NT - 13.08.1985, Blaðsíða 1
UL NEWS SUMMARYINENGLISH SEEP.21
„Lágmarkskurteisi að tala íslensku!"
■ „Það er ákaflega uppbyggj-
andi starf að vera launaður iðju-
leysingi siglandi um heimshöfin.
Best gæti ég trúað að öflugir
vopnasalar standi á bak við
ykkur.“ Þessar og þvílíkar upp-
hrópanir heyrðust á kynningar-
fundi Greenpeace samtakanna á
Hótel Loftleiðum í gærkvöldi.
Hópur íslenskra hrefnuveiði-
manna var á fundinum og vöktu
þeir athygli fyrir stöðug frammí-
köll þegar Grecnpeace menn
sýndu fundargcstum áróðurskvik-
ntynd sem samtökin hafa gert.
„Mér finnst það lág-
markskurteisi að tala íslensku á
fundi sem haldinn er í íslenskum
fundarsal. í það minnsta hefðu
þeir getað haft túlk. eða íslenskan
texta nteð myndinni," sagði
Konráð Eggertsson hrefnuveiði-
maður. Þessir menn eru hingað
komnir til þess að kippa fótunum
undan lífsafkomu okkar, þetta eru
upp til hópa skæruliðar.'"
Um það bil 80 manns voru á
fundinum, þar af um 20 áhafnar-
meðlimjr af Síríusi, 15 hrefnu-
veiðimenn, auk hvalveiðimanna,
fréttamanna, ferðamanna og ann-
arra fundargesta.
Sjá nánar fréttir og myndir frá
heimsókn í Síríus, skip þeirra
Greenpeace manna, á blaðsíðu 2.
NT-mynd Árni Bjarna.
■ Tekst honum að stöðva hvalveiðar íslendinga? Sjá frétt bls.2,
524 farþegar
fórust með
risaþotu í
Japan í gær
Tokyo-Reutcr:
■ Japönsk risaþota fórst í
innanlandsflugi í gær með
524 farþega innanborðs auk
áhafnar. Aldrei áður hafa
jafnmargir farist með einni
flugvél.
Flugvélin var á leiðinni
frá Hanedaflugvelli íTokyo
til Osaka. Meðal farþeg-
anna voru 21 útlendingur
og tólf lítil börn sem for-
eldrar sátu undir.
Skömmu eftir flugtak til-
kynnti flugmaðurinn að vél-
in léti illa að stjórn. Nokkru
síðar skýrði hann frá því að
vélin væri að missa hæð og
bað um leyfi til að snúa við
til Haneda.
En svo virðist sem honum
hafi ekki tekist að snúa
flugvélinni í átt til flugvall-
anna því að klukkan 18:55
að staðartíma (9:55 ísl.
tíma) rúmum hálftíma eftir
að hann tilkynnti fyrst urn
flugerfiðleika bað hann um
staðarákvörðun frá flug-
turni og sagðist ekki vita
hvar hann væri.
Aðeins tveim mínútum
síðar hvarf vélin af ratsjá og
hrapaði logandi til jarðar í
japönsku Olpununt.
Skömmu áður en vélin
hrapaði sagði flugmaðurinn
að hliðarhurð flugvélarinn-
ar væri skemmd og að erfið-
leikarnir við að stýra flug-
vélinni stöfuðu af því.
Flugvélin var af gerðinni
Boeing 747 SR sem getur
tekið allt að 550 farþega.
Ólíklegt er talið að nokkur
hafi lifað af en seint í nótt
hafði björgunarmönnum
enn ekki tekist að komast á
slysstað þar sem flugvélin
hrapaði í hrjóstrugu fjall-
lendi.
(Sjá nánar bls. 13)
Bera brigður á lögmæti
sölu Flugleiðabréfanna
Ölvunar*
akstur
helgar-
innar
■ NT hafði spurnir af
nítján ökumönnum sem
teknir voru fyrir ölvun við
akstur um helgina. Ölv-
unarakstur helgarinnar
var sem hér segir:
Reykjavík ......... . 12
Akureyri...............2
Vestmannaeyjar . . . . 1
Selfoss................2
Keflavík .............1
Húsavík...............1
Kópavogur..............
.........Ekki gefið upp
Samtals.............. 19
■ Siðlaust og löglaust. Þessi
orð hafa heyrst hvað eftir annað
í umræðu um sölu hlutabréfa
ríkisins í Flugleiðum, sem félag-
ið, eins og kunnugt er, keypti
sjálft á föstudaginn.
Ef marka má skoðun fróðra
manna, sem blaðið hefur snúið
sér til, eiga þessi orð við nokkur
rök að styðjast. Til dæmis gekk
nýlega héraðsdómur, sem fól í
sér, að hlutafélagi er með samn-
ingi óheimilt að kaupa meira en
10% af hlutafé í viðkomandi
félagi, jafnvel þótt það geti selt
það sem umfram er innan
þriggja mánaða.
Eins og fram kom í blaðinu á
laugardag, hljóðar ein grein
hlutafélaganna á þessa leið:
„Hlutafélag má aldrei sjálft eiga
meira en 10% af eigin hlutafé.
Eignist félagið meira af hluta-
fénu, skal það hafa selt hluta-
bréf þannig, að lögmætu marki
sé náð innan þriggja mánaða."
Umræddur héraðsdómur,
komst að þeirri niðurstöðu, að
þessi grein ætti aðeins við undir
vissum kringumstæðum, svo
sem við samruna hlutafélaga,
þar sem óhjákvæmilegt er að
röskun á hlut einstakra hlut-
hafa, þar rneð félagsins sjálfs,
eigi sér stað. Hér er ekki um
neitt slíkt að ræða heldur eru
bréfin keypt á opnum markaði.
Dómnum var afrýjað til Hæsta-
réttar, sem ennþá hefur ekki
kveðið upp sinn úrskurð.
Hvað siðleysið varðar; þá
hefur blaðið traustar heimildir
fyrir því, að stjórn Flugleiða
hafði látið reikna tilboð Birkis
Baldvinssonar í bréfin lið fyrir
lið áður en stjórnin gerði sitt
tilboð. Hvaðan upplýsingar um
tilboðið í smáatriðum bárust
hefur ekki fengist upplýst.
„Við vissum ekki annað urn
tilboð Birkis en það sem birtist
í blöðum, sjónvarpi og útvarpi í
síðustu vikuþ sagði Siguröur
Helgason, forstjóri Flugleiða, í
samtali við NT. „Úr fjármála-
ráðuneytinu fengum við engar
upplýsingar," bætti hann við.
Þorsteinn Guðnason, hag-
fræðingur Fjárfestingafélagsins,
sem sá um sölu bréfanna fyrir
hönd ríkisins, hefur gagnrýnt
upplýsingalekann opinberlega.
„Ég hef ekki minnstu hugmynd
um hvaðan Flugleiðamenn
fengu upplýsingar. Þær voru
ekki frá okkur komnar,“ sagði
Þorsteinn.
Þegar Þorsteinn var spurður
hvort allar reglur um útboð
hefðu ekki verið þverbrotnar
við sölu bréfanna, sagði hann
að í raun hefði alls ekki verið
um útboð að ræða. „Okkur var
falið að selja bréfin fyrir visst
lágmarksverð og við höfðum
vissan tíma til að selja þau.
Framkvæmdin var í rauninni
líkari hefðbundnum fasteigna-
viðskiptum en útboði," sagði
Þorsteinn.
Blaðið náði hvorki til Birkis
Baldvinssonar né ríkislögmanns
til að ræða þessi mál í gærkvöldi.