Morgunblaðið - 25.07.2004, Page 43

MORGUNBLAÐIÐ SUNNUDAGUR 25. JÚLÍ 2004 43
Volvo S60 árg. '04, ek. 9.500 km.
Leður og ýmis aukabúnaður. Ein-
nig í boði yfirtaka á einkaleigu ca.
60 þús. Boðið upp á 4 mánuði
fría. Öll þjónusta innifalin. Laus
5. ágúst. Sími 856 6958.
Savage MT-2 og Rush Evo
trukkar ásamt vara- og aukahlut-
um. HPI á Íslandi.
Tómstundarhúsið, Nethyl 2,
sími 587 0600,
www.tomstundarhusid.is
Mercury Cougar XR7 árg. '94.
Vínrauður 2ja dyra, 8 cyl. 4,6 L,
ssk., ek. 177 þús mílur. Kraftmikill
bíll í toppstandi. Verð 450 þús.
S. 660 2342.
Grand Cherokee árg. '01. Vél
4.7, sóllúga, leður, rafmagn í öllu,
17" felgur. Ek. 6000 mílur á vél.
Verð 3 millj. Uppl. í s. 899 8922.
Ökukennsla
Ökukennsla, endurhæfing,
akstursmat og vistakstur.
Upplýsingar í símum 892 1422 og
557 6722, Guðbrandur Bogason.
Driver.is
Öku- og bifhjólakennsla, aksturs-
mat. Subaru Legacy, árg. 2004.
Björgvin Þ. Guðnason,
sími 895 3264 www.driver.is
Hjólhýsi
Hobby Prestige 545 Tl. Árg. '90,
Breidd 2,2 m, lengd 7,0 m. For-
tjald, ísskápur, vatnssalerni,
vaskur, miðstöð, sérsvefnher-
bergi, mjög vel viðhaldið. Uppl.
í símum 554 1666 og 898 8103.
Speglar fyrir fellihýsi og
tjaldvagna. Verð kr. 1.650 kr.
GS varahlutir,
Bíldshöfða, sími 567 6744.
Sérhæfum okkur
með varahluti
í jeppa og Subaru
Tangarhöfða 2
S 587 5058, 587 8061
894 8818
Toyota Rav 2000, 06.2003. Sjálf-
skiptur með lúgu. Ek. 21.700 km.
Verð 2.750 þús. kr. Uppl. í síma
899 8922.
Toyota Corolla árg. '96, ekinn
132 þús. km. Listaverð 440 þús.,
380 þús. stgr. Uppl. í símum
865 0691 og 557 6365.
Til sölu Toyota 4Runner, árg.
'90, ek. 230 þús. km. Góður jeppi
í ferðalögin, veiðina eða hrossin.
Verð aðeins 290 þúsund. Upplýs-
ingar hjá bílasölunni
Bílfangi, Malarhöfða 2,
sími 567 2000.
Til sölu Porche 911, Carrera 2,
árg. '93. Ekinn 102 þús. km. Verð
3,9 millj. Einstaklega vel með far-
inn bíll. Uppl. í s. 856 6958.
BLEYTA er versti óvinur útivistar-
manna og skiptir því miklu máli að
halda sér þurrum í gönguferðum í
óbyggðum að mati Jóns Gauta Jóns-
sonar, fjallaleiðsögumanns og höf-
undar nýrrar bókar um ferðalög,
Gengið um óbyggðir, þar sem fjallað
er ítarlega um hvernig á að búa sig til
gönguferða. Segir þar m.a. að til að
varast að blotna vegna rigningar eða
svita þurfi að fara tímanlega í regn-
heldan skjólfatnað, fækka fötum ef
hlýtt er í veðri, setja upp hettu og
setja skálmar vel yfir skó.
Dæmi eru um alvarleg slys og
jafnvel banaslys á undanförnum ára-
tugum sem rekja má til vosbúðar og
ofkælingar. Eitt versta slys sem orð-
ið hefur á fjöllum hérlendis átti sér
stað á hvítasunnu 1970 á Fimm-
vörðuhálsi þegar þrír göngumenn
urðu úti vegna vosbúðar. Í byrjun ní-
unda áratugarins urðu einnig tveir
piltar úti í hlíðum Kerlingar í Eyja-
firði.
Með réttum undirbúningi og bún-
aði má hins vegar minnka mjög
slysahættu á fjöllum og nefnir Jón
Gauti nokkur atriði sem vert er að
hafa í huga við undirbúning göngu-
ferða.
