NT - 09.11.1984, Blaðsíða 28

að spinna í dansi!
- segir Kolbrún Aðalsteinsdóttir dans-
kennari sem þreytti sólóprófið í gær
■ „l»að er svipuð tilfínning að taka flugvél á loft eins og að spinna
í dansi, æðislegt!, í einu orði sagt,“ sagði Kolbrún Aðalsteinsdóttir
danskennari og fímmtugasti nemandinn í ár sem tekur sólópróf í
flugskólanum Flugtaki er blm. NT bað hana að lýsa þeirri tilfínningu
sem fylgdi því að fljúga. „Það er mikill hraði í þessu, eins og dansi
og ég hef ailtaf verið heilluð af hraða. BQI er allt í lagi en flugið er
enn betra,“ bætti hún við sæl á svip.
Kolbrún kvaðst hafa byrjað
að læra flug í haust, hún væri
búin að taka um 12 tíma, og
sagðist aldrei hafa fundið fyrir
neinni hræðslu. Hún sagðist
hafa haft mjög góðan kennara,
sem væri Jón Antonsson, og
hefði það mikið að segja, en
hún væri heldur ekkert bangin
við að fara ein í loftið. „Það er
ævintýrið, að drífa í þessu áður
en maður verður of gamall,“
svaraði hún er spurt var hvers
vegna hún væri að læra flug.
Skoraði hún á allar konur sem
hefðu áhuga á því að læra flug
að slá til, þetta væri ekkert mál
og mjög gott að koma þessu
heim og saman með öðru sem
þyrfti að gera. Sjálf sagðist hún
nota matartímana sína, tvisvar
til þrisvar í viku, til að svífa á
vængjum heiðríkjunnar.
Mikil aðsókn hefur verið í að
læra flug á þessu ári og sagði
Einar Fredriksen hjá Flugtaki
að sannleikurinn væri sá að
aukningin væri um allt land.
Nefndi hann sem dæmi að á
Snæfellsnesi væru 15 manns
komnir með sólópróf og alls
hefðu 50 manns tekið sólópróf
hjá þeim það sem af væri þessu
ári. Allt árið 1983 tóku 40
sólópróf og 22 fóru í einkaflug-
manninn en á þessu ári væru
þeir orðnir 33.
Einar sagði að það hefði verið
fullbókað hjá þeim alla daga
undanfarið, enda birtan einstök
og eins væru margir í næturflugi
á kvöldin. Það væri gaman að
sjá hversu margir fullorðnir
kæmu til þeirra, fólk sem væri
að láta gamlan draum rætast og
væri ekki óalgengt að sjá feðga
saman á ferð að sinna sameigin-
legu áhugamáli.
■ Kolbrún með flugkennaranum sínum, Jóni Antonssyni, áður en hún fór í fyrsta skipti ein í loftið.
NT-raynd: Róbert
Fyrirspurn til heilbrigðis- |
ráðherra vegna fréttar NT
Tveir blaðamenn kærðir, en það tókst!
■ „Mér finnst full ástæða til þess að fylgja þessu máli
eftir,“ sagði Salome Þorkelsdóttir, forseti efri deildar
alþingis, um framkvæmd á símsendingu lyfseðla. Salome
hefur lagt fram, á þingi, fyrirspurn til heilbrigðisráðherra
um reglur sem gildi við símsendingu lyfseðla og hvort
fyrirhugað sé að breyta þeim. „Ég legg þessa fyrirspurn
fram í beinu framhaldi af frétt NT,“ sagði Salome í stuttu
spjalli við blaðamann NT í gær.
Uppbyggingin
heldur áfram
■ NT hefur nú komið út í
sex mánuði. Blaðið hefur
hlotið mjög góðar viðtökur,
og áskrifendum fjölgað
stöðugt. Þannig hefur bak-
hjarl blaðsins verið í stöðug-
um vexti, og aðstandendum
þess fjölgað verulega.
Það er engu að síður
metnaðarmál okkar sem
stöndum að útgáfu NT, að
baksviðið vaxi enn til muna;
fastir áskrifendur blaðsins,
svo og aðrir lesendur og
velunnarar taki virkari þátt
í útgáfunni, og að þeir geti
haft á hana nokkur áhrif.
NT vill ekki láta sér nægja
að tala til lesenda sinna.
