Morgunblaðið - 07.09.2004, Side 11

FRÉTTIR
MORGUNBLAÐIÐ ÞRIÐJUDAGUR 7. SEPTEMBER 2004 11
Hér erum við
egur
Sæbraut
ata
kk
as
tíg
ur
LindargataHverfisgata
Vi
ta
stí
gu
r
Ba
ró
ns
stí
gu
r
ta
Njálsgata
Bergþórugata Skarphéð.gKa lau
t
au
ða
rá
rs
tíg
ur
rh
ol
t
Ski h lt
Brautarholt
Laugavegur
Hát
M
Hátún
Miðtún
Nó
at
ún
Samtún
Borgartún
H
öf
ða
tú
n
Sæ
Sæt
únSkúlatún
Skúlagata
Steintún
HLEMMUR
M
jö
ln
is
h.
Eldaskálinn
Brautarholti 3
105 Reykjavík
Sími: 562 1420
eldaskalinn@simnet.is
www.invita.com
Vegna 30 ára afmælis Invita fá kaupendur Elite
framtíðareldhússins afmælisgjöf frá Invita.
Við höfum nýtt 30 ára reynslu og sérhæfingu við
hönnun framtíðareldhússins, sem við köllum Elite
og viljum lofa þér að njóta þess með okkur.
Afmælistilboð á Elite allan septembermánuð
Komdu og sjáðu hvernig Elite afmælisinnréttingin
getur orðið þitt persónulega eldhús. En hafðu
hraðann á - þetta afmælistilboð Invita stendur
aðeins frá 23.ágúst til og með 30.september 2004.
Invita heldur upp á 30 ára afmæli
NÝJUNG
Elite Gæði að utan sem innan
Invita gæði eru ekki eingöngu í útlitinu.
Við samhæfum frábæra hönnun og
notagildi. Til dæmis skemmtileg
innlegg úr akasíutré í skúffur frá
30cm og upp í 120cm breidd.
Fáanleg spónlögð
eða litlökkuð
Tvöfaldur
afsláttur í
september!
RÍFANDI veiði er í Skógá undir
Eyjafjöllum og heildartalan í dag er
hærri heldur en metveiði í ánni til
þessa. Reyndar er Skógá ekki „göm-
ul“ í laxveiðiflórunni, því leigutaki
hennar, Ásgeir Ásmundsson, hefur
komið henni á kortið með göngu-
seiðasleppingum líkt og gert hefur
verið í Ytri- og Eystri-Rangá.
„Það hefur hvert methollið rekið
annað og þeir sem hættu 4. sept-
ember voru með 33 laxa á fjórar
stangir sem er það langmesta sem
eitt holl hefur veitt í Skógá frá því
að laxveiði hófst í ánni. Þá voru
komnir 180 laxar á land og næsta
holl á eftir var komið með 12 laxa
eftir fyrri daginn. Mesta laxveiði í
ánni til þessa var 131 lax. Auk þessa
eru komnir yfir 1.600 silungar á
land, mest bleikja að meðalþyngd
um 2 pund og nú síðustu daga hefur
aðeins borið á vænum sjóbirtingum í
bland við laxinn, m.a. 5 og 7 punda
fiskum,“ segir Ásgeir.
Meira í vændum
Hann sagði að veiðin nú væri
nokkuð í samræmi við væntingar
sínar, hann sleppti 38.000 göngu-
seiðum, en gæðin væru mismikil og
hann reiknaði ekki með að fá heimt-
ur nema frá u.þ.b. 20.000 seiðum og
þá kannski 200 laxa sumarveiði sem
virtist ætla að ganga upp og vel það.
„Horfurnar eru hins vegar miklu
betri fyrir 2005, því ég var í þetta
skipti með 38.000 gönguseiði í hæsta
gæðaflokki og allur pakkinn fór út á
réttum tíma. Ég geri mér því vonir
um allt að 400 laxa veiði næsta sum-
ar,“ bætti Ásgeir við.
Austurbakkinn …
Ásgeir er líka með austurbakka
Hólsár sem er sameiginlegt vatn
beggja Rangánna auk Þverár. „Það
hefur gengið ótrúlega vel, en það
eru komnir yfir 130 laxar á land og
nærri 400 sjóbirtingar. Það sem
kemur skemmtilega á óvart er, auk
þess hve laxveiðin er góð, að með-
alþungi birtingsins er enn mjög góð-
ur, en venjulega hefur hann smækk-
að talsvert þegar liðið hefur fram í
september. Meðalþunginn er samt
enn 3–4 pund,“ sagði Ásgeir Ás-
mundsson.
Um 200 úr Fljótaá
Nærri 200 laxar hafa veiðst í
Fljótaá í Fljótum og allra síðustu
daga hefur verið bærilegasta kropp,
nokkrir laxar á dag á þrjár stangir,
auk vænnar bleikju, en um miðbik
sumarsins var sérstaklega lífleg
veiði og góðar smálaxagöngur héldu
mönnum við efnið. Allt síðasta sum-
ar veiddust aðeins 49 laxar í ánni,
þannig að þetta eru veruleg um-
skipti til hins betra, eins og svo víða
á norðanverðu landinu.
