Morgunblaðið - 18.10.2004, Blaðsíða 4

4 MÁNUDAGUR 18. OKTÓBER 2004 MORGUNBLAÐIÐ
FRÉTTIR
Skógarhlíð 18, sími 595 1000
www.heimsferdir.is
Stórkostleg borg í hjarta Evrópu, sem Íslendingum býðst nú að
kynnast í beinu flugi frá Íslandi. Kraká er fyrrum höfuðborg
Póllands og því höfðu konungar þar aðsetur sitt og ber borgin
þess ennþá merki enda ótrúlega margar minjar frá þeim tímum.
Hér getur þú valið um góð 3 og 4
stjörnu hótel í hjarta Kraká og
spennandi kynnisferðir með far-
arstjórum Heimsferða.
Munið Mastercard
ferðaávísunina
Kraká
1. nóvember í 3 nætur
frá kr. 19.990
Verð kr. 19.990
Flugsæti til Kraká, 1. nóvember með
sköttum. Netverð.
Símabókunargjald er kr. 1.500. á mann.
Verð kr. 2.800
Hótel per mann per nótt.
Völ um góð 3ja og 4 stjörnu hótel.
Netverð.
Símabókunargjald er kr. 1.500. á mann.
ÞRETTÁN kennarar við Digranesskóla snúa til starfa í
dag til að kenna átta einhverfum börnum, í kjölfar þess
að undanþága fékkst frá verkfalli grunnskólakennara
vegna barnanna.
Kópavogsbær greiðir kennurunum sömu laun og þeir
höfðu fyrir verkfall, þrátt fyrir að sumir kenni einungis
nokkrar stundir á dag, og fékk undanþágu fyrir alla
kennara sem koma á einhvern hátt að veru þessara
barna í skólanum á venjulegum degi. Þetta er í sam-
ræmi við kröfur Kennarasambands Íslands um und-
anþágubeiðnir og laun kennara sem fá undanþágu frá
verkfalli.
„Þetta er gert af mannúðarástæðum, við viljum endi-
lega að þessi einhverfu börn fái kennslu og umönnun
eins og vera ber,“ segir Gunnar I. Birgisson, formaður
bæjarráðs Kópavogs. Spurður hvort bærinn sé ekki
með þessu að gefa ákveðið fordæmi segir Gunnar:
„Hvers vegna ekki, verðum við ekki að hugsa um okkar
minnstu bræður og systur í þessu samfélagi líka?“
Gunnar sagði að Kópavogsbær væri að skoða fleiri
tilfelli þar sem til greina kæmi að sækja um und-
anþágu, en vildi ekki gefa upp að svo komnu máli hvaða
skóla hann ætti við.
Óttast ekki að
setja fordæmi
Kópavogsbær samdi vegna einhverfra barna í Digranesskóla
FORSETI borgarstjórnar Reykjavíkur segir eðlilegt að
kennurum sem snúa til starfa úr verkfalli séu greidd full
laun, og reiknar hann með að málið verði rætt á fundi
borgarstjórnar á þriðjudag.
„Við höfum nú ekki rætt þetta mál neitt sérstaklega,
en það kom mér satt að segja á óvart að það væri einhver
ágreiningur um þetta mál,“ segir Árni Þór Sigurðsson,
forseti borgarstjórnar. Kennsla fyrir átta einhverfa nem-
endur hefst í Digranesskóla í dag í kjölfar þess að sótt
var um undanþágu fyrir alla kennara sem að kennslu
barnanna koma og þeim greidd full laun, en það hefur
verið krafa kennara vegna undanþágubeiðna.
Árni segir ekki ólíklegt að Reykjavíkurborg fari sömu
leið: „Að mínu mati er það bara eðlilegt að þegar kenn-
arar eru kallaðir til starfa vegna undanþágna fái þeir sín
laun. […] Mér finnst þetta liggja í augum uppi og menn
séu kannski svolítið að þvæla málið fyrir sér með því að
gera það ekki.“
Árni setur þó fyrirvara við að allir kennarar sem á ein-
hvern hátt koma að degi þess barns sem sótt er um und-
anþágu fyrir séu kallaðir til starfa, og segir að það þurfi
að meta það í hverju tilviki fyrir sig hverjir þurfi að snúa
aftur til starfa.
