Morgunblaðið - 09.08.2004, Blaðsíða 1

Morgunblaðið/Kristján
Norrænir forsætisráðherrar nyrðra
FORSÆTISRÁÐHERRAR Norðurlandanna funduðu í Sveinbjarnargerði
rétt utan Akureyrar í gærdag. Hér bera þeir Kjell Magne Bondevik, And-
ers Fogh Rasmussen, Halldór Ásgrímsson, sem sat fundinn í veikinda-
forföllum Davíðs Oddssonar, Göran Persson og Matti Vanhanen saman
bækur sínar í upphafi blaðamannafundar.
FORSÆTISRÁÐHERRAR Norð-
urlandanna komu saman til fundar í
Sveinbjarnargerði í Eyjafirði í gær.
Halldór Ásgrímsson, starfandi for-
sætisráðherra, var gestgjafi í veik-
indaforföllum Davíðs Oddssonar.
Á blaðamannafundi í Sveinbjarn-
argerði í gærkvöldi kom m.a. fram að
forsætisráðherrarnir hefðu að frum-
kvæði Íslendinga ákveðið að halda
sérstakan aukafund heilbrigðis- og
félagsmálaráðherra landanna áður
en þeir hittust að nýju í nóvember.
„Við erum allir sammála um að
hér er um að ræða mikið og vaxandi
vandamál í öllum löndunum. Mikill
þrýstingur er á stjórnvöld allra
Norðurlandanna að lækka skatta á
áfengi og við teljum nauðsynlegt að
vinna enn frekar saman að þessum
málum en áður,“ sagði Halldór Ás-
grímsson á blaðamannafundinum.
Ráðherrarnir kváðust allir sam-
mála um að misnotkun áfengis væri
mikið félagslegt vandamál og ekki
mætti líta á áfengi sem hverja aðra
söluvöru.
Á þessu væri hins vegar ekki mik-
ill skilningur innan Evrópusam-
bandsins og sögðust norrænu ráð-
herrarnir ætla að reyna að bæta úr
því.
Ræddu málefni Íraks
Málefni Íraks voru einnig til um-
ræðu á fundinum í Eyjafirði í gær.
Anders Fogh Rasmussen, forsætis-
ráðherra Dana, sem eru með um 500
hermenn í Írak undir stjórn Breta,
sagði það ekkert launungarmál að
Norðurlöndin hefðu ekki verið sam-
mála um hernaðaraðgerðirnar í Írak
en nú væru allir sammála um að al-
þjóðasamfélagið yrði að aðstoða
Íraka við að byggja upp þjóðfélagið á
ný og stíga fyrstu skrefin í átt að lýð-
ræði.
Halda á sérstakan auka-
fund um áfengismál
Norrænir forsætisráðherrar komu saman til reglulegs samráðsfundar í Eyjafirði í gær