Glæðist í Varmá
Valgeir Ásgeirsson, veiðivörður
við Varmá og Þorleifslæk, sagði
talsvert af sjóbirtingi gengið í ána,
sérstaklega hefði áin tekið við sér
eftir rigningarnar á dögunum, en þá
hefði vatnsmagnið margfaldast eftir
langa þurrkatíð, áin hreinsað sig af
slýi og fiskur gengið upp og dreift
sér. „Menn hafa verið að fá ’ann síð-
ustu daga,“ sagði Valgeir.
Hvert
methollið
rekur ann-
að í Skógá
Hannes V. Ólafsson með vænan
birting úr Varmá.
ERU
ÞEIR AÐ
FÁ’ANN?
EINAR Oddur Kristjánsson og
Magnús Stefánsson, þingmenn
Norðvesturkjördæmis, segjast gera
sér vonir um að stuðningur við til-
lögu um háskóla á Vestfjörðum eigi
eftir að aukast. Málið hafi mikla
þýðingu fyrir Vestfirði.
Á síðasta ári lögðu Kristinn H.
Gunnarsson, Magnús Stefánsson,
Einar Oddur Kristjánsson og Gunn-
ar I. Birgisson fram þingsályktun-
artillögu um háskóla á Vestfjörðum.
Einar Oddur sagði að stuðningur
hefði komið úr ýmsum áttum við
þessa tillögu. Og þó að sumir séu
með hugmyndir um aðrar áherslur
en hefðu verið í þingsályktunartil-
lögunni skipti það ekki öllu máli.
„Það skiptir miklu máli að við tök-
um fyrstu skrefin og þreifum okkur
áfram.“
Einar Oddur sagði að heimamenn
byndu miklar vonir við þetta mál og
tillögurnar séu raunhæfar. „Reynsl-
an sýnir það alls staðar að þetta er
mjög fallið til þess að styrkja
byggðir.“
Magnús Stefánsson sagðist trúa
því að stuðningur við tillögu um há-
skóla á Vestfjörðum ætti eftir að
aukast. Hann sagði að þingsálykt-
unartillaga frá síðasta þingi um
þetta efni yrði endurflutt á komandi
þingi.
Magnús sagði að heimamenn
hefðu mikinn áhuga á að koma upp
háskóla á Vestfjörðum. Það hefði
komið berlega fram á ráðstefnu sem
ungt fólk á Vestfjörðum stóð fyrir í
sumar um hagsmuni Vestfjarða og
byggðaþróun. „Þetta á eftir að
skipta miklu máli fyrir Vestfirði. Ég
er ekki í nokkrum vafa um það,“
sagði Magnús.
Háskóli á Vestfjörðum
Mikilvægt að við tök-
um fyrstu skrefin
INGIBJÖRG Sólrún Gísladóttir,
varaformaður Samfylkingarinnar,
sagði kaup Símans á fjórðungshlut í
Skjá einum ásamt fleiri málum, sem
hæst hafa borið í stjórnmálunum í
sumar, snúast um það hverjir ættu
Ísland og hefðu aðgang að völdum
og áhrifum samkvæmt erfðarétti og
hvernig menn reyndu að halda í þau
völd. Kom þetta fram í máli hennar
á mánudagsfundi Samfylkingarinn-
ar í Kópavogi í gærkvöld, þar sem
rætt var um stjórnmálaástandið í
sumar. Rætt var um fjölmiðlamálið,
stjórnarskrármálið, skýrslu nefnd-
ar um stefnumótun íslensks við-
skiptaumhverfis og framsóknar-
konur og Símamálið.
Sagði hún málflutning Sjálfstæð-
isflokksins í fjölmiðlamálinu í hróp-
legri andstöðu við hugmyndir
flokksins um frelsi atvinnulífsins.
„Það er líka í hróplegri andstöðu við
hugmyndafræði flokksins það sem
er að gerast innan Símans núna,“
sagði hún. „Ég held að ástæðan fyr-
ir því að menn snúa blinda auganu
að því, sé sú að þetta geti verið liður
í söluferli Símans þegar þar að
kemur og geti verið liður í því að
reyna að sjá fyrir að það séu réttir
aðilar sem fá þessa hluti upp í hend-
urnar þegar þar að kemur.“
Skortir samræðustjórnmál
Ingibjörg Sólrún sagði öll um-
rædd mál til marks um skort á sam-
ræðustjórnmálum, en hefðu snúist
um vinnubrögð og notkun valds, eða
því sem hún nefndi valdstjórnunar-
lýðræði. Vonandi hefðu menn lært
eitthvað af fjölmiðlamálinu þegar
kæmi nú að samkeppnismálunum.
