Morgunblaðið - 29.10.2003, Blaðsíða 16
lifun
eldhús
Hugmyndir Elsu um eldhúsið voru þær að taka niður vegg milli eldhúss
og borðstofu en við það gjörbreyttist umhverfið. Einnig var glugga í
borðstofu breytt þannig að hægt yrði að ganga beint út á verönd. Við
þetta tengdust eldhús og verönd á skemmtilegan hátt sem mikið var
lagt upp úr en það gleymist sannarlega oft að hugsa fyrir þeim
möguleika. Á þennan hátt varð eldhúsið gleitt U þar sem hægt var að
setja innréttingu á einn langan vegg, undir 2 stóra glugga, hafa skápa
upp í loft til hægri, staka glerskápa til vinstri og stóra eyju í miðjunni.
Ekki er notast við hefðbundið eldhúsborð heldur er stórt borð-
stofuborð framan við eyjuna og gluggar frá gólfi og upp í loft á móti
eldhúsinu þar sem gengið er beint út í garðinn.
Skipulag innréttingar var vandasamt verk í svona opnu rými. Elsa hafði
hug á því að notast eingöngu við neðri skápana og eyjuna en við það
varð geymslupáss í eldhúsinu frekar lítið. Henni þótti hins vegar mikil-
vægt að skapa gott vinnu- og geymslupláss án þess að eldhúsið yrði of
þunglamalegt og þess vegna notaði hún glerskápa og valdi hvíta
innréttingu. Hliðarskáparnir gera leirtau aðgengilegt frá eldhúsi jafnt
sem borðstofu en auk þess setja þeir svip á eldhúsið, ekki síst þegar
dimmir þar sem ljós eru í glerskápunum. Tveir vaskar eru í eldhúsinu,
sem sjaldan er hægt að hafa vegna plássleysis en það er sérlega þægi-
legt þar sem yfirleitt eru þar tveir að störfum í einu. Skipulag og efnis-
val ná fram eldhúslegu yfirbragði sem samt er hlutlaust í opnu rýminu.
Eldhúsið var hannað með tilliti til þess að það skyldi standast tímans
tönn. Hvítar innréttingar voru valdar með klassískt útlit í huga og eru
einingarnar sem og stakir skápar og höldur frá HTH. Borðplata er úr
beyki sem og plata í borðstofuborði, ljósar flísar á gólfi við vinnusvæði
en gegnheilt eikarparket þar fyrir framan sem tengir borðstofu og
stofu.