Morgunblaðið - 09.08.2004, Blaðsíða 6

FRÉTTIR
6 MÁNUDAGUR 9. ÁGÚST 2004 MORGUNBLAÐIÐ
MATTI Vanhanen, forsætisráðherra
Finnlands, sagði eftir fundi hans með
Halldóri Ásgrímssyni, starfandi for-
sætisráðherra, að hann skildi vel að
hin sameiginlega fiskveiðistefna ESB
væri vandamál í augum Íslendinga
þegar kæmi að spurningunni um að-
ild að bandalaginu. Vanhanen var í
opinberri heimsókn hér á landi um
helgina.
Góð samskipti Íslands og Finn-
lands, vaxandi verslun og fjárfesting-
ar milli landanna, Evrópu- og alþjóða-
mál, voru þau mál sem helst bar á
góma á fundi Halldórs og Vanhanen.
Finnar sækja ekki um aðild
að NATO að sinni
„Við ræddum einkum tvíhliða sam-
skipti ríkjanna,“ sagði Vanhanen við
blaðamenn eftir fund þeirra Halldórs.
Sagði hann að Halldór hefði spurt sig
út í umræðuna um hugsanlega inn-
göngu Finna í Atlantshafsbandalagið,
NATO, og að hann hefði spurt um
Evrópusambandsumræðu á Íslandi.
Vanhanen lagði áherslu á að sam-
skipti ríkjanna væru góð og engin
vandamál væru milli þeirra. Spurður
um hvort hann teldi líklegt að Finnar
gengju í NATO, sagði Vanhanen að
það stæði ekki til eins og staðan væri í
dag. „Við erum að láta gera nýja
stjórnarskýrslu um finnsk varnar- og
öryggismál en slíka skýrslu látum við
gera á fjögurra ára fresti,“ sagði hann
en bætti við að forseti landsins og rík-
isstjórn hefðu þó ákveðið að sækja
ekki um NATO-aðild að sinni. „Þetta
er þó, eins og verið hefur, möguleiki
sem við höldum opnum,“ bætti
Vanhanen við og sagði að Finnar
myndu halda áfram að þróa nána
samvinnu sína við NATO.
Spurður um norrænt samstarf
sagði Vanhanen að hann teldi það
hafa afar mikilvægu hlutverki að
gegna. „Við einbeitum okkur sem
fyrr að norrænni samvinnu,“ sagði
Vanhanen. Hann ræddi þá stöðu sem
nú ríkir í norrænu samstarfi, en þrjár
Norðurlandaþjóðanna, Finnland, Sví-
þjóð og Danmörk eiga nú aðild að
ESB og þrjár þeirra, Ísland, Noregur
og Danmörk, eru í NATO. Vanhanen
sagði þetta ekki koma í veg fyrir sam-
vinnu á norrænum vettvangi.
Samvinna Norðurlandanna
áfram mikilvæg
Vanhanen sagði að samskipti
Finna við Eystrasaltsríkin hefðu auk-
ist mjög á undanförnum árum og það
að þau væru nú orðin aðildarríki ESB
þýddi að þessi samskipti hefðu vaxið
enn frekar. „Það þýðir þó ekki að við
álítum samband okkar við hin Norð-
urlöndin vera minna mikilvægt nú en
áður,“ sagði Vanhanen.
Þá á sér einnig stað samvinna milli
Norðurlanda og Eystrasaltsríkjanna
að því er Vanhanen benti á og sagði
hann það samstarf mikilvægt fyrir
alla aðila.
Halldór Ásgrímsson, starfandi for-
sætisráðherra, sagði að vaxandi við-
skipti milli þjóðanna ættu sér einkum
stað á sviði fjárfestingar. Þá færi
finnskum ferðamönnum hér á landi
fjölgandi.
Vanahanen benti á að Finnland
væri fremur lítið land, en þrátt fyrir
þetta væru Finnar í sjöunda sæti
hvað varðaði fjölda erlendra ferða-
manna á Íslandi. „Það er því greini-
legt að vel gengur á sumum sviðum,“
sagði hann. Sagðist hann vona að sá
áhugi sem íslenskir bankar hefðu
sýnt Finnlandi myndi leiða til frekari
viðskipta milli þjóðanna.
