Morgunblaðið - 09.08.2004, Blaðsíða 8

FRÉTTIR
8 MÁNUDAGUR 9. ÁGÚST 2004 MORGUNBLAÐIÐ
Dalvíkingar eiga lík-lega Íslandsmet íþví að fá til sín sem
flesta gesti yfir eina helgi.
Talið er að um 28 þúsund
manns hafi lagt leið sína á
Fiskidaginn mikla á laug-
ardag.
Talning á fjölda gesta á
mannamótum sem þessum
er erfið en ef farið er yfir
bæjarhátíðir, útihátíðir,
fjölmenn íþróttamót og
aðrar samkomur sem fram
fara á landsbyggðinni í
sumar þá má gróflega
áætla að þátttakan jafn-
gildi því að annar hver Ís-
lendingur hafi lagt leið sína
á einhverjar slíkar samkomur.
Umferðin og aðsóknin um landið
hefur stundum verið slík að gár-
ungar hafa farið að efast um þjóð-
skrána!
Svo dæmi séu tekin af nokkrum
fjölmennum samkomum, auk
Fiskidagsins mikla, þá voru um 16
þúsund gestir á Einni með öllu á
Akureyri um verslunarmannahelg-
ina, 10–12 þúsund manns voru á
Unglingalandsmóti UMFÍ á Sauð-
árkróki og litlu færri á Landsmóti
UMFÍ þar fyrr í sumar, 8 þúsund
voru á Þjóðhátíðinni í Eyjum, 5
þúsund á Síldarævintýrinu á Siglu-
firði og annað eins þar á Pæju-
mótinu um helgina, og þannig
mætti áfram telja. Séu aðeins
stærstu samkomur teknar má auð-
veldlega fara yfir 100 þúsund
manns og eru þá ótaldar fjölmarg-
ar bæjarhátíðir á smærri stöðum
um allt. Og þetta er bara lands-
byggðin því fjölmennar samkomur
í Reykjavík eru fljótar að komast
upp í tugþúsundir gesta, s.s.
Listahátíðin, Hinsegin dagar, Fjöl-
skyldu- og húsdýragarðurinn um
verslunarmannahelgi og Menning-
arnóttin.
Til að gefa svolitla mynd af fjöl-
breytileika og útbreiðslu þessara
mannamóta um allt land skulum
við fara léttan hring, réttsælis frá
Reykjavík. Listinn er langt frá því
að vera tæmandi, en við erum t.d.
að tala um Írska daga og Skaga-
mótið (áður Lottómótið) á Akra-
nesi, Sæludaga í Vatnaskógi, Borg-
firðingahátíð og KB-bankamótið í
Borgarnesi, Færeyska daga í
Ólafsvík, Danska daga í Stykkis-
hólmi, Leifshátíð í Dölunum, Sigl-
ingadaga á Ísafirði, Bryggjuhátíð á
Drangsnesi og Galdrahátíð á
Ströndum. Á Norðurlandi má
nefna Grettishátíð í Húnaþingi
vestra, Mat og menningu á
Blönduósi, Kántríhátíð á Skaga-
strönd, Landsmót og Unglinga-
landsmót UMFÍ, Hafnardaga og
Króksmót á Sauðárkróki, Þjóð-
lagahátíð, Síldarævintýrið og
Pæjumótið á Siglufirði, Fiskidag-
inn mikla á Dalvík, Kræklingahátíð
í Hrísey, Eina með öllu, Essó-mót-
ið og Pollamótið á Akureyri, Hand-
verkshátíð í Eyjafirði, Hvalahátíð
og Mærudaga á Húsavík og fyrir
austan eru þetta t.d. Vopnaskak á
Vopnafirði, Ormsteiti á Héraði,
Norskir dagar á Seyðisfirði, Álfa-
borgarséns á Borgarfirði eystri,
Neistaflug á Neskaupstað,
Franskir dagar í Fáskrúðsfirði og
Humarhátíð á Höfn í Hornafirði.
Síðan á Suðurlandi má nefna
Klausturlíf á Kirkjubæjarklaustri,
Bindindismótið í Galtalæk, Þjóðhá-
tíð, Goslokahátíð, Pæjumót og
Shellmót í Vestmannaeyjum, Ið-
andi daga á Flúðum, Hafnardaga í
Þorlákshöfn, Sjóarann síkáta í
Grindavík og Ljósanótt í Reykja-
nesbæ.
