NT - 13.08.1985, Qupperneq 4

•fl ffjr Þriðjudagur 13. ágúst 1985 4
LlL Fréttir
Hundasýning:
Vel vaxnir og góðir gripir
■ Hann er svolítið fýlulegur með munnvikin lafandi, en að sögn
kunnugra eru Labrador Retriever miklir leitar- og vinnuhundar.
Þetta er Labbi Trölli sem háfnaði í þriðja sæti keppninnar.
Sendinefnd frá Kanadíska þjóðþinginu:
Eigið að gera átak í markaðsmálunum
'■ „Viðskiptin milli Kanada og
íslands nema ekki nema þremur
milljónum dollara í ár og stefna
verður að því að auka þau, þau
voru rúmlega tvöfalt meiri fyrir
nokkrum árum,“ sagði Jean-
Robert Gauthier, þingmaður
fyrir Ottawa-Vanier, og aðili í
sendinefnd frá Kanadíska þjóð-
þinginu sem er stödd hérlendis.
Sendinefndin er að endur-
gjalda heimsókn íslenskra
þingmanna frá 1976 og er um
leið að gera ýmsar athuganir
hérlendis með það fyrir augum
að auka samskipti þjóðanna
tveggja.
Gauthier sagði að löndin tvö
ættu margt sameiginlegt og
myndu hagnast á því að auka
samvinnu sína á ýmsum sviðum.
Hann nefndi fjarskiptamál, til-
högun virkjanamála, fram-
leiðslumál og vandamál beggja
þjóðanna að fá aukið fjármagn
inn í landið en halda samt
einkennum sínum og fjárhags-
legu sjálfstæði.
„Eitt stærsta vandamál Kan-
adamanna er súra regnið.
Bandaríkjamenn flytja ekki
bara vöru til okkar, heldur líka
mengun. f>ó ísland eigi ekki
sjálft við þetta vandamál að
stríða þá ættu íslendingar að.
hugsa meira um það,“ sagði
Jean J. Charest, þingmaður fyrir
Sherbrooke og formaður sendi-
nefndarinnar.
Nauðsynlegt taldi Gauthier
að Islendingar næðu að auka
fjölbreytni í atvinnulífi hér. Of
mikið vægi væri tengt sjávarút-
veginum og af því væri töluverð
áhætta.
„íslendingar verða að gera
átak í markaðsmálum í Norður-
Ameríku. Japanar eru nú að slá
í gegn með blöndu fisks og
krabbakjöts og eftirspurnin eftir
henni er gífurleg. Þið verðið að
brydda upp á einhverju sniðugu
Iíka og fá Bandaríkjamenn til
að borða meira af fiski,“ sagði
Gauthier. „Örlítil söluaukning
á Bandaríkjamarkaði gæti skipt
íslendinga gífurlega miklu
máli.“
Hann sagði að vandamál Kan-
adamanna og íslendinga væru í
mörgu lík en helst bæri þó á
milli að hér er mikil verðbólga
en í Kanada mikið atvinnuleysi.
Hann benti þó á að ein af
ástæðunum fyrir litlu atvinnu-
leysi hér væri hve lítill hluti
fólks væri á atvinnumarkaðnum
einungis 49% á móti 64% í
Kanada.
■ Kanadíski þingmannahópurinn sem kom hingað á sunnudag og hefur kynnt sér mörg þjóðmál hélt blaðamannafund á Hótel
Sögu á föstudag. Fyrir enda borðsins sitja Ingvar Gíslason alþingismaður og Jean J. Charest, formaður sendinefndarinnar. Þeim
til hægri situr Jean Robert Gauthier, þingmaður og eini frjálslyndi í hópnum, hinir eru allir íhaldsmenn. Sem kunnugt er unnu
íhaldsmenn stóran sigur í þingkosningunum í Kanada í fyrra. N1,mynd Ami Bjarna
■ Þeir voru ekki urrandi og
geltandi hundarnir í Garðabæn-
un síðastliðinn laugardag. Nei,
þeir voru hinir spökustu, sjálf-
um sér og eigendum sínum til
mikils sóma.
Flestir höguðu þeir sér eins
og sannir heimsmenn og þolin-
móðir sýndu þeir sig gestum og
gangandi. Það var nefnilega
hundasýning í Garðaskóla og
þátttakendurnir voru 54 og af 5
tegundum.
