NT - 14.11.1984, Blaðsíða 5

iil Miðvikudagur 14. nóvember 1984 5 Bridge
Pólverjar Ólympíumeistarar í brid UnnuF impam ge: rakka með 100 un í úrslitaleiknum
- Bandaríkjamenn sigr-
uðu í kvennaflokki
■ Pólverjar urðu Ólympíumeistar
ar í bridge eftir stórsigur á Frökkum
í úrslitaleik mótsins. Sigur Pólverj-
anna var aldrei í hættu: eftir 16 spil
var forusta Pólverjanna 60 impar og
eftir 32 spil munaði 100 impum og
sá munur hélst til loka úrslitaleiks-
ins.
Það er ótrúlegt hve bridge er á
háu stigi í Póllandi. Pólska liðið nú
var að metu skipað kornungum
mönnum sem aldrei hafa tekið þátt
í alþjóðamóti fyrr. Aðeins Kryzys-
ztof Martens og Tomasz Przybora
eru þekkt nöfn. Þeir voru í sigur-
liðinu á Evrópumótinu í Birming-
ham árið 1981 og spiluðu á Heims-
meistaramótinu sama ár. Hinir Ól-
ympíumeistararnir fjórir heita Pi-
otr Gawrys, Hanryk Wolny, Piotr
Tuszynski og Jacek Romanski.
Fyrirliði pólska liðsins var Marian
Frenkiel.
Pólverjar voru mjög^ vel að
þessum sigri komnir. í undankeppn-
inni töpuðu þeir aðeins jjrem
leikjum af 26 og stærsta tapið var
gegn Frökkum, 20-10. í átta liða
úrslitum unnu þeir Pakistan nokkuð
örugglega, en í undanúrslitunum
lentu þeir í vandræðum með Austur-
ríki sem hafði komið mjög á óvart
á mótinu. Þar til á síðustu stundu
leit út fyrir að Austurríkismennirnir
myndu vinna Pólverjana en þegar
Pólverjarnir björguðu sér í síðasta
spilinu var nokkuð sýnt hvert
stefndi.
Frakkarnir áttu sér ekki viðreisn-
ar von í úrslitaleiknum og satt að
segja var ég undrandi á að þeir
skyldu komast í hann. Þeir unnu að
vísu Indónesíu með miklum mun í
átta liða úrslitum og Danmörk í
undanúrslitunum en spilamennska
Frakkanna var langt frá því að vera
sannfærandi. í franska liðinu spil-
uðu þrír úr sigurliðinu á Ólympíu-
mótinu 1980, þeir Henri Szcarc,
Michel Perron og Paul Chemla.
Auk þeirra spiluðu Henri Mouiel,
Felix Covo og Fifo Paladino.
Frændur okkar Danir fengu
þriðja sætið á mótinu. Þeir komu
nokkuð á óvart, ekki endilega með
því að komast í úrslitakeppnina
heldur með því að vinna Ítalíu í átta
liða urslitunum. Sá sigur hafði þó
eftirmál. Eitt danska parið, Hul-
gaard og Schou spila einskonar
passkerfi, sem og fleiri pör gerðu á
þessu móti. Reglan var yfirleitt sú
að pör sem þurftu að spila gegn
passpörum fengu að hafa varnar-
kerfi sitt á blaði fyrir framan sig.
ítalirnir Garozzo og DeFalco spil-
uðu við Hulgaard og Schou fyrstu
16 spil leiksins og Garozzo fékk
leyfi til að hafa varnarkerfi sitt fyrir
framan sig. Garozzo og DeFalco
áttu síðan að spila við Hulgaard og
og Schou í síðustu 16 spilunum en í
millitíðinni höfðu Danimir mótmælt
þessu háttalagi og mótmælin voru
tekin til greina. Garozzo neitaði þá
að spila og ítalirnir töpuðu leiknum.
Síðar kom í ljós að mótmæli Dan-
anna höfðu verið tekin til greina
vegna misskilnings og Alþjóða bri-
dgesambandið bað ítalana afsökun-
ar eftir leikinn en það breytti ekki
úrslitunum. Garozzo skrifaði síðan
um þetta atvik í mótsblaðið og var
greinilega mjög sár.
Liðið sem mest kom á óvart á
mótinu var tvímælalaust Austurrík-
ismenn. Liðið var skipað ungum
mönnum sem ekkert hafa komið við
sögu á alþjóðlegum bridgemótum
fyrr. Sigurganga þeirra hófst í
undankeppninni þegar þeir unnu
hvern stórsigurinn á fætur öðrum og
komust auðveldlega í úrslitakeppn-
ina. í átta liða úrslitunum spiluðu
þeir við Bandaríkjamenn og flestir
bjuggust við að heimamenn myndu
vinna auðveldan sigur. En það var
öðru nær. Bandaríkjamennirnir
voru að vísu yfir mestallan leikinn
en í lokin tókst Austrríkismönnum
að snúa blaðinu við og vinna með
sex impa mun.
Þessi leikur var erfiður fyrir Aust-
urríkismennina. Einn þeirra, Ber-
ger að nafni, fékk aðsvif meðan á
síðustu lotunni stóð og var fluttur á
sjúkrahús. Það var því talið að
Pólverjarnir ættu ekki í vandræðum
með þá í undanúrslitaleiknum. En
Austurríkismennirnir náðu strax
forystunni og héldu henni til síðasta
spiís, þegar Pólverjunum tókst loks
að komast yfir, í fyrsta og eina skipti
í leiknum.
