NT - 25.04.1984, Blaðsíða 3

NT - 25.04.1984, Blaðsíða 3
w Miðvikudagur 25. apríl 1984 3 "V.™ Þyrlukaup gæslunnar á Alþingi Þingmaður biður um nýja menn í þyrlukaupanefnd! „Hafa ekkert vit á málinu", segir Garðar Sigurðsson ¦ Garðar Sigurðsson alþing- ismaður vill að þyrlukaup Land- helgisgæslunnar verði tekin úr höndum nefndarinnar sern dómsmálaráðherra fól á sínum, tíma að fjalla um málið. Af" hverju? Jú, vegna, þess að hann segir að nefndarmenn hafi ekk- ert vit á því sem þeir eigi að fjalla um. Þetta kom fram í umræðum um fyrirhuguð kaup á Landhelgisgæsluþyrlu í Sam- einuðu Alþingi í gær. Sérstak- lega fannst Garðari slæmt að Þórður Yngvi Guðmundsson deildastjóri í Stjórnarráðinu, skyldi vera formaður nefndar- innar, því hann hefði sannarlega ekkert vit á flugi. Garðar sagði að jafnvel hjá starfsmönnum Landhelgisgæslunnar hefði kom ið fram mikil vanþekking á málinu og vitnaði í því sam- bandi til blaðagreinar eftir einn þeirra sem ekki hefði verið heil brú í. Bað Garðar Jón Helgason dómsmálaráðherra þess lengstra orða að fela verkið mönnum sem vit hefðu á því. Annars kom það fram hjá Garðari Sigurðssyni að hann vill að keypt verði ein þyrla. Segir tvær þyrlur ónauðsynleg- ar, því Baridaríkjamenn geti vel haldið áfram að bjarga okkur þegar þyrlan er í skoðun eða úr leik, alveg eins og við myndum bjarga þeim ef svo bæri undir. ¦ Samúel Örn og Ásta meo dótturína á fæðingardeild Landspítalans skömmu eftir að hún kom í heiminn. -NT-mynd Árni Sæberg NT-barn fæðist ¦ Samúel Örn Erlingsson, íþróttafréttamaður NT, átti annasaman dag annan í páskum, því auk þess að fylgja íþróttaþætti nýja blaðsins úr hlaði eignaðist hann og sam- býliskona hans, Ásta B. Gunn- laugsdóttir litla stúlku. Þrátt fyrir ungan aldur hefur sú litla reynt ýmislegt, m.a. leikiö þrjá landsleiki kvenna að vísu í móðurkviði en móðir- in er ein fremsta knattspyrnu- kona landsins. Og nýju stelpunni kippir greinilega í kynið því hún valdi að koma í heiminn með fæturna á undan. Þrátt fyrir það gekk fæðingin vel, klukkan 15.30 heilsaði stúlkan upp á foreldra sína, á fæðingar- deild Landspítalans. Hún var 14 merkur og 50 sentimetrar. NT óskar þeim Ástu og Samúel Erni til hamingju með dótturina. -NT-mynd Ami Sæberg Egilsstaðir: Fangageymslurn- arvorurifnar - „Gæti skapað alvarlegt ástand í sumar", segir lögregluvarðstjórinn ¦ Fangagey mslujaust er nú á Egilsstöðum, þar sem fangageymslan þar var rifin rétt fyrir páskana og enn hefur ekki verið hafist handa við að innrétta bráðabirgðafanga- geymslu í kjallara lögreglustöðvarinnar. Útlit er jafnvel fyrir að lögreglan á Egils- stöðum þurfi að notast við fangageymslur í nágrannakauptúnum og kaupstöðum í sum- ar en slíkir flutningar eru bæði tímafrekir og kostnaðarsamir. „Það gæti skapast alvarlegt ástand hér í sumar" sagði Björn Halldórsson lögreglu- varðstjóri á Egilsstöðum í samtali við NT í gær. „Hér eru haldnir fjölmennustu dans- leikir á Austfjörðum á sumrin og miðað við fyrri reynslu þarf að geyma miili 1/2 og 1% samkomugesta á hverjum dansleik, og sá 'fjöldi getur verið milli 8-10 manns. Og þó það sé ef til vill hægt að leysa málið með öðrum hætti hefur lögreglan ekki alltaf tíma til að ræða við menn og lempa þá til." Lögreglan á Egilsstöðum er nú í leigu- húsnæði í eigu Sýslusjóðs Suður- og Norður- Múlasýslna. Björn sagði að nú lægi fyrir heimild á fjárlögum til að kaupa húsið en ekki væri búið að ganga frá þeim kaupum og fyrr verður ekki komið upp varaniegri fangageymslu á Egilsstöðum. Danskur vísnasöngur ¦ Dönsku listamennirnir Benny Andersen og Poul Dissing munu koma fram á sam- komu sem Norrænu félögin efna til á Gaflinum í Hafnarfirði í kvöld kl. 20.30. Benny Andersen er með ástsælli skáldum Dana og Poul Dissing er kunnur vísnasöngv- ari. SÓLSKINSBÍLLIIMN Sunny þýðir sólríkur og þcss vegna köllum við hjá Ingvari Helgasyni. Nissan Sunny sólskinsbíl- inn. Sólskinsbíllinn á líka ríkulega skilið svo fal- legt nafn. Ekki bara af því að hann er óumdeilan- lega mjög fallegur bíll, heldur líka vegna þess að hann er taeknilega einhver fullkomnasti bíll sem almenningur á völ á að eignast. Sólskinsbíllinn er framhjóladrifinn, 5-gíra með 1500 cc ohc vél sem vakið hefur mikla undrun og aðdáun fyrir snerpu (84 hestöfi) og sparneytni (4,8 1 á hundraðið á 90 kmhraða). Bíllinn er með fullkominni sjálfstæðri gorma- fjöðrun á öllum hjólum og 17,5 cm undir lægsta punkt, sem gerir baeði skíðaferðirnar og sumar- ferðalögin skemmtileg og pottþétt. Láttu þitt eigið ímyndunarafl ráða ferðinni við að velja þér bíl nákvæmlega samkvæmt þínum eigin óskum því að sólskinsbíllinn er til í 14 gerðum. Við tökum allar gerðir eldri bíla upp í nýja. Þú kemst í sólskinsskap þegar þú sérd verðid á sólskinsbílnum. INGVAR HELGASON HF. Sýningarsalurinn/Rauðagerði, sími 33560.

x

NT

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: NT
https://timarit.is/publication/305

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.