Fá kynningu og aukna veltu
En til hvers eru sveitarfélög, fé-
lagasamtök og einstaklingar að
standa í þessu og hver er ávinning-
urinn? Ástæðan er mismunandi en
hin fleygu orð í Biblíunni; et, drekk
og verið glöð, eiga ágætlega við um
langflestar þessar hátíðir. Tilgang-
urinn er að skemmta sér og öðrum
og nýta sumarylinn til útiveru. Júl-
íus Júlíusson, forvígismaður og
framkvæmdastjóri Fiskidagsins,
segir að í upphafi hafi verið ætlunin
að Dalvíkingar kæmu með grillin
sín út á götu og byðu gestum og
gangandi fisk en síðan hafi þetta
þróast í eina allsherjar matar-
veislu.
Júlíus segir öll aðsóknarmet
hafa verið slegin á þjónustustöðum
og söfnum bæjarins og dagurinn
hafi skilað miklum tekjum. En í
huga Júlíusar skiptir mestu að
dagurinn kalli fram samkennd og
samhug Dalvíkinga, sem í sjálf-
boðavinnu leggi sig alla fram. „Við
gerðum þetta til að gera okkur
dagamun, koma saman og borða
fisk,“ segir Júlíus og er ekki í vafa
um að Fiskidagurinn hafi líka kom-
ið Dalvík á ferðamannakortið.
Bergur Elías Ágústsson, bæjar-
stjóri í Vestmannaeyjum, er á
sama máli og Júlíus um að viðburð-
ir sumarsins í Eyjum skili miklu til
samfélagsins í aukinni kynningu og
veltu. Bergur bendir á að Þjóðhá-
tíðin eigi sér 130 ára hefð sem
skapast hafi af sérstöðu Eyjanna.
Þátttaka í stórum mannamótum sé
líka lýsandi dæmi um atorku
íþróttahreyfingarinnnar og þann
sess sem hún skipi í Eyjum. Sam-
komurnar hleypi miklu lífi í starf-
semi bæjarins og setji Eyjar meira
á kortið gagnvart innlendum sem
erlendum ferðamönnum. „Síðan er
þetta gott fyrir sálina og líkamann,
að nota sumarið og náttúruna til að
gleðja mann og annan,“ segir bæj-
arstjórinn í Eyjum og á þar líklega
kollgátuna.
Fréttaskýring | Hátíðir og mannamót á
landsbyggðinni í sumar
Et, drekk og
ver glöð
Þátttakan jafngildir því að annar hver
Íslendingur hafi sótt einhverja hátíð
Fjölmenni á Unglingalandsmóti UMFÍ.
Viðburðaferðamennska
sem hlúa þarf vel að
 Erna Hauksdóttir, fram-
kvæmdastjóri Samtaka ferða-
þjónustunnar, segir að viðburða-
ferðamennska sé sívaxandi um
allt land og hlúa þurfi vel að
henni. Íbúatölur bæjanna marg-
faldist oft á tíðum og gríðarleg
þjónusta fylgi þeim gestum sem
mæti. Erna telur mikilvægt að
bæjarfélögin skipuleggi viðburði
sem ýti undir sérstöðu hvers
svæðis, þannig að allir séu ekki
að apa hver eftir öðrum.
bjb@mbl.is
STARFSMENN Impregilo við
Kárahnjúka eru frá ýmsum lönd-
um. Eins og jafnan þegar unnin er
erfiðisvinna taka menn hraustlega
til matar síns á matartímum. Menn
spjalla um ýmislegt yfir matnum,
en þessa dagana er það vatns-
magnið í Jöklu sem er ofarlega á
dagskrá í hugum manna. Flóðið í
ánni hefur tafið vinnuna og spáð er
enn meira rennsli í þessari viku.
Starfsmenn Impregilo í sumar
hafa verið um 1.100 og nokkur
hundruð starfa hjá öðrum verktök-
um sem vinna á svæðinu.
Morgunblaðið/Sverrir
Í mat við Kárahnjúka