NT - 08.11.1985, Blaðsíða 13

ÍTli Föstudagur 8. nóvember 1985 13
Ll J Fréttir
\ ■ Framtíðarsýn yfir laxeldisstöð íslandslax hf. Það sem þegar er risið af því sem sést á myndinni er seiðastöðin sem
sést lengst til vinstri og byrjaðar eru framkvæmdir á fyrsta laxeldishólfinu sem getur framleitt um 500 tonn á ári. Stöðin
öll sem sést á myndinni gæti því framleitt 5000 tonn á ári þegar hún verður tilbúin.
íslandslax:
Reisa nýja
laxeldisstöð
- mun framleiða 500 tonn af laxi árlega
■ íslandslax hf. er um þessar mund-
ir að hefja byggingu á nýrri laxeldis-
stöð á jörðinni Stað, skammt vestur
af Grindavík. Ætlað er að þegar
stöðin er tilbúin geti hún framleitt allt
að 500 tonnum af laxi á ári, og yrði
hún þá sú langstærsta sinnar tegundar
hér á landi, þess má geta að saman-
lögð framleiðsia laxeldisstöðva á ís-
landi á síðasta ári var eitthvað á
annað hundrað tonn.
„Þessi framleiðsla verður ekki
komin í gagnið fyrr en árið ’87-88“
sagði Þórður H. Ólafsson fram-
kvæmdastjóri íslandslax hf. í samtali
við NT. „Þegar er búið að byggja
2300 fm seiðastöð í landi Staðar, þar
eru nú um 150 þúsund seiði, sem
munu ná gönguseiðastærð um mitt
árið 1986, en þá er einmitt reiknað
með því að eldisstöðin verði tilbúin,
til að taka við þeim.
Annars er hægt að framleiða í
seiðastöðinni allt að 750 þúsund
gönguseiðum á ári, sem þýðir um
2.500 tonn af laxi, og raunar er það
stefna okkar að byggja svo stóra
laxeldisstöð, í áföngum á komandi
árum jafnvel enn stærri.
Þessi eldisstöð sem nú er verið að
reisa er því aðeins fyrsti áfangi að
mun stærri stöð, en hún er jafnframt
tilraun."
Sagði Þórður ennfremur að jörðin
Staður væri að öllu leyti mjög heppi-
leg fyrir fiskeldi, þar væri gnægð af
heitu vatni og ferskt vatn væri til í svo
miklu magni að þar mætti ala 1,5
milljón gönguseiða. Mögulegt er síð-
an að ná fullsöltum sjó upp úr víðum
borholum niður við ströndina.
Að lokum sagði Þórður að stefnan
væri að laxinn sem framleiddur yrði í
eldisstöðinni yrði fluttur út ferskur og
er núverandi útflutningsverðmæti á
lax um 150 milljónir króna.
Fyrirtækið Islandslax er í eigu
norska fyrirtækisins Norlax a/s að
tæplega hálfu, en íslendinga að rúm-
lega hálfu, þar ættu stærstan hlut SÍS,
með 26% og Iceland Seafood Corp.
með 13.5%.
Fasteignamarkadurinn - íbúðabyggingamarkaðurinn:
Veltir hann 17
milljörðum í ár?
■ Veltan í kaupum og sölum íbúða
á fasteignamarkaðinum var um 7
milljarðar króna á síðasta ári sam-
kvæmt útreikningum Fasteignamats-
ins. Varla er rnjög fjarri lagi að þeir
813 þús. rúmmetrar íbúðarhúsnæðis
sem lokið var byggingu á á árinu hafi
kostað um 6 milljarða, þannig að
íbúðamarkaðurinn í heild hafi verið
um 13.000 milljónir króna. Miðaðvið
verðlagshækkanir síðan gæti þarna
verið um 17 milljarða króna
(17.000.000.000 kr.) að ræða í ár, eða
sem svarar þrem fjórðu hlutum af
fjárlögum ríkisins á yfirstandandi ári.
Um 7% allra íbúða á höfuðborgar-
svæðinu eða 3.550 íbúðir voru seldar
á síðasta ári samkvæmt gögnum Fast-
eignamatsins og því til viðbótar 800
íbúðir annarsstaðar á landinu. Aætl-
að söluverð þessara 4.350 eigna var
um 7 milljarðar króna, þar af um
5.390 milljónir á höfuðborgarsvæðinu
einu. Rúmlega þriðjung íbúðanna -
um 1.480 - keyptu þeir sem voru að
kaupa sína fyrstu íbúð, en í hinum
tilfellunum var fólk að skipta um
húsnæði. Fyrstu íbúðirnar voru hins
vegar yfirleitt minni þannig að til
fjármögnunar þeirra kaupa fóru rúm-
lega 26% af heildarupphæðinni, eða
1.840 milljónir króna.
Af þessari upphæð er álitið að um
345 milljónir hafi verið sparifé kaup-
endanna og um 790 milljónir hafi
verið teknar að láni hjá lánastofnun-
um. Um 245 milljónir er fé fengið
með ýmsum öðrum hætti, en fjórð-
ungurinn, um 458 eru yfirtekin lán og
eftirstöðvabréf. Af þeim 5.160 millj.
sem eru í veltunni hjá þeim sem
skipta um húsnæði eru 55%, eða
2.837 millj. útborganir úr fyrri eign-
um. Frá lánastofnunum fékk þessi
hópur miklu minna (t.d. búinn að
nota lífeyrissjóðslánin í mörgum til-
fellum) eða um 590 millj. Eigið fé
þessara 2.870 kaupenda var hins veg-
ar um 175 millj. eða aðeins um 61
þús. krónur að ’ meðaltali hjá
hverjum.
Að mati Fasteignamatsins var láns-
fjárþörfin á markaðinum um 1.900
milljónir króna, þar af um 860 hjá
þeim sem áttu eign fyrir. Þá er miðað
við 75% útborgun eigna eins og
tíðkaðist í fyrra og enn í ár. Með því
að útborgunin færðist almennt niður
í 50% er hins vegar talið að lánsfjár-
þörfin lækkaði um rúman 1 milljarð,
niður í 870 milljónir króna.