24 stundir - 17.04.2008, Blaðsíða 13

24stundir FIMMTUDAGUR 17. APRÍL 2008 13
Framkvæmum hugmyndir
Áætlað er að Slökkviliði Akra-
ness og Hvalfjarðarsveitar
áskotnist nýr slökkvibíll næsta
haust, en samningar voru
undirritaðir í vikunni.
„Við erum að hoppa einhverja
áratugi fram í tímann frá
þeim búnaði sem við höfum
haft,“ segir Gísli S. Einarsson,
bæjarstjóri á Akranesi. „Bíll-
inn er margfalt afkastameiri
en gömlu bílarnir okkar auk
þess að vera bæði liprari og
minni. Einnig er í honum all-
ur búnaður sem þarf, t.d.
klippur,“ segir Gísli.
Bíllinn kostar 26 milljónir og
greiðir Akraneskaupstaður
um 75%. þkþ
Heildsöluverð dýralyfja hefur
hækkað um 12-20% frá því í
janúar síðastliðnum sam-
kvæmt upplýsingum
frá lyfjagreiðslunefnd. Á vef-
síðu Landssambands kúa-
bænda segir að væntanlega sé
þar um að kenna geng-
islækkun krónunnar sem inn-
flytjendur hafi skilað sam-
viskusamlega út í verðlag.
Þá segir að Estrumat, Orbenin
og Orbeseal hafi hækkað
minnst, um 12,1%, en Lato-
cillin hefur hækkað langmest,
eða um 20%. Flest önnur lyf á
listanum hafa hækkað um ríf-
lega 15%.
Brot 432 ökumanna voru
mynduð á gatnamótum
Hringbrautar og Njarðargötu
í gær, samkvæmt upplýs-
ingum lögreglu. Fylgst var
með ökutækjum sem ekið var
eftir Hringbraut í vestur og yf-
ir fyrrnefnd gatnamót. Á átta
klukkustundum fóru 7.553
ökutæki þessa akstursleið.
Meðalhraði hinna brotlegu
var tæplega 76 km á klukku-
stund en þarna er 60 km há-
markshraði. Áttatíu og þrír
óku á 80 km hraða eða meira
en sá sem hraðast ók mældist
á 108. mbl.is
Slökkvilið fær nýjan bíl
Hoppa áratugi
fram í tímann
Dýralyf
Hækka í verði
um 12-20%
Hraði á Hringbraut
432 ökumenn
óku of hratt
Áætlað er að um 40.000 gestir hafi sótt
Safnahúsið á Ísafirði í fyrra sem er um 14%
meira en á árinu áður, samkvæmt upplýs-
ingum á vef BB.
Voru haldnar tólf sýningar og atburðir í
húsinu á árinu, sem hýsir Bæjar- og héraðs-
bókasafnið, Héraðsskjalasafnið, Listasafn Ísa-
fjarðar og Ljósmyndasafnið.
Opnunartíminn hefur sitt að segja
Á vef BB er aukin aðsókn meðal annars
skýrð með breyttum opnunartíma Safnahúss-
ins en honum var breytt í fyrrasumar.
Meðal annars var sú nýbreytni tekin upp
að hafa opið á sunnudögum þegar mest er
um ferðamenn í bænum. Sækja þeir töluvert
í safnið og þá aðallega „fólk sem hefur áhuga
á ættfræði og slíku“ að sögn Halldórs Hall-
dórssonar, bæjarstjóra á Ísafirði.
„Svo finnur fólk bara hvað það er gott að
vera þarna, þetta er æðislegt hús á góðum
stað,“ segir bæjarstjórinn.
Þarf að bæta aðstöðu fyrir námsmenn
Um 160 manns eru í háskólanámi á Vest-
fjörðum að sögn Halldórs, og nýta þeir safnið
mikið. Jafnframt sækja nemendur í Mennta-
skólanum á Ísafirði safnið en talið er að
aðstöðu fyrir framhaldsskólanema í Safna-
húsinu sé ábótavant og brýn þörf á að bæta
þar úr, „sérstaklega í greinum sem nýta gögn
safnanna“ segir á vef BB.
Nú eru níu nettengdar tölvur fyrir almenn-
ing í húsinu auk þess sem hægt er að tengja
fartölvur við netið með örbylgjuloftneti.
thorakristin@24stundir.is
Gestum fjölgar í Safnahúsinu á Ísafirði
Æðislegt hús á góðum stað
Safnahúsið Gestum hússins fjölgar ár frá ári en húsið
hýsir fjögur söfn.