltof mikið tilstand í kringum staðfestingu skírnarinnar. Hann sjálfur hefði til dæmis oft orðið var við að börn væru að metast um fermingargjafirnar - þau yfir- byðu hvort annað í metingnum og það skapaði leiðindaríg í einstöku tilfellum. En sóknar- presturinn var sammála kenn- aranum um það að mest heyrð- ist um stærstu gjafirnar. „Það þykir ekki mikil ástæða til að ræða það venjulega, sagði presturinn. „15 til 35 þúsund í peningum" Grunnskólakennari, sem jafnframt er móðir barns sem nýlega var fermt, sagði að það væri alls ekki tiltökumál þótt fermingarbarn fengi 35 þúsund krónur í peningum auk alls annars. „Þau fá oftast peninga 15 til 35 púsund krónur, nokkr- ar stórar gjafir, til dæmis hús- gögn í herbergi sín, utan- landsferðir og jafnvel hljóm- tæki eða heimilistölvu. Að auki fá þau marga smærri hluti, svo sem skartgripi, úr og fleira. Ef ég á að giska á meðalverð- mæti fer ég ekki undir 70 til 80 þúsund," sagði hún. Séra Bernharður sagðist sannfærður um að fermingar- gjafir nú væru miklu hóflegri en þær voru fyrirörfáum árum. „Þaðgerirtíðarandinn. Börnin kæra sig hvorki um miklar veislur né óhófiegar gjafir. Ég get til dæmis sagt þér að hnakk- ur og reiðtygi eru ekki óal- gengar fermingargjafir frá for- eldrum. Sömu hlutir voru oft gefnir upp úr aldamótum og þótti ekki sérstaklega mikið. „Auglýsendur koma inn ranghugmyndum" Það er hins vegar athygl- isvert hvað auglýsendur reyna að koma inn ranghugmyndum hjá fólki. Ég man til dæmis ekki betur en að um daginn hefði ég séð hjónarúm auglýst í einu dagblaðanna sem „ferm- ingagjöfina í ár". Ég spurði nú bara sjálfan mig hvað krakkar á fermingaraldri hefðu við hjónarúm að gera. Ekki veit ég það. Svo eru þeir að auglýsa myndbandstæki, heimilistölv- ur, hljómtæki og aðra rándýra hluti sem aðeins örlítið brot af fólkinu í landinu hefur efni á að gefa," sagði séra Bernharð- ur. Strákur sem fermdur var nýlega sagðist í samtali við NT hafa fengið í fermingargjöf 27 þúsund krónur í peningum, tölvu á 7.500 krónur auk ým- issa fylgihluta, sennilega á 2 til 3000 krónur. Þá sagðist hann hafa fengið bakpoka, svefn- poka, bækur og góðan penna auk ýmissa smærri hluta. „Ætli allt saman að peningunum meðtöldum kosti ekki um eða yfir 50 þúsund," sagði hann og taldi það álíka og flestir í kringum hann fengju. Að framansögðu má vera ljóst að meðalverðmæti ferm- ingargjafa er á bilinu frá 50 til 80 þúsund krónur. Segjum 65 þúsund. En hvað kosta svo veislurnar? „Slapp billega með 12 tU 14 þúsund" „Ég tel mig hafa sloppið billega með 12 til 14 þúsund krónur. Ég hélt 80 manna veislu og bauð upp á fínt smurt brauð, kaffi og gosdrykki. Ég er sannfærð um að margir kosta miklu meira til," sagði móðir sem nýlega hélt ferming- arveislu, við blaðið. Hún sagð- ist hafa ákveðið að bjóða öllum nánum ættingjum og vinum, börnum og fullorðnum, og þess vegna hefði hennar veisla verið nokkru fjölmennari en venjulegast væri. Hins vegar sagði hún það aigengt að á boðstólum væri aðkeyptur matur tilbúinn matur, og þótt veislur væru fámennari en hennar var, væru þær oftast dýrari. „Það er algengast að fólk panti mat fyrir 35 til 60 manns," sagði Örn Arnarson, sem rekur Veislueldhúsið í Hafnarfirði. „Og ég hef haft miklu meira en nóg að gera - hætti raunar að taka á móti pöntunum fyrir nokkru því að ég gat engan veginn annað eftirspurninni." Örn sagði að fyrirtæki sem seldu mat í fermingarveislur væru flest með kalt borð. Verðið sagði hann nokkuð misjafnt, en algengt væri að maturinn kostaði 350 til 500 krónur fyrir manninn. „Ég held að mér sé óhætt að segja að 50 manna veisla, sem ekki er fjarri meðallagi, kosti frá þessum fyrirtækjum á bilinu 17 til 25 þúsund. Þá á fólk eftir að kaupa kaffi, gosdrykki og jafn- vel einhverja eftirrétti þannig að með aðkeyptum tilbúnum mat kostar meðalfermingar- veisla ekki minna en 22 til 24 þúsund krónur. Og ég held, þótt það kannski hljómi undar- lega, að heimatilbúinn matur kosti mjög litlu minna en matur frá okkur. Við til dæmis fáum hráefni nokkfu ódýrara en venjuleg heimili," sagði hann. „Marga daga að baka og baka" Húsmóðir sem hélt dóttur sinni kökuveislu á fermingar- daginn sagðist hafa tekið á móti milli 50 og 60 manns og kostnaðurinn hefði vart farið yfir 12 þúsund krónur. „Þetta var hins vegar gífurleg vinna - Hér taka bömin ásamt foreldrum sínum á móti líkama Krists. Prestamir eru séra Lárus Halldórsson og séra Hreinn Hjartarson. NT mynd Ámi Sæberg

x

NT

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: NT
https://timarit.is/publication/305

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.