Menn ofmeti ekki eigin getu
„Það er mikilvægt að velja við-
fangsefni eftir getu og vera í hæfi-
legri þjálfun,“ segir Jón Gauti. Hann
áréttar að ekki þurfi allir að vera í
feiknaformi til að fara á fjöll en varar
fólk við því að ofmeta eigin getu.
Til fjalla er gjarnan hvassara og
kaldara en í byggð auk þess sem þar
rignir meira og verður því að velja
fatnað af kostgæfni. „Bómull og
gallabuxur eru ekki rétti fatnaðurinn
fyrir fjallaferðir, heldur er mikilvægt
að velja lagskiptan fatnað, þ.e. tvær
þunnar peysur í stað einnar þykkrar.
Með því getur maður stjórnað hita-
stiginu betur með því að klæða sig í
og úr. Nærfatnaður úr ull eða sam-
bærilegum efnum er bráðnauðsyn-
legur og sömuleiðis skjólgóður og
regnheldur fatnaður yst að ógleymd-
um góðum skófatnaði.“
Ef göngufólk hyggur á skálagist-
ingu er öryggi að varpoka utan um
svefnpoka sem veitt getur vernd ef
óveður skellur á áður en fólk kemst í
skálann.
Mikilvægt að afla sér
upplýsinga um svæðið
Við undirbúning ferðar er mikil-
vægt að afla sér upplýsinga um við-
komandi svæði með því að tala við
staðkunnuga, lesa sér til eða tala við
ferðamenn sem hafa verið á svæðinu.
Fylgjast þarf með veðurlýsingum
fyrir svæðið nokkrum dögum fyrir
brottför og hlusta á veðurspá fyrir
sjálfa ferðadagana og skrifa ferða-
áætlun. Þar þarf að koma fram lengd
ferðar, hvert skal haldið og hvaðan.
Einnig þarf að skrifa niður um hvers
konar ferð er að ræða með hverskon-
ar búnaði til að leitarmenn geti gert
sér grein fyrir yfirferð göngufólks-
ins. Merkja þarf leiðina á kort þar
sem fram kemur skipting dagleiða og
áætlaðir náttstaðir. Einnig þarf að
skrifa hvaða fjarskipti eru með í för;
gervihnattasími, GSM, NMT eða tal-
stöð og þá hvaða kall- og hlustunar-
tíma er um að ræða. „Einnig er mjög
mikilvægt að í ferðaáætlun komi
fram varaferðaáætlun þar sem getið
er viðbragða við óvæntum aðstæðum
s.s. ófærum ám og svo framvegis.“
Ferðaáætlun þarf að skilja eftir í
bænum hjá aðstandendum en líka má
skilja hana eftir hjá Tilkynninga-
þjónustu ferðamanna hjá Slysa-
varnafélaginu Landsbjörgu.
Orkurík næring er hverjum
göngumanni nauðsynleg og segir Jón
Gauti að yfir daginn sé gott að borða
kolvetnaríka fæðu, s.s. brauð, kex,
súkkulaði, rúsínur, og slíkt. Á kvöld-
in sé gott að borða prótín- og fituríkt
fæði. Ekki má gleyma að drekka
nægilega mikinn vökva í ferðum og
vera t.d. með volgt vatn í hitaflösku.
Áttaviti, landakort og GPS-tæki
þurfa þá að vera með í för þótt ekki
sé nauðsynlegt að allir í hverjum
ferðahópi séu búnir þessum tækjum,
svo fremi sem fararstjórar séu með
þau.
Benda má á heimasíður þar sem
sýndir eru búnaðarlistar fyrir göngu-
ferðir, m.a. heimasíðu Íslenskra
fjallaleiðsögumanna www.mounta-
inguide.is og heimasíðu Útivistar,
www.utivist.is.
Ferðir um óbyggðir krefjast undirbúnings og rétts búnaðar
Morgunblaðið/Jónas Erlendsson
Mikilvægt að velja sér
viðfangsefni eftir getu
OFURHUGINN og langhlauparinn
Stefan Schlett var meðal þeirra sem
tók þátt í Laugavegshlaupinu milli
Landmannalauga og Þórsmerkur
um síðustu helgi. Þetta er annað
sumarið sem hann ferðast hingað til
lands til að hlaupa og klífa fjöll, en
hann hefur fengist við íþróttir af
ýmsu tagi í rúmlega 23 ár.
Hann var fyrstur Þjóðverja til að
hafa hlaupið maraþon í öllum heims-
álfunum 7, og sömuleiðis hefur hann
tekið þátt í hæsta maraþoni heims, á
Everest-tind, og því lægsta, í Ísrael.
