24 stundir - 03.07.2008, Blaðsíða 14

14 FIMMTUDAGUR 3. JÚLÍ 2008 24stundir
24stundir
Útgáfufélag:
Ritstjóri:
Fréttastjórar:
Ritstjórnarfulltrúi:
Árvakur hf.
Gunnhildur Arna Gunnarsdóttir
Björg Eva Erlendsdóttir
Magnús Halldórsson
Þröstur Emilsson
Elín Albertsdóttir
Auglýsingastjóri: Gylfi Þór Þorsteinsson Ritstjórn & auglýsingar: Hádegismóum 2, 110 Reykjavík
Aðalsími: 510 3700 Símbréf á fréttadeild: 510 3701 Símbréf á auglýsingadeild: 510 3711
Netföng: frettir@24stundir.is, auglysingar@24stundir.is, 24stundir@24stundir.is,
Prentun: Landsprent ehf.
Hollvinir Ríkisútvarpsins ganga nú fram fyrir skjöldu einn af öðrum og
krefjast þess að stjórnvöld standi við fyrirheit um framlög til ríkisfjölmið-
ilsins í samræmi við það sem menntamálaráðherra og ríkisstjórn lofuðu
þegar ný lög um Ríkisútvarpið ohf. voru samþykkt.
Hollvinasamtök Ríkisútvarpsins, Fjórðungssamband Vestfjarða, Félag
fréttamanna, fulltrúi VG í stjórn Ríkisútvarpsins ohf. og stjórnarand-
staðan núverandi syngja saman kröfusönginn um meira rekstrarfé. Þeir
mótmæla niðurskurði sem bitni á öryggishlutverkinu, fréttaþjónustunni
og mest á landsbyggðinni.
Guðni Ágústsson, formaður Framsóknarflokksins, lýsir því yfir brúna-
þungur að útvarp allra landsmanna eigi nú engan vin í ríkisstjórninni. Það
er vonum seinna að formaðurinn átti sig á því. Hvar var Guðni þegar lög-
in um ohf-ið voru samþykkt? Jú, í ríkisstjórninni! Varla hefur hann trúað
því þá að frumvarpið um að breyta RÚV í hlutafélag hafi verið flutt af vin-
um ríkisrekins útvarps! Og hafi hann trúað því er hann auðginntari en
heppilegt getur talist. Guðni ætti að hafa tekið eftir því að frumvarpið um
breytt rekstrarform RÚV flutti þingmaður sem áður hafði lagt fram frum-
varp um að einkavæða stofnunina.
Hollvinirnir og Guðni eru langt á eftir tímanum. Þeir eru að verja Rík-
isútvarpið eins og það var í gamla daga.
Ríkisútvarpið er orðið fyrirtæki á markaði og löngu hætt að haga sér
eins og þjóðarútvarp. Það segir upp ódýrum lykilstarfsmönnum úti á
landi en launar best þá sem keppast alla daga við einkareknu miðlana um
vinsælasta afþreyingarefnið. Forráðamenn fyrirtækisins eyða svo púðri í
að verja launaleynd og stjórna eins og RÚV sé stórfyr-
irtæki í útrás en ekki fjölmiðill í almannaþjónustu.
Með síðustu aðgerðum stjórnenda RÚV birtist skýr
sýn. Þeim hugnast ekki hefðbundið hlutverk og til-
gangur Ríkisútvarpsins og telja svæðisútvarp ekki
mjög mikilvægt. Það er sjónarmið sem margir deila
með þeim. Hollvinirnir og Guðni gera það ekki. En
vinir RÚV eru á rangri braut þegar þeir hrópa á meira
fjármagn strax. Þeir ættu frekar að efna til umræðu
um hvort eða hvernig Ríkisútvarpið gegnir því al-
mannavarna- og almannaþjónustuhlutverki sem rétt-
lætir að ríkið reki fjölmiðil. Verði niðurstaðan sú að
svo sé ekki lengur, þá er fátt eftir annað en að dusta
rykið af frumvarpi nokkurra þingmanna Sjálfstæð-
isflokksins um einkavæðingu Ríkisútvarpsins.
Hollvinir sýndar-
veruleikans
500 milljarðar fyrir einkavæddu
bankana sem græða fyrir hluthaf-
ana, ekkert mál. Fleiri hundruð
milljónir fyrir hé-
gómlega umsókn
að öryggisráði
Sameinuðu þjóð-
anna, ekkert mál.
Eilífar brosandi
ferðir um allan
heim með dag-
peningum, fylgd-
arliði og sóun,
ekkert mál. Varnarmálastofnun
og hernaðarútgjöld upp á að
ganga 2 milljarða, ekkert mál.
