NT - 04.07.1984, Blaðsíða 2
ill
Miðvikudagur 4. júlí 1984 2
Brýtur dómarinn lög?
Rekurfasteigna
sölu í hjáverkum
„Það er alveg Ijóst að sýslu-
fulltrúi má ekki stunda mál-
flutningsstörf. Menn greinir
hins vegar á um hvort þeim er
heimilt að stunda fasteignasölu,
en það hefur Gísli gert í hjáverk-
um þau fimm ár sem ég hef
verið hér sýslumaður,“ sagði
Rúnar Guðjónsson, sýslumaður
í Borgarnesi, þegar NT spurði
hann hvort einum fulltrúa hans,
Gísla Kjartanssyni, væri heimilt
að stunda fasteignasölu með-
fram sínu aðalstarfi.
Gísli hefur verið sýslufulltrúi
í Borgarnesi í 13 ár og allan
þann tíma hefur hann stundað
fasteignasölu í hjáverkum. Að
sögn Baldurs Möller, ráðuneyt-
isstjóra í dómsmálaráðuneyt-
inu, hefur ráðuneytinu verið
kunnugt um þessa starfsemi full-
trúans í mörg ár og hefur það
oftar en einu sinni gert við hana
athugasemdir. „Lögin um þetta
eru nú ekki alveg afdráttarlaus,
en okkur finnst þessi störf
ekki fara saman. Við höfum þó
ekki bannað þetta alveg, en við
höfum bannað honurn að aug-
lýsa,“ sagði ráðuneytisstjórinn.
„Þetta er nú alls ekki opinber
fasteignasala. Ég hef verið með
þetta hérna heima hjá mér og fæ
ekki séð að það komi á nokkurn
hátt niður á mínu aðalstarfi,"
sagði Gísli Kjartansson í samtali
við NT. Hann sagðist hætta
störfum hjá sýslumannsembætt-
inu eftir hálfan annan mánuð og
þá ætla að snúa sér að málflutn-
ingi og fasteignasölu af fullum
krafti. Gísli er jafnframt oddviti
Borgarneshrepps.
Rúnar Guðjónsson, sýslu-
maður, sagðist aldrei hafa verið
hrifínn af aukastarti sýslutull-
trúans. „En ég hef ekki viljað
skipta mér af þessu þar sem ég
hef alls ekki orðið var við að
þetta hafi á nokkurn hátt komið
niður á starfi hans við embætt-
ið,“ sagði Rúnar.
í starfi sýslufulltrúa felast
meðal annars nokkuð umfangs-
mikil dómarastörf.
Viðunandi tilboð
hafa ekki komið:
Rollsarnir trúlega
seldir úr landinu
■ Við höfum enn ekki
fengið viðunandi tilboð í
Silver Shadow bílinn og ef
ekkert kemur á næstunni
neyðumst við til að selja
báða Rolls Royce bílana
úr landi,“ sagði Ólafur
Árnason, annar eiganda
íslenskra eðalvagna.
Fyrirtæki þetta flutti ný-
lega inn tvo bíla af Rolls
Royce gerð og var ætlunin
að selja annan þeirra, en
leigja Itinn út með bíl-
stjóra.
Silver Shadow bíllinn er
hvítur á lit, frá árinu
1972, og að sögn Ólafs á
hann að kosta 1,2 milljón
króna. Ólafur sagði að
íslendingar virtust ekki
setja verðið fyrir sig, út-
borgunin væri aðalvanda-
málið. „Við höfum lagt
það mikla peninga í bíl-
ana, að við getum ekki
veitt mikil lán,“ sagði
Ólafur.
Hinn bíllinn er af Phant-
om V gerð, sem er sama
tegund og breska kon-
ungsfjölskyldan notar. Sá
er svartur að lit og árgerð
1961. Varætiuninað leigja
þann bíl út.
Ólafur sagði að þeir
myndu biða eftir hagstæðu
tilboði í „Silfurskuggann"
fram yfir helgi. Fari svo að
bílarnir verði seldir úr
landi enda þeir sennilega í
Bandaríkjunum, eftir-
spurn eftir eðalvögnum af
þessari tegund mun vera
mikil þar í landi.
Slysa-
gildra
Breið-
holtinu:
i
sama daginn
■ Tvö umferöarslys urðu í gær á sömu gatnamótum í Fólk mun hafa verid flutt á slysadeild í báðum tilvikunum
Breiðholtinu. Tveir bflar rákust saman á mótum Álfabakka og °g bflarnir eru ýmist stórskemmdir eða ónýtir eins og sjá má
Stekkjarbakka í hádeginu og um kvöldmatarleytið endurtók meðfylgjandi myndum sem Ijósmyndari NT, Sverrir, tók á
sig sama sagan. slysstað.
„Skyndiviðhald“
■ íþróttamiðstöð Borgar-
ness réðst nýlega í kaup á
nýjum og fullkomnum sól-
lampa. Gamli lampinn sam-
þykkti stjórn stöðvarinnar hins
vegar að verði nýttur sem „við-
haldslampi," eins og orðrétt
segir í fundargerð stjórnarinn-
ar. Jafnframt er tekið fram að
í „viðhaldslampann“ skuli fólk
komast með skömmum fyrir-
vara.
