NT - 02.08.1984, Blaðsíða 5
Fimmtudagur 2. ágúst 1984
Stúdentar segja
starfsfólki upp
Mötuneyti stúdenta og Skálkaskjól boðið út?
■ í fyrradag barst öllu starfsfólki veit-
ingastaðarins Skálkaskjóls í Gamla garði
og Mötuneytis stúdenta uppsagnarbréf frá
Félagsstofnun stúdenta sem rekur báða
þessa staði „vegna breytinga á rekstrarfyr-
irkomulagi“ eins og segir í bréfinu. Að
sögn Ársæls Harðarsonar framkvæmda-
stjóra eru rekstrarbreytingarnar enn á
umræðustigi en ein þeirra hugmynda sem
uppi eru er að bjóða starfssemi beggja
þessara staða út.
Blaðið hafði samband við Elínu Sigmars-
dóttur formann starfsmannafélags stofnun-
arinnar sem kvaðst ekkert hafa um málið að
segja enda hefði það ekki verið rætt við hana
persónulega. Kristín Gísladóttir fulltrúi
starfsfólks í stjórn Félagsstofnunar sagði að
hér hefði verið um nauðsynlegar aðgerðir að
ræða og ekki væri ágreiningsmál í uppsigl-
ingu vegna þessa. Þá hafði blaðið eftir henni
og framkvæmdastjóra að unnið sé að því að
tryggja fastráðnu starfsfólki áframhaldandi
vinnu en að öðru leyti vildi Kristín ekki tjá
sig um málið. Fastráðnir starfsmenn sem
sagt hefur verið upp eru 7, flestir í hálfu
starfi.
Að sögn Ársæls er frumkvæði að þessum
aðgerðum runnið frá framkvæmdaaðilum
og stjórn Félagsstofnunar en hún er skipuð
þremur fulltrúum stúdenta og tveimur ríkis-
fulltrúum og var eining um uppsagnirnar í
stjórninni. Málið hefur enn ekki verið rætt í
Félagsstofnun stúdcnta
f
L / ——
Stúdentaráði en verður væntanlega tekið
fyrir á fundi ráðsins í dag.
Um breytingarnar sagði Ársæll að ekkert
ákveðið væri hægt að segja enn. Vitað er að
rekstur mötuneytis hefur staðið höllum fæti
síðastliðinn vetur en það er lokað í sumar.
Pá hefur breyting sú sem gerð var á
Skálkaskjóli en það hét áður Stúdentakjall-
arinn farið langt fram úr kostnaðaráætlun.
Aðsókn að staðnum hefur svo ekki verið
sem skyldi þar eð ekki hefur enn fengist
sterkvínsleyfi þangað og þar með er hamlað
sölu hins vinsæla bjórlíkis.
Laxgeng
50 kílómetra
■ Rétt um 50 laxar eru
komnir á land í Laxá í
Refasveit síðan áin opnaði
25. júní síðastliðinn. hó að
áin sé nú orðin laxgeng eina
50 kílómetra, eftir að laxa-
stigar voru gerðir í hana, er
aðeins veitt á tvær stangir.
Landeigendur segja að laxa-
stigarnir hafi gefið mjög góða
raun og nefna til marks um
það að megnið af veiðinni í
sumar hefur fengist fyrir ofan
þá. Undanfarin ár hefur
miklu af seiðum verið sleppt
í Laxá í Refasveit og verður
spennandi að fylgjast með
ræktuninni því að eitthvað
ætti að geta veiðst á öllu
þessu svæði ef laxinn á annað
horð skilar sér.
Tæpir 400
úr Blöndu
Veiðin í Blöndu hefur ver-
ið í tregara lagi það sem af er
í sumar. Alls eru komnir á
land tæpir 400 laxar, sem er
heldur lakara en um mánaða-
mótin júlí/ágúst í fyrra, en
heildarveiðin í fyrra var 800
laxar. Einu sinni náði Blanda
því að verða aflahæsta á
landsins. Þá fengust ríflega
2000 laxar og oft hafa fengist
hátt í 2000 laxar.
Veitt er á fjórar stangir í
Blöndu og eru aðalveiði-
svæðin frá Blönduósi og
nokkuð upp með ánni. 1
sumar hefur aðallega veiðst
á þremur stöðum. Nú eru
leyfðar tilraunastangir upp
með ánni og fram í dal, en
þar hefst veiði ekki fyrir
alvöru fyrr en um miðjan
mánuðinn. Á haustin hefur
oft veiðst vel á þessu svæði
og eru dæmi um að menn
hafi fengið frá 10 og upp í 15
laxa yfir daginn. Tilrauna-
stangirnar kosta aðeins 300
krónur
3 fyrsta daglnn
úr Sæmundará
Sæmundará í Skagafirði
opnaði 20. júní og strax
fyrsta daginn fengust þrír
laxar. Síðan hefur veiðin ver-
ið frekar lítil, heildarveiðin
er um 40 laxar, sem er líkt og
í fyrra. Veitt er á tvær stangir
í Sæmundará.
Ástæðan fyrir því að veið-
in er ekki meiri er talin sú að
landeigendur stunda neta-
veiði í Miklavatni, sem áin
rennur í gegnum. í vatninu
hafa fengist 150 laxar í net.
Talsvert hefur fengist af
bleikju í Sæmundará í
sumar, en hún hefur verið
frekar smá, oftast eitt til tvö
pund. Stærsti laxinn var 17,5
pund.
Mikið af silungi—
aðeins einn lax
Góð silungsveiði hefur
verið í Kolku og Hjaltadalsá
í Skagafirði í sumar. Veitt er
á fjórar stangir á vatnasvæð-
Umsjón:
Skafti Jónsson
inu og hefur silungsveiðin
verið best þar sem árnar tvær
mætast. Aðeins einn lax hef-
ur komið úr ánum, en þær
virðast illa móttækilegarfyrir
laxi, því að búið er að sleppa
óhemju af laxaseiðum í þær
undanfarin ár. Árnar þykja
þó mjög veiðilegar, en talið
er að kuldinn í þeim komi í
veg fyrir að seiðin skili sér.
Góð veiði í Álftá
■ Ágætis veiði hefur verið í
Álftá á Mýrum í sumar. Strax
í upphafi veiðitímans fékkst
nokkuð af laxi og síðan hefur
veiðin verið nokkuð misjöfn,
en þó aldrei dottið niður.
Veitt er á tvær stangir í Álftá
og fyrir fjórum dögum voru
um 140 laxar komnir á land.
Trúlega hefur eitthvað bæst
við síðan.
Sérfargjöld Flugleiða
um verslunarmannahelgina
Viðeyjar-
pakki
Frá Verð
Akureyri 3.260
ísafjörður 3.132
Sauðárkrókur 3.132
D
Innifalið:
Flug báðar leiðir, bátsferð fram og til baka út
í Viðey. Ásamt aðgöngumiða að hátíðinni.
Atlavíkur- Frá
pakki Reykiav,k
Verð
3.864
D
Innifalið:
Flug báðar leiðir, ferðir fram og til baka
frá Egilsstöðum til Atlavíkur. Ásamt að-
göngumiða að hátíðinni
Þjóðhátíð í Vestmannaeyjum,
sérstakt flugfargjald 1.310 kr.
Reykjavík, Vestmannaeyjar — Reykjavík
FLUGLEIÐIR
Öll verð eru án flugvallarskatts.