24 stundir - 17.04.2008, Page 30

30 FIMMTUDAGUR 17. APRÍL 2008 24stundir
LÍFSSTÍLLHEILSA
heilsa@24stundir.is
Eftir Einar Jónsson
einarj@24stundir.is
Það hefur mikinn heilsufarslegan
og fjárhagslegan ávinning í för
með sér að draga úr áfengis-
neyslu landsmanna. „Áfengi er
varhugaverð vara að því leyti að
það má rekja fjögur prósent af
öllum dauðsföllum og örorku í
heiminum til þess. Það eru
kannski um 20% af öllum slysum
sem tengjast ökutækjum í heim-
inum sem má rekja til áfengis og
um einn fjórði af morðum,“ segir
Haukur Freyr Gylfason heilsu-
hagfræðingur. Hann áréttar um
leið að langflestir drekki án þess
að skaði hljótist af. „Við erum
aðallega að tala um þá sem valda
skaða. En eftir því sem áfeng-
isneysla eykst hjá þjóðum eykst
hún frekar hjá þeim sem drekka
mikið og eru þá til vandræða,“
segir hann.
Hækkanir og aðgengi
Í heilbrigðisáætlun til ársins
2010 er kveðið á um að draga eigi
úr áfengisneyslu.
„Ef verð á áfengi er hækkað
dregur úr neyslu. Það sama má
segja um aðgengi og auglýsinga-
bann. Þó að þetta sé ekki endi-
lega vinsælt hefur það áhrif,“ seg-
ir Haukur Freyr og bendir
jafnframt á að tekið geti tíma fyr-
ir hækkanir að hafa þessi áhrif.
„Það er eins og með bensínverð-
ið. Þegar bensínverðið hefur
hækkað segir maður við sjálfan
sig að maður ætli að draga úr
notkun bílsins en kemur því ekki
í verk alveg strax. Maður verður
að velta fyrir sér hvar maður geti
fengið strætókort eða gott reið-
hjól til að bjarga sér,“ segir
Haukur Freyr.
Meiri áhrif á yngra fólk
„Verðhækkanir myndu að öll-
um líkindum hafa meiri áhrif á
ungt fólk en allan almenning,“
segir Haukur ennfremur og tekur
undir að það hafi ekki jafnmikið
fé milli handa og þeir eldri.
„Það má segja það sama um
tóbak. Verðhækkanir á því hafa
frekar áhrif á unga neytendur en
eldri. Enn og aftur gerir maður
sér fyllilega grein fyrir því að það
væri ekki endilega vinsælt hjá öll-
um að sjá verðið á bjórnum eða
sígarettupakkanum hækka,“ segir
Haukur Freyr Gylfason að lok-
um.
Forvarnagildi verðhækkana á áfengi og annarra aðgerða
Hafa meiri áhrif
á unga fólkið
Verðhækkanir á áfengi
hefðu líklega meiri áhrif á
ungt fólk sem hefur
minna fé milli handa en á
hina eldri. Eftir því sem
áfengisneysla eykst hjá
þjóðum eykst hún frekar
hjá þeim sem drekka
mikið og eru til vand-
ræða að sögn heilsuhag-
fræðings.
Áhrif á ungt fólk Verðhækkanir
á áfengi myndu að öllum lík-
indum hafa meiri áhrif á neyslu
ungs fólks en á allan almenning.
➤ Haukur Freyr lauk M.Sc-prófi íheilsuhagfræði frá Háskól-
anum í York árið 2006.
➤ Áður hafði hann lokið MA-prófi í sálfræði frá HÍ, B.Sc-
prófi í hagfræði og BA-prófi í
sálfræði frá sama skóla.
➤ Haukur Freyr kennir við við-skiptadeild Háskólans í
Reykjavík.
HAUKUR FREYR GYLFASON
Sumri og sól fylgja ný tækifæri
til hreyfingar og útiveru. Fólk kem-
ur skíðum og skautum fyrir á sín-
um stað í geymslunni en dregur
þess í stað fram hjólabretti, reiðhjól
og önnur tæki sem henta árstíð-
inni. Aðrir reima á sig gönguskó og
klífa fjöll eða ganga um nágrennið.
Áhuganum viðhaldið
Þó að margir fyllist auknum
áhuga á útiveru og hreyfingu með
hækkandi sól á sá áhugi til að dvína
þegar líður á sumarið. Hægt er að
viðhalda áhuganum með ýmsum
leiðum. Þar skiptir mestu máli að
hafa gaman af því sem maður er að
gera.
Þeir sem hafa gaman af göngu-
eða hjólaferðum ættu að varast að
fara alltaf sömu leiðina heldur
breyta til og uppgötva nýja og
spennandi staði í nágrenninu.
Félagsskapur mikilvægur
Þá er upplagt að fá góða vini og
félaga í lið með sér. Sá sem stundar
hreyfingu einn er líklegri til að gef-
ast upp á henni en sá sem stundar
hana í góðra vina hópi.
Ef maður fær leið á einni íþrótt
er um að gera að breyta til öðru
hverju og prófa einhverja aðra.
Hreyfing og útivera má ekki vera kvöl og pína
Verður að vera skemmtileg
Góð og snyrtileg skrifstofuhæð óskast í Reykjavík til kaups eða leigu.
Frá 80-250 fermetrum að stærð en allt verður skoðað.
Vinasamlega hafið samband í síma 553-2222
Eggert Sk. Jóhannesson, Jóhannes Eggertsson, Ólafur Thoroddsen hdl.
Nánari upplýsingar veitir
Fasteignasalan Eignaver
Sími 553-2222 • eignaver.is
Síðumúli 13 • 108 Reykjavík
Skrifstofuhúsnæði
óskast til kaups eða leigu
20% afsláttur
fram á laugardag
Láttu
taka
eftir
þér!Ein heitasta
búðin í dag!