Hundasýning fer þannig fram
að hundarnir eru fyrst flokkaðir
eftir tegundum, kynjum og
aldri. Þá er valinn besti hundur
hverrar tegundar og sigurvegar-
arnir keppa stðan um titilinn
besti hundur sýningarinnar.
Naddur, hundur af írsku Sett-
erkyni, vann keppnina. Eigandi
hans er Julíus Vífill Ingvarsson.
Tíkin Lísa Margrét, af Golden
Retriever kyni, hafnaði í öðru
sæti. Hana á Þórður Þórðar-
son. Labrador Retriever
hundur, sem Labbi Trölli heitir,
hafnaði í þriðja sæti, eigandi
hans_er Sigurður Hreinn Hilm-
arsson. Pug hundurinn Albert
Guðmundsson í eigu Emilíu
Sigursteinsdóttur hafnaði
fjórða sætinu.
Erlendir dómarar dæmdu á
hundasýningunni og lét einn
þeirra þau orð falla að langt
væri síðan hann hafi séð eins
fallegan hund og þann írska
Setter sem vann.
Það er einkum þrennt sem
dómararnir taka tillit til. í fyrsta
lagi er það bygging hundsins,
öðru lagi er skapgerð hans vegin
og mæld og í þriðja lagi er dæmt
um sambandið milli manns og
hunds.
Önnur hundasýning verður í
Garðaskóla laugardaginn 24.
ágúst. Þar verða sýndar tvær
tegundir hunda, íslenski fjár-
hundurinn og Puddle hundar.
■ Hún Lísa Margrét er góðleg
tík, enda hefur hún unnið til
fjölda verðlauna á liðnum árum.
Henni voru veitt sérstök „Cham-
pion“-vcrðlaun á sýningunni í
Garðaskóla.
■ Þetta er hundurinn sem kosinn var besti hundur sýningarínnar.
Hann er af írsku Setter kyni og heitir Naddur.
Húsnæðisstofnun:
Sækja þarf um
greiðslujöfnun
fyrir 1. september
■ Einstaklingar sem feng-
ið hafa fullverðtryggð lán
úr byggingarsjóðum þeim
er heyra undir Húsnæðis-
stofnun ríkisins fyrir 11.
júlí sl. og eru í greiðslu-
erfiðleikum, geta sótt um
greiðslujöfnun samkvæmt
nýjum lögunt þar að lútandi
fram til 1. sept. næstkom-
andi. Greiðslujöfnunin nær
hins vegar sjálfkrafa til
þeirra sem fá sín lán út-
greidd eftir gildistöku lag-
anna þ.e. 11. júlí 1985.
Tilgangur laganna er,
sem kunnugt er, að jafna
greiðslubyrði af fasteigna-
lánum einstaklinga. í
greiðslujöfnun felst að
hækki laun minna en láns-
kjara- eða byggingarvísitala
er hluta endurgreiðslu láns-
ins frestað þar til laun,
hækka á ný umfram viðmið-
unarvísitöluna. Sá hluti
greiðslunnar sem frestað er
er settur inn á sérstakan
jöfnunarreikning og telst
skuld á honum hluti af
höfuðstól lánsins.
Hægt er að sækja um
greiðslujöfnun vegna fyrri
gjalddaga, vegna komandi
gjalddaga og vegna bæði
fyrri og komandi gjalddaga.
Úmsóknareyðublöð á fólk
að , geta fengið hjá Hús-
næðisstofnun ríkisins og á
bæjar- og sveitarstjórnar-
skrifstofum, og skal þeini
skilað til Húsnæðisstofnun-
ar ríkisins fyrir 1. septem-
ber 1985, sem fyrr segir.
Umbætur í
menntamálum
■ Thomas S. Popkewitz
prófessor við School of
Education, University of
Wisconsin - Madison, held-
ur fyrírlestur er nefnist
„Umbætur í menntamál-
urn: siðareglur, hugmynda-
fræði eða orðin tóm?“, á
ensku „Educational
Reform: Ideology, Ritual
or Rhetoric?", í Kennarahá-
skóla íslands, stofu 101, í
dag klukkan fjögur.
Thomas Popkewitz hefur
tekið þátt í rannsóknum á
menntamálum og umfjöllun
um þau víða um lönd. Hann
hefur skrifað mikið um
rannsóknir og breytingar í
menntakerfinu. Hann
stjórnar nú samanburðar-
rannsókn á skólakerfum í
fimm löndum.
Fyrirlesturinn verður
fluttur á ensku og öllum er
heimill aðgangur.