Morgunblaðið - 29.10.2003, Blaðsíða 19

eldhús
Fyrir rétt um ári hannaði Svala eldhúsinn-
réttingu og skipulagði eldhús í nýbyggðu húsi
með mikla möguleika. Úr eldhúsinu er ein-
staklega fallegt útsýni og þaðan er gengið út
á góða verönd. Gluggar ná niður í gólf og er
rennihurð út í garð.
Hugmyndir Svölu um að möguleikar eld-
hússins myndu nýtast sem best byggðust á
tveimur grundvallaratriðum. Annars vegar að í
stað þess að hafa eyju í miðju rýminu að setja
upp n.k. skaga eða tengja eyju við vegg. Með
staðsetningu skagans var hægt að hafa hann
stærri og njóta útsýnis beggja vegna hans,
hvort sem er þegar verið er að elda eða
borða. Hins vegar að hafa alla eldhússkápa á
einum vegg, frá gólfi og upp í loft og láta
skápana ganga alla leið á sama veggnum
niður í þvottahús sem er tengt eldhúsinu.
Hjá Poggenpohl eru grunneiningar eldhússins
þær sömu hvort sem um er að ræða dýrara
eða ódýrara eldhús, en valið stendur á milli
ólíks útlits og áferðar á hurðum og öllum
aukahlutum svo sem ál, viður, sprautulakkað
o.s.frv. og eru í boði 8 verðflokkar. Í þetta eld-
hús valdi Svala hvíta, sprautulakkaða innrétt-
ingu en þess má geta að innréttingarnar eru
lakkaðar 8 sinnum til að tryggja gæðin. Þegar
keyptar eru Poggenpohl-innréttingar er úrval
aukahluta í skúffur og skápa mjög mikið og
mikið lagt í þá. Þar er einnig hægt að fá sér-
pantaða háfa, borðplötur, krana og vaska svo
eitthvað sé nefnt og skemmtilegur möguleiki,
sem Svala nýtir, er að kaupa harðplastplötur
frá Poggenpohl í sama lit og innréttingin og
setja á vegginn sem skaginn er tengdur við.
Þar er sérstök braut sniðin í klæðninguna þar
sem hengja má króka, hillur og hvað eina fyrir
ýmsa aukahluti.
Í þessu eldhúsi ákvað Svala að kaupa borð-
plötu úr Corean frá ORGUS en hún notar
hana á skagann og tengir hana frá vegg og í
vinkil niður í gólf. Innréttingin kemur síðan þar
undir en vaskur er í skaganum og helluborð
sem er frá SMEG. Háfurinn er sérpantaður frá
Poggenpohl og sniðinn yfir skagann. Hann er
ótrúlega öflugur, tengdur út, mótorinn er í bíl-
skúrnum svo ekkert heyrist í honum og
skynjari er í stað takka.
Hönnun eldhússins hefur reynst vel og þau
atriði sem lagt var af stað með í upphafi hafa
náðst fram á skipulegan hátt.
lifun