NT - 20.06.1985, Qupperneq 8
Fimmtudagur 20. júní 1985 8
Söfnun kvennasamtaka:
MyndböndtilKenýu
til notkunar við fræðslu þar
■ Myndbandanotkun fyrir
konur í Kenýu er tilgangur
söfnunar sem íslensk kvenna-
samtök gangast fyrir þessa dag-
ana.
Hugmyndin er sú aö vegna
ólæsis og skorts á lestrarefni sé
myndbandið ákjósanleg leið
til að miðla fræðslu til kvenna
í þróunarlöndunum. Mun fc
það sem safnast hérlendis
renna til fjölmiðlastofnunar í
Naíróbí í Kenýu sem útbýtir fé
til tækjakaupa og þjálfunar til
notkunar þeirra.
Hér á landi er nú stödd Elín
Bruusgaard, norskur ritliöf
undur, sem er fulltrúi samtak
anna Worldview International
Foundation sem hafa forystu
um þá alþjóðlegu söfnun sem
nú er í gangi.
Á blaðamannafundi á
þriðjudag kynnti Elín mynd-
bandaáformin og sagði hún að
þegar væri búið að útbúa
nokkrar spólur með fræðslu-
efni, m.a. um vatnsöflun.
Sagði hún að einn meginkost-
urinn við þessa aðferð við að
útbreiða þekkingu væri að
konunum væri sjálfum kennt
að nota tækin, og yrðu þau
síðan látin ganga á milli þorpa
og efnið sýnt allsstaöar. Sér-
stakur sólarskermur verður
notaður sem orkugjafi, en
þorpin eru flest rafmagnslaus
að sögn Elínar.
Konur á Akureyri munu
taka upp þriggja mínútna þátt
um trjáplöntun, sagði Elín.
Verður hann notaður til
kennslu í Kenýu og er það
ákveðið sameiningartákn milli
landanna.
Gíróreikningur söfnunar-
innar -er í útibúi Samvinnu
bankans við Suðurlandsbraut
og er númer hans 6-21730. Á
honum liggja um 90 þúsund
krónur en takmark kvennanna
mun vera að safna 250 þús.
ðurnesja, ásamt nýsettum skólameistara
54 nemendur brautskráðir
■ Þann 9. júní síðastliðinn
lauk starfsári Fjölbrauta-
skóla Suðurnesja með braut-
skráningarathöfn í Útskála-
kirkju í Garði. Athöfninni
stýrði nýsettur skólameistari,
Hjálmar Árnason.
Að þessu sinni útskrifuð-
ust 54 nemendur, þar af 23 af
iðn- og tæknibrautum og 18
af stúdentsbrautum.
I lokaávarpi skólameistara
kom fram að skólanefnd FS
hefur eindregið óskað eftir
því við sveitarfélög og ráðu-
neyti að hafist veröi handa
um byggingu nýrrar álmu við
skólann, en þröngur húsa-
kostur hamlar verulega öllu
skólastarfi.
■ Barnabörn Jóns kanna kræsingarnar í veislunni sem haldin var þeim til heiðurs í Víkurröst.
NT-mynd: Tómas Larus
Dalvík:
Sex barnabörn fermd samdægurs
- afinn Jón Jónsson varð áttræður daginn áður
■ Það eru ekki allir sem lifa
þann merkisatburð að vera
viðstaddir fermingu á sex
barnabörnum sínum sama
daginn. Jón Jónsson fyrrum
bóndi og kennari á Dalvík
varð þó þeirrar ánægju aðnjót-
andi. Daginn áður hafði Jón
orðið áttræður - þann 25. maí
síðastliðinn.
Barnabörnin voru fermd í
Dalvíkurkirkju. Vegleg veisla
var haldin fyrir sexmenning-
ana í félagsheimilinu Víkur-
röst.
Félag dráttarbrauta og skipasmiðja:
Viðhald skipastólsins
fari fram innanlands
■ Aðalfundur Félags dráttar-
brauta og skipasmiðja vill, að
tryggt verði að viðgerðir og
viðhald á íslenska fiskiskipa-
stólnum fari sem allra mest
fram hérlendis. I ályktun, sem
gerð var á fundinum, segir, að
ótímabærar siglingar íslenskra
skipa til viðgerðar og breytinga
hjá erlendum skipasmíðastöðv-
um, hafi verið allt of tíðar. Og
iðulega hafi ekki verið kannað
hvort hægt væri að fá verkin
unnin á sambærilegu eða lægra
verði innanlands.
