NT - 07.06.1985, Blaðsíða 20

V
Við tökum við ábendingum um fréttir allan sólarhringinn. Greiddar verða 1000 krónur fyrirhverja ábendingu sem leiðir til
fréttar í blaðinu og 10.000 krónur fyrir ábendingu sem leiðir til bitastæðustu fréttar mánaðarins. Fullrar nafnleyndar er gætt
NT, Síðumúla 15, Reykjavík, sími: 686300, auglýsingar 18300
Kvöldsímar: áskrift og dreifing 686300 • ritstjórn 686392 og 687695 • íþróttir 686495
Mikil aukning á
rjúpustofninum
■ Skotveiðimenn geta hlakk-
að til vetrarins, því að sögn
Ævars Petersens fuglafræðings
er rjúpustofninn í vexti, og nær
stofninn hámarki næsta ár -
1986.
Ævar sagði að þessi fjölgun
rjúpu, væri ekki einn af stóru
toppunum, en engu að síður
yrði feikinóg af fuglinum í vetur
þegar skottímabilið hæfist.
I kringum 1976 var síðast
hámark á rjúpustofninum. Par
áður var það í kringum 1966.
Ævar taldi að sú aukning sem
nú ætti sér stað væri einhvers
staðar þar á milli. „Þetta kemst
þó ekkert í líkingu við toppana
1956 og 1926 þegar aldrei virðist
hafa verið meira af rjúpunni."
Krísuvíkurvegur:
Vörubíll valt
■ Vörubíll fór útaf á Krísuvík-
urvegi rétt eftir hádegi í gær.
Bíllinn sem er 10 hjóla Scania er
mikið skemmdur og allt að því
ónýtur. Bíllinn valt í krappri
beygju og er talið að ökumaður
hafi misst vald á bifreiðinni með
fyrrgreindum afleiðingum.
Okumaðurinn var fluttur á
slysadeild, þar sem geymissýra
skvettist í andlitið á honum.
Meiðsli hans voru ekki talin
alvarleg. Bíllinn var réttur við
aftur með ámokstursvél.
Harður árekstur:
Ófrísk kona
á slysadeild
■ Ófrísk kona var flutt á slysa-
deild eftir að hafa lent í hörðum
árekstri á Keflavíkurvegi sunn-
an við álverið í Straumsvík í gær
klukkan 16. Áreksturinn varð
með þeim hætti að konan ætlaði
að taka fram úr bíl en fékk
annan sem kom á móti beint
framan á bílinn. Bílarnir eru
báðir taldir ónýtir og voru fluttir
af slysstað með kranabíl. Ein-
ungis ökumenn voru í bílunum
og sluppu þeir báðir svo til
ómeiddir. Konan sem var flutt
á slysadeild var lítið sem ekkert
meidd.
■ Það var óvenju líflegt í kafflstofunni á Skúlagötu 4 meðan á útsendingu barnaútvarpsins stóð. Hér fylgjast krakkarnir með
líflegri tískusýningu. Síðan fengu allir svaladrykk og súkkulaðikex. NT-myndir: Ámi Bjarna
Líf og fjör á Skúlagötunni:
Barnaútvarp í
beinni útsendingu!
Hlustendur móta sjálfir dagskrána
■ „Útvarp Reykjavík,
klukkan er 5 mínútur gengin
í sex, nú hefst barnaútvarp."
Þannig mæltist þul rásar
eitt í gær og loftið var ansi
rafmagnað á Skúlagötu 4.
Fyrsta beina útsending bama-
útvarpsins var að hefjast.
Fullorðna fólkið, forsvars-
menn barnaútvarpsins var
„dálítið stressað,“ en
krakkarnir sjálfir, þulir þátt-
arins voru hinir rólegustu.
Engu líkara var en þeir hefðu
aldrei gert annað. Allt gekk
vel, engar vandræðalegar
uppákomur urðu. í þessari
beinu útsendingu, enda var
allt vel undirbúið og krakk-
arnir höfðu æft sig vel. Peir
ætluðu að standa sig vel og
það gerðu þeir.