Eðlilegt að
greiða full laun
SÁLFRÆÐIÞJÓNUSTA verður ekki niðurgreidd
á næstunni þótt Alþingi hafi breytt lögum á þann
veg að slíkt sé heimilt. Þetta kom fram í máli Jóns
Kristjánssonar heilbrigðisráðherra við utandag-
skrárumræðu um geðheilbrigðismál í seinustu viku.
Ásta R. Jóhannesdóttir alþingismaður segir í
pistli á vefsíðu sinni að þetta séu slæmar fréttir.
„Nú stendur fólki með geðræn vandamál, svo sem
þunglyndi, kvíða eða aðra geðræna kvilla, aðeins til
boða niðurgreidd þjónusta geðlæknis. Ég minni á
að viðtalsmeðferð er oft árangursríkari en lyfja-
meðferð. Slík meðferð á að vera sambærilegur val-
kostur. Nú kostar tími hjá sálfræðingi sjúklinginn
um eða yfir 5.000 krónur og er ljóst að margan sjúk-
linginn munar um þá fjárhæð. Hér er því verið að
beina fólki frekar til geðlæknis og jafnvel í lyfja-
meðferð, með niðurgreiðslu fyrir læknisþjónustu
einvörðungu. Þetta kallar á aukin útgjöld ríkisins
og er til verulegs óhagræðis fyrir sjúklinga. Alvar-
leg staðreynd er, að bið eftir tíma hjá geðlækni er
nú 3–5 mánuðir,“ segir hún.
Útgjaldarammi ráðuneytis
leyfir ekki samninga
Jón Kristjánsson sagði í samtali við Morgunblað-
ið að útgjaldarammi ráðuneytisins leyfði ekki að
samið yrði við sálfræðingana um endurgreiðslur
Tryggingastofnunar á þjónustu þeirra. Hann sagði
alveg óvíst hversu mikill kostnaðurinn yrði en ljóst
væri að hann myndi hlaupa á hundruðum milljóna.
Jón benti á að unnið hefði verið að því að efla sál-
fræðiþjónustu við heilsugæsluna, þar sem væru
bæði félagsráðgjafar og sálfræðingar að störfum,
og menn hefðu viljað þreifa sig áfram til að auka
þessa þjónustu með viðbótarfjárveitingum. Heil-
brigðisráðherra sagði sálfræðinga mjög hafa þrýst
á um að samið yrði um endurgreiðslu á þjónustu
þeirra en eins og staðan væri í dag væri ekki unnt
að verða við því.
Spurður hvort ekki væri um mismunun að ræða
þegar viðtöl við geðlækna væru greidd niður en
ekki viðtöl við sálfræðinga sagði Jón að það mætti
til sanns vegar færa. „Auðvitað vildum við gjarnan
gera þetta en staðan leyfir það ekki núna,“ sagði
hann.
Ekki útlit fyrir að TR nið-
urgreiði sálfræðiviðtöl
FEÐGAR sem höfðu gengið á Þver-
fellshorn á Esju villtust af leið í
svartaþoku á laugardag og óskuðu
eftir aðstoð. Svo heppilega vildi til
að fjórir björgunarsveitarmenn
voru við æfingar í Blikadal, norð-
vestan undir Esjunni, og voru þeir
fljótir á staðinn. Föðurnum og sex
ára syni hans var orðið örlítið kalt
en annars amaði ekkert að þeim.
Alls komu tæplega 30 menn frá
Landsbjörg að aðgerðinni.
Villtust af leið
á Esjunni
ÁTJÁN ungmenni voru handtekin
með fíkniefni á sér við Laugardals-
höll á föstudagskvöld þegar hljóm-
sveitin Prodigy hélt þar tónleika.