Núna hefði fólk séð upptakt að svip-
uðum vinnubrögðum í samkeppnis-
málunum og í fjölmiðlamálinu með
því að sett hefði verið á stofn nefnd
valdra sérfræðinga og pólitískra
trúnaðarmanna. „Nú er búið að
skila skýrslu sem er að mörgu leyti
faglega unnin,“ sagði Ingibjörg Sól-
rún. „Síðan er skýrslan lögð fram
og núna fer hópurinn í að semja
frumvarp og það er enginn sem á
aðkomu að þeirri frumvarpssmíð,
heldur er hún undir handarjaðri
ríkisstjórnarinnar.
Ég er auðvitað að vona að menn
hafi eitthvað lært í fjölmiðlamálinu
og menn bjóði meira upp í um-
ræðuna, en það er ekkert sem bend-
ir sérstaklega til þess; skýrslan er
komin fram, þeir segjast ætla að
semja frumvarp og hleypa engum
að samningu þess. Svo kemur það
fram sem stefna ríkisstjórnarinnar
og þá er kannski allt komið í hálf-
gerðan hasar. Eitt vakti athygli
mína í skýrslunni, að það er alltaf
verið að segja frá því að ríkisstjórn-
ir hér og þar hafi lagt fram það sem
kallað er umræðuplögg um hvernig
samkeppnisumhverfi eigi að líta út.
Samin eru umræðuplögg sem lögð
eru inn í samfélagið til umfjöllunar
og umræðu og gefinn tími til þess.
Það koma fram alls kyns sjónarmið
sem eru vegin og metin og í kjölfar
þess er svo sest niður og velt fyrir
sér hvernig löggjöfin eigi að líta út.
En hér læra menn aldrei, hvorki af
öðrum né mistökum sínum og það
er aldrei boðið upp í þessa vegferð.
Þessi lýðræðisvitund virðist aldrei
vera til staðar að menn gefi góðan
kost á umræðu og komi svo saman
og reyni að semja frumvarp sem
lágmarkssátt er um.“
Ingibjörg Sólrún sagðist óttast
að endurskoðun stjórnarskrárinnar
færi í svipaðan farveg og fjölmiðla-
málið en sagði að þjóðin ætti að
vera stjórnarskrárgjafinn. „Að
mínu viti verður að tryggja að þjóð-
in geti með einhverjum hætti komið
að málinu en ekki bara í gegnum
formlega kjörna fulltrúa á Alþingi.“
Sagði hún sérkennilegt varðandi
einn þátt stjórnarskrárinnar, kjör-
dæmamálið, að það skyldu alltaf
vera þingmennirnir sjálfir sem
hefðu sýslað með kjördæmamálin.
„Þeir eru alltaf að fjalla um sjálfa
sig, þeir sitja yfir kjördæmamálun-
um, sjá fyrir sér hvernig eigi að
skipta landinu upp í kjördæmi og
reikna alltaf út frá sjálfum sér.
Auðvitað væri það miklu nær að
þjóðin kæmi að því með einhverjum
hætti að skoða kjördæmamálin út
frá almannahagsmunum en ekki
einkahagsmunum einhverra þing-
mannanna.“
Það mál sem reis hátt nú í sum-
arlok, þ.e. staða kvenna innan
Framsóknarflokksins, á að mati
Ingibjargar það sameiginlegt með
lýðræðismálunum, fjölmiðla- og
samkeppnismálunum, að þar risu
deilur vegna vinnubragða og notk-
unar valds. „Framsóknarkonur
hafa staðið andspænis því, eins og
margar aðrar konur í öðrum flokk-
um, að þeim hefur verið ýtt til hlið-
ar til að rýma fyrir ungum karl-
mönnum. Í prófkjöri Sjálfstæðis-
flokksins og kosningunum til
Alþingis síðast, duttu út nokkrar
konur og þurftu í rauninni að rýma
til fyrir ungum karlmönnum. Það
var sagt að það skipti svo miklu
máli að fá reynsluheim ungra karl-
manna inn á þing.
Framsóknar- og sjálfstæðiskon-
um hafa í gegnum tíðina verið
skömmtuð svolítil völd í smá-
skömmtum en það hefur verið
ákveðið af forystu flokkanna hvað
þær fengju mikið, hvenær og hverj-
ar. Og ég held að framsóknarkonur
hafi skyndilega áttað sig á að þessu
valdi hefur verið útbýtt til þeirra og
þær ætluðu sér ekki að sætta sig við
það lengur.“ Sagði Ingibjörg að
menn væru að átta sig æ betur á því
að sú aðferðafræði sem notuð væri í
íslenskum stjórnmálum gengi ekki
lengur og væri úrelt.
Ásgeir Friðgeirsson varaþing-
maður lýsti þeirri skoðun sinni að
stokka ætti Símann upp og aðskilja
sjónvarp og Breiðbandið og að-
greina grunnnet frá virðisaukandi
þjónustu, en Flosi Eiríksson, bæj-
arfulltrúi í Kópavogi, var andsnúinn
uppstokkun fyrirtækisins.
Ingibjörg Sólrún Gísladóttir á fundi Samfylkingarinnar
Vonar að menn hafi lært
eitthvað af fjölmiðlamálinu
Morgunblaðið/Kristinn
Ingibjörg Sólrún Gísladóttir ræddi stjórnmálaástand sumarsins í gær.