24 stundir - 19.06.2008, Blaðsíða 11

24stundir FIMMTUDAGUR 19. JÚNÍ 2008 11
H
ef
ur
g
æ
ði
n
LOKSINS ER KOMINN SMÁBÍLL FYRIR ÞÁ SEM HUGSA AF SKYNSEMI
Á morgun ætlum við að koma saman og gleðjast yfir komu Hyundai i10 - einum skynsamlegasta bíl sem
framleiddur hefur verið. Hann er smábíll, en samt furðu rúmgóður. Hann er sparneytinn, en samt snar í snún-
ingum. Hann mengar lítið og fær því frítt í bílastæði í miðborg Reykjavíkur.
En umfram allt er þetta flottur bíll á flottu verði. Skynsamlegur kostur í þessu árferði. Hann hentar líka öllum.
Hann er nógu stór fyrir fjölskyldur með börn eða bara eldri hjón með golfsettin í skottinu. Og hann er nógu
sætur fyrir unga fólkið, sem er að festa kaup á sínum fyrsta bíl. Líttu við hjá okkur í kaffi og kleinur og keyrðu
hring á spánnýjum Hyundai i10 – hann bíður eftir þér.
Allir sem reynsluaka i10
fá bíómiða fyrir tvo!
Kaffi, kleinur
og gos! i10 eyðir litlu!
FRUMSÝNDUR LAUGARDAGINN 21. JÚNÍ
Lítill og sætur
Sparneytinn og rúmgóður
Eftir Auði Alfífu Ketilsdóttur
fifa@24stundir.is
„Við erum að kortleggja þetta en
sumar deildir eru með mikla yfir-
vinnu en aðrar litla. Annars erum
við bara rétt að byrja að skipuleggja
þetta og getum lítið gefið út á það
eins og er,“ segir Guðrún Björg Sig-
urbjörnsdóttir, aðstoðarmaður
hjúkrunarforstjóra Landspítalans.
Hjúkrunarfræðingar á samningi
við ríkið greiða nú atkvæði um það
hvort grípa skuli til yfirvinnubanns
í kjarabaráttunni.
Að sögn Elsu B. Friðfinnsdóttur,
formanns félags hjúkrunarfræð-
inga, hefur atkvæðagreiðslan farið
vel af stað en henni lýkur á mið-
nætti á sunnudag. Niðurstöður
munu liggja fyrir á mánudag.
„Verði þetta samþykkt þurfum
við að boða til yfirvinnubannsins
með formlegum hætti, það er 15
daga fyrirvari,“ segir hún en býst
við að bannið hefði mikil áhrif.
Hún segir margar deildir spítal-
anna reiða sig á yfirvinnu hjúkr-
unarfræðinga, sérstaklega á sumrin.
Hjúkrunarfræðingar eiga fund
með samninganefnd ríkisins á mið-
vikudag en Elsa segir engu hægt að
spá um þann fund fyrr en niður-
stöður liggja fyrir. „Vonandi kemst
þá einhver hreyfing á viðræðurnar,“
segir hún.
„Yfirvinnubannið yrði ekki fyrr
en 10. júlí og þá eru lokanir spít-
alanna í hámarki en við munum
gera allt sem við getum til þess að
láta spítalann ganga án yfirvinnu,“
segir Guðrún Björg Sigurbjörns-
dóttir.
HVAÐ VANTAR UPPÁ?
Hringdu í síma 510 3700 eða
sendu póst á frettir@24stundir.is
Hjúkrunarfræðingar greiða atkvæði um yfirvinnubann
„Gerum allt svo spítalinn gangi án yfirvinnu“
➤ Kosningu hjúkrunarfræðingaum yfirvinnubann lýkur á
sunnudag.
➤ Hjúkrunarfræðingar fundameð samninganefnd á mið-
vikudag.
KJARAVIÐRÆÐUR
Vöruflutningabíllinn sem valt
um hádegisbilið í gær á leið frá af-
rein frá Reykjanesbraut inn á Vest-
urlandsveg til austurs valt á sama
stað og vöruflutningabíll valt fyrir
tveimur árum. Bíllinn sem valt nú
var á leið í Sorpu með rusl, að sögn
Guðbrands Sigurðssonar hjá lög-
regluembættinu í Reykjavík.
„Þarna hafa flutningabílar oltið
af og til gegnum árin. Hvort þessi
velta var vegna of mikils hraða, að-
stæðna, háfermis eða ofhleðslu
verður rannsókn að leiða í ljós,“
segir Guðbrandur. Miklar umferð-
artafir urðu í Ártúnsbrekku fram
eftir degi í gær vegna óhappsins.
Bílstjórinn mun hafa kvartað und-
an eymslum í baki. ibs
Miklar umferðartafir í Ártúnsbrekku
Valt við beygju
„Málið snýst um það hvernig við
nýtum tíma lögreglumanna og
hvaða verkefnum þeir eiga að sinna.
Tíma þeirra er ekki vel varið í tíma-
freka fangaflutninga,“ segir Stefán
Eiríksson, lögreglustjóri lögregl-
unnar á höfuðborgarsvæðinu, og
bætir við: „Sú hugmynd að byggja
gæsluvarðhaldsfangelsi á höfuð-
borgarsvæðinu leysir það atriði
klárlega.“
Björn Bjarnason segir í nýjum
pistli á heimasíðu sinni athugandi
að bjóða út flutninga gæsluvarð-
haldsfanga milli Litla-Hrauns og
Reykjavíkur. Lögregla keyrir nú þá
fanga sem sitja í gæsluvarðhaldi á
Litla-Hrauni til Reykjavíkur bæði til
yfirheyrslu og dóms.
Verði hugmyndir um nýtt gæslu-
varðhaldsfangelsi í Reykjavík að
veruleika verður þessi akstur úr sög-
unni en til stendur að það rísi við
nýjar höfuðstöðvar lögreglunnar á
höfuðborgarsvæðinu. Þá segir hann
mega skoða það hvort notast megi
við fjarfundabúnað við yfirheyrslur.
fifa@24stundir.is
Dómsmálaráðherra bendir á nýjar leiðir varðandi lögreglustörf
Tími lögreglu nýtist betur
Litla-Hraun Gæslu-
varðhaldsfangar eru nú
vistaðir á Litla-Hrauni.