Útgáfulýðræði af þeirri
tegund sem við höfum í
huga verður best tryggt með
því að sem flestir eignist
hlut í útgáfunni. Því hefur
stjórn Nútímans hf. ákveðið
að beina því til áskrifcnda
sinna, lesenda og annars
áhugafólks, að það eigi þess
kost að kaupa hlutabréf í
félaginu. Minnsti hlutur er
að verðgildi eitt þúsund
krónur.
Þeir sem hafa áhuga á að
taka þátt í útgáfunni með
þessum hætti ættu að hafa
samband við skrifstofu NT í
síma 68-63-00.
Fyrir nokkru var birt í
helgarblaði NT grein, sem
fjallaði um hvernig blaða-
mönnum helgarblaðsins
tókst að fá afgreidd lyf, með
því að hringja í apótek og
kynna sig sem lækna og
senda þannig lyfseðla.
Blaðamennirnir afhentu
landlækni strax lyfin, en voru
kærðir fyrir meint brot á
almennum hegningarlögum,
aðallega hvað varðar skjala-
fals og fyrir að taka sér
opinbert vald sem þeir ekki
hafa.
Salome sagðist ekki vera
að mæla því bót að blaða-
menn fremdu lögbrot þegar
þeir leituðu sér frétta, en
hins vegar hafi þeir þarna
bent á atriði sem þurfi að
bæta. Salome sagði einnig
að í þessu tilfelli fyndist
henni spurning hvort til-
gangurinn helgaði meðalið.
Hún sagði ennfremur að
það hefði verið skylda Land-
læknis að kæra þennan
verknað en það sé dómstól-
anna að skera úr um það.
Þá kom fram í viðtalinu
við Salome að símsending
lyfseðla er nauðsynleg þjón-
usta við sjúklinga og því
mikilvægt að búa svo um
hnútana að ekki sé hægt að
misnota þessa þjónustu.
■ Salome Þorkelsdóttir, for-
seti efri deildar, flytur fyrir-
spurn vegna fregnar NT um
símsenda lyfseðla.
NT-mynd: Sverrir.
■ Veðbókarvottorði þarf
ekki lengur að framvísa við
umskráningu bíla í Reykja-
vík. Borgarfógetaembættið er
komið í tölvusamband við
Bifreiðaeftirlitið og getur sent
upplýsingar um hvort bifreið-
ar eru veðsettar í Reykjavík.
Óveðsetta R-bíla verður hægt
að umskrá án þess að veðbók-
arvottorð liggi frammi.
■
Kona í flug-
mannssætið
■ Sigríður Einarsdóttir, 26
ára nemandi í vélaverkfræði,
verður fyrsta konan til að
fljúga Flugleiðavél. Hún er
einn 13 umsækjenda um störf
á Fokker-vélum, sem voru
valdir á námskeið í meðferð
þeirra. Þeir taka til starfa með
vorinu á innanlandsleiðum
eftir bókleg og verkleg nám-
skeið.
VR samdi í gær
Lyfjatæknar bíða endurskoðunar launakerfisins
■ Verslunarmannafélag
Reykjavíkur og Vinnuveitenda-
sambandið undirrituðu nýjan
kjarasamning síðdegis í gær. Er
hann samhljóða samningnum
við ASÍ, með tveimur frávikum
þó. í fyrsta lagi fá verslunar-
menn nú 15 mínútna kaffitíma í
upphafi eftirvinnu, en það
höfðu þeir ekki inni í samningi
áður. í öðru lagi er matartími
fluttur frá kl. 20 til kl. 19 eins og
almennt er hjá öðrum verka-
lýðsfélögum.
Að sögn Þórarins V. Þórar-
inssonar hjá VSÍ reyndist það á
misskilningi byggt, að apótekar ■
ar væru reiðubúnir til sérsamn-
inga vegna lyfjatækna, eins og
fram hefur komið og því var
ekki orðið við þeirri ósk VR, að
sérhæft starfsfólk fengi sérstaka
meðhöndlun. Vísuðu vinnuveit-
endur til 3. greinar samningsins,
þar sem segir að á samningstím-
anum eigi að endurmeta gild-
andi launakerfi, og inn í þá
skoðun komi lyfjatæknar, eins
og aðrir hópar.