Bandaríkjamenn fengu sárabót
þegar kvennalið þeirra vann Ólym-
píutitilinn í kvennaflokki. Banda-
rísku konurnar spiluðu úrslitaleik
við þær bresku og unnu með 10
impa mun. En í raun töpuðu þær
úrslitaleikr.um því aö þær byrjuðu
hann með 23. impa forskoti vegna
þess að þær unnu bresku konurnar
með 46 impum í undankeppninni.
Bandaríska liðið var skipað Bettv
Ann Kennedy, Carol Sanders, Gail
Moss, Jacqui Mitchell, Judi Radin
og Kathie Wei.
Á meðan útrslitakeppni Ólympíu-
mótsins fór fram tókum við ís-
lendingarnir þátt í aukamóti, með
þátttöku 30sveita. Þar voru spilaðar
12 umferðir eftir monradkerfi með
7 spila leikjum. Svona mót eru
talsvert mikið happdrætti og það er
eiginlega hending hvar lið lenda því
ekki þarf nema eitt slæmt spil í leik
og hann er tapaður. Spilamennskan
hjá okkur var upp og ofan en við
náðum 9. sætinu í lokin, sama sæti
■og við lentum í í undankeppninni.
Svíarnir unnu þetta mót nokkuð
örugglega.
1 sjálfu sér er lítið um þetta
aukamót að segja en okkur tókst þó
að spila þrjá leiki án þess að gefa út
impa. Fyrsti leikurinn var gegn
Ástralíumönnum, sem við spiluðum
að vísu tvisvar við á þessu móti. Við
töpuðu fyrri leiknum 23-7 en unn-
um þann seinni 25-4 og skoruðum
34 impa og þeir engan. Annar
leikurinn var gegn ekki ómerkara
liði en Brasilíumönnum, sem voru
með sama lið og vann Ólympíumót-
ið árið 1976. Sá leikur vannst 19-11,
eða 12-0 í impum. Þriðji leikurinn
var gegn B-liði Indlands. Sá leikur
vannst 25-3 eða 36-0 í impum. í
öllum þessum leikjum spiluðum við
Björn Eysteinsson og Jón Ásbjörns-
son og Símon Símonarson.
Arangur okar Isendinganna í
undankeppninni var að mínu mati
vel viðunandi. Við lentum í 9. sæti
af 27 þjóðum í B-riðli - ef miðað er
við stigatölu okkar vorum við í 19.
sæti af þeim 54 þjóðum sem spiluðu
í undankeppninni. Við unnum 15
leiki, gerðum þrjú jafntetli ef leikur-
inn við Italíu er talinn með, og
töpuðum 8 leikjum. Það sem helst
háði okkur var hvað við áttum í
miklum erfiðleikum með sterkari
þjóðirnar. Af þeim átta þjóðum
sem enduðu fyrir ofan okkur í
riðlinum unnum við aðeins Svía,
gerðum jafntefli við Ítalíu og Arg-
entínu en töpuðum fyrir hinum
fimm þjóðunum. Af þeim 18 þjóð-
um sem voru fyrir neðan okkur
unnum við 14, gerðum eitt jafntefli
og töpuðum fyrir Þýskalandi, Finn-
landi og Kína.
Pörin þrjú í íslenska liðinu spil-
uðu öll samkvæmt getu en það hefur
oft háð íslenskum liðum að spilarar
hafa ekki náð sínu besta á erlendum
mótum. Fyrirliðinn, Björn The-
ódórsson, líélt þeirri stefnu mótið í
gegn að skipta ieikjunum jafnt á
milli para, sem auðvitað hlýtur að
vera æskilegast við þessar aðstæður.
Lcikreyndari pörin, Jón Ásbjörns-
son og Símon Símonarson og Guð-
laugur R. Jóhannsson og Örn Arn-
þórsson spiluðu þó ívið meira en ég
og Björn Eysteinsson, eða 18 leiki
hvort par miðað við 16 leiki hjá
okkur Birni. Þeir spiluðu líka öllu
meira við sterkari þjóðirnar: Guð-
laugur og Örn spiluðu við 7 af þcim
þjóðum sem enduðu fyrir ofan
okkur, Jón og Símon við sex þeirra
og við Björn við þrjár. Þetta varð til
þess að við Björn fengum lang
hagstæðasta stigahlutfallið af ís-
lensku pörunum á rnótinu eða 18,3
vinningsstig að meðaltali í leik. Jón
og Símon voru með 16,9 vinnings-
stig að meðaltali og Guðlaugur og
örn voru með 15,4 vinningsstig að
meðaltali. í heildina varsveitin með
16,8 vinningsstigaðmeðaltali í leik.
í heild má segja að þetta Ólymp-
íumót hafi heppnast vel þó maöur
hefði það einhvcrn veginn á tilfinn-
ingunni að undirbúningur mótshald-
aranna fyrir það hafi verið lítill. Það
kom mér á óvart hvað Bandaríkja-
mennirnir notfærðu sér litið þá
tækni sem svona mót bjóða upp á,
og rniðað við Ólympíumotiö í Valk-
enburg árið 1980 og hcimsmeistara-
mótið í tvímcnning í Biarritz árið
1982 var þetta mót hreinlega gam-
aldags. En að öðru leyti tókst vel til.
Engar uppákomup uröu vegna
stjórnmálaskoðanna, eins og stund-
um hefur viljað brenna við og allt
fór fram í vinsemd og rólegheitum.
Guðmundur Sv. Hermannssun.
Gullfalleg ítölsk sofasett
Margar gerðir - Leður- og tauáklæði
Ótrúlega lágt verð:
Frá kr. 37.850.- í tauáklæði
og frá kr. 45.500,- í leðuráklæði
HÚSGÖGN OG *
INNRÉTTINGAR co cn nfl
„SUÐURLANDSBRAUT18 V/O V/V