Þá var Vanhanen spurður hvort
hann teldi nauðsynlegt að Ísland og
Noregur gengju í ESB. Sagði hann að
þjóðirnar yrðu sjálfar að taka ákvörð-
un um slíkt. „Ég skil vel að hin sam-
eiginlega fiskveiðistefna ESB sé
vandamál,“ sagði Vanhanen og vísaði
til hugsanlegrar inngöngu Íslands í
ESB.
Þetta er fyrsta opinbera heimsókn
Vanhanen til Íslands sem forsætis-
ráðherra Finna, en hann hefur tví-
vegis áður komið til Íslands.
Að loknum fundi Halldórs og
Vanhanen fór finnski forsætisráð-
herrann í ferð um Suðurland. Hann
skoðaði Nesjavallavirkjun og Þing-
velli. Um kvöldið skoðaði hann ís-
lensk handrit í Þjóðmenningarhús-
inu.
Matti Vanhanen, forsætisráðherra Finnlands, ræddi um Evrópumál í opinberri heimsókn á Íslandi
„Skil vel að hin sameig-
inlega fiskveiðistefna
ESB sé vandamál“
Morgunblaðið/ÞÖK
Halldór og Vanhanen ræddu um málefni NATO og ESB á fundi sínum.
SEX konur og sex karlar hafa sam-
eiginlega tilkynnt um framboð til
stjórnar Heimdallar á aðalfundi hans
nk. laugardag. Í tilkynningu frá
framboðinu segir að formannskandi-
dat þess sé Bolli Thoroddsen verk-
fræðinemi.
„Við sem nú bjóðum fram krafta
okkar í þágu Heimdallar höfum mikla
reynslu af félagsstarfi, einkum í
framhalds- og háskólum landsins. Við
viljum nýta þessa reynslu til að gera
Heimdall að öflugustu stjórnmála-
hreyfingu ungs fólks á Íslandi. Við
viljum fjölga virkum félagsmönnum
og skapa þeim vettvang til áhrifa og
þroska í stjórnmálum. Heimdallur á
að vera Sjálfstæðisflokknum í senn
stuðningur og aðhald. Við erum með
opna kosningaskrifstofu síðdegis og á
kvöldin í Ármúla 1 og þangað eru allir
velkomnir. Við opnum heimasíðu
mánudaginn 9. ágúst, www.blatt.is
Formannskandidat er Bolli Thor-
oddsen verkfræðinemi og fulltrúi í
borgarstjórnarflokki Sjálfstæðis-
flokksins, inspector scolae í MR
2001–02, gjaldkeri skólafélags MR
árið áður og gjaldkeri Vöku – Félags
lýðræðissinnaðra stúdenta við HÍ,
árið 2003, Stefanía Sigurðardóttir
nemandi í Fjölbrautaskólanum í
Breiðholti, formaður Nemendafélags
FB 2003–04, Tómas Hafliðason
meistaranemi í verkfræði við Há-
skóla Íslands og framkvæmdastjóri
Kælivéla ehf., Ýmir Örn Finnboga-
son viðskiptafræðingur, gjaldkeri
Visku, nemendafélags Háskólans í
Reykjavík, 2002–04, sat í verkefnis-
stjórn Jafningjafræðslunnar 1997–98
og var gjaldkeri Félags framhalds-
skólanema 1999–2000, Davíð Ólafur
Ingimarsson hagfræðingur og meist-
aranemi í hagfræði v. HÍ, formaður í
Íþróttafélagi MR 1999–2000, formað-
ur Íþróttafélags hagfræðinema v. HÍ
2000–03 og situr í stjórn Taflfélags
Reykjavíkur, Drífa Kristín Sigurðar-
dóttir laganemi við HÍ, í ritstjórn vef-
ritsins deiglan.com og formaður
Vöku, félags lýðræðissinnaðra stúd-
enta við HÍ, 2003-04, Kári Allansson
tónlistarnemi, varaformaður og ritari
Keðjunnar, nemendafélags Kvenna-
skólans í Reykjavík, 2001–02 og for-
maður íþróttanefndar skólans 2000–
2001, Guðrún Pálína Ólafsdóttir við-
skiptafræðingur, penni á vefritinu
deiglan.com og varamaður í stjórn
Sjálfstæðisfélagsins í Nes- og Mela-
hverfi, Helga Kristín Auðunsdóttir
BS í viðskiptalögfræði og meistara-
nemi við Viðskiptaháskólann á Bif-
röst, formaður Félags nemenda í við-
skiptalögfræði þar, áheyrnarfulltrúi í
stjórn ELSA, Evrópusamtökum
laganema og alþjóðafulltrúi í Félagi
viðskiptalögfræðinga, Óttar Snædal
nemandi í Verslunarskóla Íslands,
Ásta Lára Jónsdóttir nemandi í Fjöl-
brautaskólanum í Breiðholti, mark-
aðsstjóri nemendafélags FB og leið-
beinandi í Jafningjafræðslunni,
Sesselja Dagbjört Gunnarsdóttir við-
skiptafræðinemi við HÍ, formaður
Mágusar, félags viðskiptafræðinema,
í ritstjórn Viljans, skólablaðs Versl-
unarskóla Íslands 2000–01,“ segir í
yfirlýsingunni.