Daufbleikur Dropateljari
veltir því nú fyrir sér hvort tök
væru á að komast í hóp brúnna
og sællegra „skyndiviðhalda" í
Borgarnesi.
Kötturinn fyrst
■ Þennan rakst dropateljari
á í síðasta tölublaði Hlyns riti
samvinnumanna og getur ekki
stillt'sig um að láta hann fljóta
með:
„Heimilislæknirinn var vak-
inn upp um miðja nótt af
manni sem var mjög miður
sín. „Komdustrax læknir,kon-
an mín sefur alltaf með galop-
inn munn og nú hljóp mús ofan
í hana. Ég kem eftir smástund,
reyndu á meðan að veifa ost-
stykki fyrir framan munninn á
henni.“
Þegar læknirinn kom lá hús-
bóndinn á hnjánum fyrir fram-
an gapandi konuna og veifaði
30 punda lúðu í sífellu fyrir
andlitinu á henni.
„Hvert í hoppandi maður,“
sagði læknirinn, „ég sagði ost,
mýs eru gefnar fyrir ost en ekki
lúðu.“
„Ég veit,“ stundi mannkert-
ið, „en ég ætla að reyna að ná
kettinum út fyrst.““
Stefnumót
■ Úr því að við erum farin að
seilast í Hlyn, sakar ckki að
láta einn til viðbótar fljóta
með.
„Kalli köttur virt ist friðlaus,
æddi um götur, yfir engi og
tún, stökk yfir garða, upp og
niður ganga. út um allt. Kona
sem sá til hans, vissi hver
eigandinn var, fór til hans og
sagði: „Kötturinn þinn hleypur
útum allt eins og galinn, er
eitthvað að honum?“
„Ekkert stórkostlegt. Það
var verið að gelda hann og nú
æðir hann út um allt til að
afpanta stefnumót.““
Yfirvöld
á veiðum
■ Ferðalangur sem leið átti
um hinn heldur óyndislega veg
um Tröllatunguheiði, sem vart
er talin fær nema torfærujepp-
um og það oftast við illan leik
rak heldur betur í rogastans
þegar hann fór að sjá þar utan
vegar liina dýrustu glæsivagna
hvern af öðrunt - Volvoa og
BMWa út um alla móa.
Ennþá varð undrun mannsins
nteiri þegar hann tók eftir að
allir báru þessir glæsivagnar
einnkennisstafinn 1, svo sem
X-l.T-1, A-l, D-1 og M-l.
Hjá kunnugum þar um slóð-
ir fékk ferðalangur síðan þá
skýringu á fyrirbæri þessu að
fjöldi sýslunranna hafi tekið
sig saman um leigu á Hróá,
sem rennur þar með Trölla-
tunguheiðinni. Bentu bílarnir
til þess að töluverður hluti af
sýslum landsins hafi verið yfir-
valdslausar nú um síðustu
helgi. Væntanlega hefur löx-
unum í Hróá heldur fækkað
við heimsóknina og afbrotum
á hinn bóginn ekki fjölgað í
heimabyggðum yfirvaldanna
þótt þeir hafi brugðið sér frá
um stund.
Ný skákstigatafla frá FIDE:
Fjórir íslendingar
meðal 100 hæstu
■ íslendingar eiga fjóra af 100
stigahæstu skákmönnum heims.
Þeir eru Jóhann Hjartarson og
Helgi Ólafsson, sem hafa 2520
Elo stig, Margeir Pétursson með
2510 stig og Jón L. Árnason
sem hefur 2505 stig. Þeir eru
allir alþjóðlegir skákmeistarar,
en stórmeistarar íslendinga,
Friðrik Ólafsson og Guðmund-
ur Sigurjónsson komast ekki á
lista yfir 100 bestu. Friðrikhefur
2485 Elo stig og Guðmundur
2480. Þetta kemur fram í nýjum
skákstigalista, sem Alþjóða
skáksambandið, FIDE, hefur
sent frá sér.
íslendingar hafa aldrei áður
átt svo marga menn með yfir
2500 stig, flestir hafa þeir tveir,
íslensku fjórmenningarnir eru
nú orðnir með stigahæstu al-
þjóðameisturum heims og hafa
skotið fjölmörgum stórmeistur-
um aftur fyrir sig.
Næstur íslendinga að stigum
eftir þeim sex sem hér hafa
verið nefndir er Karl Þorsteins-
son með 2415 stig, þá kemur
Ingi R.Jóhannsson með 2410,
þá Ingvar Ásmundsson með
2400.
Stigahæsti skákmaður heims
samkvæmt nýja listanum er
Gary Kasparov sern hefur 2715
stig, næstur honum kemur
heimsmeistarinn Anatoly Karp-
ov með 2705. Þessir tveireru í
sérflokki því þriðji maður,
hollenski stórmeistarinn Jan
Timman hefur „ekki nema“
2650 Elo stig.