En að bæta hag 200 ljósmæðra í
landinu? Leiðrétta kjör þeirra eft-
ir 6 ára háskólanám? Standa við
gefin loforð? Nei, þar er farið yfir
strikið. Allar ljósmæður eru
hjúkrunarfræðingar.
Guðfríður Lilja Grétarsdóttir
vglilja.blog.is
BLOGGARINN
Ekki í lagi
Við Sigurveig ætlum að gifta okk-
ur hér á Folegandros í kvöld.
Þetta verður borgaraleg athöfn,
undir stjórn bæj-
arstjórans hér sem
heitir Lefteris –
hvorugt erum við
meðlimir í hinni
fornu grísku kirkju.
Veislan verður hald-
in í blómagarði sem
heitir Pounta. Veit-
ingar verða að
grískum sið. Mesta spennan hefur
verið hvort bærust í tæka tíð föt
sem ég hafði pantað mér vegna
búðkaupsins. Þau komu seint í
gærkvöldi, með síðasta skipinu
sem hingað kom fyrir athöfnina.
Annars hafði ég hugleitt að breyta
um og halda brúðkaupið á lítilli
nektarströnd.
Egill Helgason
eyjan.is/silfuregils
Brúðkaup
Prófessorinn bendir á að vandi ís-
lensks efnahagslífs snúist ekki síst
um að Seðlabankinn og jafnvel ís-
lenska ríkið séu
ekki nægilega stór
í sniðum til að
vera bakhjarl fyrir
fjármálageirann
og skuldir lands-
manna.
Samfylkingin hef-
ur haft á stefnu-
skrá sinni að Ís-
land gangi í Evrópusambandið.
Samfylkingin hefur líka leynt og
ljóst á stefnuskrá sinni að Ísland
taki upp evruna sem ekki verður
gert á annan hátt en með inn-
göngu í ESB. Með því að taka upp
evruna myndi íslenskt efnahagslíf
og þar með bankarnir sjálfkrafa fá
Seðlabanka Evrópu sem bakhjarl.
Árni Snævarr
arni.eyjan.is
Bakhjarlinn
Björg Eva
Erlendsdóttir
beva@24stundir.is
Ljósmæður hafa sagt upp störfum vegna
lélegra launa. Nám ljósmæðra er sex ára
háskólanám og laun þeirra í engu samræmi við
lengd og umfang náms eða þær hæfniskröfur sem
gerðar eru til þeirra sem sérfræðinga í ljósmæðra-
fræðum.
En af hverju eru laun þeirra svona lág? Í umræðunni
undanfarna daga hef ég heyrt og lesið setningar eins
og „ lífsnauðsynleg kvennastétt“ , „konur geta ekki
haldið í sér“ og fleira í þeim dúr. Getur verið að
hróplega lág laun þessarar stéttar eigi sér þá skýr-
ingu að hér er um ræða störf sem eingöngu konur
sinna? Í þjóðarvitundinni séu ljósmæður konur sem
vinna fallega og göfuga vinnu en ekki litið á þær
sem sérfræðinga með langt og strangt nám að baki
sem krefur þær um mikla sérþekkingu?
„Konur geta ekki haldið í sér“!! Hvað þýðir þetta?
Eru konur einar að eiga börn í þessu samfélagi okk-
ar? Eru ekki foreldrar að fara að eignast barn? Hafa
karlar ekki áhyggjur af yfirvofandi fæðingu barns
síns og jafnvel lífi barnsmóður sinnar? Eða vænt-
anlegir afar og ömmur?
Umræðan á að snúast um mikilvægi starfsins og
launin eiga að vera í samræmi við þær kröfur sem
gerðar eru til þess.
Það er lítilsvirðing gagnvart ljósmæðrum að skipa
þeim á lægri stall en öðrum háskólamenntuðum
stéttum með sambærilega menntun. Var það ekki
ein af heitstrengingum núverandi ríkisstjórnar að
minnka skuli óútskýrðan kynbundin launamun? Og
þá sérstaklega hjá hinu opinbera.
Ábyrgð ljósmæðra er mikil og vinnutíminn óreglu-
legur og langur. Fæðing nýs ein-
staklings er merkisviðburður í lífi
fólks og væntingar okkar eru að fá
heilbrigðan einstakling í heiminn.
Gleðin yfir nýju lífi er mikil og við
metum gæfu okkar í börnunum
okkar, eða hvað? Hví eru laun þeirra
sem sýsla með veraldlega hluti hærri
en þeirra sem taka á móti nýju lífi í
þennan heim? Spyr sú sem ekki veit.
Höfundur er ljósmóðir
og framhaldsskólakennari
Uppsagnir ljósmæðra
ÁLIT
Ágústa Jó-
hannsdóttir