Hann hefur einnig tekið þátt í hlaupi
þvert yfir heilar heimsálfur, til dæm-
is fimm þúsund kílómetra hlaupi frá
Lissabon til Moskvu á síðasta ári.
Heillast af landi og eyjum
„Ég hef orðið ástfanginn af Ís-
landi á ferðum mínum hingað. Ég
nýt landsins mikið, og þrátt fyrir að
veðrið sé oft ansi ákaft, þá er það
kostur landsins hve hratt veður
breytist. Í ljósi reynslu minnar af
veðrinu veit ég að það er best að láta
það ekki aftra sér um of,“ segir hann
aðspurður um komur sínar til lands-
ins. Hann segir Íslendinga vera ró-
lyndisfólk sem finni lausn á öllum
vanda, og svo sé vatnið svo gott.
Schlett hefur þegar farið á
Hvannadalshnúk og er nú á ferð
norður í land til að klífa Herðubreið
og heimsækja Grímsey og Hrísey,
en meðal áhugamála hans er að
komast í eyjar, og hefur hann þegar
heimsótt yfir 200 eyjar víða um
heim. „Hver eyja hefur sína sér-
stöku sögu, og margar þeirra eru
svo einangraðar og kyrrlátar. Það
má kynna sér eyju á mun styttri
tíma en heilt land, og eyjalífið heillar
mig.“
Helgar líf sitt hlaupi
og íþróttum
Aðspurður um hvenær hann hafi
hafið feril sinn sem íþróttamaður
segist Schlett hafa hafið atvinnu-
mennsku í ýmsum jaðaríþróttum
þegar hann var 17 ára. „Þegar ég
var 29 ára fór ég einnig að hlaupa, og
nú eru hlaup aðalíþrótt mín. Sömu-
leiðis stunda ég fjallaklifur, fall-
hlífastökk, hjólreiðar og kajakróður,
svo eitthvað sé nefnt. Ég þrái til-
breytingu, og stunda til dæmis fjöl-
breytt hlaup, jafnt á hlaupabrautum
og úti í náttúrunni, og mjög fjöl-
breytta vegalengd. Skortur á fjöl-
breytni í hlaupinu er bæði leið-
inlegur fyrir mig og beinlínis
hættulegur fyrir líkamann, þar sem
ég má ekki festast í einni gerð
hlaupa þar sem ég nota aðeins til-
tekna vöðva,“ útskýrir Schlett.
Hlaupin, þar af um 600 maraþon
og önnur langhlaup, og sum hver á
undarlegum stöðum, til dæmis um
borð í skemmtiferðaskipi eða lengst
niðri í námu, hafa ásamt öðrum
íþróttum verið aðalstarf Schlett alla
ævi, en hann segist verja öllu sínu fé
í að framkvæma hugmyndir sínar og
tak þátt í ýmsum keppnum.
„Ég bý enn hjá foreldrum mínum í
Þýskalandi, sunnan við Frankfurt,
og á ekki fjölskyldu sem þarf að
framfleyta. Ég var lengi vel á styrk
til íþróttaafreka, og hann nýttist
mér vel meðan hans naut. Nú lifi ég
á sparifé og sel einnig greinar í ýmis
tímarit um hlaup og aðrar íþróttir.
Ég hef mjög einfaldan lífsstíl meðan
ég ferðast milli landa, dvelst til
dæmis hér á landi í tjaldi og ferðast
með rútum um landið,“ útskýrir
hann.
Nýtur þess að klífa fjöll og hlaupa
maraþon við sérstakar aðstæður
Eyjalífið
heillar
mig
Morgunblaðið/Sverrir
Stefan Schlett við tjaldið sitt á
tjaldstæðinu í Laugardal.
STJÓRN Félags ungra fram-
sóknarmanna í Reykjavík suð-
ur hefur sent frá sér ályktun
þar sem fagnað er byggingu
nýrrar jarðhitavirkjunar á
Hellisheiði sem mun skapa fjöl-
mörg ný störf fyrir Reykvík-
inga og íbúa nágrannasveitar-
félaganna.
„Alfreð Þorsteinsson, borg-
arfulltrúi og stjórnarformaður
Orkuveitunnar, á sérstakan
heiður skilið fyrir að hafa ýtt
þessu framfaramáli úr vör og
hvetjum við hann eindregið að
halda áfram á sömu braut,“
segir í ályktuninni.
Fagna
virkjun á
Hellisheiði