Bjóða sig fram til
stjórnar Heimdallar
Ellefu bjóða sig fram til stjórnar Heimdallar ásamt Bolla Thoroddsen. Á
myndina vantar Ástu Láru Jónsdóttur. Kosið verður nk. laugardag.
NIÐURSTAÐA rannsóknar sem
sérfræðingar Frumherja gerðu á
vörubíl sem steyptist fram af brúnni
yfir Laxá í Laxárdal í Dölum á
þriðjudag eftir árekstur við jeppa,
leiðir í ljós að hemlabúnaður eða
annar búnaður vörubílsins var ekki
bilaður, að því er Jóhannes B. Björg-
vinsson, lögregluvarðstjóri hjá lög-
reglunni í Búðardal, segir.
Umræða um að hemlabúnaður eða
annar búnaður bílsins hafi verið bil-
aður á því ekki við nein rök að styðj-
ast, að sögn Jóhannesar. Aðspurður
um hvort ökumenn hafi vanmetið að-
stæður segir Jóhannes allt benda til
þess, t.a.m. sé aðkoma að brúnni
mjög slæm. „Miðað við skýrslur sem
vitni hafa gefið mér [...] get ég ekki
lesið út úr því annað en að þarna hafi
ökumenn bara báðir einhverja hluta
vegna mismetið aðstæður á vett-
vangi,“ segir Jóhannes en tvær kon-
ur sem voru hvor á sínum bílnum
urðu vitni að atvikinu.
Hemlunarbún-
aður var í lagi
FISKIDAGURINN mikli var hald-
inn hátíðarlegur á Dalvík sl. laug-
ardag og sóttu um 27.000 manns
bæjarbúa heim, að sögn Júlíusar
Júlíussonar, framkvæmdastjóra
hátíðarinnar, og sporðrenndu þeir
tæplega 100.000 matarskömmtum
með gestgjöfum sínum. „Þetta
tókst rosalega vel í alla staði, enda
fengum við sem fyrr frábæra gesti
í heimsókn. Ég hef heldur aldrei
fundið fyrir eins miklu þakklæti
frá fólki sem ég ekki þekki,“ sagði
Júlíus.
Það eru fiskverkendur í Dalvík-
urbyggð og fleiri góðir aðilar sem
standa að Fiskideginum mikla en
alls taka á þriðja hundrað sjálf-
boðaliðar þátt í deginum. Mark-
miðið er að koma saman, borða
fisk og eiga góðan dag saman.
Alls voru 15 matarstöðvar í gangi
og þá var boðið upp á fjölbreytta
dagskrárliði á sviði og um allt há-
tíðarsvæðið.
Tæplega
100.000
matar-
skammtar
í gesti
Morgunblaðið/Kristján
Skreiðarsúpa: Súpudrottningarnar
Hafdís Björg Bjarnadóttir og Jóna
Björnsdóttir buðu gestum upp á
skreiðarsúpu ásamt Úlfari Ey-
steinssyni matreiðslumanni.
Sælar systur: Þær voru ánægðar
með viðurgjörninginn á Dalvík,
systurnar Louisa og Kristín Jó-
hannesdætur. Þær voru að gæða
sér á fiskborgurum og grilluðu
hrefnukjöti.
Fjölmenni á Fiskideginum mikla á Dalvík á laugardaginn