Samhliða þessari útsend-
ingu var mikil hátíð í út-
varpshúsinu. Kaffistofa
starfsmanna var full af
krökkum og þar var boðið
upp á veitingar og skemmti-
atriði. Útvarpsþættinum var
sjónvarpað beint inná kaffi-
stofuna og þar fylgdust tugir
barna með jafnöldrum sínum
inn í talstofunni. Ekki var
annað að sjá en „áhorfend-
ur“ útvarpsþáttarins hafi
skemmt sér hið besta og það
sama má segja um þuli þátt-
arins. NTóskar öllum krökk-
um til hamingju með þennan
útvarpsþátt allra barna. Ætl-
unin er að hlustendur marki
stefnu þáttarins og ráði ein-
hverju um dagskrárgerðina.
Stjórnendur barnaútvarpsins
eru með símatíma daglega á
milli klukkan 5 og 6. Pá er
hægt að hringja og koma
með uppástungur um efni í
þáttinn.
Barnaútvarpið er á dagskrá
klukkan 17.05 á miðvikudög-
um, fimmtudögum og föstu-
dögum. Á sama tíma á laug-
ardögum er helgarútvarp
barnanna, þar verður áhersla
lögð á íþróttir og útivist.
Stjórnandi barnaútvarpsins
er Ragnheiður Gyða Jóns-
dóttir, en Vernharður Linnet
stjórnar helgarútvarpi barn-
Gabriel
HÖGGDEYFAR ______
AmerTsk
úrvalsvara ÆM
Þú velur þá gerö sem hentar VI6 elgum allar gerði r
★ Venjulega ★ Styrkta ★ Extra styrkta ★ Stillanlega ★ Gasfyllta ★ Stýrisdempara
Póstsendum 311
TTT^rrrrh
HÁBERG HF.
______. 1 • . ■_____._• —~

Ævar fer í ársleyfi
■ Ævar Kjartansson, varadagskrárstjóri á útvarpinu
og formaður starfsmannafélags þess, hefur sótt um
launalaust leyfi frá störfum í eitt ár og mun útvarps-
stjóri hafa ákveðið að veita honum það. Leyfi Ævars
mun hefjast einhvern tíma síðar í sumar.
Eins og mönnum er í fersku minni stóð mikill styrr
um Ævar í útvarpsráði fyrir skömmu og lyktaði með
því að meirihluti ráðsins breytti þeirri ákvörðun
dagskrárritstjórnar að Ævar sæi um fréttatengdan
afþreyingarþátt síðdegis á laugardögum. Ævar mun
hafa afráðið að sækja um leyfi í beinu framhaldi af
þessu.
Ekki hefur enn verið ákveðið hvort staða Ævars á
dagskrárdeildinni verður auglýst eða hvort ráðið
verður í hana á annan hátt, en málið verður líklega
rætt á útvarpsráðsfundi sem haldinn er í dag.
Heilbrigðisráðherra:
Tóbaksvarnir
skerðast ekki
þótt einkaaðilar fái tóbakið
■ „Lögin um einkasölu ríkis-
ins á tóbaki og eldspýtum voru
sett á kreppuárunum, við allt
aðrar aðstæður en nú ríkja,“
sagði Albert Guðmundsson
fjármálaráðherra er hann mælti
fyrir stjórnarfrumvarpi um af-
nám á einkarétti ríkisins á sölu
og dreifingu þessara vara á Al-
þingi í gær. Fjármálaráðherra
taldi að ríkið ætti ekki að vasast
í rekstri eins og þessum, sem
einkaaðilar væru mun betur
hæfir til að sjá um.
Steingrímur Sigfússon vísaði
til mótmæla, sem fram hefðu
"komið við frumvarpið frá heil-
brigðisstéttum, m.a. starfs-
mönnum heilbrigðisráðuneytis-
ins og landlæknisembættisins og
krafði heilbrigðisráðherra sér-
staklega svara um afstöðu hans
til frumvarpsins.
Matthías Bjarnason heil-
brigðisráðherra sagði að mót-
mæli heilbrigðisstéttanna hefðu
byggst á frumvarpinu eins og
það lá fyrir í upphafi, þar sem
talið hefði verið að erfiðar gengi
að framfylgja lögum frá í fyrra
um tóbaksvarnir eftir samþykkt
þess. Hann sagði hins vegar að
eftir að ýmsir vankantar hefðu
verið sniðnír af frumvarpinu í
meðförum efri deildar gæti hann
fallist á það enda væri tryggt að
fjármagn til tóbaksvarna myndi
ekki skerðast með samþykkt
þess. Málinu var vísað til þriðju
umræðu í neðri deild og lokaaf-
greiðslan því skammt undan.