Flest voru um eða undir tvítugu en
sá yngsti er fæddur árið 1988. Fíkni-
efnin voru af öllu tagi, kannabisefni,
kókaín, amfetamín og e-pillur.
Að sögn lögreglunnar í Reykjavík
var þefvís hundur frá tollgæslunni í
Reykjavík fenginn til að aðstoða við
fíkniefnaleitina auk lögregluhunds.
Einn hinna handteknu var með sex
hassskammta en hinir voru allir með
neysluskammta. Tollhundurinn
fann fíkniefnalykt af fleirum, sem
getur bent til þess að þeir hafi ný-
lega neytt fíkniefna sjálfir eða hand-
fjatlað. Ekki fundust þó efni á fleir-
um.
Nokkur ölvun var við Höllina og
m.a. varð að færa 13 ára ofurölvi
stúlku á lögreglustöð.
Varðstjóri lögreglu segir afar lík-
legt að fíkniefnaeftirlit svipað því og
var við Laugardalshöll á föstudag
verði framvegis við aðra stórtón-
leika í borginni.
Tónleikagestir
með fíkniefni
FJÓRUM mönnum lenti saman inni
á skemmtistaðnum Nellys við Þing-
holtsstræti í fyrrinótt og lauk átök-
unum með því að einn þeirra var
skorinn hættulegum skurði á hálsi
með brotnu glasi. Við árásina hlaut
hann marga skurði í andliti og sást
m.a. inn í kjálkabein.
Einn var handtekinn, þó ekki sá
sem veitti manninum áverkann.
Vitað er hver árásarmaðurinn er
og í gær stóð til að handtaka hann.
Skorinn á háls
með glasi
„ÉG lenti í smástuði,“ segir Sól-
veig Arnarsdóttir leikona, en það
óhapp varð rétt fyrir hlé á sýningu
á Edith Piaf í Þjóðleikhúsinu á
laugardagskvöld að Sólveig fékk
raflost út frá ljósaseríu.
Sem kunnugt er þurfti að rýma
leikhúsið meðan á sýningu á Edith
Piaf stóð á föstudagskvöld vegna
elds í feitipotti í Þjóðleikhúskjall-
aranum, og var þetta því önnur
sýningin á verkinu í röð sem eitt-
hvað óvænt gerðist.
„Rétt fyrir hlé er atriði þar sem
við erum að dansa, og erum eitt-
hvað að sveifla okkur upp við súl-
ur. Utan um súluna er sería sem
sett er saman en hafði losnað í
sundur. Ég sá það ekki heldur
greip þarna í og fékk raflost. Ég
kastaðist aftur á bak en lenti mjög
heppilega í stól sem ég var nýbúin
að setja þarna fyrir aftan mig,“
segir Sólveig.
„Svo reyndi ég bara að hanga á
þessum stól á meðan Brynhildur
kláraði sitt atriði, það voru
kannski 30 sekúndur. Svo þegar
tjaldið var dregið fyrir hneig ég
saman. Eftir á held ég að ég hafi
fengið smásnert af losti, mér brá
náttúrlega svakalega.“
Sólveig segir starfsfólk Þjóðleik-
hússins hafa brugðist við af fag-
mennsku, kallað hafi verið eftir
sjúkrabíl og lækni. Komið hafi í
ljós einhverjar hjartsláttartrufl-
anir og því þótt rétt að hún færi á
slysadeild. Þess vegna hefði þurft
að klára sýninguna án hennar.
Sólveig leikur í leikritinu Böndin
á milli okkar, sem var frumsýnt í
gær, og var rafstuð laugardagsins
því ekki til að minnka stressið hjá
Sólveigu þetta kvöldið.
Morgunblaðið/Kristinn
Sólveig Arnarsdóttir lét raflostið ekki á sig fá og bjó sig undir frumsýningu í Þjóðleikhúsinu í gærkvöldi.
Fékk
rafstuð á
sviðinu