Fundurinn bendir á leiðir til
að leysa vanda innlendra skipa-
smíðastöðva. Þar er gert ráð
fyrir. að nýsmíði fari sem mest
fram innanlands, að skipa-
smíðastöðvunum verði gert
kleift að leita eftir verkefnum
erlendis, að lausaskuldum
skipaiðnaðarfyrirtækja verði
breytt í langtímalán, og að við-
unandi lausn verði fundin í
lánsfjármögnun raðsmíðaskip-
anna svonefndu.
Á fundinum kom fram, að
starfsfólki skipasmíðastöðv-
anna hefur fækkað allnokkuð á
undanförnum misserum, og að
verkefnastaða sumra þeirra væri
afar ótrygg, en viðunandi í
öðrum.
Jósef Þorgeirsson frá Akra-
nesi var kjörinn formaður Fé-
lags dráttarbrauta og skipa-
smiðja á fundinum, en fráfar-
andi formaður, Jón Sveinsson,
gaf ekki kost á sér til endur-
kjörs.
Þrettán f á
fálkaorðuna
■ Forseti íslands hefur í dag
að tillögu orðunefndar sæmt
eftirtalda íslendinga hciðurs-
merki hinnar íslensku fálka-
orðu: Einar Svein Jóhannesson,
skipstjóra, Vestmannaeyjum,
riddarakrossi fyrir störf að sjó-
mennsku og björgunarmálum,
Guömund Vigni Jósefsson,
gjaldheimtustjóra, Reykjavík,
ríddarakrossi fyrir embættis-
störf, Harald Ásgcirsson, fv.
forstjóra Rannsóknastofnunar
byggingariðnaðarins, riddara-
krossi fyrir störf í þágu byggingar-
iðnaöarins, Heiðrúnu Soffíu
Steingrímsdóttir, fv. formann
Sjálfsbjargar á Akureyri, nddara-
krossi fyrir störf að málefnum
fatlaðra, Jóhann Þorvaldsson,
fv. skólastjóra, Siglufirði,
riddarakrossi fyrir störf að félags-
málum og skógrækt, Jón Emil
Guðjónsson, fv. framkvæmda-
stjóra, Reykjavík, riddara-
krossi fyrir störf að fræðslumál-
um, Jónas Pétursson, fv. alþing-
ismann, Fellabæ, N-Múlasýslu,
riddarakrossi fyrir félagsmála-
störf, Kristján Albertsson, rit-
höfund, Revkjavík, stjörnu
stórriddara, Olaf Steinar Vald-
imarsson, ráðuneytisstjóra,
Reykjavík, riddarakossi fyrir
embættisstörf, Svein Björnsson,
forseta íþróttasambands
íslands, riddarakrossi fyrir störf
að íþróttamálum, Valtý Guðjóns-
son, fv. bæjarstjóra, Keflavík,
riddarakrossi fyrir félagsmála-
störf, Þorgerði Ingólfsdóttur,
kórstjóra, Reykjavík, riddara-
krossi fyrir tónlistarstörf.
Þá hefur forseti íslands í dag
sæmt Lenu Verbeek, príorinnu
St. Fransiskureglunnar í Stykkis-
hólmi riddarakrossi fyrir störf að
líknarmálum.
American
Style
■ Nýr skvndibitastaður
var opnaður í Skipholti 70
s.l. iaugardag. Ber hann
nafnið „American Style“
og á honum er boðið upp á
ýmislegt sem ekki hefur
fyrr staðið til boða hér-
lendis. Er þar um að ræða
kjúklingaborgara, mexik-
anska réttinn „raco“ og
glóðarsteikt kjöt á teini
sem nefnist „suhs" og mun
vera upprunnið í Israel.
Auk þess eru til boða átta
tegundir af pítum, óáfeng-
ir suðrænir drykkir,
óvenjulegar tegundir af ís
og hefðbundnir hraðréttir.
Á myndinni eru aðstand-
endur nýja staðarins. Tal-
ið frá vinstri: Einar Ás-
geirsson, eigandi, Jón
Gerald Súllenberger,
matreiðslumaður og
Bjarni Óskarsson, eigandi
og barþjónn.
Nl-mynd: Sverrir ,