Misnotkun/4
STOFNAÐ 1913 214. TBL. 92. ÁRG. MÁNUDAGUR 9. ÁGÚST 2004 PRENTSMIÐJA ÁRVAKURS HF. mbl.is
Svanur í
stúlkuham
Íris Tanja Ívarsdóttir lærir af
hreyfingum flugla | Daglegt líf 13
Fasteignir | Hafnarfjall og undirlendi til sölu  Nýfúnkis í
Grafarholtshverfi Íþróttir | ÍA burstaði KA 5:0 Birgir Leif-
ur og Ólöf María unnu holukeppnina
Fasteignir og Íþróttir í dag
ÞESSI ungi pílagrímur var meðal
þeirra sem í gær hlutu áheyrn Jó-
hannesar Páls páfa í sumarbústað
hans í Castelgandolfo, suður af
Róm, er þar voru beðnar hefð-
bundnar sunnudagsbænir. Páfi,
sem er 84 ára, var hás og veikluleg-
ur, en á laugardaginn heldur hann í
sína 104. utanlandsför, að þessu
sinni til Lourdes í Frakklandi.
Vonast er til að sumarleyfið veiti
páfa næga hvíld til að heilsa hans
leyfi Frakklandsferðina. Læknar
páfa hafa miklar áhyggjur af
heilsufari hans, en sjálfur vill páfi
halda áfram að vera meðal fólks, og
staðfesti í gær að hann myndi halda
til Lourdes. „Ef Guð lofar.“
Reuters
„Ef Guð lofar“
STARFSMENN hjálparsamtaka á
vegum Sameinuðu þjóðanna (SÞ) í
Darfur-héraði í Súdan segjast óttast
að alvarlegir sjúkdómar á borð við
malaríu kunni að breiðast út meðal
hundruða þúsunda íbúa héraðsins
sem dvelja í flóttamannabúðum
vegna átakanna sem geisað hafa í hér-
aðinu undanfarið hálft annað ár. Frá
þessu greinir fréttavefur breska rík-
isútvarpsins, BBC.
Haft er eftir Anne Wood, starfs-
manni SÞ í Genf, að tilfellum malaríu,
niðurgangs og öndunarfærasýkinga
hafi fjölgað. Segir hún ennfremur, að
flóttafólkið segðist ekki þora að snúa
aftur til síns heima af ótta við átökin.
Því yrði fólkið að reiða sig algerlega á
matvælaaðstoð. Auk þess væri fólk-
inu gefið vatn, teppi og plastdúkar, en
miklar rigningar gerðu að verkum að
þessi aðstoð hrykki skammt.
Mikil neyð
Afríkusambandið tilkynnti í gær,
að súdanska stjórnin hefði fallist á að
mæta til samningaviðræðna við tvo
hópa uppreisnarmanna í Darfur.
Yrðu viðræðurnar haldnar í Abuja,
höfuðborg Nígeríu. Hefðu fulltrúar
deiluaðila sæst á að setjast að samn-
ingaborðinu 23. ágúst. Fyrri tilraunir
til að fá deiluaðila til samningavið-
ræðna hafa farið út um þúfur.
Hjördís Guðbjörnsdóttir hjúkrun-
arfræðingur, sem tekið hefur við
stjórn heilsugæslustöðvar í flótta-
mannabúðum í Darfur, kveðst aldrei
fyrr hafa kynnst annarri eins neyð og
nú ríki í Súdan.
Óttast út-
breiðslu sjúk-
dóma í Darfur
Afríkusambandið segir deiluaðila
reiðubúna að mæta til viðræðna
Reuters
Súdanskar konur í flóttamanna-
búðum í Darfur.

Sinnir fátækum/9

Súdanstjórn fái/12
SJÖ munu keppast um hvert pláss í
Lögregluskólanum á skólaárinu sem
hefst í janúar á næsta ári. Alls sóttu
150 manns um í skólanum en ein-
ungis 20 nemendur verða teknir inn,
eða helmingi færri en venjulega.
Ástæða þess hve fáir verða teknir
inn næsta skólaár, að sögn Gunn-
laugs V. Snævarr yfirlögregluþjóns
hjá Lögregluskólanum, er sú að
stéttin er orðin fullmönnuð.
Hann segir að undanfarin ár hafi
um 180 sótt um 40 pláss í skólanum.
„Við styttum námið á tímabili en er-
um nú að vinna að því að lengja það
aftur. Stéttin er orðin nánast full-
mönnuð og nú erum við bara að
halda því við,“ segir Gunnlaugur.
Að hans sögn er ljóst að sam-
keppnin um pláss í skólanum verður
harðari nú en áður. Undanfarin ár
hafi jafnan verið um það bil fjórir
umsækjendur um hvert pláss. Að
loknum inntökuprófum hafi þeim svo
fækkað í tvo. Miðað við fjöldann sem
nú er um hvert pláss, um sjö manns,
megi gera ráð fyrir að eftir inntöku-
prófin standi 4–5 umsækjendur eftir
um hvert pláss í skólanum.
Gunnlaugur segir að það ætti að
vera komið í ljós hverjir fá inngöngu
í skólann snemma í okóber. Grunn-
nám í Lögregluskóla ríkisins tekur
þrjár annir.
Umsækjendur um vist í Lögreglu-
skólanum eru flestir á þrítugsaldri.
Tæpur fjórðungur umsækjenda eru
konur, eða 36 á móti 114 körlum.
Sjö keppa um hvert pláss
Metaðsókn í
Lögregluskólann
 Um ein milljón manna á ver-
gangi.
 Allt að 50 þúsund hafa látið lífið.
 Margfalt fleiri í hættu vegna
hungurs og sjúkdóma.
 Arabískir vígamenn, sagðir njóta
stuðnings stjórnvalda, eru sak-
aðir um þjóðernishreinsanir.
 Súdanir segja uppreisnarmenn
hafa átt upptökin að átökunum.
Átökin í
Darfur